دورة " اللَّهُم بلغنـــــا رمضان 1438 لا فاقدين و لا مفقودين

[omelbanin]

السلام عليكم
اهلا فراشات العمر توحشناك الحمد لله كي راكي بحير
انا البارح غسلت شوية فراش حفيف واليوم بديت غرفة النوم حطيت كامل لخزانةة مسحتها ممن الداخل ومن براو سرجتها مليح
اختي رويدة افكارك ماشاء الله
البقية ربي يوفقكم كامل ويعينكم

[omelbanin]

بالنسبة للتحضيرات للشهر الكريم مازال ماكونجليت والو الخضرة كامل غالية
شريت شويه ماعن خصوني كيسان تاع لاتاي ليغامكا تاع الفلان وكنت من قبل شريت سارفيس ا تابل
وراني حابة نشري طاجين لي يطيبو فيه المغاربة تاع طين

[rowaida18]

أختي أم البنين أهلا بيك

حبيت نعطيك وصفة جربتها و مفيدة جدا للقلق أو أي أمر يصعب عليك
كنت بكري كيفك....لاكن أخت في الله التقيت بيها منذ زمن أعطتهالي

صدقيني إنه الاستغفار......... و الله فيه سر عجيب ............





يشعرك بأن الله معك ...رب السموات و الأرض و من بيده قلوب العباد و قلوب من أغضبوك و قلوب من ضلموك.........

فأشغلي قلبك بالاستغفار : سبحانك اللهم و بحمدك أشهد أن لا إله إلا أنت أستغفرك و أتوب إليك.......و كرريها ثم كرريها و لا تملي

صدقيني أية راحة تشعرين بها ...راحة لا يمكن وصفها........

لأنك فوضت أمرك لله رب العالمين.......واعلمي أن كل ما يصيبنا هو لحكمة لا يعلمها إلا هو سبحانه و تعالى ...فلا تحزني نفسك فقط أكثري الاستغفار.......أخيتي

[ام صفصف]

صباح الخير عليكم يا احلى لمة
اهلا بام لينة، اشتقنا لروحك المرحة، ماتنسايش زورينا حتى فالدردشة.
اختي رندا، افكار ك ماشاء الله، حبيت برك تشرحيلي الدور تاع هاذوك الحطبات لمدورين.
ام هارون اشري الطاجين وجربي فيه وصفات مغربية.
انا راني مع التنظيف العميق تاع الربيع، وراني نستنا الجو يسخن شوي باه نكمل لغسيل تاع حوايج الشتا ولفراش، وزيد الامطار، اليوم راي 7درجات
ومستلزمات رمضان، كتبت لاليست ومزال ماخرجتش لان بنتي مريضة
ربي يفوق الجميع لما يحبه ويرضاه.

[rowaida18]

بالنسبة للتحظيرات مش لازم تبداى تكونجلي برك....

أبداي بشراء أشياء بسيطة و عندها مدة صلاحية طويلة و يمكن تعطلك عند اقتراب شهر رمضان ، مثل : البهارات









أشري علب المصبرات الضرورية ....نقصي على روحك شوية فمدة صلاحيتها طويلة و بدون ثلاجة...طبعا قبل الفتح

[omelbanin]

صباح النور ام صفصوفة الزينة :d
حبيبتي رويدة شكرا لاهتمامك واجابة والله غير فرحت باجاباتكم كااامل انا المشكل لي عندي نحاف من المستقبل بزاف نحاف عاى ولادي نخاف على زوجي تالمو فقدت اعز الناس عندي

[omelbanin]

والله غير صح فكرة مليحة كيما الطون نقدر نحبيه نوغمال ,,?
سبحانك اللهم وبحمدك اشهدان لا اله الا انت استغفرك واتوب اليك

[rowaida18]

المشاركة الأصلية كتبت بواسطة ام صفصف

صباح الخير عليكم يا احلى لمة
اهلا بام لينة، اشتقنا لروحك المرحة، ماتنسايش زورينا حتى فالدردشة.
اختي رندا، افكار ك ماشاء الله، حبيت برك تشرحيلي الدور تاع هاذوك الحطبات لمدورين.
ام هارون اشري الطاجين وجربي فيه وصفات مغربية.
انا راني مع التنظيف العميق تاع الربيع، وراني نستنا الجو يسخن شوي باه نكمل لغسيل تاع حوايج الشتا ولفراش، وزيد الامطار، اليوم راي 7درجات
ومستلزمات رمضان، كتبت لاليست ومزال ماخرجتش لان بنتي مريضة
ربي يفوق الجميع لما يحبه ويرضاه.

أهلا بيك أختي أم صفصف
هاذوك الحطبات المدورين هنا في الشرق نديرو كسرة مع الجاري و ما تخمرش.. كيما راهي في الصورة نقولولها كسرة يابسة يعني مشي مبسسة تصلح مع الجاري أو الجواز و ما تخمرش و لازمها تجي محمرة ... نسيت ما صورتهاش طايبة .....
و باش نحمروها لازم نضغطو عليها و هي تطيب بالسربيتة .....لاكن الحمد لله تم اختراع هذه الأداة ..هههههههه من طرف أولاد المنطقة ....باش نضغطو بيها و ما يتحرقوش يدينا...ههههه

أظن اللي اخترعها راه شاف معاناة الأم ديالو.........ههههههه

[rowaida18]

المشاركة الأصلية كتبت بواسطة omelbanin

صباح النور ام صفصوفة الزينة :d
حبيبتي رويدة شكرا لاهتمامك واجابة والله غير فرحت باجاباتكم كااامل انا المشكل لي عندي نحاف من المستقبل بزاف نحاف عاى ولادي نخاف على زوجي تالمو فقدت اعز الناس عندي

أختي بارك الله فيك لا تشغلي نفسك بهذا التفكير فكلنا فقدنا الأحبة ...و نخاف على فقدان أهلنا و أزواجنا و نخافو عليهم و هذا من الفطرة لاكن ما تخليش هذا التفكير ينغصلك حياتك بل أدعي الله في كل وقت يجيك هذا التفكير أدعي من بيده كل شيء أن يحفظ لكي أبنائك و زوجك و نفسك و يجعلهم لك قرة أعين لا تنقطع و لا تنسي أذكار الصباح و المساء ، ففيه دعاء لحفظ الأهل و المال و الولد......الخ اسأليه و ألحي في الدعااااااااااااااااء في سجودك و اطمئني..........لأن الأعمار بيد الله تعالى ........و لن تموت نفس حتى تستوفي رزقها...........و أحسني الظن بالله و لا تفسدي أوقات حياتك بتفكير في الغيب الذي لا يعلمه إلا الله.........أريحي نفسك أختي...و أكثري من الدعاااااء مع الإلحاح فهذا سيطمئنك بإذن الله تعالى......

[ام صفصف]

شكرااا، اختي رويدة على الجواب وعلى المعلومة الجديدة، واسمحيلي غلطت فالاسم.
وعلى فكرة حتى انا من الشرق، وراني نعرف الكسرة الي حكيتي عليها، بنتها راي في فمي ههههه، بارك الله فيك يا حرة الحراير.

[حياتي كلها امل]

السلام عليكم
اهلا ام لينا توحشناك وروحك المرحة غير كيما تفكرت الشكارة تاع الجلبانة والقرنون
ام صفصف راني شريت هذوك الحبال الي قلت عليهم يرجعوا المواعين يشعلو
ويارب يشفيك صفصوفة
رويدا شكرا على واش تقدمي
انا احتمال نسبغ الشمبرا والصابون يعني تقريبا كل شيء مؤجل

[ام صفصف]

ام هارون مادام قلتي على صفصوفة زينة لازم تديها عروسة لوائل، لا رجعة.
وفيما يخص خوفك من المستقبل حبيبتي، انتي الوحيدة الي تقدري تعاوني روحك،وتتغلبي على افكارك لان حالتك النفسية تنعكس على اسرتك، والنصيحة الي نقدر نقدمهالك،عن تجربة لاني ايضا مريت بفترة رجعت نشوف الدنيا بصورة سودوية، لكن ربي يسرلي ان اشاهد دروس طارق الحبيب ودروس احمد عمارة، والله فادوني بزاف، حاولي تسمعيهم وتطبقي، لان ربي خلقنا باه نكونو سعداء في الدنيا والاخرة، مش باه نشقاو ونحزن،
واخيرا حبيبتي ربي يرزقك الهناء والسعادة.

[ام تينة]

الحياة لا تستحق ان نحزن أو نتألم
فعنوان الدنيا(كل من عليها فان )
وعنوان الاخرة (خالدين فيها حسنت مستقراً ومقاماً)
فاعف وسامح ��

[ام تينة]

ï´؟واسأَلوا اللهَ مِن فضلهï´¾
فضلُ الله لا يحدّه حد ، ولا يحصيه عد
كل ما عليك هو إحسان الظن بمولاك
ثم سله ما تشاء ، فلن يعجزه شيء

[ام تينة]

الأستكثار من الأذكار فرصة العمر قبل الندم .
سبحان الله والحمد لله ولاإله إلا الله والله اكبر
استغفر الله العظيم