الجزء 179 من كوزينة احلى رفقه كوزينة الحراير - الصفحة 37

حياة نور الدين · 2017-04-21, 13:22

بصحتكم زخرفة نورتي الكوزينة

وانت اكيد بالجمعة تسناي الزوج يجي من الجمعة خخخخ انا زوجي حتى اليوم يخدم يفطر في الخدمة منبعد يصلي ويرجع ربي يقدرهم ان شاء الله

امل ام الاولاد · 2017-04-21, 13:29

صباح الانوار اخواتي اعتذر على مداخلة البارح كي اعتمدت المشاركة الانترنت راحت مالا جاتكم بالشنوية .
تسلميلي الاخت حياة سرني الرد نتاعك ياسر وفيما يخص الاكل رانا نديروا كيف كيف انا البارح عشايا كان شوفلور بصح جواز برك . واليوم الغدا طعام بالفول واللبن . سلامي للجميع

روعة الصحراء · 2017-04-21, 15:21

السلام عليكم حراير الجلفة
اليوم فطورنا كسكس بالخضر ماعنديش باش نصور دعواتكم البنات
حقة جربت صلصات تاع طماطم لعمل البيتزا لكن هذه الطريقة سهلة ورائعة قلت نفيدكم بيها
تجيبي 4حبات طماطم تقصيهم على 2 وتحطيهم في طنجرة صغير زايد ملعقتين كبارزيت زايد ملعقتين ماء اذا كانت الطماطم فيها الماء مادريش وتضيف شوي ملح وتطيبهم على نار هادية بدون تقلية وتغطيها بالغطاء بعد ماطيب مكسيها بالمكسور وضيف راس الحانوت تجي صلصة عاقدة

zokhrofa · 2017-04-21, 15:24

اقتباس:

المشاركة الأصلية كتبت بواسطة حياة نور الدين

بصحتكم زخرفة نورتي الكوزينة

وانت اكيد بالجمعة تسناي الزوج يجي من الجمعة خخخخ انا زوجي حتى اليوم يخدم يفطر في الخدمة منبعد يصلي ويرجع ربي يقدرهم ان شاء الله

ههههه صح جبتيها قد قد

خاطش يقولي لوكان ناكل ننعس خاصة الفول

ايه باش الردود يكونو فيهم منفعة انا نعطيكم حاجة غير كيما فقتلها و الحمد لله بدلتها في الكسكس

ما لاحظتوش بلي كي ناكلو الطعام باللبن يضرنا شوية ؟

المشكل ينحصر في الزبدة او السمن

يعني اذا استعملتيهم راح كرشك تخلطيهالها تبعثيلها خمائر مع دهون تولي توجع فيك على واش راكي هلكتيها ههههه

مالا اذا حابين ما تزيدش كرشكم تضركم ادهنو الطعام بزيت الزيتون او بالزيت النباتي

راح تنخلعو ياك ؟

لكن صدقوني جربوها و ما تندموش

انا الحمد لله تهنيت من هذا المشكل و وليت ندير زيت الزيتون او الزيت النباتي و يجي بنين و ما يضرنيش

روعة الصحراء · 2017-04-21, 15:54

omjoujou · 2017-04-21, 16:43

سلام لبنات
زخرفة فرحت بزااااف كي عجبك تطبيقي تاع شربة الفريك بالفول وبصحتك المسفوف بالفول ومشكورة حبيبتي على المعلومات لي راكي تنورينا بيها
حيوتة لعميرة بصحتك نتي تاني المسفوف باللبن انا غدايا ليوم كان شخشوخة النعمة بالجاج ودرتها حاااااااارة تقتتتتل
روعة الصحراء ان شاء الله كي ليوم تشري بورتابل ولا الة تصوير وتعودي تصوريلنا اطباقك وشكرا كثيرا على الوصفات المجربةلي راكي تفيدنا بيهم
امل ام الاولاد مرحبا بيك اختي معانا في الكوزينة ان شاء الله تعجبك لمتنا وتفيدي وتستفيدي معانا
صح قهوتكم

zokhrofa · 2017-04-21, 17:11

الله يسلمك أختي ام جوجو و راني حطيت اقتباس على تطبيقك في الوصفة ههههههههه خاطش تصويرتك شابة و تشهي تاعي تقولي تاع السبيطار

صح قهيوتكم يا زينات

ام هدول · 2017-04-21, 18:09

السلالام عليكم ....بصحتكم الطعام بانواعو ....انا سخنت التلتلي وووزت عصير الجرز وسلاطة مشكلة ....و تا رت ولات بالفريز .للهلوبة ...زادو عاودوهم ....حقة حتى ا نا يحبو يكلو لفريز حبات كما انت بيلسا ن حتى نهرب حبات ..كاش ماندير بيهم خخخخ

اهلين زخرفة ..امل ....حيوتة ام جوجو ..ام عبيدة ...ام يوسف....جمعة مباركة للجميع ..ام محمد ان شاالله تكوني بخير انت وليدك البوقوص

zokhrofa · 2017-04-21, 18:22

بيك و أهلا اختي ام هدول

ام هدول · 2017-04-21, 18:23

ام هدول · 2017-04-21, 18:23

ترحب بيك الجنة زخرفة ...واش راهم لبنات كاش طوايش وو......

ام هدول · 2017-04-21, 18:37

بصحتكم لعشا ..انا عشايا خففيف اليوم ..دي زوملاط مع التونة والفرماج .....والحمد لله نرتحو شوية م ةالطيياب وتخمامو خخخخخخخخخخخخخخخ
لكن نخبز كسرة ....

سلالالالالالام

zokhrofa · 2017-04-21, 19:03

ههههههههههههههههههههههه مزية عاونت ماما و ماجاتنيش الضرسة

راهم الحمد لله انا راني هنا في الميكرو و باباهم راه يلعب فيهم

راسي داير فيا حالة

بصحتك العشاء

علاش تخبزي الكسرة ؟

بما انك في راحة من الطياب ديري خبز سوري تعرفيه ؟

الطريقة :

2 كاس فرينة

ملح

ملعقة صغيرة سكر

ملعقة صغيرة خميرة الخبز

ملعقة كبيرة زيت الزيتون او زيت المائدة
ماء دافي

خلطي كي تولي متجانسة خليها ترتاح 30د

ديري المقلة تسخن مليح

في تلك الاثناء

فرشي الفرينة و احكمي une boule و حليها رقيييييييييييقة كامل

و حطيها فوق المقلة كي تشم النار اقلبيها

راح تجي زوج ورقات

روعة الصحراء · 2017-04-21, 20:21

اقتباس:

المشاركة الأصلية كتبت بواسطة omjoujou

سلام لبنات
زخرفة فرحت بزااااف كي عجبك تطبيقي تاع شربة الفريك بالفول وبصحتك المسفوف بالفول ومشكورة حبيبتي على المعلومات لي راكي تنورينا بيها
حيوتة لعميرة بصحتك نتي تاني المسفوف باللبن انا غدايا ليوم كان شخشوخة النعمة بالجاج ودرتها حاااااااارة تقتتتتل
روعة الصحراء ان شاء الله كي ليوم تشري بورتابل ولا الة تصوير وتعودي تصوريلنا اطباقك وشكرا كثيرا على الوصفات المجربةلي راكي تفيدنا بيهم
امل ام الاولاد مرحبا بيك اختي معانا في الكوزينة ان شاء الله تعجبك لمتنا وتفيدي وتستفيدي معانا
صح قهوتكم

شكرا على الدعوة ربي يحفظك

امل ام الاولاد · 2017-04-21, 20:24

مساء الانوار راني دايرة لوبيا عشا
واش راكي الاخت ام جوجو فيما يخص لمتكم انا هذي سنين وانا متمنية نشاركم وهذا وين كتب ربي . وتعلمت صوالح يااااااسر منكن جزاكم الله خيرا عنا حمرتولي وجهي في عدة مناسبات ربي يحفظكم.