الى ام اسيد1 وكل وحدة حاصلة واش الطيب - الصفحة 37

ام حمزة22 · 2014-10-17, 14:29

سلام
يومكم سعيد يا اهل الخير
والله توحشتكم بزاف بزاف بزاف
اللنترنت ما زال ما عنديش
راني نكونكتي من عند اهلي
امي ربي يحفضهالي قالتلي جيتي تقصري ولا تلعبي بالطابلات هههههههه

سمسومة 05 · 2014-10-17, 14:46

اهلا نورتي يا ام حمزة والله توحشناك على سلامتك ماطوليش علينا

ام حمزة22 · 2014-10-17, 14:51

اشكركم جميعا سامحوني راني قلقتكم شوية عليا
انا وا لفتكم ووليت مدمنة عليكم ههههههههه
ما جيتش يديا فارغين
جبتلكم تشكشوكة بالباطاطا درتها البارح زعما فطور وعشا روحت نطل على مرت لوسي لقيت وليدي بسلامتو خلص الطنجرة
قالي جات بنينة بزاف و فالمساء طيبتلهم سوب الخضار
نشوي الفلفل والطماطم نحط الفلفل في ساشي باه يتنقى بلخف نقطع بطاطا في طنجرة ونرابيلها ثوم ونضيف العكري والزيت نخليها تتقلى
بعد ما تتقلى نضيفلها الفلفل ونضيفلها شوية ماء من بعد ربع ساعة نضيف الطماطم ونخليها تجمر حتى تتقال المرقة من بعد نضيف البيض تغبي غلية ونطفي

ام حمزة22 · 2014-10-17, 15:28

وهاد الطبق تان صورتو حبيت نحطهولكم وهو
الدوارة (الكرشة)
انا تبعت طريقة امي درتها فالماء الساخن وزلطتها وكي نحطها فالماء الساخن نخرجها تمتم ما نخليهاش تبطا ندخل ونخرج ونكرطها بالموس
كاين لي ما يزلطهاش وكليتها عند مرت خالي جات بنينة تشهي
المهم طريقتي فالعصبان هي
نوجد الدوارة ونقطعها شكيورات صغار لي باه نعمرها ولي قعد نديرو حشو ونضيفلو الغرنوق اي الرية ونضيف حميصة و جلبانة و حشيش مقطفة و عكري وملح ودرسة نوجدوها بفلفل دريس
نخيط جيهة من الشكيورة ونعمرها بالحشو من بعد نكمل نخيطها و ما نعمرهاش بزاف باه ما تترتقش كي طيب نحطها في طنجرة ونضيفلها الماء ونخليها طيب
بعد ما طيب نضيف القرعة كي طيب نطفي عليها ونضيفلها حشيش مقطفة

hayette82 · 2014-10-17, 18:05

Walah twahachtk ndkhl lil montada alajal atbakak

hayette82 · 2014-10-17, 18:06

44444444444444444444

ام سوهيل · 2014-10-17, 18:30

واخير هل القمر على سلامتك ام حمزة ماطوليش علينا

آنثى آلمطر · 2014-10-17, 19:53

اهلال ام حمزة على سلامتك طولتي الغيبة توحشناك

آنثى آلمطر · 2014-10-17, 19:53

اقتباس:

المشاركة الأصلية كتبت بواسطة ام حمزة22

وهاد الطبق تان صورتو حبيت نحطهولكم وهو
الدوارة (الكرشة)
انا تبعت طريقة امي درتها فالماء الساخن وزلطتها وكي نحطها فالماء الساخن نخرجها تمتم ما نخليهاش تبطا ندخل ونخرج ونكرطها بالموس
كاين لي ما يزلطهاش وكليتها عند مرت خالي جات بنينة تشهي
المهم طريقتي فالعصبان هي
نوجد الدوارة ونقطعها شكيورات صغار لي باه نعمرها ولي قعد نديرو حشو ونضيفلو الغرنوق اي الرية ونضيف حميصة و جلبانة و حشيش مقطفة و عكري وملح ودرسة نوجدوها بفلفل دريس
نخيط جيهة من الشكيورة ونعمرها بالحشو من بعد نكمل نخيطها و ما نعمرهاش بزاف باه ما تترتقش كي طيب نحطها في طنجرة ونضيفلها الماء ونخليها طيب
بعد ما طيب نضيف القرعة كي طيب نطفي عليها ونضيفلها حشيش مقطفة

طريقتك روووعه يعطيك الصحة

ام هاديل وياسين · 2014-10-17, 21:09

اهلا ومرحبا اختي ام حمزة واخيرا نورتينا الله يخليكي
ولله غير توحشناك راكي خلتي فراغ كبير
ان ترجعيلنا في اقرب وقت

ام حمزة22 · 2014-10-18, 17:10

سلامي الحاااااااااااااااااااااار للجميع
والله انا تان توحشتكم وادممنت عليكن وان شاء الله ما يحرمنيش من ردودكم العطرة
و بادن الله من اليوم تتحسن اموري و ما نزيدش نغيب عليكم
قريت الردود لي فاتت كن حابة نعمل اقتباس للجميع لاكن ما قدرتش
اشكركن جميعكن على التشجيع وابقا الموضوع حي بوجودكن
وكل وحدة تحب تحط طبق من اطباقها تتفضل راهي مسامحة باش الكل يستفيد ونتعلم من بعضنا البعض
امنية غفران يعطيك الصحة على الحريرة نتاعك راهي تشهي خاصتا هداك الزعتر لي من الفوق يخي زعتر ولا راني غلطة
ماريا مرورك اسعدني والجواب عن سؤالك في ما يخص الرشتة كي نجي ناكلها نسقيها بالمرقة تكون سخونة ما كالاه نشربها رانا شربناها من قبل بللماء و فورناها جي طرية
واي وحدة حطتلي سؤال وما جاوبتهاش تسمحلي تعاودلي السؤال وبادن الله نجاوبها
تحياااااااااااااااتييييييييييييييي للجمييييييييع

Maria dadi · 2014-10-18, 18:57

تعيشي حنونة ماكلة نتاعك تهبلللللللللل باينة بنينة بزاف يا بخت زوجك واولادك بيك الله يبارك مرة ونص
ربي يبقي عليك الستر ويبعد عليك العين آمين
ام حمزة شفت كامل طبيخك في طنجرة عادية ماتستعمليش كوكوط علاش
كيفاه طيبي اللحم و كرشة بلا كوكوط يعني يطيبوا

ام حمزة22 · 2014-10-18, 19:21

سلام حبيبتي شكرا على الدعاء لك بالمثل ان شاء الله
الكوكوطة كنت نستعملها ودرك وليت نخافها من الحوادت لي راني نشوفها
انا نطيب بكري ونخلي طياب يطيب بعقلو هو صح اللحم يبطة بصح كي نوض بكري ونحطو فوق النار يجهز و جي الماكلة بنينة خير من اكل الكوكوطة
والكرشة ملي حطيتها فوق النار على الساعة 8 وهي طيب حتى 11 ههههههه
ما عليش تاخد وقت و ما نجازفش بالكوكوطة

hanane09 · 2014-10-18, 23:02

شكرا لك ياام حمزة اليوم لقيت موضوعك وعجبني بزااااف والدليل هتصفح من باج الى باج راني في رقو 10 واستفدت بزاف وشكرا لك للمر 2 موضوع رائع

آنثى آلمطر · 2014-10-19, 10:08

صباح نور ام حمزة وشراكي صفا