الجزء 171 من واش طيبتي اليوم�� كوزينة اللمة والمحبة والبساطة �� - الصفحة 37

Oum yousra · 2016-10-23, 18:54

غدانا اليوم كان حوت و شكشوكة و صلاد و الحمد للاه

جازيا ام البنات · 2016-10-23, 18:55

حياة هداك الطبق تع اليوم ماشي ارز وانما شفلور بناتي يحبوه بالفرماج موالفة نعملو عجيجات واليوم عملتو على شكل اجاصات محشيين بالفرماج
كنت تساليني الباروك تفضلي بقلاوة خص نص لكوزينتك راها عاد طالعة من الفرن ربي يحلي أيامك ويفرحك

Oum yousra · 2016-10-23, 18:58

و العشية درت سفنج. . . .

جهينة اليقين · 2016-10-23, 19:10

هذا عشاي البارح طعام تاع ام هدول باللبن وفطور اليوم لوبيا بالكرعين

جازيا ام البنات · 2016-10-23, 19:10

اقتباس:

المشاركة الأصلية كتبت بواسطة oum yousra

غدانا اليوم كان حوت و شكشوكة و صلاد و الحمد للاه

بصحتكم مطرح ميسري يمري
ام كامي لباس على بنتك وطمنينا عليها وشكرا على الوصفات هداكامل وتقولي راني ندخل بيدي فارغين نونونو راكي جبتي الخير والخمير
مريومة بصحتكم السوب والشوا اممممممممممممممم يشهي والبنات راهم يسلمو عليك
ام جوجو البسبوسة 44444444444 بصحتكم وبالشفا ان شاء الله
امونة بنتي العزيزة الحمد لله كي خدمتي مليح بالتوفيق
قبيل شفت العدس تع ام هدول بصحتهم البنات ان شاء الله يكون عجبهم
ام ابراهيم ربي يحلي أيامك ويعلي علامك ويهدم ظلامك
زيكا ربي ينورك ويخليك ويفرحك شكرا على المبسس تع ام حسام انا نعملو بالدومران بصحتك السباقيتي بكرات اللحم
صدق العطاء مرحبا ببنت الجود والكرم ابعتيلنا شوية لتلمسان هنا قليل لي يعرفوه
روضة لباس على ابنك ومايكون غير الخير أنا من رأي حياة متمسديلوش وعملي براي الطبيب كثريلو الحليب ومشتقاته من أجل الكالسيوم

جازيا ام البنات · 2016-10-23, 19:13

بصحتكم جهينة اليقين

lyzzabel · 2016-10-23, 19:22

هاني ولييييت خخخ كنت لاهية مع عجوزتي راهي عندي و من جهة وحدخرى هبلتني لا كونيكسيون

بسم الله

بركووكس بالعصبان و القديد درته نهار الجمعة ممممممم

Oum yousra · 2016-10-23, 19:23

و هاذو نتاع البارح كان غدانا شخشوخة و العشية درت الميلفاي و العشاء درت سوب و كوتلات. . . . . . .

Oum yousra · 2016-10-23, 19:24

و هاذا غدانا اليوم حوت و صلاد و شكشوكة . . .

RIMA.87 · 2016-10-23, 19:26

السلام عليكم ،
عشانا اليوم شربة فريك و سلطة و الحمد لله ،
بصحتكم واش تعشيتو اخواتي في الله ،
اهلا مريووومة بصحتكم لاسووب و الشوا يشهي بصحتكم ،

oum yousra ،بصحتكم الحوت و الشكشوكة ،و السفنج ما شاء الله روووووعة،

حيووتة بوزلووف من تحت يديك و على طريقة ام تاج باين يخرج فييييلم ،بصحتكم ،

ام ابراهيم مشكوووورة على التمر ،ربي يحلي ايامك ،

ام كاميليا ربي يشفي الامورة و الكوزينة تنور بوجودك و طلتك ،

اختي جنة الفردوس مبارك الخطوبة و ربي يبارك لك و يسعدك و يرزقك ذرية صالحة،

اختي رزيقة 16 و اختي وردة مبارك عليكن و ربي يثبت الحمل و يررزقكم ذرية صالحة تقر بها اعينكم و ربي يرزق كل مسلم و مسلمة ذرية صالحة مطيعة لله و تنصر دينه ،

اختي ام جوجو ،مشكوووورة على الدعاء و لك بالمثل ان شاء الله و ربي يتمم شفائك و بصحتكم البسبوسة ،

اختي رزيقة الزقزووقة ربي يحفظك و يعينك و ربي يبارك في اختك ام حسام على المبسس بالنعناع ما شاء الله روووعة و منعش و صحي،

توبة عودة ميمونة للجامعة ربي يوفقك و يعينك و ييسر امرك يرزقك من حيث لا تحتسبين،

اختي روضة88 ربي يشفي ابنك،ما عنديش فكرة و ان شاء الله يفيدوك أصحاب الخبرة ،

ام هدوول دخلت مع الصباح و لم تعد ان شاء الله المانع خير،

amina2003 ربي يوفقك و الحمد لله بداية موفقة اخيتي ما شاء الله عليك
جازيا يعطيك الصحة و ربي يبارك فيعلى الشفلور بطريقة تشهي و بصحتهم البنات و ربي يوفقهم و هاديك البقلاوة ما شاء الله

ام هاجر بصحتكم كيكة ام محمد تاج باينة خفيفة،

الاخت ام العبد مشكوووورة على طرق تناول الرب و ربي يحفظك و يجعلو في ميزان حسناتك
ام سارة18 يعطيك الصحة على اللامونة تبان بنييينة
ام رحاب ،ام محمد تاج و ام لجين هيثم ،زينب83،ام البنين ،oum islam ،ميليسات راهم غائبات ان شاء الله المانع خير،

و لي ما ذكرتهاش تسمحلي

سبحانك اللهم و بحمدك أشهد أن لا إله إلا أنت أستغفرك و أتوب إليك

ام نور الهدى 2014 · 2016-10-23, 19:30

السﻻم عليكم
على سﻻمتكم راكم ما شاء الله نحﻻت نشيطات ربي يبقي الستر عليكن
اهل يسكرة وشراكم و وشراه التمر نسيتينا بوووه الكنة نسات عجوزتها هههههه و الرب تان اممم شهيتيني باش ندوقو
ليزا الحمد لله على سﻻمتك وشراكي و شراه الببون صفوان صافا شوي
ام ابراهيم حيوتة وشراكم خياتي
ام يسرى القاورية اطباقك روعة ناشاء الله عليك تقول راكي في البﻻد مش برا
ام جوجو ام عدول امينة ام اﻻء و نانوة و ام كامي و الكل الكل يسعد الله مسائكم و صحى عشاكم

omelbanin · 2016-10-23, 19:31

السلام عليكم، وصح عشاكم كااامل، اسمحيلي حياة مارانيش ندخل بزاف لأني مارانيش نصور، حتان ياكلو باش نتفكر، راكي تعرفي الراجل والاولاد كي يجو ياكلو ينسوك في كلش بكثرة الطلبات هههه.
جبتلك عشايا تاع اليوم، اصابع البطاطا بالجبن، مع صوص بيضا

جهينة اليقين · 2016-10-23, 19:32

عشانا اليوم بواقي مع بطاطا صوتي تاع ام وليد والحمد لله

lyzzabel · 2016-10-23, 19:35

هدا ما صورت و ما درتش الحلو يا دووووب راني نلقى الوقت باش نطيب الفطور و العشاا خخخ و الحمد لله على نعمه حمدا كثيراا طيباا مباركاا فيه

حبيبااتي ما راجعتش والله غي خطفت روحي باش شا ركت شوية من بعد كي نرقدهم نولي نرااجع خخخخ

حقا تووبتي الحلوة حطيتلك اللوبيا خضرا صووتي مع اللحم محمر على بالي تموتي عليها ههه

مع السلااامة و الى الملتقى غوااالييي

Oum yousra · 2016-10-23, 19:45

ليزا العزيزة عندي مدة ماتلاقيتش بيك حنونة مبروك مازاد عندك و يتربى في عزكم ان شاء الله و تشوفوهم في أعلى المراتب ياااااااااارب و طيابك دائماً توووووووب يسلم الأيادي.