((( غرفة لدردشة البنات ))) ممنوع دخول الشباب !!!! - الصفحة 3622

زينــــب101 · 2009-10-10, 15:27

ربي معاك اختي انتي الباك وانا البيام

ام امين · 2009-10-10, 15:28

زمردة ...راكي هنا؟؟؟؟

رحاب الجنة · 2009-10-10, 15:29

جاوبوني من فضلكم تعبت وأنا نكتب فالقصة
اتمنى ردود تريح البال

زينــــب101 · 2009-10-10, 15:31

سمحيلي اختي معرفت ما نقول

ام امين · 2009-10-10, 15:33

اقتباس:

المشاركة الأصلية كتبت بواسطة رحاب الجنة

جاوبوني من فضلكم تعبت وأنا نكتب فالقصة
اتمنى ردود تريح البال

اسمحيلي يا رحاب
انا والله ما نعرف لقصص الحب الماساوية هذي
اللي نعرفو لازم البنت تحافظ على روحها و تخطيها من هاذ العلاقات اللي تجيب وجع الراس
صح وللا لا؟؟؟

زينــــب101 · 2009-10-10, 15:36

عندك الحق اختي ام امين

*جوداء* · 2009-10-10, 15:59

اقتباس:

المشاركة الأصلية كتبت بواسطة رحاب الجنة

السلام عليكم ورحمة الله وبركاته
عندي موضوع يحير انسانة قريبة مني وودت طرحة لعلي اجد مايريحها حينما تكثر عليا الأسئلة ورغبتها في معرفة الحل ولا أجد لها مخرج.
لو كنتي مكانها ماذا تفعلين ؟؟؟ قد لا تحسين بأنكي مكانها لاني انا صديقتها ولم اتمكن من ذلك فكل انسان وشخصيته ولو كنت مكانها ما اوقعت نفسي في مأزق اسمه الحب
انسانة طيبة جدا وحنونة وخجولة لدرجة كبيرة وبلغتنا العامية طفلة عاقلة بزاااااااف . بقات محافظة على روحها ومعارضة لفكرة الحب تماما مثها مثلي ورفضت كل ماكان يقدم لها من عروض صداقات وعلاقات لكن شباب الان الله يصلحوا مايخلي حتى واحدة طرونكيل بالعكس , الإنسانة اللي تكون محافظة على نفسها وما تجيبهاش فيهم يحرصوا عليهم ويديروها بين عينيهم . على كل حاول شاب زميل ليها فالجامعة يتقرب منها لكن تعب بزاف لانها كانت تصدوا كل مرة ومش لاتية بيه خلاااص كان صح معجب بيها ومحترمها ومقدرها . وتقرب منها على اساس اخ وزميل ليها كانت تعاونوا في الدراسة لاغير حتى كسب ثقتها ومعزتها.. لكن المشكل كان لما كسب شفقتها عليه لانها لما كثر عليها صارت تهينوا قدام اصحابوا ومن دار بيها عذاب الضمير والشفقة اللي خلاوها تحن عليه وتعطيه فرصة انوا يكملوا خاوة برك وما يطرح عليها حتى امر متعلق بالحب . والفواببعض وصاورو صح اكثر من خاوة وفاتت الأيام حتى صار يغير عليها ويتعذب على جالها . دهورت حالتوا وضيع دراستوا في فترة وصار انسان منطوي وغي جابد روحوا تقربت منو احدى الزميلات اللي كان معتبرها اخت وبنت حومتوا حالوت تعاونوا في ازمتوا هذيك وتخفف عليه بعد اللي حبها لكن تطورت العلاقة بينهم ودخلوا في علاقة يسموها علاقة حب زعما . لكن الشاب هذاك بقى وفي للاخرى رغم كونوا مع انسانة تانية . واللي صرا انوا كان مخبي على هذيك البنت اللي يحبها انوا على علاقة ببنت اخرى وهي كانت معاه عادي انسان والفت بيه وتعزا لدرجة كبير ومع كان الوحيد ليها اللي تقدر تحكيلوا امور حياتها لدرجة انو صار قريب ليها اكثر مني ونساها فيا ... انا اللي لاحظتوا عليها انها كانت مانعة روحها باش تحبوا ومسيفة على قلبها لأنوا كانت تخاف ربي وتخاف دارهم . شغل بقات مخبية وكاثمة مشاعرها وامر اخر كانت تتكبر عالحب وتقول ما نحب حتى واحد غير اللي يكتبولي ربي وما نكونش كي بعض البنات اللي انخدعوا ........ مانطولش عليكم لما عرفت بقصة الانسان اللي يحبها واانوا على علاقة بأخى تعبت ومرضت وانفجرت قداموا يومها ان كنت واقفة معاهم . والله استغربت صار يبكي قدامنا وقال لها كلمة حطمتها في نظري قال لها : مزالت نحبك وحدك ومحال ننساك ...من هذي الكلمات الطفلة خلااااص راحت فيها انفجرت بالبكاء ولأول مرة وعمري ما تخيلت نسمع منها كلمة قالتها : °°انا ثاني نحبك °°ثم حوسوا عليا انا ما تلقاونيش وكأنوا كنت نتفرج في فيلم غريب

.

طولت عليكم فاتوا ليام وكان متواصل مع البنتين.. واحدة يحبها ومش قادر يتخلى عليها . وواحدة وقفت معاه في وقت احتاج ليها :لأنسانة تواسيه وتعلقت هي تاني بيه مش قادر يجرحها .
وتعذب هداك الشاب لدرجة غاضني فيها صح وكنت نتفرج عليهم في 3 مش قادرة نعمل حاجة

.صديقتي كانت تتعذب كي تشوفوا معاها لكن مش قادرة تمنعوا مادام هي كانت رافضاتوا والاخرى قبلت بيه ...
ومرت الايام و تمشكلت بين الشاب والبنت اللي كان معاها على جال صاحبتي ... طلبت منو البنت انوا يبعد على صديقتي وسنساها لكن هي قالها مانودعكش بأمر كيما هاذا وانفصلوا بعدها لكن بقات حاجة مش مخليتهم يبعدوا على بعض هي انهم كانوا قبل ما يدخلوا في هذيك العلاقة كانوا قراب لبعض وولاد جيران وزملاء من الصغر ..
مشكلتي صديقتي درك انها الان تحب الشاب هذاك ولا كما قالت حاسة روحها تحبوا بقلبها لا بعقلها ولكن مزالت شاكة أنوا مش قادر ينسى الأاخرى وأنوا مزال عندو حنين ليها وانوا مزال ضميروا يأنب فيه علاجالها هذا اللي مش مخليهم يتهناو. ومشكل أخر أنها حاسة بلي الحب هذاك تفرض عليها برك بدافع الشفقة لاغير وانو يجي نهار ويزول . كم تقول هي حاسة روحها تحبوا بالقلب برك وانوا العقل معارض لهذاك الحب معارضة تامة ..
والقصة تمشي من دون مايزول الغموض .. الأن راه يطرح عليها أنوا بعد مايكمل تكوينوا يجي يتقدملها وهي خايفة ومترددة وتقول بلاك مانتفقوش ولا تكون المشاكل السابقة هذيك والشكوك اللي في راسها تحطم علاقتهم .
وامر أخر ممكن انا نعارضها فيه تشوف في أنوا مش مناسبها شكلا وأنها ممكن يجي نهار اللي تمل منوا على أساس أنها رفضت شباب كيما نقولو عندهم وسامة ورضات بهذا اللي نقولو مش وسيم مقبول شكلا .. كل هذي الامور مخليتها تتردد وخايفة اكثر شيء من الندم فالأاخير .

ونضيفلكم حاجة غريبة ........ مرات تقولي شحال من مرة تجي في بالي نقولوا بعد عليا وخليني في حالي نرجع كما كنت من قبل ماتغيرني وتخاف انها تجرحوا وتخاف على مشاعروا. ولا شغل يغيضها ......حيرتني صح

مشكلتها معقدة بزاف لانها متعلقة بمشاعرها انا طرحتها هنا قلت بلاك كاش ما تلقى نصيحة ولا راي من أخت تكون على علم بهذي الامرو لأني انا ماقدتش نفيدها مدمت ماحسيتش كيفها ابدا وماجربتش من قبل .
أتمنى أن تجد آذان صاغية وقلوب واسعة لا تمل من قراءة موضوعي الطويل
ارجوا آراءكم فهي في أمس الحاجة لمن يفيدها وتنتظر ردكم بفارغ الصبر .......
( هبلتني كل يوم تجيني تسول اسكوا طرحت الموضوع ولالا.. جاوبوها خلوها تحل عني ههههه)

جزاكم الله خيرا

يا اختي اذا كان يحبها صحيح رايحة اكيد تكون هي من يختارها كشريكة لحياتو .ومش رايح يخلي اي شيء يوقف في طريقو امام هذا الحب
لانو مثلما تمسكن في الاول واستطاع انو يخليها تحبو ..اكيد يقدر يفوز بها كزوجة ..هذا اذا اراد هو..اما الامور الاخرى والمشاعر الاخرى فلا اضن انها ممكن تكون عائق امامو لانو مايبقى غير الصح..
اما بالنسبة ليها هي مادامت انها تؤمن بان الحب يكون للزوج فقط ماكانش لازم تقولو بلي تحبو ولا تبقى معاه اصلا..ومادام رضاة بيه من الاول عليها ان تكمل معه وتدعي ربي انو يكون نيتو صادقة ويكون زوج صالح اذا ماكتبلهم ربي باتمام العلاقة بالزواج...اما اذا لم تكن راضية بيه من ناحية الجمال او الوسامة فهذي الامور كان لازم تتحكم فيها من الاول ..او ربما هي تشوف نفسها احسن منو في الجمال؟؟
ربما اللي رايحين يتقدمولها كامل بشعينكيما هذا هههههه
من الافضل انها تستخير ..واذا ربي كاتبولها لا هي ولا غيرها يقدر يغير هذا الامر...رايي

فالحقيقة انا ماكنتش حابة نرد عليك اختي لكن غضتيني كي قلتيلي انها هي اللي اصرت انها تنشري الموضوع