~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[loudjaine]

شكرا و اسمحولي على الازعاج

[سمراء الدنيا]

المشاركة الأصلية كتبت بواسطة chez biba

السلام عليكم ورحمة الله وبركاته

هل يمكنني الدخول ؟؟؟


بارك الله فيك اختي سمراء على الفكرة وذكرتني بأجمل ايام قضيتها في دورة الفراشات .. راح نحاول نكون معاكم بإذن الله

اهلا و سهلا بفحلة من فحلات المنتدىيسعدنا كثيرا انضمامك الينا .... رانا محتاجين وحدة من المطبخ تزودنا بالروابط المفيدة في انتظارك عزيزتي

المشاركة الأصلية كتبت بواسطة omelbanin

اختي سمراء انا كنروح لدار شيخي ندير عجنة كبيرة نتاع مسمن ولا محاجب ونتحاماو في الطياب انا سلفتي ما بالك نتاع 25 كيلو والله غير خلعتيني ربي كان في عونك
بالنسبة للجدول هل هو للبنات والذكور .،،وبانسبة لتحضيرات رمضان وشنو هوما المقبلات لنقدر نخبيهم
وبالنسبة للرجيم ،الحلوة ما ناكل حتا حبة

كنت نعجن بالطرف فوق البوتاجي لكن الطياب عاونوني 4 نساء لاكن هذاك الدليك عملي تمزق عانيت منو فترة طويلة
لالا الجدولمحتاج تعديل كبير ممكن تاخدي النقاط المعقولة فقط
بالنسبة للمقبلات نحضر لي كورني بالعجينة المورقة و لي ميني كيش و نخبيهم في علبة في المجمد و مرة اخرى نعمليهم الحشو و نقدمهم

المشاركة الأصلية كتبت بواسطة ام متين

اصبحنا واصبح الملك لله
كيف الاحوال يا فراشات ان شاء الله راكم في احسن الاحوال
سمراء شكرا على الاهتمام والرد ويعطيك الصحة والهنا ونظن ان هناك تقاليد وامور لازم نغيروها لان الوحدة تروح للعرس باه تفرح وتريح وتعاون اذاكان العرس قريب لكن نهار كامل وهي تقلي في السفنج بزاف
وزيد المعارك في الموت كيما يقولوناس بكري الموت وا......... ان شاء الله تكون صدقة عليك وربي يرحم اختك وتكون من اهل الجنة كان الله في عون الجميع

اللهم امين اختي ام متين و يرحم جميع موتى المسلمين .... في عادات اهل زوج اختي في اليوم الثالث يعملو مسمن و يروحو للمقابر و طول ماراهم يمشو في الطريق و هوما يقسموه على الناس للي مارين (مجتمعنا مليء بالعادات كل يوم نكتاشفو حاجة)

المشاركة الأصلية كتبت بواسطة حياتي كلها امل

السلام عليكم اخت سمراء فيما يخص يوم الجمعة انا شخصيا اقوم الا بالاعمال اليومية الزوج و الاولاد في البيت ومينضوش بكري.
فيم يخص الكراتين الطبيعي فهو يرطب الشعر ويهبطو شوية مايوليش منفخ كيما تاع بنتي.
ويالغزيزة يعطيك الصحة باه ديري سفنج تاع عرس وتعجني 25كيلو سميد راكي مرا ونص الله يبارك ويعطيك الصحة.
هذاك الجدول فيه شوية عدم انسجام بعض الاعمال مع السن للطفل ،انا بنتي 11سنة تقريبا نعطيلها مرات تغسل المواعن تاع القهوة اوتمسح الغبرة او تغسل تبيات تاع الباب واكثر شيء تعملهولي تروح تشريلي من الحانوت.

و عليك السلام اختي امل تعرفي لعجين لاسق فيا من للي كنت صغيرة و بنتي خرجت فيا اول حاجة تعلمتها و هي في مثل سن بنتك هي لعجين تحبو موت ههههههههه.......فعلا الجدول غير معقول جبتولكم غير على جال الفكرة الاساسية انو لازم نعلمو اولادنا يقومو ببعض الاعمال و كل طفل و امكانياتو
ربي يحفظلك بنتك و يمتعك ببرها

المشاركة الأصلية كتبت بواسطة حياتي كلها امل

اخت سمراء عندي سؤال البزار هو راس الحنوت؟اذا كان نعم قوليلي كيفاش تخدميه واش هوما التوابل الي فيه راني حابة نخدمو وماعرفتش

لبزار هو بالذات راس الحانوت ... كل عام نقول نديرو موضوع في المنتدى و ما نلحقش .... في ما مضى جاورت جارة من تيندوف عمها عطار و علمتني طريقة رائعة لصنع راس الحانوت هايل بصح طويلة شويا نحطهالك باذن الله في مشاركة مستقلة

المشاركة الأصلية كتبت بواسطة oum sabrin

السلام عليكم و رحمة الله و بركاته
اسعد الله صباحكم اتمنى تكونو بالف خير
اعتذر عن الغياب الخارج عن رغبتي
ما شاء الله عليكم و على همتكن العالية
سمورة ما شاء الله عليك راكي سوبر وومن ربي يخليلك صحيحتك و يحفظلك عائلتك
تحية عطرة لكل حبيباتي الفراشات كل واحدة باسمها
ترحيب كبير بكل الملتحقات الجديدات
راني مع فكرة توزيع ايام الاسبوع حسب النشاطات يعطي للدورة نقطة نظام و كذلك ما اشارت اليه فراشات العمر بتوزيع المهام .
اليوم نضت بكري دوشت و صليت و درت كسرة او فطير مع القهوة و درت الغذاء ارز بفيلي السمك باني خليتو لزوجي من بعد يقلي حبتو لااني رايحة نتغذى في دارنا
انا تان ما قمتش بالاعمال لي خططتههم هذا الاسبوع ساعيد برمجتها الاسبوع القادم باذن الله
يومكن موفق
سلاااااااااااااااام

و عليكم السلام و رحمة الله و بركاته .... فعلا افتقدتك يا فراشة يا نشيطة
ههه لا سوبر وومن لا والو يا بنتي راني غير ندمر راحت الايام للي كنت نطير فيها مع الطيور ههههه ....
ان شاء الله تتعدل امورك و ترجعي تزهينا بالنشاط و الصور كالمعتاد

المشاركة الأصلية كتبت بواسطة مفايز

السلام عليكم ورحمة الله تعالى و بركاته
انا من متابعات هاته الدورة منذ اعلان بدايتها وقد قررت الانضمام اليكن.

اهلا و سهلا و مرحبا بيك نتمنى انو دورتنا المتواضعة تكون عجباتك

المشاركة الأصلية كتبت بواسطة فايزة1207

و هذا جدول للاولاد تبانلي يحتاج تعديل لم اقتنع ببعض النقاط

صباح الخير لبنات يومكم طيب ومبارك
اختي سمراء لقيت هاذو يبانو معقولين












[/QUOTE]
بارك الله فيك اختي فايزة هذا واش كنت نحوس .... ساعدتيني بزاف و نقصتي عليا مشوار من البحث
نتمنى الاخوات يستفيدو منو كيما استفدت انا ....شكرا جزيلا ننتظر منك مشاركات اخرى

المشاركة الأصلية كتبت بواسطة ام امجد14

ا[color="navy"]لسلام عليكم نحولات اتمنى ان لا تكونى قد نسيتومونى هههههه
ران نطل و نحب نجيكم و يديا معمرين هههه للاسف ماهومش معمرين بزاااااف
والله هدا الاسبوع هبطلى السكر بسبب التعب انا مشكلتى لنارجى بالخف يروحولى و حتى كى نطلعهم يبقى اثرهم على جسمى

ما عملت اعمال كلها بسيطة و اردت المشاركة معكم باش نقوللكم رانى هنا احم احم هههه


المهم شفت فى بعض البيوت يعملو غرفة للغسييل مستحيل انى نعملها فعمل جهة فى الحوش مخصصة للغسيل عملتهلها ديكور و رانى نحاول نبتكر فيه بشرط يكون غسيل تشلال نشير فى نفسس المكان هاك باش ما نكرهش و انا نغسل

غسلت حاشاكم سبابط بناتى و نقيتهم و نحيت منهم الريحة بواسطة بيطاربونات و غلفتهم فى شاشى و خبيتهم للسنة المقبلة ان شاء الله
غسلت جهة من البلاكار غسلتلها الماععنها تهنيت منها
شريت كوموند للمكبخ ضمت فيه اهم الماعن باش يكونو قراب منى

حاولت انى نخفض من مجهودى باعمال بسيطة و ما خليتش الاسبوع يروه فى الريح براااااافو عليا[/color]

اهلا بالمحاربين القدامى هههههه ..... انت بالذات تناسبك الصورة للي حطيتها و عييت نديرلك في برنامج ما لقيتش للي يناسبك ربي يكون في عونك الاولاد و البيت الكبير و الشوابين ربي يقدرك و يعطيك صحيحتك
الحقيقة غرفة الغسيل تساعد بزاف على التنظيم للي عندو لوسع اي شيء يحتاج غسيل تحطيه فيها و تفرزي فيها الملابس حسب الالوان الى غير ذلك
حتى انا راني نعمل كيفك لما نشوف الاسبوع راح يروح مني نحاول نحاول نقص بعض الاعمال و لو كانت بسيطة
في انتظارك تزودينا بخبراتك و لو اني عارفة انك هاذ الايام غارقة مع اختبارات الاولاد

المشاركة الأصلية كتبت بواسطة omelbanin

سلامي للجميع بالنسبة للجدول حسيت توجد اشياء صعبة قليلا على الاطفال
وحبيت نسالكم عن استعمالات اكليل الجبل في الطبخ،انا عندي كمية معتبرة وجبتها الحقيقة على جال الاولاد لانو يقوي الذاكرة ،لذلك ينصح به في فترة الامتحانات .

جيتيني في صديقي الدائم اكليل الجبل
للي نطلعلو حتى للجبل و نجيبو و راني جبت كمية معتبرة في عطلة الربيع



يا بنتي راهو فوائدو لا تعد و لاتحصى و هو صديق المراة اقري عليه في النت
انا نستعملو لنزلات البرد خصوصا زوجي ما يبراش لو كان ما يشربوش و ما يستنشقوش و غير البارح طيبتليهم ابريق كبير .... لما يطيب نعصر عليه ليمون و نحليه بالعسل و مرات نضيفلو اما ملعقة زيت زيتون او دهان حر
و ايضا نستعملو في الطبخ للبطاطا للي في الفرن نديرو هو و الزعتر

خصوصا في هاذ الوصفة يجي رائع
https://www.djelfa.info/vb/showthread.php?t=1592046

المشاركة الأصلية كتبت بواسطة فراشات العمر

السلام عليكم
اهلا بالغالية وام الغالية بيبا اهلا اهلا
ام امجد ربي يعينك راكي هنيتي روحك من الاعمال
سمورة حبيت نخطب مريومة لان عرسكم رخيس على عرسنا احنا الذبيحة بقرة وزوج نعاج ويمدو للعروسة زوج نعاج ولا 12نعجة بلاصة البقرة
الكسكاس قنطار ونص
شربة فريك بالكفتة والجاج
السلاايط خلي برك
الخبز بالسلال تاع المخبزة
خلي الحمص والخرشف واللفت والبصل والتوابل
لي يعود راايح يدير عرس سبعين مليون

يا حوجي انا قلت بلاك يكونو اعراسكم اقل نجي نخطب من عندكم اتاريكم كارثة اكثر منا هههههه .... بصح في المنطقة نتاعنا مستحيل نقدمو للضيوف لحم بقر لازم خرفان مثلا العرس هذاك لغدا ذبحو 6 خرفان شواوهم و لعشا 8 خرفان للكسكس و 3 ايام الاخرى ما حضرتش لكن صاحبة العرس وجدت 3 قناطر طعام و قالتلي مازالهم يطيبو
و في عرسي في 95 قالي زوجي انو ذبح 20 خروف خلال اسبوع العرس ... كاين شبان مساكين ما يقدروش راهم يعملو فواياج فقط و ابن اخي لخميس هذا عرسو طلع حسابو لقى روحو ما يلحقش راح عند اخوالو في وهران و كرا لاصال و هنى راسو هههههه
ربي يكون في عو الشباب

المشاركة الأصلية كتبت بواسطة *سيرين نور عيني *

سلام عليكم
بارك الله فيك سمورة اليوم وين شفت موضوعك
راني حابة ندير التظيف العميق بصح رجلي مازالها مريضة ومازلت مع الدوا يدوخ معليش كي يقرب رمضان ندير كلش على خطرة و نريح
ربي يقدرنا يارب
بوسيلي مريومة الزينونة

و عليك السلام سيرينو ... فرحت كثيرا بطلتك علينا و راني نطمن عليك من بعيد لبعيد ربي يشفيك حنونة و يجعلو تخفيف ذنوب و بالعقل عليك المهم الصحة كانو يقولولي مقولة و تاكدت من صحتها كي كنت مريضة العام للي فات (الوسخ ما يقتلش) رغم اني ما كنتش نعمل ميناج كبير و نخدم على حساب طاقتي لكن ما صرالي والو هههههههههه تحاولي على صحتك هي الصح و اذا وصلت الامور لحدها جيبي وحدة تنظفلك بالدراهم في يوم تنحيلك وسخ عام
هاهي مريومة و بوسيها وحدك ههههه

المشاركة الأصلية كتبت بواسطة ام آدم

تقريري المسائي
بعد ما رتحت وجدت العشاء والسلطة
غسلت الاواني
استقبلت ضيوف
راجعت لابني الرياضيات للامتحانات
وظرك راح نقوم بكوي ملابس زوجي
التطبيقات الجمالية0000 للاسف
تصبحون على أمل

ربي يكون في عونك ام ادم و ينجح اولادك احنا للي رانا نقرو ماشي الاولاد نهار يدو العطلة نديرو حفلة هههههه
راني عاتبة عليك في الجانب الجمالي خصصي ربع ساعة فقط لقناع او شيء خفيف راح يطلعلك المورال ما تهمليش نفسك و حبيها و ما تخليش الظروف تنسيك فيها يا حلوة

المشاركة الأصلية كتبت بواسطة ام سمسومة 89

..........

قريت مشاركتك باهتمام اختي سمسومة و مش عارفة علاه اسحبتيها
طرحتي موضوع مهم عن تربية البنات و انا عاتبة عليك تعصبك عليهم و الضرب مش حل ابدا .... و الكلام في هاذ المجال يطول بصح نعطيك نقطة ابداي منها كل ما تجي تعصبي على بنتك صلي على النبي عليه الصلاة و السلام و الله اننا جربناها في دورة من الدورات و كانت نتائجها رائعة انا عن نفسي تخلصت من الصراخ نهائيا و تفكري دائما انو مرحلة الطفولة تعدي بسرعة و ما تفيقيش تلقي بناتك كبرو و تحني لهاذيك الفترة ... اولادي الاوائل راهم كبار و الله دايما يتفكرو صغرهم و يحكو على المواقف للي صراولهم نبدا غير شادا قلبي لما يحكو لا يقولو امي كانت شريرة و عملت و عملت
اعتابري نفسك موجودة على جال بناتك و اذا ما استحملتيهمش انت و اصبرتيلهم و ساعفتيهم شكون راح يعمل هاذ الشي و تفكري اليتامى للي عايشين من غير ام واش عاملين
ربي يخليلك بناتك و يفرحك بيهم و راني ننتاظر دخولك و نزيدو نحكو في هاذ الموضوع او راسليني

المشاركة الأصلية كتبت بواسطة ام الابتسامة

السلام عليكم
اعتذر عن الانقطاع كنت في مشاكل كبيرة
المهم الاخت التي قالت ان امي تعاني من اضطراب نفسي لقد اصابت لان امي تزوجت من رجل يكبرها ب21سنة وله اولاد ولم تعش معه يوم جميل لانها كانت تكرهه
لذلك نشانا في اضطرابات كبيرة الا ان توفي
واصبحت تكره العلاقة الزوجية فحتي اخوتي الذكور لا يجب ات يضهرو حبهم لنسائهم بل يجب ان يتضاهرو بكره نسائهم حتي ترضي عنهم
عملت برايكم فقللت من الذهاب الي امي وان كان ذلك كلفني غضبها عني الانه قلت ستتعود
بالمقابل اهتميت بابنائي من طبخ ومجالسة حتي قالت لي بنتي امي .لم تتعودي علي طبخ كلهذا ماذا جد
وابني قال لي امي كم انا سعيد لما تجلسي معنا وتسمعي حكاياتي
المهم اردت الانضمام اليكن من حيث الاكل الصحي كما ذكرت من قبل انا مصابة بالسكري فطلب مني الطبيب حمية لمدة 3شهور ثم اعود اليه مع التحاليل
وها قد مرت7شهور ولم اتمكن من اتباع الحمية وانا خائفة من الذهاب اليه
ساعدوني لكي انضبط واهتم باعمالي
بالنسبة للدورة لا يمكنني المشاركة فانا بعيدة جدا عن شطارتكن
لكن هذا لا يمنع اني ماهرة في الخياطة الطرز اليدوى والكروشي والطرز بالالة وكل عمل يكون بالجلوس
اسفة عن التطويل لا يوجدلمن احكي غيركن

اهلا بالاخت ام الابتسامة تعبعت مشاركاتك من الاول لكن لقيت لبنات وفاو و قالو المفيدة
سعيدة بالتغيير للي بديتيه و سعيدة جدا من اجل اولادك .... حل مشكلتك هو انك تحاولي ترضي الله مش ترضي احد الطرفين و هكدا راح تكوني مرتاحة
لانو ربي يطلب منك طاعة زوجك هي الاولى بدون ما تفرطي تفريط كامل في والدتك و ربي يحنن قلبها عليك و يهديها يا رب
ماشاء الله عليك لهلوبة في الاشغال اليدوية اكيد رايحين نتفاهمو مليح
تبعي معانا الدورة راح تغيرك كثير

المشاركة الأصلية كتبت بواسطة نسمة صبح

ربي يباركلنا في نهارنا ..انا متاخرة بزاف عليكم من ناحية التطبيقات..لحقت متاخرة..

حسيت الدورة ملخبطة و مفيهاش تدرج..يعني كنا كل يوم نظيفو تطبيق و نتنافسو اما الان كلو مع بعض.. معرفتش منين نبدا ههههه

اهلا و سهلا نسمة .... حاسة انو انا السبب في هاذ اللخبطة هههه ظروف ما خلاتنيش نمشي على البرنامج و تاخرنا اسبوع كامل ....لكن مازال الوقت و رانا في هاذ الاسبوع مع المطبخ اذا بغيتي تلتاحقي بينا ... كاين سيدات للي هذا وين بداو الميناج و كاين للي بداو بكري
مع اختالطت علينا تحضيرات الشهر الفضيل و المناسبات ما عرفناش وين نشوفو بصح متاكدة بانو بالشوي رايحين نحقو كل اهداف الدورة باذن الله

المشاركة الأصلية كتبت بواسطة سيرين 5

بالنسبة للمهام لي قمت بها في الأيام الماضية
يوم الأربعاء لما رجعت من العمل:
الصراحة تعبت و العشاء و ما كنتش قادرة نديرو و ما تتصوروش بيتي كيفاش كان الازدحام فيها أكياس ضخمة حطيت فيها جميع الملابس لي نحيتهم من الخزانة و ما لقيتش الوقت باش نطوها ؟؟؟؟
غسلت لبنتي طرافها و بدلتلها و عشيتها و رقدتها بعدها تكاسللت باش نوض نطيب العشاء لوكان ليا ما نتعشاش و نرقد برك لكن راجلي كان يسنا في العشاء لذلك نضت قليتلو حبات طرشي و عملتلو سلطة طماطم و بصل و حطيتلو العشاء و ما غسلتش الأواني رحت نرقد عييت
يوم الخميس هو راحة لكن واشمن راحة و الدنيا مقلوبة رأسا على عقب:
شربنا قهوة حليب زوجي راح للعمل و أنا بقيت مع بنتي غيرتلها ملابسها و رضعتها و حطيتها تلعب و أنا نفرز في البيت بديت نطوي جهة زوجي من الخزانة حتى عيات بنتي و حبت ترقد رقدتها و كملت شويا الترتيب بعدها خرجت كان عندي مشوار حتى للمساء عاودت رجعت للبيت وقعدت شويا عند عجوزتي حتى جاء زوجي من العمل تعشيت عندهم و طلعنا عشيت بنتي و رقدتها و رحت أخذت أنا حمام و إلى النوم
بالجمعة نضت على 6 أخذت بنتي معي للمطبخ و فرشتلها في الأرض و حطيتها تلعب و أنا غسلت كومة الأواني و مسحت الفرن و عجنت الخبز الحار جربت الوصفة لأمم أماني جاء هايل يعطيها الصحة



و فرغت الثلاجة كامل و نظفتها -بنتي هبلتني غير تبكي تحوس نرفدها ديتها غسلتلها طرافها و بدلتلها و رجعتها ترقد عيطتلي يما قاتلي ارواحي ديريلنا البتزا الكاري قلتلها دنيتي راهي مقلبة الحوايج راهم في الصاشيات ما طوتهمش و الفريجيدار راني نغسل فيه الكوزينة مرونة ... وجديلي لاصوص راني نطول شويا باه نجي
أنا دخلت للمطبخ نكمل و عجوزتي طلعت قاتلي راه جاء البلومبيي يخدم الدوش وااااااااااااع يا ناس غرقت ؟؟؟؟؟؟؟؟؟؟بدلت ديراكت حوايجي و رفدت قشي و رحت ندير البيتزا و خليت كلش مرون و خلي لي ما يشتري يتفرج ؟؟؟؟؟؟؟؟
رحت لدارنا و درت 2 كلغ فرينة بيتزا يعني 8 سنيوات

في المساء جاء راجلي داني قتلو اشريلنا سندويشات شواء ما نجيب عشاء من دارنا ما نروح للدار نرفد و نحط هاد الليلة بديت نحس روحي عيانة و فشلانة و حلقي يحرق و نيفي مبوشي حشاكم شربت تيزانة و باراسيتامول ، رجليا كانو يسطرو خلاص مت بالعياء
بالسبت ديت بنتي الصباح للطبيب و كي رجعت حكمت الخزانة كملت طويت جهة راجلي رحت درت مسفوف بالجلبانة للغداء و في نفس الوقت نطوي في الخزانة و نلم في الكراكيب و أهم حاجة أرميييييي كل حاجة ما تسحقيهاش أرميهااااا بدون تردد ماكاش بالاك نستعملها لاحقا
نحيت كامل الملابس تاع الشتاء درتهم في أكياس خاصة و خبيتهم في البلاكار و نحيت كامل الملابس لي ما نحتاجوهاش باش نمدوها

و رتبت أدراج الملابس الداخلية بهاذ الطريقة نشوف كامل واش كاين في الدرج و نربح المساحة


و نحيت الزربية غيرما غسلتها لكن البارح تقياتلي فيها بنتي آلوغ نعاود على سعدي نغسلها و كنست الأرضية تاع كامل الدار كي كملت حسيت بواحد الراحة ما تتصورهاش رغم أنو رجليا ولاو يسطرو مازال ملابس بنتي اليوم ان شاء الله نشريلها كوموند باش نجمعلها ملابسها فيها و كنت في المساء درت بغرير و بعت منو لعجوزتي نست باش نصورو هاذي الحبة تاع راجلي قبل ما ياكلها هههههه

و في العشاء كنت بزاف عيانة و مع الفشلة تاع لاغريب درت طماطم مقلية بالبيض و سلطة فلفل و طماطم و بصل رحت نرقد
حالة المطبخ ما نحكيلكومش كيفاش راهي ما قدرتش نكملو خليتو يبهدل اليوم في المساء بإذن الله نستكلف بيه
نخليكم مع صور الخزانة خليتها في الختام يعني النتيجة عجبتني بزاف و شفت بلي الخزانة كانت معمرة غير بالخردة خليت فيها غير واش نلبسو هههههههه لقيت بلي ما عندناش حوايج بزاف ههههههههه آه بالاك نصهم راهم للغسل هههههه

ماشاء الله فحلة و نص و 25 ما خليتيش الظروف و العقبات تحبط عزيمتك هاذي هي الهمة للي راني نحوس عليها ...... انا غير قريت تعبت ههههه ما بالك انت للي كنت تخدمي .... ربي يقويك و يعينك و يحفظلك بنيتك
مشاركاتك عطات طعم اخر للدورة خصوصا انها مدعمة بالصور
عجبتني خزانتك بزاف لانو خزانتي مقلوبة راسا على عقب مازال ما خبيت ملابس الشتاء لانو مزلنا نلبسو القطيفة راهو مازال عندنا البرد و رايحة نفرزهم باذن الله في اسبوع غرفة النوم

[omelbanin]

اختي سمراء الدنيا قتلتيني بالضحك حتى الدموع سالولي على هاذيك الصورة .
ختي سيرين يعطيك .الصحة ،،كي كنت تحكي حسيت راكي تخدمي كلش بالقلق ،بصح خرج كلش شباب .حبيت نسقسيك ختي سيرين وسمراء،كي تطيبو للعائلة حاجة نورمال ماشي رجيم تاكلو بكمية قليلة ولا تطيبو حاجة صحية ليكم ،

[ام صفصف]

السلام عليكم مشاء الله عليكم

[سمراء الدنيا]

المشاركة الأصلية كتبت بواسطة omelbanin

اختي سمراء الدنيا قتلتيني بالضحك حتى الدموع سالولي على هاذيك الصورة .
ختي سيرين يعطيك .الصحة ،،كي كنت تحكي حسيت راكي تخدمي كلش بالقلق ،بصح خرج كلش شباب .حبيت نسقسيك ختي سيرين وسمراء،كي تطيبو للعائلة حاجة نورمال ماشي رجيم تاكلو بكمية قليلة ولا تطيبو حاجة صحية ليكم ،

ربي يجعل كل ايامك فرح و سرور هههه
بغيت نرد عليك قبل لا ضيع المشاركة و نقعد نحوس عليها ههههه
مأخرا تعلمت نطيب اكلي وحدي خصوصا لي سوب .... و اذا كان اكل عادي ناكل معاهم بكميات مناسبة
و مثلا نقصت من لفريت راني نطيبها في الفرن و راني مصورة الوصفة ان شاء الله نحطها
المراقي غالبا ناقصين دسم
البيتزا و العجائن نقصت منهم بزاف راني نديرهم تقريبا مرة في الشهر بعد ماكنت نديرهم كل يوم سبت و هاكداك و ناكل قطعة صغيرة و نكمل بالياوورت او فاكهة
و اذا كان الاكل معجنات بالبيشامال ناكل خضر فايرة
راهو ينوض فيا الراجل مسحق الميكرو المرة الجاية نجيبلك صور

[سيرين 5]

ام البنين طريقة طيابي عملت عليها تعديلات باش تولي صحية مثلا شربة المرمز صحي على الفريك ايضا الكسرة نعمل تاع الشعير يعني نحاول كل حاجة نعملها بديل صحي و نطيب ليا و لراجلي كاين غير انا و ياه و بنتنا صغيرة مازال ما تاكلش معانا
و صح كنت مقلقلة علاجال خلاص الويكاند و ما كملتش اعمالي حسيت بلي خلطتها و واش يصفيها مي تصفى ان شاء الله

[ام هزار]

السلام عليكم و رحمة الله تعالى و بركاته
اشكر كل من ساهمت و تساهم في اثراء هذه الدورة الطيبة . و على راسهن القائدة المميزة سمووووورة
اعذروني ما نيش ندخل لانو هذا ااااااااخر اسبوع لينا في التعليم. و من بعد تجي الاختبارات . رانا في ضغط كبير من الحراسة للفروض للتصحيح للاختبارات
اما بخصوص ما اقترحته حبيبتي سمراء من تنظيم للدورة فانا معك 100 ب100. فقط صابروني و لي عودة ان شاء الله لوضع تقاريري . حاليا انا مع الروتينات اليومية فقط
سلام لكل العضوات القديمات و الوافدات الجديدات

[سيرين 5]

ههههههههههه حياتي كلها امل والله ضحكتيني علابالك لالا راني محبسة عييت لكن نرجع ان شاء الله
الله يسلمك والله ما ساهلة الوقت كامل ماكاش

[غزالة1]

السلام عليكم
مساء الخير للجميع
سمراء الصورة اضحكتني و مكانها الحقيقي في غرفة نوم كل جزائرية لانو نفتحو عيونا و نجرو و في الليل نطيحو دودات لذا لازم نبدا اليوم عليها حتى لا ننسى انفسنا و نستمتع بكل شئ في الحياة و في الليل نرقد عليها حتى نرقد مهنية و نتخلص من تانيب النفس انو الاعمال لم تنتهي
سلام

[غزالة1]

حبيت نرحب بكل الجديدات
الاخت لجين loudjaine لا يوجد ازعاج و لكن هذه الايام الكل مشغول مع الامتحانات
انا عن نفسي لم افهم سؤالك لانو بمجرد انك تسجلي سوف تدخلين كل الروابط الا الروابط التي لا تعمل
سلام

[loudjaine]

السلام انا اليوم غسلت كويزينيار و الحيط لي مساميها ايا كسرلي ولدي بيبرون وليت سيقت الدار كاااامل و ضرك نتبق الخزانة الجانب الديني وااالو ما عدا الصلاة في وقتها ...ما نقدرش نبدا بالصالون لانو راحونعاودو الدال دو سول و لميت فيها القش كامل ....

[أم محمدامين]

راني جائت متاخرة .اتمنى.ان. تقبلونى.معكم

[دانية لينة]

السلام عليكم انا جديدة و حابة نشارك في الدورة في الاول لم افهم الموضوع و ضننت انو سوال عن تنظيم الوقت راح نراجع الصفحات السابقة للالتحاق بالمجموعة
بالنسبة للخزانة انظف جهتي يوم الخميس لانه عطلة و جهة الزوج كل جمعة لانو يلبس لباس رياضي جمعة و سبت الاحد يجد كل ملابسه واجدة هذا روتيني و ملابس الشتاء خبيتها الاسبوع الماضي القجورة نفس طريقة طوي الاخت سيرين خاصة ملابس بناتي صغار يقلقو بهذه الطريقة ما يديوش المكان و يبقاو مطويين عندي ايام منين بديت تنظيف لمطبخ "الخزاءن" و اليوم غسلت لحيوط و الحمد لله موالفة نفرغ لخزاين و نغسل لمواعن في يوم و الغد نغسل الحيوط لكن مع الاطفال صار صعب كل دقيقة كاين اشهار ههه السلام عليكم نشالله نكون خفيفة عليكم في هه الدورة و تقبلوني معاكم ت

[دانية لينة]

الله اكبر الموضوع شيق جدا جزاكي الله كل خير اختي سمراء حقيقة انا غير مرتاحة في بيتي لاسباب مختلفة و حقيقة انا بيتي مليء بالمرايا لاني احبها كثيرا و البيت يديرلي ضيقة لانو مظلم و بعيد عن الحركة انا لا احبه خلاص البكاء في الحمام كما ذكرتي

[دانية لينة]

اعتذر لاني استخدم المحمول انا ابكي دايما في الحمام لامكي اخافنيالحمد لله واضبة على الاذكار و عندي مراة مقابلة للسرير سوف اغطيها قبل النوم يعطيك الصحة