~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[ام آدم]

ام متين شكرا لك حبيبتي على التوضيح ربما سأعتمد طريقتك في رمضان لانو لما يكون البصل والثوم واجدين كلش يبان ساهل ونختاصرو الوقت

[سيرين 5]

المشاركة الأصلية كتبت بواسطة سمراء الدنيا

السلام عليكم و رحمة الله و بركاته
سعيدة جدا جدا جدا جدا و متفاجئ ة بالنشاط و الحماس ... و الله انكم حمستوني و نشطتوني اكثر ....و كنت خايفة لا نلقاكم تراجعتو مع طولت الغيبة بسبب انقطاع النت ....ما تصدقوش قلبي كيفاش كان عندكم و طول الوقت نخمم فيكم

الحمد لله خليت فحلات ورايا و بانضمام الرائعة حبيبة للي زاد الدورة تميزا عن باقي الدورات
اشكرك حبيبة من كل قلبي على التحاقك في الوقت المناسب
كما لا انسى ان اشكر المتالقات ام هزار و جهينة و ام صابرين و ام متين وو غزالة و اروى و هنا و ام ادم و صابرة على الحضور الدائم و المشاركة بيومياتهن المشجعة و ايضا اهتمامهم بالرد على الوافدات الجد د
لا يفوتني اني نرحب بهن انا ايضا و عددهن 4 او 5 فقط لم اتعود بعد على اساميهن (فرحت بزاف كي عرفت انهم كانو متابعات في الخفاء و بعدها قررو الانضمام الينا ...... نتمنى تستفيدو من دورتنا و تفيدو ايضا )
الرائعة الامنيات عرفت اني نقدر نتكل عليك و طبعا كل كلمة تكتبيها فيها فائدة ربي يجعلك بيها حسنات يا رب
عجبتني المداخلة القوية لام امجد ... شكرا جزيلا على المشاركة و على الصور (ما تعرفيش قداه فرحتيني)

نختم الرد هذا بالاخت المميزة للي فعلا انا معجبة بيها و بهمتها العالية و بتحديها و اصرارها الاخت سيرين 5..... الف اهلا وسهلا بيك نورتي الدورة .... موضوعك عن الاكل الصحي رائع و تبعتو من البداية و قريت كل صفحة فيه لاننا عملنا صفحة مثلو في غرفة المتزوجات ..فقط الوقت ما ساعدنيش نحطلك رد لاني اردت ان اشارك فيه بوصفات مش غير مرور كرام و سبق و عدلت في الصفحة الاولى و حطيت الرابط نتاع موضوعك لكن انقطعت الكهرباء و نسيت نرجع ندير التعديل ...كان عندي شويا ضغط ... ان شاء الله نتبعو معاك و نطبقو الوصفات و النصائح و راني واعدا لبنات بوصفات صحية ربي يقدرني و نوفي بوعدي

صباح الخيــــــــــــر عليكم لبنات ان شاء الله تكونو كامل لاباس
غبت عليكم شويا لكن راني مكملة و الحمد لله رغم أني أصبت بوعكة صحية لاغريب ماشي كامل وقتها ؟
المهم نرجع للأخت سمراء الدنيا صاحبة الموضوع نشكرك بزاف على الاعجاب بهمتي أنا هاذ الحماس أخذته منكم و من مواضيعكم شكرا و بارك الله فيكم و مرحبا بيك في موضوعي وقت ما شئتي و استطعتي راني مهملاتو شويا لكن نرجع ليه في أقرب فرصة ان شاء الله

[سيرين 5]

المشاركة الأصلية كتبت بواسطة omelbanin

اليوم لبست روبة شريتها الصيف لي فات جيت نغلقها ما حبتش ، جيت انحيها بسيف قريب قطعتها..........فقررت من غدوة اذا عشنا نبدا الرجيم،
لا للخبز ،لا للحلوة :-( بصح نموت عليها:-) ،لا للمشروبات لا للمقلي.،ونشري كوردة ونعود ندير بيها سبور.
والله الموفق.

أم البنين مرحبا بيك في موضوعي ههههههه نشجعو بعضانا الرابط في توقيعي

[omelbanin]

شكرا اختي سيرين على موضوعك والله استفدت منو بزاف ،و راني نطبق ،بصح هذو اليومين راني مع التنظيفات
ساعات قريب نجي نتغاشا بصح لازم نواصل درت الكوراج بيك.
كيما اليوم شربت الماء +ليمون على الريق وانا اصلا ما نشربش القهوة نشرب حليب وحدو بدون سكر ،قمت بترتيب الغرف ورحت نكمل التنظيف في المطبخ :غسلت الثلاجة ،الطاولة والكراسي وعاوني ابني في الغسيل وسيقت كلش ،وطيبت فطوري سمك ،وحقي شويتو ....وشنو تشهيت شوية قازوز شربت شوية.

[حياتي كلها امل]

السلام عليكم
اليوم صبحت مع الكزينة ,نضت على4:30صليت +اذكار وليت تكيت شوية نضت على 5:30طيبت القهوة شربت غسلت الاواني لان البارح مكانش الماء مغسلتش تاع العشى مور مراحو ولادي يقراو درت مزيل الدهون في كامل الكوشة من الفوق والداخل ورحت خملت الصلون والغرفة.
عاودت رجعت للكوشة خرجتها من بلاصتها غسلتها مليح وغسلت الحيوط لموراها ومسحتها وعاوت رجعتها حكمت الرؤوس تاوعها درتلهم ايضا مزيل الرواسب وخليتهم مدة وعاوت حكيتهم .
عندي بيفي في الكزينة نحيتلو الاواني الي فيه وغسلت تلايق تاوعو ومسحتو
ثم انتقلت ليزيليمو سرجتو نحيت التلايق غسلتهم .جيها تاع ليزيليمو درت فيةا مواعن القهوة (فناجل ترموسات سكريات لي سوتاس وطباسة تاع الحلو،)ودرتالكيسان وطيسان تاع العصير .جيها درت فيها العلب سلل الخبز و اخرى درت فيها البلاوات تاع الكوشة والبراوالباتور ورحاية الخضر وشوية طباسة
غسلت تحت البطاجي بجال العملاق راءع وريحتو شابة وفتحت البيبان وخليتو ينشف غسلف البتاجي من الفوق بالعملاق .رحت الان نغسل المرحاض والحمام درتلهم نظاف وعقمت بدون القمامة وغسلت تابيات الباب ونشرتهم ثم سيقت الكزينة والكولوار والسحين الذي بيني وبين سلفتي .ثم رجعت كل شيء في مكانو طرفت لبنتي وبدلتلها ودخلت انا دوشت ثم وجدت الفطور جاو اولادي راهم يفطرو .غدا اكمل نغسل الحيوط تاع المطبخ والكلوار وعنعقب على الثلاجة لخاطر غسلتها غير ماخرا مكفانيش الوقت اليوم

[سيرين 5]

المشاركة الأصلية كتبت بواسطة omelbanin

سلامي للجميع بالنسبة للجدول حسيت توجد اشياء صعبة قليلا على الاطفال
وحبيت نسالكم عن استعمالات اكليل الجبل في الطبخ،انا عندي كمية معتبرة وجبتها الحقيقة على جال الاولاد لانو يقوي الذاكرة ،لذلك ينصح به في فترة الامتحانات .

اكليل الجبل يستعمل في الدجاج المحمر كاينة زميلة تستعملو تقولي بزاف يجي بنين الصراحة أنا جامي جربتو :d

[سيرين 5]

المشاركة الأصلية كتبت بواسطة omelbanin

شكرا اختي سيرين على موضوعك والله استفدت منو بزاف ،و راني نطبق ،بصح هذو اليومين راني مع التنظيفات
ساعات قريب نجي نتغاشا بصح لازم نواصل درت الكوراج بيك.
كيما اليوم شربت الماء +ليمون على الريق وانا اصلا ما نشربش القهوة نشرب حليب وحدو بدون سكر ،قمت بترتيب الغرف ورحت نكمل التنظيف في المطبخ :غسلت الثلاجة ،الطاولة والكراسي وعاوني ابني في الغسيل وسيقت كلش ،وطيبت فطوري سمك ،وحقي شويتو ....وشنو تشهيت شوية قازوز شربت شوية.

الله يسلمك أم البنين نعطيك فكرة هااايلة كي تتوحشي القازوز اشرب الvيشي و ديري ربع كأس عصير قارص و الباقي الفيشي هكذا تتحصلي على مشروب يشبه القازوز لكن يفيدك و ما يضركش
يعطيك الصحة على الأعمال لي قمتي بها ربي يقويك ان شاء الله درك نكمل نقرى واش فاتني و نحط ملخص أعمال طول المدة الماضية

[سيرين 5]

المشاركة الأصلية كتبت بواسطة حياتي كلها امل

السلام عليكم
اليوم صبحت مع الكزينة ,نضت على4:30صليت +اذكار وليت تكيت شوية نضت على 5:30طيبت القهوة شربت غسلت الاواني لان البارح مكانش الماء مغسلتش تاع العشى مور مراحو ولادي يقراو درت مزيل الدهون في كامل الكوشة من الفوق والداخل ورحت خملت الصلون والغرفة.
عاودت رجعت للكوشة خرجتها من بلاصتها غسلتها مليح وغسلت الحيوط لموراها ومسحتها وعاوت رجعتها حكمت الرؤوس تاوعها درتلهم ايضا مزيل الرواسب وخليتهم مدة وعاوت حكيتهم .
عندي بيفي في الكزينة نحيتلو الاواني الي فيه وغسلت تلايق تاوعو ومسحتو
ثم انتقلت ليزيليمو سرجتو نحيت التلايق غسلتهم .جيها تاع ليزيليمو درت فيةا مواعن القهوة (فناجل ترموسات سكريات لي سوتاس وطباسة تاع الحلو،)ودرتالكيسان وطيسان تاع العصير .جيها درت فيها العلب سلل الخبز و اخرى درت فيها البلاوات تاع الكوشة والبراوالباتور ورحاية الخضر وشوية طباسة
غسلت تحت البطاجي بجال العملاق راءع وريحتو شابة وفتحت البيبان وخليتو ينشف غسلف البتاجي من الفوق بالعملاق .رحت الان نغسل المرحاض والحمام درتلهم نظاف وعقمت بدون القمامة وغسلت تابيات الباب ونشرتهم ثم سيقت الكزينة والكولوار والسحين الذي بيني وبين سلفتي .ثم رجعت كل شيء في مكانو طرفت لبنتي وبدلتلها ودخلت انا دوشت ثم وجدت الفطور جاو اولادي راهم يفطرو .غدا اكمل نغسل الحيوط تاع المطبخ والكلوار وعنعقب على الثلاجة لخاطر غسلتها غير ماخرا مكفانيش الوقت اليوم

يعطيك الصحة راكي شاطرة الله يبارك

[سيرين 5]

المشاركة الأصلية كتبت بواسطة ام الابتسامة

السلام عليكم
اعتذر عن الانقطاع كنت في مشاكل كبيرة
المهم الاخت التي قالت ان امي تعاني من اضطراب نفسي لقد اصابت لان امي تزوجت من رجل يكبرها ب21سنة وله اولاد ولم تعش معه يوم جميل لانها كانت تكرهه
لذلك نشانا في اضطرابات كبيرة الا ان توفي
واصبحت تكره العلاقة الزوجية فحتي اخوتي الذكور لا يجب ات يضهرو حبهم لنسائهم بل يجب ان يتضاهرو بكره نسائهم حتي ترضي عنهم
عملت برايكم فقللت من الذهاب الي امي وان كان ذلك كلفني غضبها عني الانه قلت ستتعود
بالمقابل اهتميت بابنائي من طبخ ومجالسة حتي قالت لي بنتي امي .لم تتعودي علي طبخ كلهذا ماذا جد
وابني قال لي امي كم انا سعيد لما تجلسي معنا وتسمعي حكاياتي
المهم اردت الانضمام اليكن من حيث الاكل الصحي كما ذكرت من قبل انا مصابة بالسكري فطلب مني الطبيب حمية لمدة 3شهور ثم اعود اليه مع التحاليل
وها قد مرت7شهور ولم اتمكن من اتباع الحمية وانا خائفة من الذهاب اليه
ساعدوني لكي انضبط واهتم باعمالي
بالنسبة للدورة لا يمكنني المشاركة فانا بعيدة جدا عن شطارتكن
لكن هذا لا يمنع اني ماهرة في الخياطة الطرز اليدوى والكروشي والطرز بالالة وكل عمل يكون بالجلوس
اسفة عن التطويل لا يوجدلمن احكي غيركن

أم الابتسامة تحبي تنضمي لموضوعي يشرفني مرحبا بيك الرابط في توقيعي و أكيد راح نشارك هنا بوصفاتي و أفكاري و تجاربي في الصحة و التغذية
و مرحبا بيك معانا في هاذ الموضوع ماعليش طولي و احكي كيما تحبي كلنا آذان صاغية ننصحو بعضانا و نسمعو لبعضانا نفرغو همومنا لبعضانا هذي هي الدنيا نجوزو فيها المحاين بصح طيحة و نوضة لازم نتغلبو على مشاكلنا و نرسمو الضحة في قلوبنا قبل وجوهنا
صدقيني التغيير يكون من أنفسنا من داخلنا لما أنا نقول قررت نعمل يعني نقدر نعمل و أنا متأكدة لي تعرف الخياطة و التطريز و الكروشي .... الله يبارك باينة عليها امرأة و نص

[سيرين 5]

بالنسبة للمهام لي قمت بها في الأيام الماضية
يوم الأربعاء لما رجعت من العمل:
الصراحة تعبت و العشاء و ما كنتش قادرة نديرو و ما تتصوروش بيتي كيفاش كان الازدحام فيها أكياس ضخمة حطيت فيها جميع الملابس لي نحيتهم من الخزانة و ما لقيتش الوقت باش نطوها ؟؟؟؟
غسلت لبنتي طرافها و بدلتلها و عشيتها و رقدتها بعدها تكاسللت باش نوض نطيب العشاء لوكان ليا ما نتعشاش و نرقد برك لكن راجلي كان يسنا في العشاء لذلك نضت قليتلو حبات طرشي و عملتلو سلطة طماطم و بصل و حطيتلو العشاء و ما غسلتش الأواني رحت نرقد عييت
يوم الخميس هو راحة لكن واشمن راحة و الدنيا مقلوبة رأسا على عقب:
شربنا قهوة حليب زوجي راح للعمل و أنا بقيت مع بنتي غيرتلها ملابسها و رضعتها و حطيتها تلعب و أنا نفرز في البيت بديت نطوي جهة زوجي من الخزانة حتى عيات بنتي و حبت ترقد رقدتها و كملت شويا الترتيب بعدها خرجت كان عندي مشوار حتى للمساء عاودت رجعت للبيت وقعدت شويا عند عجوزتي حتى جاء زوجي من العمل تعشيت عندهم و طلعنا عشيت بنتي و رقدتها و رحت أخذت أنا حمام و إلى النوم
بالجمعة نضت على 6 أخذت بنتي معي للمطبخ و فرشتلها في الأرض و حطيتها تلعب و أنا غسلت كومة الأواني و مسحت الفرن و عجنت الخبز الحار جربت الوصفة لأمم أماني جاء هايل يعطيها الصحة



و فرغت الثلاجة كامل و نظفتها -بنتي هبلتني غير تبكي تحوس نرفدها ديتها غسلتلها طرافها و بدلتلها و رجعتها ترقد عيطتلي يما قاتلي ارواحي ديريلنا البتزا الكاري قلتلها دنيتي راهي مقلبة الحوايج راهم في الصاشيات ما طوتهمش و الفريجيدار راني نغسل فيه الكوزينة مرونة ... وجديلي لاصوص راني نطول شويا باه نجي
أنا دخلت للمطبخ نكمل و عجوزتي طلعت قاتلي راه جاء البلومبيي يخدم الدوش وااااااااااااع يا ناس غرقت ؟؟؟؟؟؟؟؟؟؟بدلت ديراكت حوايجي و رفدت قشي و رحت ندير البيتزا و خليت كلش مرون و خلي لي ما يشتري يتفرج ؟؟؟؟؟؟؟؟
رحت لدارنا و درت 2 كلغ فرينة بيتزا يعني 8 سنيوات

في المساء جاء راجلي داني قتلو اشريلنا سندويشات شواء ما نجيب عشاء من دارنا ما نروح للدار نرفد و نحط هاد الليلة بديت نحس روحي عيانة و فشلانة و حلقي يحرق و نيفي مبوشي حشاكم شربت تيزانة و باراسيتامول ، رجليا كانو يسطرو خلاص مت بالعياء
بالسبت ديت بنتي الصباح للطبيب و كي رجعت حكمت الخزانة كملت طويت جهة راجلي رحت درت مسفوف بالجلبانة للغداء و في نفس الوقت نطوي في الخزانة و نلم في الكراكيب و أهم حاجة أرميييييي كل حاجة ما تسحقيهاش أرميهااااا بدون تردد ماكاش بالاك نستعملها لاحقا
نحيت كامل الملابس تاع الشتاء درتهم في أكياس خاصة و خبيتهم في البلاكار و نحيت كامل الملابس لي ما نحتاجوهاش باش نمدوها

و رتبت أدراج الملابس الداخلية بهاذ الطريقة نشوف كامل واش كاين في الدرج و نربح المساحة


و نحيت الزربية غيرما غسلتها لكن البارح تقياتلي فيها بنتي آلوغ نعاود على سعدي نغسلها و كنست الأرضية تاع كامل الدار كي كملت حسيت بواحد الراحة ما تتصورهاش رغم أنو رجليا ولاو يسطرو مازال ملابس بنتي اليوم ان شاء الله نشريلها كوموند باش نجمعلها ملابسها فيها و كنت في المساء درت بغرير و بعت منو لعجوزتي نست باش نصورو هاذي الحبة تاع راجلي قبل ما ياكلها هههههه

و في العشاء كنت بزاف عيانة و مع الفشلة تاع لاغريب درت طماطم مقلية بالبيض و سلطة فلفل و طماطم و بصل رحت نرقد
حالة المطبخ ما نحكيلكومش كيفاش راهي ما قدرتش نكملو خليتو يبهدل اليوم في المساء بإذن الله نستكلف بيه
نخليكم مع صور الخزانة خليتها في الختام يعني النتيجة عجبتني بزاف و شفت بلي الخزانة كانت معمرة غير بالخردة خليت فيها غير واش نلبسو هههههههه لقيت بلي ما عندناش حوايج بزاف ههههههههه آه بالاك نصهم راهم للغسل هههههه

[حياتي كلها امل]

يااختي سرين ربي يكون معاك تخدمي برا وتربي ربي يكون في عونك
بصح حبيت نقولك حاجة مازلكي دايرة رجيم ولا حبستي ؟ على حساب الخبز الحار لهله والبيدزا مانعرف

[سمراء الدنيا]

السلام عليكم

[loudjaine]

ارجوكم حابة ننضم ليكم لكن ما نقدرش ندخل قسم النساء باش ندخل الروابط لي تحطوهم كيف الحل الله يجازيكم

[سمراء الدنيا]

نبدا بالتقرير و من بعد نرجع للردود

امس استغرقت وقت طويل في تصليح لافابو نتاع الكوزينة تبوشالي (اصبحت سمكري) ههههه ....كملتو و نظفت علب البهارات

و درت غدا عدس و طيبت قلب اللوز

بعد الظهر خيطت شويا و بعدها تلهيت مع الاولاد درستهم تربية اسلامية و محفوظات و تربية مدنية
كنت مخصصة فترة بعد العصر للنت لكن جاتني ضيفة حطيتليها قهوة و قعدت حتى للمغرب


نضت درت لعشا غراتان بطاطا و الدجاج

و اليوم نضت متاخرة شويا 5 ما سمعتش الاذان صليت و قريت الاذكار و شيء من القران و نضت حضرت لفطور و راحو الاولاد للمدارس
حضرت خلطة نظفت بيها الاواني


و نظفت الثلاجة التنظيف الاسبوعي
_جمعت كل الطماطم الموجودة طيبتها صوص بيتزا و خبيتها
_نظفت الكرافس و حطيتو في المجمد
_نظفت النعناع و غسلتو و غلقت عليه في علبة

و نظفت المطبخ و درت غدا حريرة و طجين زيتون و معقودة و صلادو فروي


و بنتي ما قراتش نظفت باقي المنزل و مسحت الارضيات
اخذت قيلولة و نضت طيبت شاي للزوج و قهوة للاولاد و رقدت بنتي الصغيرة و جيت عندكم رغم انو عندي خياطة ... اخرتها شويا لانو عندي لعشا
*****
لاحظو اني ماشيا مع المطبخ كيما السلحفات بسبب بنتي الصغيرة و الاختبارات

[سمراء الدنيا]

[quote=loudjaine;3995543775]

المشاركة الأصلية كتبت بواسطة loudjaine

ارجوكم حابة ننضم ليكم لكن ما نقدرش ندخل قسم النساء باش ندخل الروابط لي تحطوهم كيف الحل الله يجازيكم

لا تستطيعين دخول الاقسام النسائية لانو الجنس عندك مكتوب ذكر
راح نراسل الادارة يحلو المشكل