همزة وصل بين المعلم والولي : في طبعته الثالثة

[غصن البآن]

سلام جميل لاهلي بالهمزة

اختي مانو سعيدة لأن قلبك اطمأن بعودة زوجك المصون .حفضه الله لعاءلته...... الحمد لله لي رجعلك بخير و عافية...تحياتي

[serine alger]

المشاركة الأصلية كتبت بواسطة manou1

الحمد لله زوجي وصل على خير و عافية

الحمد لله-الحمد لله-الحمد لله.

[serine alger]

الأستاذ **عماد الدين** بما أنك مع قسم السنة الثانية.نمن فضلك أعطيني رأيك حول تلخيص ابني يونس.أو بالأحرى كما سميته أنا تلخيص التلخيص.*النص/الريف صفحة 70**
** يتحدث النص عن فتاة اسمها سلمى كان يقول لها أبوها دوما بأن الريف جميل،هواؤه نقي ،الحياة فيه هادئة.
تشوقت سلمى لقضاء العطلة هناك، فطلبت من أبيها أن يأخذها الى منزل جدها ،وجدت الريف أجمل مما وصفه لها أبوها.**

[*أم سارة*]

المشاركة الأصلية كتبت بواسطة manou1

الحمد لله زوجي وصل على خير و عافية

الف حمد لله .......الله يجمع شملكم دائما بالمودة والرحمة.

** يتحدث النص عن فتاة اسمها سلمى كان يقول لها أبوها دوما بأن الريف جميل،هواؤه نقي ،الحياة فيه هادئة.
تشوقت سلمى لقضاء العطلة هناك، فطلبت من أبيها أن يأخذها الى منزل جدها ،وجدت الريف أجمل مما وصفه لها أبوها.**

الله يبارك عليه كلام مختصر وشامل يبدو ان يونس يعمل بالمثل القائل خير الكلام ماقل ودل.

[ام الزهراء]

المشاركة الأصلية كتبت بواسطة ام باسط

[color=green]اهلا حبيبتي ام ابتهال واش راكي

رايي ... ( يا امنا ) هي الصح لان جمع نحن هو الدي صرفنا معه الجملة


**********************************

/color]

شكرا جزيلا اختي ام باسط انا تاني بانتلي الاقرب للصحيح

المشاركة الأصلية كتبت بواسطة ام الاحباب

نعم ..هم دخلوا في الحوار لكن والله ما علابالي الا تعرف اتيدر و ولا لا مازال مادرتلهاش انا التمارين ..............
اما بالنسبة للامتحا ن فهي من المفروض عملت مليح على حساب التصحيح انتاعي لانه شفتي الوضعية ساهلة والو ...والنتائج هي اللي تبين

صح الوضعية ساهلة لكن الاسئلة شويا شويا ....فيهم تخمام و الي ماهوش مراجع مليح ربي يسترو

ربي يوفق الشطورة اسماء وتكون اجاباتها موفقة

لكن ما فهمتش الحوار قراوه العام الي فات و المفروض المحور الي بعد القصة هو النص الوثائقي و ابتهال بداو فيه الاسبوع الي فات

المشاركة الأصلية كتبت بواسطة manou1

الحمد لله زوجي وصل على خير و عافية

الحمد لله على وصول الزوج الكريم بصحة وعافية

[ام الزهراء]

آه خلاص لقيتو رحت شفت الكتاب لقيت الحوار اخر جزء في مشروع القصة

ومعلمة ابتهال انتقلت مباشرة لمشروع النص الوثائقي مانيش عارفة وعلاه

في الكونجيقيزون دارو آتغ وافواغ في الفيتير

اختبار جانفي ما بان عليه حتى خبر لحد الساعة كل يوم نقولو بالك غدوة

[serine alger]

المشاركة الأصلية كتبت بواسطة *hope*

الله يبارك عليه كلام مختصر وشامل يبدو ان يونس يعمل بالمثل القائل خير الكلام ماقل ودل.

ههههههه والله يا أختي لا أعرف اذا ينفع هاد المثل في تلخيص نص. المهم يكون مفهوم و خالي من الأخطاء الاملائية.

[أم الولدين]

السلام عليكم
بارك الله فيك الاستاد ابو اماني على التوضيح يسعدنا تواجدك
أم الزهراء الاقرب امنا ولكن مايتنحاش كثير
المحروس يونس في اختبار اللغة كل شيئ صحيح المفروض 6 على 6
اكتفى بشرح المفردتين صحيحتين ونسي التوضيف رغم انه الشرح الاهم عمله صحيح
ولما سالته في المساء قتله يونس اعطيني الجملة التي وضفت قالي لمادا قالنا وضفو ارني
بدا يخبط في راسه مانعرف لغاية متى هاد التناسي
المهم كانت اعلى نقطة 8.5 يونس اخد 8.25 بهفوة و تسرع الخوف يوم الامتحان
الأن مارانيش معمرة راسي بالكامل الوضعية هاد العام معلمهم شحييييح في التنقيط أعلى علامة 3 وهبط
والاكثرية يمدلهم 2.5 من 4 ماعليش مايطمعهمش بالاكثر
اما الرياضيات جاب 9 من 10 اعتقد والله اعلم 9.25 أعلى نقطة
الفرنسية شغلي الشاغل و خوفي منه لانه طوييييل وخايفة يكون تسرع في الاجابة و ضيع نمقاطه لانه
يونس معروف على المستوى لست ادري ...هه بتضييع النقاط وتدهب منه المخلوق هباااءااااا
والمصيبة لم أكن اعرف انهم درسو قسمة عدد على عددين مثلا 957 قسمة 52
قالي فتها صارحني قالي مانعرفش القسمة على عددين فهل من معييييييييييييييييين في كيفية تبسيط له القسمة
هدا تقريري امس و اليوم راحة

[serine alger]

أهلا أم الأنانيس.بصحتو يونس علاماتو جيدة جدا.بالنسبة للغة معلمة عادل أيضا أعلى نقطة على الوضعية هي 2.5 ومرة واحدة فقط أعطت3/4.
بالنسبة لعادل مازال العربية والرياضيات أما الفرنسية الحمد لله أخذ9/10.هم 4 تلاميذ في القسم تحصلو عليها وكانت أعلى نقطة. في الوضعية أخذ3/4. لأنو في القصة بعض الأفعال صرفهم في الحاضر وليس في الماضي.

بليييييز مواضيع يونس.

[serine alger]

المشاركة الأصلية كتبت بواسطة ام الزهراء

آه خلاص لقيتو رحت شفت الكتاب لقيت الحوار اخر جزء في مشروع القصة

ومعلمة ابتهال انتقلت مباشرة لمشروع النص الوثائقي مانيش عارفة وعلاه

في الكونجيقيزون دارو آتغ وافواغ في الفيتير

أحنا مازال مع le passé composé.
أم الزهراء ماراكيش تراجعي مليح يعني عندك ناقص نقطة -1 هههههه .لأنك ماجاوبتيش على استفساري.

[ام الزهراء]

وي وي وي سيرين عندك الحق سامحيني قريت مداخلتك وكان في بالي باش نجاوبك لكن كي بديت نرد ما عرفتش كيفاه ضاعت مني

راني مع اختبارات ابتهال واختها دايرة فينا لعمايل ما نقلكش لوكان تغفلي على عينك اطير الي نحطها ما نلقاهاش خرجتني من عقلي

ربي يثبت علينا لعقل و الدين

على كل اقتراحك صائب لازم نحطوا التقارير في يوم واحد ليسهل على الاستاذ ابو اماني رؤيتها وتقييمها

اقترحي يوم محدد نحطو فيه التقارير لكن ياريت يكون قريب لاننا متاخرين عن البرنامج كيما قتلك ابتهال راهم في المحور الثالث وراهو يبانلي شويا صعيب

[serine alger]

المشاركة الأصلية كتبت بواسطة ام الزهراء

على كل اقتراحك صائب لازم نحطوا التقارير في يوم واحد ليسهل على الاستاذ ابو اماني رؤيتها وتقييمها

اقترحي يوم محدد نحطو فيه التقارير لكن ياريت يكون قريب لاننا متاخرين عن البرنامج كيما قتلك ابتهال راهم في المحور الثالث وراهو يبانلي شويا صعيب

أم الزهراء أنا عن نفسي تاع عادل واجد. لكن أقترح يوم الأربعاء باش نحطو كلنا الوضعيات هكا يكون الوقت للغائبين. يعني حتى الوضعية تاع بنتك وتاع أم الأحباب تعاودو تحطوها . لأنها ضاعت بين الصفحات.وتكون مكتوبة عادي.ماشي صورو باش ندير **كوبي-كولي** ونحطهم كيما المرة السابقة وأيضا خيرت الأربعاء باش مانثقلوش على الأستاذ**أبو أماني**. واش رايك موافقة؟

[ام الزهراء]

اوكي وهو كذلك

اذن يوم الاربعاء ترفع جميع الوضعيات في انتظار اراء ام اسماء و ام مريم وام يونس وام باسط

[ام الزهراء]

المشاركة الأصلية كتبت بواسطة أم الولدين

السلام عليكم
بارك الله فيك الاستاد ابو اماني على التوضيح يسعدنا تواجدك
أم الزهراء الاقرب امنا ولكن مايتنحاش كثير
المحروس يونس في اختبار اللغة كل شيئ صحيح المفروض 6 على 6
اكتفى بشرح المفردتين صحيحتين ونسي التوضيف رغم انه الشرح الاهم عمله صحيح
ولما سالته في المساء قتله يونس اعطيني الجملة التي وضفت قالي لمادا قالنا وضفو ارني
بدا يخبط في راسه مانعرف لغاية متى هاد التناسي
المهم كانت اعلى نقطة 8.5 يونس اخد 8.25 بهفوة و تسرع الخوف يوم الامتحان
الأن مارانيش معمرة راسي بالكامل الوضعية هاد العام معلمهم شحييييح في التنقيط أعلى علامة 3 وهبط
والاكثرية يمدلهم 2.5 من 4 ماعليش مايطمعهمش بالاكثر
اما الرياضيات جاب 9 من 10 اعتقد والله اعلم 9.25 أعلى نقطة
الفرنسية شغلي الشاغل و خوفي منه لانه طوييييل وخايفة يكون تسرع في الاجابة و ضيع نمقاطه لانه
يونس معروف على المستوى لست ادري ...هه بتضييع النقاط وتدهب منه المخلوق هباااءااااا
والمصيبة لم أكن اعرف انهم درسو قسمة عدد على عددين مثلا 957 قسمة 52
قالي فتها صارحني قالي مانعرفش القسمة على عددين فهل من معييييييييييييييييين في كيفية تبسيط له القسمة
هدا تقريري امس و اليوم راحة

ما شاء الله نقاط يونس ملاح و الهفوات والنقاط الضائعة بالمجان ولات عادة حميدة ...معليش ما تقلقيش روحك و خليه راهو مليح ما تضغطيش عليه اكثر راهم حاكمهم رعب من الامتحانات مش غير خوف

والله القسمة على عددين راهي كل مرة كيفاش تخدمها و مرات نلقاها وجدت النتيجة والعملية فارغة اضنها تستعمل التقسيم المتساوي يعني القسمة على عددين مشي داخلة راسها مليح

ان شاء الله الاساتذة يفيدونها بهذا الخصوص

[عبد الناصر أمازيغ]

المشاركة الأصلية كتبت بواسطة ام الزهراء

ما شاء الله نقاط يونس ملاح و الهفوات والنقاط الضائعة بالمجان ولات عادة حميدة ...معليش ما تقلقيش روحك و خليه راهو مليح ما تضغطيش عليه اكثر راهم حاكمهم رعب من الامتحانات مش غير خوف

والله القسمة على عددين راهي كل مرة كيفاش تخدمها و مرات نلقاها وجدت النتيجة والعملية فارغة اضنها تستعمل التقسيم المتساوي يعني القسمة على عددين مشي داخلة راسها مليح

ان شاء الله الاساتذة يفيدونها بهذا الخصوص

لم أدرك ما تقصدين بالقسمة على عددين ، هل تقصدين القسمة على عدد مكون من رقمين ؟
تلاميذي ما زالوا لم يدرسوا آلية القسمة العمودية و سيدرسونها خلال هذا الأسبوع : لكن الطفل تعلم كيف ينجز القسمة باستعمال الجداء ، و في السنة الماضية تعلموا القسمة باستعمال الجمع و الطرح .
إذن بإمكان التلميذ استعمال أي إجراء يراه مناسبا له لحساب حاصل القسمة .