الجزء 95 ** من واش طيبتي اليوم ** - الصفحة 37

nihale89 · 2014-10-28, 16:53

مسااااا النوووووور
الغدا عولت علي دويدة مفورة تبدل البوقرام بربوشة بالحليب والقديد والخضر
بطلب الجهات العليا هههه
شي بيبا الف مبروك والحمد لله علي سلامتك يتربي في عزكم

om wassim · 2014-10-28, 16:59

شي بيبا الف مبروك و يتربى في عزكم ضياء الدين و كي ليوم تشوفيه عريس ان شاء الله

omomnia15 · 2014-10-28, 17:03

صح قهوتكم كامل
لينا شكرا على وصفة المرقاز واذا كان عندي مصارن ثاني نديرو هكذاك
ام تاج المقروط يشهي
لوجي البسبوسة تهبل

om wassim · 2014-10-28, 17:10

لعشا رايحة ندير سردين راه فالدرسة يستنى

و درت حساء البسباس تاع لهومة و سلاطة و ديسير تفاح و الحمد لله

لينا11 · 2014-10-28, 17:18

ام وسيم سخفتيني بالسردين مممم
سخفت عليه فالكوشة بالثوم ومحمر الله الله مع اغروم طاجين وااااااااع

أم فاطيمة · 2014-10-28, 17:31

ام التاج المقروض فووور
لينا اممممممممممممم مرقاز نتاع الصح يعطيك الصحة
ام وسيم بصحتك السردين انا درته البارح
و هاكم شوي سفنج باش تتقهو

و هدي سباقيتي نتاع لغد ا و لعشا ربي يجيب ههه

شاوية حرة 05 · 2014-10-28, 17:34

اقتباس:

المشاركة الأصلية كتبت بواسطة أم محمد تاج

حبيباتي مقروووض المقلة على طريقتي خسارة كنت حابة ندير طريقة ام سهووومة بصح زوجي ح ماجابليش الدقيق المتوسط فاضطريت درت طريقتي وجا مممممممممم
من الصباح وانا نحاول مع مراكز التحميل كامل تضربووووووو ومازالني نحاول ونعاني

امممممممممممممممممممممممممم وامممممممممممممممممممممممممم يعطيك الصحة والله تشهيت نا كلو قلت لجدي يجبلي الغرس نديرو نكول نو ولو حبة سخفت ملي شفت تاع لينا

أم فاطيمة · 2014-10-28, 17:43

اوووووووووووووووووووو لقريب دايرة فيا حالة
وزاد المنتدى حولي عينيا راه غير يحاول فيا
و انا صامطة

مرام 1987 · 2014-10-28, 17:53

[quote=ام سراج وملاك;3992000489]

اقتباس:

المشاركة الأصلية كتبت بواسطة oumjiji

لالا قصدى ان ثاني من نفس المنطقة قوليلي راكي خدامة ولا لا انا راني قاعدة في الدار وما تدري بلاك المكتوب يلاقين

صباح الخير اختي ان شاء الله نتلاقاو وعلاه لا كي تدخلي كشما مرة نحكيو في الدردشة

ام ياسين + ام ساجد + طالبة جامعية + ميموني + نهال 89 + ام امنية 15 + ام وسيم + دائمة الحمد + سلمى تيتا + سارة عواسي + ام رحاب + ام نور وجمانة + ام فاطيمة + ام لقمان + لوجي عمري + ام اناس + ام مصعب + ام محمد تاج الدين + اماني السلام + ارزاق + ليزابيل + كوكا صباح الخير عليكم كامل نهار موفق للجميع

ليزا حبيبتي الحمد الله عللى سلامتك راكي خليتي فراغ كبير وتوحشناك من قلبنا

ارزاق مرحبا بيك حبيبتي بيناتنا

كوكا معليهش حنونة حطي الصور لاشة كبار المهم تشاركينا باطباقك الرائعة

دائمة الحمد اول مرة نسمع بلي التمر تخبيه في المجمد ميجيش مشمخ كي تخرجيه من الثلاجة حابة نخبي شوي عجوة جاتني من مكة المكرمة

حقا نسيت لي حطو عشاهم نتاع البارح بصحتهم ويعطيكم الصحة

لبنات ربي يخليكم لي عندها خبرة تقلي واش يديو لعروس في عاشورة رايحة نوجد لمرت خويا خي علابالكم راهو خلاتولي ماما ربي يرحمها امانة عندي حتان نزوجو ونتهنى منو ادعيولو ربي يكملو ويهنيه قالولي يديو رجل لحم وقضيان واخرين قالولي لازم كسوة دوخوني اعطيولي اقتراحتكم انا قلت بلاكش ندير حبات قاطو وتورة واش رايكم زيدو عاونوني
نروح نكمل شغالاتي ونولي

يا عمرييييييي ربي يتمملو زواجو ويصلحلو مرتو ويجعلها مطيعة ليها ويرزقهم الذرية الصالحة المعافاة يااااااارب
والله ما عندي فكرة بصح نسقسيلك ماما ونرد عليك
ادعيوا لخاوتي ربي يسهللهم أمورهم ويرزقهم الزوجات الصالحات ياااارب

مرام 1987 · 2014-10-28, 17:55

اقتباس:

المشاركة الأصلية كتبت بواسطة lyzzabel

ميمتي الحنيييينة ام رحاب صباحك سعيد يا الغالية و ربي ما يحرمنيش منك ،، راني شوية و الحمد لله و نتيا و البنات انشالله راكم لاباس ،، ما تتصورييييش شحال توحشتكم و توحشت اللمة ربي يدومها امييييين

ام مصعب و ام سراج يسال عليكم الخير حبيباتي

ام سراج حنا عندنا يدو للعروسة رجل ولا جاجات حسب الطاقة و معاها فطورها رقاق مقيوم من كلشي بخضرته و زيته و حمص و طماطم معلبة و حتى لي زيبيس و بلا ولا زوج تاع قاتو منوع و كسوة ولا حاجة تاع ذهب ولا للزوج مع بعض راني نقولك كل واحد و طاقته ،، هادي في جهتنا و نتيا زيدي شوفي مع الباتنيات ههههه ،، ربي يكمله بالخير و يهنيه و يسعده اميييين

طالبة الجامعة بصحتكم الزيتون حبيبتي و شكرا على الدعاء

لوجي عمري بارك الله فيك و مرحبا بيك بيناتنا عزيزتي ،،،،، الأيقونات ما راهمش يتفتحوووولييي

اللهم انت السلام و منك السلام تباركت يا ذا الجلال و الإكرام

على سلامتك يا الغالية والله خليتي بلاصتك فااااارغة والمنتدى كان زعفان منك كي ما دخلتيش
ربي يشفيك إن شاء الله يا العزيزة ساعدي روحك لاقريب راها واعرة

مرام 1987 · 2014-10-28, 17:59

اقتباس:

المشاركة الأصلية كتبت بواسطة chez biba

راني ولدت يوم الجمعة والحمد لله جبت طفل
دعيت لكم كامل بالخير وما نسيتكمش خاصة جيادا، ام كاميليا، مرام، كاوكا، ام نسرين .....
الف مبروك ام إيناس الحمد لله على سلامتك، ما شاء الله ربي يحفظها وتتربى في عزكم

يااااااااااي ألف ألف ألف مبروك الزيادة إن شاء الله يجعلو ربي من حفظة القرآن ويجعلو بااااار بوالديه ياااااااارب
واش راكي يا الحبيبة والله حتى أنا دعيتلك من قلبي يوم الجمعة تفكرتك والله ودعيتلك ربي يشفيك ويعينك على تربيتو
ردي بالك الكتكوتة تولي تغير وإذا إستلزم الأمر .................................... .ديريلها لاكوش

على فكرة مين جيت نقرا إسمي حتى ولا قلبي يخبط قلت يا ويلي هذي أكيد نساتني هههههه يعطيك الصحة على الدعاء

مرام 1987 · 2014-10-28, 18:03

الله يبارك في بنوتة أم إناس الله يبارك ما شاء الله تتربى في عزكم إن شاء الله ويجعلها من حفظة كتاب الله ياااااارب 🍼🍼🍼🍼🍼

مرام 1987 · 2014-10-28, 18:05

اقتباس:

المشاركة الأصلية كتبت بواسطة أم محمد تاج

الله يعطيك الصحة ام رحاب حنونتي واقيلا اليوم راكي صوماااااج??????? ههههههههههههه
مواحتييييين نسيبتي الغالية
كنت نقرعج من وراء القضبان لقيت طلب حنونتي ام سراج الله يحفظلك خوك ونشالله تشوفيه عريس ويرتاح بالك وبال ميمتك الله يرحمها
حنونتي حنا نديرو رجل لحم معاها شخشوخة بتاويلها يعني مرقتها ولحمها وحمصها وبيضها ووووو ونشبحو الصحن ونزينوووه بالدراجي بصح بلا مانسقيوها ونديو معاها كورباي تاع الفاكهة متنوعة ومزينة كذلك بالكوجاك والحلوى ونديو كهدية بسيطة ريحة وصابوووون وبلا تاع لي قاطو ولا تارت مشرية وخلالالاص واذا حنونتي بمقدورو خوك يدير كسوة يدير يعني حنا عندنا مايش ضروري حقة ونديو مع الهدية باكي حنة

وععععععععع ما فهمتش
قصدك تدي اللحم ما طايبش يعني فخذ
وتزيد تدي اللحم طايب مع المرقة ووووووو والشي لي ذكرتيه

طالبة الجامعة · 2014-10-28, 18:12

السلام عليكم واسعدتن مساء حبيباتي
الف مبروك شي بيبا يتربى في عزك ان شاء الله

طالبة الجامعة · 2014-10-28, 18:14

السلام عليكم واسعدتن مساء حبيباتي
يويويويووووووووووووووووووووووووووووووووووووووووووو وووووويييييييييييييييييييييييييييييييييييييييي الف مبروك شي بيبا يتربى في عزك ان شاء الله