الجزء 66 من واش طيبتي اليوم - الصفحة 38

أم ماجد · 2014-03-30, 20:20

شكرا لبنات ربي يحفظكم
عشاانا شربة فريك
ومن وراء المسلسل هههههههههه ندير صابلي عندي ضياف جايين معروضين نهار الثلاثاء

الأمنيات · 2014-03-30, 20:24

ام ياسين خبز الفرماج شفته الكيكة لا لا
يعطيك الصحة

lahna moka · 2014-03-30, 20:25

أم ماجد الله يبارك كلشي بالطبع و الوالد و الوالدة ربي يحفظهملك و يديمهم على راسكم يا رب
حنان حبيبة قلبي أنا تاني نصنع بزاااااف انواع حلوى بصح اللي نحب نتقهوا بيهم هي الحلوى الجافة كيما هاذي و البوتي فور و غيرها هههههه , بصحتكم المحاجب و قلب اللوز ععععع قلبي الصغير لا يتحمل غدوة لوكان ما نديروش عععع قتلتيني بيه

aphrodite16 · 2014-03-30, 20:31

هههه لهونتي ادا ما درتيهش ارواحي نتقاسم هدا معاك ههه
هاوليك وجد و شربتو و غدوة ان شاء الله باش نقسمو هدا ادا خلاتو ختي هبة هه

ادرارية · 2014-03-30, 20:32

لهنة غيرقولولي مرد وماتفوت هكدا واش رانا ما بنبانوش راكم لصقتو فيا كي ليدغوg وراني حابة نقص شوية من المنتدى خاطرش الدخول قرب وراني غير نخمم

melissat · 2014-03-30, 20:39

راني جيت وجبت معيا كوارث مطبخية
فالويكاند كان المورال طايح قلت والله نطلعه من خلال تطبيقاتي لغاليتي لهاليبو انشاءلله تكون بخير
المهم رحت شريت وش خصني ودخلت للكوزينة قلت نبدا بالباناكوطا..درت كلش كيما قالت حبوبتي بصح شكيت خليتها طالت شوية فوق النار عليها جات ثقييييييييييييييييلة بزاف متقدريش تفوتيها في فمك ومش بيضا كيف نتاعها درتها بالكرام فراش ثقيلة..اول مرة نعمل باناكوطا هاهي بلا مانحكيكم على الكراميل

الكراميل عمرها ولا صلحت معايا (غي هنا هنا بديت نطيب .. بيناتنا هذي)

lمن بعد درت تارت الموز و الكراميل شهاتني فيها لهلوبة وقلت من نصائح الهام اكيد رح ننجح
نظرتها تشهي (قبل ما نقسمها)

الا ان النتيجة عكس ذلك
المشكل فالكراميل انا درتها بالحليب وشويه ثان حرقتها ..مصيبة اناهههههههههههه
ومن فوق التارت درت المورانق بغيتها بالمورانق..كي دخلتها تطيب شعلت من فوق وانا فرحانة غي وينتا توجد
فالبدية منتبهتش بصح مين بردت وقالولي خواتاتي هاتي التارت وانا لقيتها تعوم والله تعوم في بحر الكراميل هههههههههه
شكيت انا مين رجعت للنار طلقت ورجعت كي شغل ماء
مزيه كنا غي حنا فالدار مكنش ضياف كون شبعو عليا ضحك
شوفو كيف ولات

قريب نبكي بصح نقول وناكد الخطا فيا انا انا اللي غلطت مش حبيبتي الهام وصفاتها لا يعلى عليها

المهم كان مصيرها الزبالة
وتقولو نضعرت .. والو .. زدت جربت المادلان الهشوش
انا درت ضعف العبر
بصح وكاني غلطت فالحساب في عوض 8 علب فرينة درت 9 لازم نعاود الدراسة
ختامها مسك النتيجة

جات البارح عندنا اختي وزوجها وعجوزتها وحماها وحطيتلهم المادلان

ومين جاو رايحين اعطيتهم منوا شوية
فرحوا بيه
كوشتنا شويه متحمرش مليح بالصح البنة 44444444444444

شوفو من داخل

هذي هي حكاية انسانة مبتدئة تتحدى وتخطا وتعاود حتى تتعلم
انشاء الله لهلوبة ربي يشافيها وترجع لينا بخير وتقولي رايها وتزيد تفهمني خاصة فالباناكوطا(راسي غليظ) ههههه

lahna moka · 2014-03-30, 20:42

حنان ربي يحفظك حبيبتي خرج يهبل
أدراري حبيبتي مرحبا بصح ما فهمتش واش حبيتي تقولي فهمت برك الجزء الثاني من الكلام هههههههه بلي راه الدخول المدرسي قريب و نتي والفتينا ,بصح الجزء الأول واش حبيتي تقوليلي؟؟؟

أم ماجد · 2014-03-30, 20:46

مليسات معليه المهم ختامها مسك
الحياة تجربة

aphrodite16 · 2014-03-30, 21:01

هههههه ميليساات ضحكتيني مي هده هي الكوزينة دايما حاجة تصيب حاجة تخيييب و بصحتكم المادلاااان

ادرارية · 2014-03-30, 21:26

هدا عشايا اليوم حريرة ودنجال وعصير الجزر

R I A D · 2014-03-30, 21:29

السلام عليكم
صحة عشاكم يا الخاوة
انا عشايا دولمة فلفل و سلاد و الحمد لله
ديجا اني نسيت نص الاسامي
منال اجهضت حنونة ربي يشفيك و يعافيك و يرزقك بالذرية الصالحة امين
ام ماجد عزيزتي الله يبارك على هذيك اللمة العزيزة و هذيك الاكل الي يفتح النفس ربي يحفظ لكم الوالدين العزاز و ربي ييديم محبتكم و لمتكم
ميليسات بصحتك التطبيقات حنونة
لهوونة ضحكتيني على القاطو تاع جداتك و الله غير ضحكتني
ربي يحفظ الوالدة الكريمة
حنان الله يبارك حنونة و هذاك قلب اللوز ما شاء الله يسخخخف
تاكلوه بالصحة و سلميلي على هبة

R I A D · 2014-03-30, 21:41

ادراري بصحتك الحريرة و الدنجال و صحة عشاكم

aphrodite16 · 2014-03-30, 21:43

ادراري صحا عشاااكم الحريرة جااامي دقتها

ام رياااص بصحتكم الدولمة و تسلميلي على كلامك يا رب

rosaa blanche · 2014-03-30, 21:47

الامنيات ام رحاب بشرى2008اشكركم على الردؤد ؤمانخبيش عليكم اؤل مرة يصلني رد في المنتدى كنت نقرى ؤفمي عييت نلمؤ من الفرحة ربي يفرحكم بالجنة نشا الله بصح ؤاش فهمت انؤ القرنؤن تنحيلؤ الشؤك قبل مايطيب يعني ني ؤالله لؤكان يتعمل مؤضؤع ؤاش على المكؤنجلي يصلح ؤكيفاه سمحؤلي علي الثرثرة بزاف مانيش نعرف على القرنؤن نعرف غير نغليه سلاطة

nihale89 · 2014-03-30, 21:54

سلااااااام حبيباتي توحشتكم
درت مسمنات وقصيتهم صغار شوي باه ندير بيهم شخشوخة
تجي بيهم هايلة ديرها جدتي ربي يحفظها
كيما ام الرزايم
درتهم في طاجين تيفال شريتو جديد
فرحت بيه يااسر تشوفوه كيفاه يطيب روعة
هاهم كيفاه جاو
وهذا الطاجين