~ ~ ~طلباتكم مجابة بإذن الله ~ ~ ~

[oum radja]

السلام عليكم
سؤالي اليوم هو على الغريبية تاع الحمص
هاذاك الحمص هو نفسه تاع الكرانتيكا نحمصوه ونخدمو بيه
على خاطر حنا مايتباعش عندنا حمص خاص بالغريبية

[رياحين الجزائر]

سؤالي اليوم هو
اشكون جربت عجينة السكر بالمارشميلو
وهل هي جيدة ولالا

[ام هزار]

المشاركة الأصلية كتبت بواسطة ام فراس اصيل

اختي نمدلك طريقتي وكي يدخلو لبنات يزيدوا يقولولك انا نغليه مليح في الماء مع شوية ملح مبعد نقطروا نطيب صوص بيضاء بالدجاج خاثرة ومبعد نطيب الفيونداشي مع فلفل اكحل ملح دبشة شوية زيت ومبعد نجشيه عادي ادا حبيتي ما ديريش بياض البيض انا نديرو هكاك ما نحبش ريحة البيض ومبعد ستفيه في بلا انتاع الفور وكبي فوقوا لاصوص انتاع الدجاج تكون خاثرة وفرماج رابي ودخليه الفرن قيمة ما يشرب لاصوص يجيك روعة وما يطيحلكش الحشو كي يطيب في الفور وكي تسقي سايسيه يبقا شاد روحوا وبنين اختي ادا عجباتك الطريقة ديريها وكل واحد طريقت انا كي دخلت لقيت قلت نجاوب ويزيدوا يقولولك لبنات علبالي كامل شاطرات انا نتعلمو منهم

يعطيك الصحة على الرد السريع..... و الله طريقتك ما شاء الله.... عجبتني بزاف لاني نحب الفراميج بصح قوليلي الفيوند اشي لمل تطيبيه و تحشي به القرنونة يجي مجمول فوق الحبة ؟ ما يتبزعش ؟ في انتظار جوابك لاني رايحة نطبق و صفتك بحول الله ..... تحياتي

[oum didou]

المشاركة الأصلية كتبت بواسطة إلهام07

المدونة راهي مفتوحة عادي هذا وين كنت نتفرج فيها تفضلي الرابط :
https://plus.google.com/113007562237329992419/posts

من فظلك كيفاه نقراو الوصفة كاملة معرفتش كيفاه وشكراااااااا

[fadila34]

المشاركة الأصلية كتبت بواسطة oum radja

السلام عليكم
سؤالي اليوم هو على الغريبية تاع الحمص
هاذاك الحمص هو نفسه تاع الكرانتيكا نحمصوه ونخدمو بيه
على خاطر حنا مايتباعش عندنا حمص خاص بالغريبية

وعليكي السلام

انا استعمل غبرة الكرنتيتا ونغربلها ونديرها غربية وناشاء الله يزيدو يفيدوك لبنات

[تغرينية]

[QUOTE=ام هزار;3993296624]سؤالي اليوم حول حشو القرنون باللحم المرحي........... كيفاه ما يتنحاش اللحم المرحي من القرنون اثناء الطياب ......... انا يتنحالي بالرغم اني قبل و ضعه في المرق نعقب عليه بيدي شوية من بياض البيض غير مخفوق .... و ايضا نلوحو في الدقائقالاخيرة قبل استواء الطبخة..[/QUOTE
انا تاني كانت عندي هدي المشكل لاكن تحايلت معاه نعمر القرنون باللحم نرحي ثم نفوروا حتى يتماسك ثم نديروا في المرق اللي طاي يكون عاقد وقليل ونخليه يتشرب بنة المرقة او ندير المرق قليل في البلا ونستف فيه القرنون معمر ومفور ونديروا في الفور ارجوا اني افدتك

[ام فراس اصيل]

المشاركة الأصلية كتبت بواسطة ام هزار

يعطيك الصحة على الرد السريع..... و الله طريقتك ما شاء الله.... عجبتني بزاف لاني نحب الفراميج بصح قوليلي الفيوند اشي لمل تطيبيه و تحشي به القرنونة يجي مجمول فوق الحبة ؟ ما يتبزعش ؟ في انتظار جوابك لاني رايحة نطبق و صفتك بحول الله ..... تحياتي

اختي تقدر ديري الفيونداشي ماشي طايب لميه بشوية بيض وديريلوا ملح دبشة فلفل اكحل وحطيه فوق القرنون القرنون تكوني طليتيه بالقارص وغليتيه شوية ما يطيبش وحطيه في مول وسقيه بالمرق انتاع الدجاج سقيه مليح باش يتشرب اللحم المرق والقرنون تاني وغطيه بالالمنيوم راهو يدي وقت شوية واذا حبيتي ديري بصدر الدجاج طيبيه في صوص بيضاء وفتتيه ولا ارحيه شوية ماشي بزاف وديريلوا التوابل وحطييه فوق لقرنون يكون مغلي وسقيه بشوية مرقة ماشي بزاف خطراكش يكون كل شيء طايب اختي نتمنى تكون عجباتك الطريقة نتاعي وزيدي شوفي

[دائمة الحمد]

المشاركة الأصلية كتبت بواسطة oum radja

السلام عليكم
سؤالي اليوم هو على الغريبية تاع الحمص
هاذاك الحمص هو نفسه تاع الكرانتيكا نحمصوه ونخدمو بيه
على خاطر حنا مايتباعش عندنا حمص خاص بالغريبية

عزيزتي ام رجاء حمص الكرنتيتا ماهوش مخمص راهو نيء بالصح تاع الغريبية راه يتحمص قبل لا يترحى

[زهرة الريف*]

سؤالي حول احسن فور طيبتوا فيه ويصلح للكيك والمعجنات معا
وآرائكم في النوعية الأخيرة من الفور يشعل من فوق فقط و مايشعلش من تحت لأن فيه خاصية المروحة التي توزع الحرارة من جربت هذا النوع تعطيني فكرة
المهم كل أخت تحط رأيها في الفور لي عندها هكذا باش الكل يستفادوا
ربي يبارك فيكن جميعاً وشكرا

[*فاتن*]

مسااء الخير .ممكن وصفة التارتولات ادا امكن و تكون بالتفصيل و مضمونة لانو اول مرة رايحة نجربهم
وشكرا لكم

[om assem et loudjain]

صباح الخيرات
سؤالي : ممكن تحطولي رابط تحلية الأهرام لآني قلبت المنتدى و ما لقيتوش

[أنواار الإيماان]

المشاركة الأصلية كتبت بواسطة دمعة قهر29

مسااء الخير .ممكن وصفة التارتولات ادا امكن و تكون بالتفصيل و مضمونة لانو اول مرة رايحة نجربهم
وشكرا لكم

مرحبا اختي شوفي هذه الوصفة لهومة
https://www.djelfa.info/vb/showthread...errerid=472355
وكاين هذه لام اماني

https://www.djelfa.info/vb/showthread...errerid=472355
وكاين ايضاhttps://www.djelfa.info/vb/showthread...errerid=472355
وكلهم امممممممممممممم ماشاء الله

[أنواار الإيماان]

المشاركة الأصلية كتبت بواسطة om assem et loudjain

صباح الخيرات
سؤالي : ممكن تحطولي رابط تحلية الأهرام لآني قلبت المنتدى و ما لقيتوش

اهلا اختي تقصدي هذه ام لا

https://www.djelfa.info/vb/showthread...errerid=472355

[ام هزار]

[QUOTE=تغرينية;3993314299]

المشاركة الأصلية كتبت بواسطة ام هزار

سؤالي اليوم حول حشو القرنون باللحم المرحي........... كيفاه ما يتنحاش اللحم المرحي من القرنون اثناء الطياب ......... انا يتنحالي بالرغم اني قبل و ضعه في المرق نعقب عليه بيدي شوية من بياض البيض غير مخفوق .... و ايضا نلوحو في الدقائقالاخيرة قبل استواء الطبخة..[/QUOTE
انا تاني كانت عندي هدي المشكل لاكن تحايلت معاه نعمر القرنون باللحم نرحي ثم نفوروا حتى يتماسك ثم نديروا في المرق اللي طاي يكون عاقد وقليل ونخليه يتشرب بنة المرقة او ندير المرق قليل في البلا ونستف فيه القرنون معمر ومفور ونديروا في الفور ارجوا اني افدتك

بورةت اختي................اسهل و اسرع

[*فاتن*]

بارك الله فيك انوار