موضوع مميز الطفولة والاطفال واسئلة الامهات - الصفحة 37

sima arabi · 2013-09-15, 19:01

.
صح اختي معاك الحق راني بزاف مقلقة ونخاف على وليدي بزاف بزاف ونضل غير نخمم عليه نخاف ليمرض ونخاف لمنيش قايما بيه كيما يلزم المهم لاحظت انو لما نحطلو الاعاب يلعب يشوي ومن بعد بالخف يمل و يبدا يبكي ولما نرفدو ونبعدو عليهم يقعد يشوف ليهم ويحب يرجع يلعب هل هدا عندو علاقة بالمشكل الاول يعني مقلق وكيفاه نتفادى هاد القلق عندو

biti · 2013-09-16, 10:14

اختي ماهو الوقت المناسب لاستعمال المشاية ؟

yatoyato31 · 2013-09-16, 13:59

اختي ارجو منك اعطائي جدول مفصل للتغدية للرضيع عنده اربعة اشهر و نصف

شذى الغفران · 2013-09-16, 14:50

اقتباس:

المشاركة الأصلية كتبت بواسطة lyna2007

وزن بنتك راه مليح ربما راهي تاكل اكثر من اللي كانت وبالتالي راهي توسخ اكثر هذا ليس مشكل ماتتقلقيش عليها
بالنسبة للمرض تقدري ديريلها تيزان شوي فقط وتكون دافئة ماشي باردة وماشي سخونة تساعدها على االافراو وقد تتقيأويروحلها شوي ان شاء الله .
ايضا ديريلها شميعات براسيتامول حسب الوزن تعها سينقص من افرارزات الانف ان شاء الله
لا تقلقي كل الاطفال عندهم هذا المشكل

يعطيك الصحة اختي ربي يخليك

هاجر91 · 2013-09-16, 22:44

شكرا على الموضوع المميز اختي
حبيت نسال على بنتي حيرتني و ما عرفتش مالها
عندها 3 اشهر و اسبوع كانت مليحة و درك ولات ترد الحليب بزاف في كل وقت اثناء و بعد الرضاعة و ما تكملش حليبها خلاص و ولات تدير اللعاب بزاف على شكل رغوة و كل وقت نبدلها و تخرج لسانها كل الوقت هل هادا عادي رغم انها ماكانتش هاك؟
ثان ختي جاوها الغازات و ولات تتعصر بزاف باه تخرجهم وتخرج معاهم الفضلات في كل وقت رغم انها كانت تخرج مرة واحدة في النهار و ما عندهاش اسهال
كاين اللي نصحوني نبدالها سيريلاك تع الارز ندير مغرف وحدة في وسط الحليب تاعها باه ما تردش وش رايك نبدالها في هادا الوقت نورمال؟

اسمحيلي اختي كثرت عليك ان شاء الله تجاوبيني في اقرب وقت راني حايرة عليها بزاف

cheraga · 2013-09-17, 11:54

السلام عليكم
راني حابة نعرف ونتعلم كيفاش نتعامل مع وليدي اللي في عمرو شهرين يعني كيفاه نلعب معاه و ماهي اللعب اللي تنمي ذكاؤو في هاد المرحلة
او تاني هل يمكن نقعدو على كرسي السيارة siége auto
عموما كل ما يتعلق بالرضيع في مرحلة 0 الى 3 اشهر

وشكرا مسبقا
مع تحياتي

yatoyato31 · 2013-09-17, 12:22

صباح الخير راني نستنى في جدول التغذية حبيبتى

ام ندى 87 · 2013-09-27, 23:29

مشكورة الاخت على المجهود وجزاكي الله كل خير
مشكلتي الاولى مع بنتي 3 سنوات عصبية بزاف وتحاول تلفت الانتباه بالبكا ء الهستيري
المشكل التاني انو جدها و جدتها فالدار مفششينها بزاف وراكي علابالك بحكم التقاليد مانقدر نقول والو ولا يزعفو و و و المهم في معضم الحالات مانقدرش نعاقبها
مايزيد الطين بلة انهم كي تهرب ليهم يعيطو عليا قدامهم يعني مزاحا لكن هي تحسبها صح ولات تعيط عليا ويخلوها تضربهم ا
ان شاء الله تكوني فهمتيني
في انتضار جوابك

lyna2007 · 2013-10-01, 12:11

اقتباس:

المشاركة الأصلية كتبت بواسطة biti

اختي ماهو الوقت المناسب لاستعمال المشاية ؟

اختي الكريمة المشاية الاطباء اختلفوا في امرها هناك من يرفض استعمالها بتاتا وهناك من يسمح بها

المهم انتي انتي انتظري حتى 11 شهر واستعمايها لكن لا تتركيه فيه اكثر من 15 دقيقة لان ها ان عتركتيه فيها كثير تسبب مشاكل في الأرجل اذن حاولي تستعمليها بعقلانية

lyna2007 · 2013-10-01, 12:12

اقتباس:

المشاركة الأصلية كتبت بواسطة yatoyato31

صباح الخير راني نستنى في جدول التغذية حبيبتى

جدول التغذية تجديه في الصفحات الاولى من هذا الموضوع ارجعي اليه تجديه
وادا احتجتي استفسار اخر تجديه

lyna2007 · 2013-10-01, 12:13

سأعود الى باقي الاسئلة في ما بعد ان شاء الله

fayza81 · 2013-10-03, 14:33

اختي العزيزة بنتي عندها 8 اشهر و اسبوعين بديت نوكلها بشوي و هي عندها 6 اشهر حتى والفت تاكل و لكن مؤخرا في هذ 3 ايام الي فاتو ماهيش تاكل قع شهية وقيلة راحتلها بصح ترضع و تشرب الماء بصح مش كيما الي فات مع العلم راحو خرجولها 2 سنينات من التحت .قوليلي من فضلك واش نعمل حتى ترجع تاكل كيما كانت.
شكراااااااااااااااااااااااااااااا

lyna2007 · 2013-10-06, 09:06

اقتباس:

المشاركة الأصلية كتبت بواسطة fayza81

اختي العزيزة بنتي عندها 8 اشهر و اسبوعين بديت نوكلها بشوي و هي عندها 6 اشهر حتى والفت تاكل و لكن مؤخرا في هذ 3 ايام الي فاتو ماهيش تاكل قع شهية وقيلة راحتلها بصح ترضع و تشرب الماء بصح مش كيما الي فات مع العلم راحو خرجولها 2 سنينات من التحت .قوليلي من فضلك واش نعمل حتى ترجع تاكل كيما كانت.

شكراااااااااااااااااااااااااااااا

اختي الكريمة المشكل راكي عرفتيه هو بروز الأسنان فبمجرد ان تبرز الاسنان جيدا ويزول عنه الالام ترجع لها الشهية ان شاء اللله لا تقلقي
وكلما تزيد تبرز لها اسنان اخرى ستفقد الشهية بعض الايام
المهم انتي ساعديها لتخفيف الالام الاسنان بوضع لها الشميعات اذا كانت تتالم 3 مرات في اليوم حسب الوزن شميعات براسيتامول او على الاقل مرة في الليل ان كانت لا تنام من شدة الالام الاسنان هذا سيساعدها وادهني لها الللثة بزيت الزيتون لما تكون منتفخة وتستعد الاسنان للبروز لان الزيت يخفف الالام

lyna2007 · 2013-10-06, 09:23

اقتباس:

المشاركة الأصلية كتبت بواسطة المبتدئة

مشكورة الاخت على المجهود وجزاكي الله كل خير
مشكلتي الاولى مع بنتي 3 سنوات عصبية بزاف وتحاول تلفت الانتباه بالبكا ء الهستيري
المشكل التاني انو جدها و جدتها فالدار مفششينها بزاف وراكي علابالك بحكم التقاليد مانقدر نقول والو ولا يزعفو و و و المهم في معضم الحالات مانقدرش نعاقبها
مايزيد الطين بلة انهم كي تهرب ليهم يعيطو عليا قدامهم يعني مزاحا لكن هي تحسبها صح ولات تعيط عليا ويخلوها تضربهم ا
ان شاء الله تكوني فهمتيني
في انتضار جوابك

الان بنتك 03 سنوات تبدا تفهم الكلام وعليه لازم تتكلمي معاها بهدوء لما تكون هادئة طبعا ليس اثناء البكاء يعني ماتحاوليش تصرخي عليها وتبعيها اما جدها وجدتها وانما حاولي تتجاهليها بقدر كبير لما تقوم ب غلطة ثم لما تعود اليك بعدما تهدا فهميها انك غضبانة منها ولا تريدين الحديث اليها= وهذا الكلام يكون بهدوء ليس بصراخ طبعا= ثم سترين انها ندمت وهنا اغتنمي الفرصة وضميها اليك وتحدثي معها برفق لانك لو تواصلين في هذه الطريقة يعني المواجهة ستحدثين شرخا بينك وبين ابنتك ولن تستطيعي التحكم في الامور فيما بعد لانها ستبتعد عنك اكثر فاكر .
وبالتالي عليك ببذل مجهود اضافي يعني توسعي خاطرك بقدر المستطاع وتحاولي تهدئيها والعقاب اللي تستعمليه يكون بالحرمان من شيء تحبه هكذا لن تحدث مشاكل مع الجد والجدة .

lyna2007 · 2013-10-06, 09:31

اقتباس:

المشاركة الأصلية كتبت بواسطة cheraga

السلام عليكم
راني حابة نعرف ونتعلم كيفاش نتعامل مع وليدي اللي في عمرو شهرين يعني كيفاه نلعب معاه و ماهي اللعب اللي تنمي ذكاؤو في هاد المرحلة
او تاني هل يمكن نقعدو على كرسي السيارة siége auto
عموما كل ما يتعلق بالرضيع في مرحلة 0 الى 3 اشهر

وشكرا مسبقا
مع تحياتي

في هذه المرحلة الطفل ينام كثير يعني لما يستيقظ لياكل ويغتسل فقط ويبقى فترات قليلة مستيقظ المهم انتي لما تغيري له الحفاظ ولما تغسلي له حاولي تتكلمي معه بابتسامة لانه يحس بذلك قولي له كل ماتريدن من كلام جميل
لما يرضع حاولي تنظري في عينيه حتى ينام لانهذا يقوي الروابط بين الام والابن ويخليه يحس بامان

بالنسبة لكرسي السيارة هناك انواه اذاكان الكرسي المسطح يعني كانه فراش يمكنك اخذه فيه اما الكرسي الاخر فلا تضعيه فيه الا بعد 6 اشهر ولمدة قصيرة لا تتجاوز ساعة
وانصحك الان ان تحمليه9 بين يديك في حالة كان الطريق طويل لان العمود الفقري غير متين غير قادر على وضعية الجلوس وقد يتسبب له في اعوجاج ان اجلستيه لمدة طويلة ومتكررة