'' الجزء 65 '' من واش طيبتي اليوم

[ادرارية]

رياض الله يسلمك اميييييييييييييييين يارب العالمين والله راه موسوسشني والله لكان تشوفي شحال شرب دووات من لي زاد راني حابة نديه لطبيبة العرب حنا عندنا لاباس بيهم ة

[نخله.]

ادراري ديريلو صرة الكمون اذا تعرفيها و كأنو غير كيما زاد ودهنيلو صدرو فليل بزيت زيتون بالكمون وملح

زيت الزيتون ديري فيه حبات الكون وسخنيه شوي حتى يتطلقو من بعد صفيه وديريلو ملح احرش

اذا كان ولدك اقل من سنه دهنيلو ليله صدرو وليله للي بعدها ظهرو يعني بالخلاف

اما الولاد اللي اكبر من عام يدهن الصدر مع البظهر مع بعض


انا الاغلب نداوي ولادي وحدي بالاعشاب زالحمدلله المنطقعه تاعنا فيها كل خير نخرجو برا ونحشو وش نحوسو من الاعشاب

بالشفا ان شالله على وليدك

[R I A D]

ادراري اديه لطبيب العرب و لا عطاتك الحشاوش لالا يا ختي مازالو صغيييييير على الحشاوش ما تديري لوش
و لا تمسدو بالك و بالشفاء ان شاء الله

[أم إناس]

شكرًا وَبَارِكْ الله فيك نخله
ادراري وليدك ربي يشافيه يارب والله دواء العرب احسن أمي خدمتي وحد الغبره بالأعشاب يقلوله القرور تعرفي يطيش كلش ولا اسلتيلو يقولو هذا بصح الأندلس الكبار واو لي يعرفو يدوو بالدواء العزب يديرو هاك وهناي يديرو الكني لي دير مساج تعرفي يخرجلو كل الوسخ لي في صدرو ويريح
ان شاء الله ربي يشافيه

[ام احمد وصال]

صباح الخير يا حراير الله يبارك عليكم وربي يعطيكم الصحة و العافية

لو سمحتم اعطيوني رابط التيراميسو تاع حسنة جابة نجربو

[lilouchaf]

صباح الخير ليكم كامل يا البنات انشاء الله راكو لاباس
نبلغ سلامي الكبير ليك ام رحاب يا حنونتي والله دخلت في قلبي كي نقطة العسل وخاطري ارتاح لك
توحشتكم كامل عندي خدمة كبيرة راهي طايحة عليا عليها ما ندخلش بزاف
ليزابيل يعطيك الصحة على المطبق رائع لكن انا الوصفة الاصلية ما يخلرجوليش الصور لوكان تفهميني مليح في العجينة وربي يخليك لينا
ادراري ربي يشافيك ويشافي ولدك انشاء الله
الي راهم مع الميناج ربي يعاونكم وراكم سخفتوني عليه قريب ندي عطلة صغيرة ونبرد قلبي
ام اناس انشاء الله راكي بخير والقرنون كي تنقيه امسحيه مليح بالقارص وجوزي عليه بالموس تع البطاطا باه يخرج املس ومافيهش هادوك الخرابش وراهو يطيب في سع حطي الجلبنة تطيب هي الاولى ومن بعد ديريه هو
نخلة توحشتك بزاف واش راكي مع الحمل
ام رياض ربي يشافيلك الولاد والله كي يمرضو الدنيا قاع تسماط نتمنى نمرض انا وهما ما يقيسهم شي
راني نسقسي على ام مصعب انشاء الله ما يكون غير الخير راهي طولت الغيبة[

[رياحين الجزائر]

حبيبتي ادراري ابنك سخني زيت الزيتون ولا الدهان القديم قيس مايحمل جسمو يهعني اتكون دافية وادهنيلو صدرو ودردريلو الزعتر بعد ماتكوني رحيتيه وغربلتيه في كتانة رقيقة باه مايجيهش حرش على جسمو وربي الشافي وليلة ديريلو ظهرو وليلة صدرو ولا ترتقي شوية ثوم في زيت الزيتون يعني قصيها وحطيها في الزيت غير تبدا تترتق نحيها وخليها تبرد شوية قيس مايحمل جسمو وادهنيه لظهرو وصدرو مع بعض وربي اشافيه ان شاء الله

[أم ماجد]

لبنات راني خارجة مع بناتي نتغدى برا ونقضي شوية قضيان لزوم العطلة
المرق تاع الغدا خليتو للعشا واللي تتحب تتغدى تتفضل عندي
راهو في الكوكوت هههههههههههه

[عطرالذهب]

بصحتك ام ماجد التحويسة يعيشك جيببيلي معاك كاسكروط برك نسكت بيه لمعيدة راني هذا وين كملت الميناج ودوشت لولاد حايرة بواش نغديهم

[kaouka]

Salam labnat kirakoum saha rdakoum kamel

[lyzzabel]

يعطيكم الصحة حبيباتي
ام ماجد بصحتكم الخرجة انا مانجيش نعقبك فالدار نبغي نخرج معاكم نفطر برا هههههه
ادراري بالشفا على وليدك و اسمحيلي ما نعرفش بصح كيما يقولو نمرق انا و ملائم ضوء هوما
ليلو الله يسلمك حبيبتي وو ربي يخليك و يعاونك فالخدمة و بالنسبة للعجينة القوام تاعها نفسه تاع لي كراب يعني جااااارية و فرغتها بلالوش فالمقلة تيفال و بالتوفيق حبيبتي
عطورة لهيئته بالميناء و خليتي الكبديات بلا فطور مساكين هههه راها ام ماجد خلت الفطور فالكوكوطة ازدميييييي و فطري ولادك ههههه
انا درت مقرون و لحم العجل صلصة حمرا و سلاطة و الحمد لله

أيا زوروني باش تزيدو تشجعوني يا نووووور عيونيييي ههههه

https://www.djelfa.info/vb/showthread.php?t=1558063

[R I A D]

المشاركة الأصلية كتبت بواسطة اماني السلام

صباح الخير يا حراير الله يبارك عليكم وربي يعطيكم الصحة و العافية

لو سمحتم اعطيوني رابط التيراميسو تاع حسنة جابة نجربو

السلام عليكم
ما زال ما راجعتش غير دخلت شفت طلب اماني السلام
هاكي الرابط
https://www.djelfa.info/vb/showthread.php?t=1040886

[nihale89]

ليزابال واش عجبوك الفطائر ولا لا
راني زدت خرين خلاف خير منهم

[om kamilia]

عاونوني ياخاوتي الله يجازيكم خير ما نعرفش كيفاش ندير , مناسبة فاتحة ختي انا نطيب ل 50 شخص ندير الطعام و الشربة منعرفش المقادير لهذه الكمية , وكفاش نوجد est ce que خير نهيي كلش في الليل و صباح نبدا ف طياب مباشرة باش يوجدعلى 11.30 ---12 ولا

نطلب منكن وصفة مليحة للشربة فريك و الطعام قولو لي رانى نسنى نصائحكن يا حبباتي و لي موالفة بالعراس و ا المناسبات

[عطرالذهب]

صح غداكم بنات
استنيت ام ماجد كانش ماتجيبل معاها كي طولت درت لاولادي كاسكروطات بالطون والبيض وتغديتا معاهم والحمد لله
في العشا ان شاءالله نعوضهالهم بحاجة بنيييينة