الكوزينة 43 من واش طيبتي و ابدعتي اليوم / كواليس ** كواليس حصريا لفحلات الجلفة - الصفحة 37

أم إناس · 2013-12-04, 16:32

ام محمد يوسف اممممممم الكيك والمسن ليسمن ارووووعه يعطك الصحه
ام راضيه بصحتك الملوخيه
الامنيات ماشاء الله على الحرير
ام طهي ام زاكي مساء الورد حنوناتي
Almazalin اهلابيك اختي ومرحبا

omhadil · 2013-12-04, 16:36

مبروك الكوزينة الجديدة اختى بسملة ومبروك مازاد عنكم وربى يفرح كل محروم يارب
وهذا بريوش ام امانى الاكثر من رائع

أم إناس · 2013-12-04, 16:40

ام هديل خرجلك البريوش اممممم روووووعه وباين خفييييف بصحتك حنونة

lamia zina · 2013-12-04, 16:43

البنات اجريو ليا راني في ورطة اول مرة نفشل في هذا المنتدى يخاه كيفاه ندير ارجو كل وحدة تعرف ما تردنيش راني ندير في اساور الغرس تع ام رامي و العجينة حاتني بزاف ميدما يعني مزيتة بزاف بصح المشكل ما عرفتش نستعمل المول كيفاه ندير دويرة و نطبع و لا ندير حربوش و نجشيه على كلي حال جربت جميع الطرق و ما لقيتش روحي اذا ما لقيتش جواب نروح نرمي لعجينة و خلاص

الأمنيات · 2013-12-04, 16:44

ام راضية المهم عجبتنا وجربناها المملحات
ام اناس واش راكي
ام هديل مصحتك البريوش

almazalina22 · 2013-12-04, 16:48

شكرا ام ايناس على الترحيب ياو اقتلتيني بهاديك لاموس وراني في مكان الشانتي نجيبها بالسيف واااااع وين نلقى الشوكولا بجودة عالية ربي يفرج
توتة الفوندو ما خرجليش درت كمية قليلة جربت لكن يبسلي وانا نخلط فيه يعني وين الغلط وشكرا على تعبك

almazalina22 · 2013-12-04, 16:52

لاميا بلاك الفرينة نوعية سيئة انا كي تصرالي هكا نزيد شوية حليب تحكم روحا وتقدري تشكلي وجربي في شوية برك عجينة لاشفتيها صلحت زيدي للعجينة كاملة هذا رايي زيدي شوفي مع الشافات راني جديدة وندخل في روحي هههههه

أم محمد تاج · 2013-12-04, 16:52

لامية الزينة حطي الرابط نشوفو باش نقدر نساعدك؟؟؟ مافهمتش الأساور بالمول ولا باليد؟؟؟

لينا11 · 2013-12-04, 16:53

لبنات جبتلكم واحد الكيكة سحرية بمعنى الكلمة ممممممممممممممممم وزيد شبعة خلاص

شوفو مليح طبقات ممممممم

هذا ميلفاي غني عن التعريف

هذو ليباركات بعجينة بريزي محشوة بكريم باتسييار ومن الفوق مورانغ ومزينة بالشكولا ولوز ايفيلي محمص بنين تهبل مممممم

هنا من داخل

الأمنيات · 2013-12-04, 16:53

اقتباس:

المشاركة الأصلية كتبت بواسطة lamia zina

البنات اجريو ليا راني في ورطة اول مرة نفشل في هذا المنتدى يخاه كيفاه ندير ارجو كل وحدة تعرف ما تردنيش راني ندير في اساور الغرس تع ام رامي و العجينة حاتني بزاف ميدما يعني مزيتة بزاف بصح المشكل ما عرفتش نستعمل المول كيفاه ندير دويرة و نطبع و لا ندير حربوش و نجشيه على كلي حال جربت جميع الطرق و ما لقيتش روحي اذا ما لقيتش جواب نروح نرمي لعجينة و خلاص

ديري كي ماراها دايرا هي حلي عجينة وحشيها بالغرس
واش خليتيها تبات نظن خلتها تبات
وادا شفتي روحك حصلتي ديري معمول عادي وحشيه المهم ما ترميشالعجين

لينا11 · 2013-12-04, 16:56

اقتباس:

المشاركة الأصلية كتبت بواسطة lamia zina

البنات اجريو ليا راني في ورطة اول مرة نفشل في هذا المنتدى يخاه كيفاه ندير ارجو كل وحدة تعرف ما تردنيش راني ندير في اساور الغرس تع ام رامي و العجينة حاتني بزاف ميدما يعني مزيتة بزاف بصح المشكل ما عرفتش نستعمل المول كيفاه ندير دويرة و نطبع و لا ندير حربوش و نجشيه على كلي حال جربت جميع الطرق و ما لقيتش روحي اذا ما لقيتش جواب نروح نرمي لعجينة و خلاص

ميدمة ظاهر سميد تاعك مايشربش ليدام او فرينة ماشفيتش باش دراتو ام رامي

وبالنسبة للمول تهزي كيس شفاف من الاحسن وتديريه على مول تاعك وتحطى شوية من العجينة تضغطي مليح عليها باش تهز لاطراس وتكوني وجدتي اساور من الغرس وتحطيهم في وسط العجينة وتغلفيها بالعجينة باش يتخبى لك الغرس وتضغطي مليح بيدك قلبيها على صنيوة تخرج نورمال

aphrodite16 · 2013-12-04, 16:56

اقتباس:

المشاركة الأصلية كتبت بواسطة لينا11

لبنات جبتلكم واحد الكيكة سحرية بمعنى الكلمة ممممممممممممممممم وزيد شبعة خلاص

شوفو مليح طبقات ممممممم

هذا ميلفاي غني عن التعريف

هذو ليباركات بعجينة بريزي محشوة بكريم باتسييار ومن الفوق مورانغ ومزينة بالشكولا ولوز ايفيلي محمص بنين تهبل مممممم

هنا من داخل

امممممممممممم كلش يهبل مي اللي عجبنييي صحح ليباركااات كليتهم خطرة في عرس و عجبووووووووووووووني مي ما شفيتش ادا فيهم كريم باتيسييبر

أم إناس · 2013-12-04, 16:56

اقتباس:

المشاركة الأصلية كتبت بواسطة lamia zina

البنات اجريو ليا راني في ورطة اول مرة نفشل في هذا المنتدى يخاه كيفاه ندير ارجو كل وحدة تعرف ما تردنيش راني ندير في اساور الغرس تع ام رامي و العجينة حاتني بزاف ميدما يعني مزيتة بزاف بصح المشكل ما عرفتش نستعمل المول كيفاه ندير دويرة و نطبع و لا ندير حربوش و نجشيه على كلي حال جربت جميع الطرق و ما لقيتش روحي اذا ما لقيتش جواب نروح نرمي لعجينة و خلاص

لميا الزينة حنونة عله ترمي العجينه انا كي ماتجنيش ألحاجه مليح ندير مكربع يعني تأخذي شوي من العجينه وتحشيه بالغرس وبعد تثقبيه في الوسط وديريه كي النقاش. والمهم لا ترمي العجينه

ام طهى · 2013-12-04, 16:58

اقتباس:

المشاركة الأصلية كتبت بواسطة ام راضية

لا ما تخمرش وبالتوفيق
هدا غدايا اليوم
مطلوع وملوخية هيا مدو يديكم

امممممممممممممممممم راني نعشق الملوخية خلاص طحت بالصحن بالشفا عليكم

بريق الامل& · 2013-12-04, 17:02

ديري ساشي في المول او بابي فيلم
ماكانش عجينة تترمى عندنا لازم الحل