~ ~ ~طلباتكم مجابة بإذن الله ~ ~ ~

[ام هزار]

المشاركة الأصلية كتبت بواسطة ديدا ديدا

السلام عليكم أخواتي حبيت نسقسيكم كيفاه ندير للكفتة باش تجيني طرية من داخل

اختي ديريلها الاصفر تاع البيض باه يطريها..و الابيض باه تتماسك.... و لكن على حسب الكمية تاع اللحم المرحي اللي عندك
ايضا تقدري ديريلها حبة كوسة يعني جريوات او قرعة كل واحد كيفاه يسميها .... رابيها رقيقة في تاع الثوم و زيديها للكفتة تاعك..... صدقيني تجي طرية و بنينة........ بالتوفيق لك اختي

[ام هزار]

المشاركة الأصلية كتبت بواسطة ديدا ديدا

السلام عليكم أخواتي حبيت نسقسيكم كيفاه ندير للكفتة باش تجيني طرية من داخل

نسيت باه نقلك عجنيها مليح بيدك باه تتخاط كل المكونلت الي فيها من توابل و غيرها .............

[رياحين الجزائر]

قتلكم راح انهبلكم بالاسئلة سؤالي
حلوة الكفة تتخدم بعجينة اللوز ولا بعجينة السكر يعني فهمتوني نقدرو نخدموها بعجينة السكر ولا لازم عجينة اللوز
وسؤال الثاني بودرة اللوز اللي نستعملوها في عجينة اللوز تتباع لاني جربت نرحي اللوز تعجن معايا
وشكر مسبق للي راح تجاوبني

[أم ياسين الزهراء]

رياحين بودرة اللوز كاين عند حملات اما السوال الاول اسفة مانعرفش حبيبتي

[ام انفال الاء لجين]

السلام عليكم ...رياحين اللون انصحك تشري نتاع القارورة ينباع 50دينار من خلاله تقدري تتحكمي في اللون فاتح او قاتم

[ام انفال الاء لجين]

اللوز المرحي نعم يباع مطحون غبرة..........كما انك تقدري ترحيه وحدك برحاية القهوة موفقة اختي.

[ام انفال الاء لجين]

اختي الكفتة تنخدم بعجينة اللوز تجي بنينة .....تخرج بعجينة السكر انصحك تصنعي نتاع المارشميلو لانها تجي طرية و تساعدك في العلم.

[ام انفال الاء لجين]

ام سراج جيجلية ام ياسين ان شاء تكونو بخير

[oum islem]

اذا وحدة ماراح تفتح الكوزينة نفتحها انا
ما رانيش مستعدة لكن احسن من تغلق نهائيا

[om wassim]

ام اسلام راني بعثت لام كوثر و مازال ما ردتش عليا اذا حبيتي غير افتحيها خيمن نقعدو برا هههه

[ام هزار]

سؤالي اليوم حول حشو القرنون باللحم المرحي........... كيفاه ما يتنحاش اللحم المرحي من القرنون اثناء الطياب ......... انا يتنحالي بالرغم اني قبل و ضعه في المرق نعقب عليه بيدي شوية من بياض البيض غير مخفوق .... و ايضا نلوحو في الدقائقالاخيرة قبل استواء الطبخة..

[أم احمد]

للاخوات للي جربوا كيكة الدانيت لام اماني هل ممكن استعمال نوع آخر من يغوورت شكولاطة مثل بنينة هل تنجحلي بها ؟؟ام لازم الدايت لاني صراحة ملقيتهاش عندنا متوفرة ياريت تجاوبوني في اقرب وقت ومشكورات

[رياحين الجزائر]

شكرا للي جاوبوني يعطيكم الصحة

[ام انفال الاء لجين]

السلام عليكم....
ام احمد نعم تقدري ديري بنينة و يخرج شباب.

[ام فراس اصيل]

المشاركة الأصلية كتبت بواسطة ام هزار

سؤالي اليوم حول حشو القرنون باللحم المرحي........... كيفاه ما يتنحاش اللحم المرحي من القرنون اثناء الطياب ......... انا يتنحالي بالرغم اني قبل و ضعه في المرق نعقب عليه بيدي شوية من بياض البيض غير مخفوق .... و ايضا نلوحو في الدقائقالاخيرة قبل استواء الطبخة..

اختي نمدلك طريقتي وكي يدخلو لبنات يزيدوا يقولولك انا نغليه مليح في الماء مع شوية ملح مبعد نقطروا نطيب صوص بيضاء بالدجاج خاثرة ومبعد نطيب الفيونداشي مع فلفل اكحل ملح دبشة شوية زيت ومبعد نجشيه عادي ادا حبيتي ما ديريش بياض البيض انا نديرو هكاك ما نحبش ريحة البيض ومبعد ستفيه في بلا انتاع الفور وكبي فوقوا لاصوص انتاع الدجاج تكون خاثرة وفرماج رابي ودخليه الفرن قيمة ما يشرب لاصوص يجيك روعة وما يطيحلكش الحشو كي يطيب في الفور وكي تسقي سايسيه يبقا شاد روحوا وبنين اختي ادا عجباتك الطريقة ديريها وكل واحد طريقت انا كي دخلت لقيت قلت نجاوب ويزيدوا يقولولك لبنات علبالي كامل شاطرات انا نتعلمو منهم