الجزء رقم 185 من الكوزينة بالمحبة والابداع نرتقي - الصفحة 37

Fifilondon · 2017-12-17, 11:22

وهادو ثاني من الارشيف حتى كاش ماندير حاجة جديدة

Fifilondon · 2017-12-17, 11:23

فطوري ليوم غراتان سلق ان شاء الله كي يوجد نحطو
صحى فطوركم

أم يوسف2 · 2017-12-17, 12:33

فيفي اختي والله لاباس ونتي حبيبتي اممم شهيتيني بهاداك الارشيف الجميل
ام فاطمة وحيوتة بصحتكم
زدت خدمت عجينة الصلصال لوليدي رائعةوطرية ننصحكم تجربوها لي عندها اولاد بطريقة مريومة
كيلة فرينة انا كيلت بكاس اتاي وكيلة ماء ونصف كيلة ملح ومغرف كبيرة زيت ومغرف خل وملون غذائي ونحطهم فكسرونة على نار عادي ولكن نبقى نخلط حتى تتشكل كرة والله روعة

أم فاطمه · 2017-12-17, 12:49

صح فطوركم اخواتي

فيفي شكرا على الارشيف صح فطورك القغاتان بسلق

ام يوسف صح فطورك هده العجينة كي يتحيها الطفل في فمو ماتضرهش ا

.

الكرانتيكا والبيطراف

انا هي رزيقة · 2017-12-17, 13:31

السلام عليكم نهاركم نور و سرور حبيباتي كيف حوالكم مع هذ البرد و الامطار ... ان شاء الله تكونو كامل بخير يا رب ...فتحت مع كرانتيكا مولات الخيمة ... بصحتكم اختي ام فاطمة اكيد بنينة من يديك الحلوين ... سورتو كي تكون سخونة و تاكليها مع خبز مقرمش امممممم .... الف صحة على قلوبكم حنونتي
حبيبتي فيفي لندن .. يسعد نهارك حنونتي و ربي يبارك على هذاك الارشيف الجميل ..... معندي منقول غير ربي يحفظلك دوك اليدين
ام يوسف حنونتي نتيا ثاني شفتك درتي كرانتيكا .... بانلي لونها يسخف دون مجاملة حبيبتي .....و بصحة يوسف عجينة الصلصال من صنع ماماه الفحلة ربي يخليهولك هو و خوه يا رب
حيوتة بنت خالتي يا لهوي عليكي من هذيك حلوة الطابع لي حطيتيها و الله و الله غير جميلة جمال محصلش.. صدقيني لوكان جيت في الويكاند غير نديرها حالا بالا من سخفتي عليها... مشاء الله عليك حبيبتي فعلا فحلة و نص و 25 على قول غاليتي ام رحاب لي احييها تحية خاصة عندي مدة متلاقيتهاش على المباشر ... نهارك سعيد حنونتي ام رحاب الطيبة ان شاء الله تكوني بخير يارب
ام هدولتي يا حلوتي كيف حوالك .... مدرتش مراجعة كبيرة شفت فقط شكشوكة اللوبيا و البطاطا على ما اضن .. شخصيا منرعفهاش و لا عمري محصليش الشرف اني تلاقيتها .. بصح اكيد وصفة ناجحة مدامك راكي ديري فيها... بصحة اميراتك و اب هدولة
و بقا ثاني فيا بريوش بابلي لي حطاتو ريما الجميلة ... فعلا تحفة مطبخية اختي ريما تسلم اياديك ... و هذا ليس بغريب عنك طبعا لان كل تطبيقاتك في الكوزنية ناجحة بكل المقاييس بل و احسن من الاصل في بعض الاحيان .... مشاء الله عليك حنونتي
اختي وردة نهارك سعيد و مبارك... ان شاء الله تكوني باحسن الاحوال حبيبتي و بصحتكم البسبوسة المغرية .. سورتو كي قدمتيها على المباشر ...... خخخخخخخخ باينة كريمة حنونتي متبخليش على صحاباتك ...... خخخخ ربي يخليك يا احلى وردة... ايه حقا راه جاري البحث عن بيت للكراء بجانب منزلي اذا حبيتي تجيني على الرحب و السعة ...... خخخخخخ
اخواتي ام عبد الله سعيدة نهولة مريومة سحابة بيان جنة مولات لي choux de bruxelle خخخخخ كرونو ربي يديم عليكم الستر و يباركلكم و لنا في الرزق و النعم يا رب على كل الشهيوات لي راكم تمتعونا بهم يا رب
ايه قريب نسيت سلام خاص مني الى جوري ..... اخت حبيبتي ام هدولة ... ان شاء الله راكي بخير حنونتي

انا هي رزيقة · 2017-12-17, 13:41

طبعا مجيتش بلا طاي يا بنات ..... هذو بعض طيابات الويكاند و الحمد لله .... هذا مبسس مع اضافتي الخاصة لي هي السانوج باه نرفع من قيمته الغذائية و هذا خبز بالزيتون و زيت الزيتون الوصفة لابلة ام وليد ربي يحفظها ... اكيد تعرفوها ..... خخخخخ

انا هي رزيقة · 2017-12-17, 13:44

و هذا البركوكس القبايلي بالبقول الجافة و البطاطا من ايدين اختي ام حسام ربي يحفظها ... فقط عوض القديد هي دارتو بالدوارة .... يا مي يامي ... راهو في خاطر فراشتنا امنية غفران لي راهي غايبة منذ مدة... عسى المانع خير ان شاء الله

RIMA.87 · 2017-12-17, 13:47

السلام عليكم اخواتي في الله،
ما شاء الله على القرنطيطة ديالك ام فاطمة بصحتكم،
اختي فيفي ربي يبارك فيك على ارشيفك الجميل ،
اختي رزيقة مشكووورة على كلامك الطيب يا طيبة ،كيف احوالك ان شاء الله بخير ،غبتي و رجعتي بالخبز المشهي و الصحي الله يبارك و المبسس تاع محترفات بصحتكم ،

تفضلي شوفي تطبيقي لبيني الباذنجان جزاك الله خيرا وصفة خفيفة و رائعة .
https://www.djelfa.info/vb/showpost....&postcount=442

انا هي رزيقة · 2017-12-17, 13:47

و هذي شربة فريك سخونة مع بوراك عنابي ايضا سخون ...خخخخ هذي البوراكة تاعي نحب البيضة تاعي هكذا سائلة ياي بنينة تقتل ...... خخخخخ

RIMA.87 · 2017-12-17, 13:51

اختي رزيقة ما شاء الله على التحف المطبخية لي شهيتينا بيها ،
و بلغيلها السلام لاختنا ام حسام و قوليلها ما شاء الله و ربي يبارك فيها على هذاك البركوكس الجميل و الصحي ،

انا هي رزيقة · 2017-12-17, 13:53

اهلين اختي ريما ....مشاء الله عليك حنونتي و الله كلامي فيك مافيه اي مجاملة و راهي خدمتك هي راهي تهدر عليك ... و حتى البينيي معندي منقول تسلم ايديك يا فحلتي الطيبة ..... فقط ننصحك تجربيه في المرة الجاية باضافة رشة الخميرة راح يجيك اخف و مبطبط اكثر... ياك حنا الجزايريين نحبو التبطبيط في كلشي ...خخخخخخ

RIMA.87 · 2017-12-17, 13:58

اقتباس:

المشاركة الأصلية كتبت بواسطة انا هي رزيقة

اهلين اختي ريما ....مشاء الله عليك حنونتي و الله كلامي فيك مافيه اي مجاملة و راهي خدمتك هي راهي تهدر عليك ... و حتى البينيي معندي منقول تسلمك ايديك يا فحلتي الطيبة ..... فقط ننصحك تجربيه في المرة الجاية باضافة رشة الخميرة راح يجيك اخف و مبطبط اكثر... ياك حنا الجزايريين نحبو التبطبيط في كلشي ...خخخخخخ

شهادتك أعتز بها اختي رزيقة ،
و اكيد رايحة نعاودها لاني اعتمدت هذه الوصفة و هاداك اليوم لي نويت نجربها و مالقيتش الخميرة الكيميائية ،قلت نجربها و لو بدون خميرة و ما نفسدش نيتي ههههههه

انا هي رزيقة · 2017-12-17, 13:59

اقتباس:

المشاركة الأصلية كتبت بواسطة rima.87

اختي رزيقة ما شاء الله على التحف المطبخية لي شهيتينا بيها ،
و بلغيلها السلام لاختنا ام حسام و قوليلها ما شاء الله و ربي يبارك فيها على هذاك البركوكس الجميل و الصحي ،

شكرا على كلامك الجميل اختي ريما .... اخجلتي تواضعي ...... ربي يبارك فيك يا طيبة و سلامك يوصل ان شاء الله

انا هي رزيقة · 2017-12-17, 14:02

اختي ريما بما انك راكي وحدك .... استناي نحطلك حاجة خص نص في خاطرك ... ان شاء الله برك تكوني تحبي الروز مع السردين ....تفضلي يا احلى ريما ... صحتين و هنا على قلبك الطيب .... ديه تتعشاي به اليوم قبل ميدخلو لبنات ... على حساب الحطة راهم في قيلولة عميقة ..... خخخخخ

انا هي رزيقة · 2017-12-17, 14:04

نخليكم في امان الله يا بنات .... متنساوش تتهلاو في ارواحتيكم و في عائلاتكم .... اللهما لك الحمد حتى ترضى و لك الحمد ان رضيت و لك الحمد بعد الرضا