الأخت yarasmin. 26 ترد على تساؤلاتكم هنا - الصفحة 36

dalila2010 · 2012-04-15, 12:43

اختي الفاضلة لو تكرمتي ان تضعي لنا دروس في الحلويات ليداروا في الاعراس والمنسبات كلنفاس واخره شكرا

yarasmin.26 · 2012-04-15, 12:50

اقتباس:

المشاركة الأصلية كتبت بواسطة dalila2010

اختي الفاضلة لو تكرمتي ان تضعي لنا دروس في الحلويات ليداروا في الاعراس والمنسبات كلنفاس واخره شكرا

كل منطقة حبيبتي كيفاه يخدمو اعراسهم ولكن اذا حبيتى اتتعلمي الحلوى انا نعطيهالك قاعدة قاع الحلوى الي راكي اتشوفي فيها هي من وصفات تاع زمان ولكن تغير في الشكل كي تتعلمي القاعدة فقط تقدري دير شحال من النوع نصيحة من عندي واذا احتجتى اى وصفة ونكون نعرفها مانبخلش اعليك اكيد

sasafede · 2012-04-15, 12:53

سلام ياسمين كيفك؟؟؟؟؟

yarasmin.26 · 2012-04-15, 12:57

اقتباس:

المشاركة الأصلية كتبت بواسطة sasafede

سلام ياسمين كيفك؟؟؟؟؟

كون انقلك كيفاه راني تضحكي اعليا راني كارثة اليوم ودوشت وراسي راه بارد وداير كي البليون

أم عبد الناصر · 2012-04-15, 13:28

اقتباس:

المشاركة الأصلية كتبت بواسطة أم عبد الناصر

ممكن اختي الفاضلة وصفة paninis
مع الكريمة الي بداخله
ولك كل الشكر والاحترام والتقدير
حقق الله امانيك

من فضلك les paninis
لي بانيني
؟؟؟؟
اذا مافيها ازعاج
ومشكووورة على مجهوداتك فالمنتدى
في موازين حسناتك

أم هنيدة · 2012-04-15, 13:35

اقتباس:

المشاركة الأصلية كتبت بواسطة manothebest

السلام عليكم
أختي ياسمين كاين قاطو اسمو قاطو بيمو ي\وب في الفم جاي شكل هلالي و مرمد في القاطو بيمو مرحي و من الداخل ماكانش الحشوة يعني باينة كحشوة و انما الحشوة مخلطة مع العجينة نتمنى تفيديني بالوصفة بحثت في الانترنت بلا جدوى و جدت قاطو و لكن الحشوة باينة و لكن لي نقصد فيها تعود مخلطة مع العجينة و شكلها هلالي
=========================================
و كدلك ه\ا السؤال موجه لكم يا أحلى عضوات لكل من تملك الوصفة
أو الكتاب اللي فيه الوصفة تفيدني جزاكم الله خيرا

وعليكم السلام

أختي عندي وصفة تشبه واش تبحثي هليلات لكن فيها عقدة الكاوكاو الداخل وبعدما تطيب تتعسل وتترمد في البيمو سمعتها في حصة الطبخ في القناة الأولى لا أدري ان كانت هي الوصفة التي تبحثين عنها.

وهذه ايضا وصفة الأخت أم رامي بارك الله فيها

https://www.djelfa.info/vb/showthread.php?t=839492

sasafede · 2012-04-15, 16:03

اقتباس:

المشاركة الأصلية كتبت بواسطة yarasmin.26

كون انقلك كيفاه راني تضحكي اعليا راني كارثة اليوم ودوشت وراسي راه بارد وداير كي البليون

ا ربي يشافيك حنونة انا نفولك روحي نشفيه بالسشوار ادفي روحك ا ضؤبي حبة دولبران ا رقدي
ان شاء الله اتولي كل العود هههه

sasafede · 2012-04-15, 16:04

اقتباس:

المشاركة الأصلية كتبت بواسطة yarasmin.26

كون انقلك كيفاه راني تضحكي اعليا راني كارثة اليوم ودوشت وراسي راه بارد وداير كي البليون

اااااااا ربي يشافيك حنونة انا نقولك روحي نشفيه بالسشوار ادفي روحك ا ضربي حبة دولبران ا رقدي
ان شاء الله اتولي كل العود هههه

manothebest · 2012-04-15, 18:11

اقتباس:

المشاركة الأصلية كتبت بواسطة أم هنيدة

وعليكم السلام

أختي عندي وصفة تشبه واش تبحثي هليلات لكن فيها عقدة الكاوكاو الداخل وبعدما تطيب تتعسل وتترمد في البيمو سمعتها في حصة الطبخ في القناة الأولى لا أدري ان كانت هي الوصفة التي تبحثين عنها.

وهذه ايضا وصفة الأخت أم رامي بارك الله فيها

https://www.djelfa.info/vb/showthread.php?t=839492

ربي يحفظك من كل سوء أختي ويجازيك خير الجزاء
في الشكل كيما هو تمااااااااااااااما و لكن مافيهش العقدة وحدها و انما العقدة مخلطة مع العجينة

بسملة2011 · 2012-04-15, 20:45

اقتباس:

المشاركة الأصلية كتبت بواسطة yarasmin.26

الكريمة باه اجيك شابة اليكي المقادير"
ضعي علبة شكولاطة على حمام مائي+60 غ زبدة+2 الى 3 م ك كرام شانتي غبرة وخلطيهم حتى ايذوبو منبعد ضربيهم بالباتوغ مرة اعلى مرة زيدي قليل من الحليب بارد حتى تشوفى انه تجانس معه وابقى اتضربي من2 الى5 د حتى اتشوفي الخليط راه باهي وجامد قليلا وزيني التارت انتاعك تاكليها بالصحة
هذه كريم تزين بالبوش اما القناش يستعمل فيه كرام فراش لمعلوماتك فقط اما راي فقط اعطيك طريقة تزين باه تشاركي بيها بالصور
اقسميها على 2 او 3 وديري الكريمة الى حبيتى لونيها بالبنفسجي واطلي كامل الحواشي 1 ثم اطليها من الفوق ومسحي حتى تنيفلي ثم ديريها في الثلاجة باه تشد روحها غير شوية كي تخرجيها شكلي بالبوش على السطح دائرة فقط امواج او ورود كيما تحبي وديري في كل وردة شريحة فراولة وخلى الورقتاع الفراولة باه متخسرش وجيك مطبوعة وفي الوسط ذوبي الشكولاطة وديريها في سنيوى كي تبرد كرطيها بالكراطة تترولا وحدها وديرهم في لوسط شبحي ثم ذرذري بالصفاية سكر القلاصي اعلى شكولاطة المسكرفجة وجيك شابة وتعطيها رونق انشاء الله اتكون دخلاتك الفكرة بالتوفيق

الله يجازيك كل خير عن النصائح مشكورة على كل التفاصيل

حسناء القمر · 2012-04-15, 22:08

تسلمي مشكوره

yarasmin.26 · 2012-04-16, 09:58

اقتباس:

المشاركة الأصلية كتبت بواسطة أم عبد الناصر

من فضلك les paninis
لي بانيني
؟؟؟؟
اذا مافيها ازعاج
ومشكووورة على مجهوداتك فالمنتدى
في موازين حسناتك

حبيبتي وصفة لبانيني راهي في قسم العجائن والشوربات قدمتها الاخت ام كوثر كاموضوع بالتفصيل ابحثي عنها تحياتي

3imad22 · 2012-04-16, 14:02

شكرا لكي أختي ممكن تعطيني وصفة سويس رول و عجينة الهومبورقار

yarasmin.26 · 2012-04-16, 14:20

[QUOTE3imad22;9622482]شكرا لكي أختي ممكن تعطيني وصفة سويس رول و عجينة الهومبورقار[/QUOTE]
وصفة الهمبورقر

1 كغ فرينة+كوب تاع اتاي زيت+2 م ك خمارة الخبز+2 مك سكر+1 بيض+ماء دافي
الفرينةوالملح والزيت واناء اخر خمارة+شوية سكر+شوية حليب+شوية فرينة وخليها تخمر
خلطي المقادير بدون ماتعجنيها رونيها بالماء وتروكيها ترتاح10 د
ثم اضيفي البيض ولميها حتى يتداخل فيما بعض وترتاح1/2 سا خذي سنيوى ادهنيها وشكلي دوائر وزن الواحد25 ال30 غ فقط ثم اطليها بالحليب بالبانسو وتروكيها تزيد تخمر ثم ذرذري اعليها الجلجلان ابيض زيدي اتركيها 20 د وضعيهم في فرن عالي الدرجة
حتى ايطيبو ويتحمرو شوية من الفوق
اما سويس رول عن قريب راني رايحة انديرو موضوع باه قاع تفهمو نظرا لطلب اعليه بزاف تحياتي

أم عائشة · 2012-04-16, 14:29

شكرا بارك الله فيك