كوزينة رمضاااان...أرواااحوا نحكيوا على الوصفاات لي نديروهم في رمضان ...متجدد

[الأمل القااااادم]

المشاركة الأصلية كتبت بواسطة ميرثا

السلام عليكم
اليوم راني نجرب فالحريرة التلمسانية نتاع الاخت اعتماد13 لكن مفهمتش علاش ضافت كنور فالاخير ممكن تفهميني ام انفال اسفة على الازعاج وبارك الله فيك

و عليكم السلااام أختي
سااامحيني على التأخر
النت راااهي عندي ثقيلة
أظن ان الكنووور مثل الجمبو
برك باااش يمدّ البنة و الله أعلم

ان شاااء الله اذااا كااانت هنااا الاخت اعتماااد تشرحلك

[ميرثا]

اه داكور اني سقسيتها بس للاسف مطلتش على الموضوع لفيه الروساث لحطتها
------------------
عصير الجزر راني ندير فيه تاني ممكن توضحيلي بعدما نغلي الجزر واش نديرلها نرحيها بالخلاط الكربائي ولا عادي بالرحاية لنرمال
يعني عل يقعدو الحبيبات نتاع الجزر واااااااااااااااااااسف والله معندي لشكون نلجا غير نتي لراكي تكسري راسك معايا بوركت وربي يحفظك ويحميك يا ام انفال

[صُبح الأندلس]

المشاركة الأصلية كتبت بواسطة ميرثا

اه داكور اني سقسيتها بس للاسف مطلتش على الموضوع لفيه الروساث لحطتها
------------------
عصير الجزر راني ندير فيه تاني ممكن توضحيلي بعدما نغلي الجزر واش نديرلها نرحيها بالخلاط الكربائي ولا عادي بالرحاية لنرمال
يعني عل يقعدو الحبيبات نتاع الجزر واااااااااااااااااااسف والله معندي لشكون نلجا غير نتي لراكي تكسري راسك معايا بوركت وربي يحفظك ويحميك يا ام انفال

بالنسبة لكنور هو كيما جومبو يعني يزيد البنة و ممكن تستغناي عليه ، المهم إلى حبيتي ديريه خليه في الأخير و خلطيه مع شوية ماء و ملعقتان طماطم مصبرة و راس الحانوت و ضفيهم على الحريرة باش يزيدو البنة و أي سؤال تفضلي

[صُبح الأندلس]

المشاركة الأصلية كتبت بواسطة زمردة17

أختي اعتماد راني فهمتك على واش تحوسي و هي < الكسرة اليابسة > اللي يديروها ناس الشرق
كانت جدتي ديرها و هي كالتالي
سميد و ملح و زيت و ماء فقط و بدون خميرة
ديري في قصعة السميد و الملح و الزيت و تبسيها مليح و من بعد تزيدي الماء قادر ما تجملك برك و تعجنيها مليح حتان تولي تطرطق و من بعد تقرصيها و تخليها ترتاح شوية و من بعد ديريها خبزات بيدك بلا ما تستعملي الحلال انا جداتي ماكانتش تستعمل الحلال و اذا ماقدرتيش استعملي الحلال و طيبيه .

ياو دوختوني ، مرة تقولو تجي يابسة و مرة طرية و مرة فيها الخمارة و مرة لا ؟ راني حابة نعرف السكيكديين تحديدا كيفاش يديرو الكسرة
و الحاجة لي ما دخلتش لراسي حنا عدنا المبسس نديرو فيه السميد و الملح و الماء و الزيت أو الزبدة و يجي يابس و ياكلوه مع الشاي يعني ما يصلحش مع الغدا ، ياو فهموني

[صُبح الأندلس]

أريد وصفة للأرز في الكوشة من فضلكن

[نينا الجزائرية]

المشاركة الأصلية كتبت بواسطة اعتماد13

ياو دوختوني ، مرة تقولو تجي يابسة و مرة طرية و مرة فيها الخمارة و مرة لا ؟ راني حابة نعرف السكيكديين تحديدا كيفاش يديرو الكسرة
و الحاجة لي ما دخلتش لراسي حنا عدنا المبسس نديرو فيه السميد و الملح و الماء و الزيت أو الزبدة و يجي يابس و ياكلوه مع الشاي يعني ما يصلحش مع الغدا ، ياو فهموني

ايه هذي فطيرة او خبز الفطير نشربو بيه القهوة وانتوما تسموه المبسس
الاخت طلبت ذلك نفس المقادير لذكرتها اعتماد
لكن التسمية تختلف
هما فقط اعتماد ناس الشرق ياكلوه مع الماكلة حتي القبائل نضن كذلك

[ميرثا]

داااااااااااااااكور هكدا تفاهمنا اخت اعتماد راني حطيت الشعيرية راهي تطيب مي وقتاش نزيد واش قلتي دوكا قبل متطيب يعني لما يدخل الطياب الشعيرية نزيدلها الطماطم المصبرة وكنور وراس الحانوت
يعطيك الصحة على الاهتمام

[ميرثا]

اخت اعتماد نهار طول ونا نشوف فيك تحاربي مع الكسرة مزلتي موصلتيش لواش حابة نقدر نعونك بماأنو انا من الشرق
وندكرلك جميع انواع الكسرة والفرق باش تتهناي

[نينا الجزائرية]

المشاركة الأصلية كتبت بواسطة اعتماد13

أريد وصفة للأرز في الكوشة من فضلكن

الارز بالكوشة في عجالة لان العصر ياذن
تديري لاسوس حمراء بالثوم وترابي طوماطيش بعدما تكوني غلتيها او ممكن لا تبلي بالفلفل احل والعكري تقطعي الزرودية مربعات صغيرة هي والقليلشة مربعات وجلبانة وتخليهم يطيبو مع تمريق طبعا
لما طيب لاسوس خلطي الروز لي غلتيه ومن الافضل الروز المفور الي تباع ودخليهم في الكوشة
ممكن تعملي في لاسوس طراف الجاج كي يطيبو تصفيهم من الاسوس وتفتيهم مع لاسوس او قطع لحم مكعبات صغيرة يطيبو مع لاسوس

وعندي وصفة تغلي الروز تقطعي البطاطا دوائر وتقليها وتخلطيها مع روز وتديري الروز في كوشة
سلام

[صُبح الأندلس]

المشاركة الأصلية كتبت بواسطة ميرثا

داااااااااااااااكور هكدا تفاهمنا اخت اعتماد راني حطيت الشعيرية راهي تطيب مي وقتاش نزيد واش قلتي دوكا قبل متطيب يعني لما يدخل الطياب الشعيرية نزيدلها الطماطم المصبرة وكنور وراس الحانوت
يعطيك الصحة على الاهتمام

أجل كي تشوفي الحريرة تقالت شوي بالشعيرية زيدي واش قتلك يعني بينهم حوالي 8 دقائق

[صُبح الأندلس]

المشاركة الأصلية كتبت بواسطة ميرثا

اخت اعتماد نهار طول ونا نشوف فيك تحاربي مع الكسرة مزلتي موصلتيش لواش حابة نقدر نعونك بماأنو انا من الشرق
وندكرلك جميع انواع الكسرة والفرق باش تتهناي

ما فهمتش واش الكسرة تجي يابسة كيما المبسس نتاعنا ؟ و في هاذا الحالة ما يقدروش يغمسو بيها المرقة ؟ يا ليت تعطيني طريقة تحضير الكسرة نتاع سكيكدة و لا قسنطينة و لا جيجل

[صُبح الأندلس]

المشاركة الأصلية كتبت بواسطة نينا الجزائرية

الارز بالكوشة في عجالة لان العصر ياذن
تديري لاسوس حمراء بالثوم وترابي طوماطيش بعدما تكوني غلتيها او ممكن لا تبلي بالفلفل احل والعكري تقطعي الزرودية مربعات صغيرة هي والقليلشة مربعات وجلبانة وتخليهم يطيبو مع تمريق طبعا
لما طيب لاسوس خلطي الروز لي غلتيه ومن الافضل الروز المفور الي تباع ودخليهم في الكوشة
ممكن تعملي في لاسوس طراف الجاج كي يطيبو تصفيهم من الاسوس وتفتيهم مع لاسوس او قطع لحم مكعبات صغيرة يطيبو مع لاسوس

وعندي وصفة تغلي الروز تقطعي البطاطا دوائر وتقليها وتخلطيها مع روز وتديري الروز في كوشة
سلام

شكرا لك أختي دايما حاضرة بصح ما فهمتش واشنو هي : القليلشة ؟

[غزالة الصّحراء]

المشاركة الأصلية كتبت بواسطة اعتماد13

ياو دوختوني ، مرة تقولو تجي يابسة و مرة طرية و مرة فيها الخمارة و مرة لا ؟ راني حابة نعرف السكيكديين تحديدا كيفاش يديرو الكسرة
و الحاجة لي ما دخلتش لراسي حنا عدنا المبسس نديرو فيه السميد و الملح و الماء و الزيت أو الزبدة و يجي يابس و ياكلوه مع الشاي يعني ما يصلحش مع الغدا ، ياو فهموني

السلام عليكم .
أخت أم اعتماد أحنا لقبايل ثاني أنديروا هذي الكسرة ألي اتحوسي عليها .
هاهي الطريقة . تاخذي السميد الرّقيق . حسب الرّغبة . + الملح . + الزيت . ( زيت الزيتون يكون أفضل ) + ملقعة صغيرة خميرة الخبز ويمكن الاستغناء عنها. . + الماء. وطريقة وضع الماء تكون كطريقة وضع الماء للمقروط . أي ماتزيديش الماء مباشرة . اشويا اشويا . حتى تتلم لعجينة. واصلي في عرك العجينة وفي نفس الوقت أضيفي الماء لكن بطريقة دهن اليد. يعني توضعي يديك على الماء فقط. وتواصلي حتى اتشوفي أن لعجينة صبحت لينة . اتكوريها . ثم تعجنيها كيما ألي على الصورة نقصد شكل الخبز . ( الصورة ألى عند الأخت زمردة17 وتخليها تطلع اشويا.
ملاحظة : هناك من يستغني على خميرة الخبز. كلّ واحد كيما ايحب. أتمنّى أن أكون قد وضّحت لك الأمر. وإن كنت بحاجة إلى توضيح أكثر أنا هنا. أتمنى فقط أن تكون الأنترنيت جدّيدة لكي أتواصل مع أحلى أعضاء الرّكن.
شهيّة طيّبة.

[صُبح الأندلس]

المشاركة الأصلية كتبت بواسطة غزالة الصّحراء

السلام عليكم .
أخت أم اعتماد أحنا لقبايل ثاني أنديروا هذي الكسرة ألي اتحوسي عليها .
هاهي الطريقة . تاخذي السميد الرّقيق . حسب الرّغبة . + الملح . + الزيت . ( زيت الزيتون يكون أفضل ) + ملقعة صغيرة خميرة الخبز ويمكن الاستغناء عنها. . + الماء. وطريقة وضع الماء تكون كطريقة وضع الماء للمقروط . أي ماتزيديش الماء مباشرة . اشويا اشويا . حتى تتلم لعجينة. واصلي في عرك العجينة وفي نفس الوقت أضيفي الماء لكن بطريقة دهن اليد. يعني توضعي يديك على الماء فقط. وتواصلي حتى اتشوفي أن لعجينة صبحت لينة . اتكوريها . ثم تعجنيها كيما ألي على الصورة نقصد شكل الخبز . ( الصورة ألى عند الأخت زمردة17 وتخليها تطلع اشويا.
ملاحظة : هناك من يستغني على خميرة الخبز. كلّ واحد كيما ايحب. أتمنّى أن أكون قد وضّحت لك الأمر. وإن كنت بحاجة إلى توضيح أكثر أنا هنا. أتمنى فقط أن تكون الأنترنيت جدّيدة لكي أتواصل مع أحلى أعضاء الرّكن.
شهيّة طيّبة.

شكرا لك أختي الحاجة لي ما فهمتهاش حنا نديرو هاذ المقادير بلا خمارة و يتسمى عدنا المبسس و يجي يابس و يؤكل مع الشاي و انتوما واش تاكلوه مع الغدا ؟

[غزالة الصّحراء]

المشاركة الأصلية كتبت بواسطة غزالة الصّحراء

يعطيك الصحة يا ام أنفال. على التوضيح.. أكيد رايح أنجربها . أنوجدها اليوم ان شاء اللّه.
حبيت أنسقسيك. لما أنخليه في الثلاجة بعد 6 ساعات على الأقل . كيفاش أنقدمه.؟ . هل يقدّم في قوالب؟ أو كيف ؟؟ . أريد توضيح أكثر...
بالمناسبة هل تعرفين طريقة تقديم عجينة ( الشو ). طلبت من شقراء التوضيح لكنها غائبة . لم تجب بعد. هل عند إضافة البيض يجب أن تكون العجينة ألي داخل الكسرونة على نار أو خارج النار . وكم من وقت يلزم بقاء ليشوا داخل الكوشة وعلى أيّ درجة حرارة. من فضلك أنا أنتظر الرد. وأريد أيضا نوعا من الكريمة قد جربتيها ونجحت معك. باش أنديرها في ( ليشوا ).
ثانميرث.

يعطيك الصحة يا أم أنفال . البراح أصنعت الياغوووووووووورت ألي قدمتيه . جاني هايل بصح لما حبيت أنشوف النتيجة رجعت لغطا مباشرة شهاتني ريحته.
يعطيك الصحة وربي يحفظك لدارك ولولادك ولينا ثاني . في انتظار وصفاتك الجديدة الأخرى . طبعا المجرّبة والناجحة.
صح فطوركم.