الجزء 137 من كوزينة واش طيبتي اليوم ((كوزينة النجاح في الدارين )) - الصفحة 36

om kamilia · 2015-07-09, 13:52

و الله اليوم فطوري من الفرحة ماقدرتش نخمم بصح زوجي طلب سباقيتي وندير بوراك السلق وبقاتلي شربة وكسرة و الحمد لله , اليوم نروح سهرانة نطل على عمتو لكبيرة

عطرالذهب · 2015-07-09, 13:55

السلام عليكم والف مليون مبروك النجاح لكل اولادنا وبناتنا واللي ماحالفهمش الحظ العام الجاي ان شاء الله يفرحونا
ام طيري مبروك عليك الكوزينة المربوحة ومبروك عليك نجاح بنتك ولكل الناجحين في البيام والسانكيام

x ام رحاب x · 2015-07-09, 13:56

سلالالالالالالالالالالالالالالالالالالالالالالالام حبيباتي الغاليات وربي يفرحكم اكثر واكثر ام رحاب الي تحبكم كثير وصحة فطوركم

أم ريمة* · 2015-07-09, 14:05

الف الف مبروك نجاح اولادكم والله غير لحمى تشوك ماكانش حاجة تفرح الام قد نجاح اولادها فالف مبروك لكل من الزهراء وروزا وحبيب الكل الكابتن ماجد واميرة بنت دائمة وبنت ام امنيية واخ بيبا واخت سماح الف مبروك طهارة ولد الغالية ام اسلام لعقوبة لزواجو والف مبروك نجاح نسرين بنت ام طيرى الجنة لعقوبة للباك والف مبروك كوزينة ماشاء الله كوزينة افراح ربى يدومو علينا الكل امين

أم ملك · 2015-07-09, 14:06

سلام حبيباتي
مرحبا عطر توحشناك الله لا يغيبك علينا مرحبا بيك قبل ما تخرجي قوليلنا واش رايحة تديري قاطو
أم لقمان أم خيرو و أم رحاب ألف مبرووووووووووووووك و كل أم تستاهلو جميعا تفرحو بأولادكم ربي يخليهم
زينب مرحبا و مبروك نجاح بنت خالتك الحمد لله الذي بنعمته تتم الصالحات
و الله فرحتي بنجاح أولادكم لا تنقص من مقدار فرحتكم و الله الرعشة حاكمتني و الدمعة في عيني
أختي ما غاضتنيش ﻷنو كيما قالو ناس زمان شوف العين ترك السؤال ما قراتش نهائيا لكم غاضتني أمي و أبي مساكين كون أحنا الحمد لله أربع بنات قبلها دينا الباك كامل في العام اﻷول كانو ظانينها هي ثاني تديه كنت نقوللهم ما رايحاش تجيبو غاضوني مساكين و الحمد لله على كل حال
الفطور راه تالف من الفرحة كون نلقى نقعد غير معاكم نشوف أو باﻷحرى نحس بفرحتكم اللهم أدمها نعمة

om kamilia · 2015-07-09, 14:10

ام ريمة اهلين واشراكي حنونة
اعطورة واشراكي ان شاء الله لآباس عليك , وحشناك وين كنت خلاص ماككيش تطلي عليناا

om kamilia · 2015-07-09, 14:11

نخليكم في آمان الله صح فطوركم ,

ام طيري الجنة · 2015-07-09, 14:12

اهلين و مرحبتين ام رحاب الزينة و الف الف الف مبروك على بنتك عقبال نجاحات اخرى يا رب و تفرحي بيها يا رب واش راكي توحشناك بزااااااف مرحبا بيك
عطر الذهب هلّت الانوار يا روحي الله يبارك فيك و يفرحك بالعزيز عليك يا رب
ام كاميليا بصحتك السهرية و الفطور كامل راه تالفنا مع الفرحة نتاع البكالوريا كلش تلف ربي يشبعنا افراح يا رب

أم ملك · 2015-07-09, 14:14

باروكي هدا قاطو العيد تاع العام لي فات

أم ريمة* · 2015-07-09, 14:16

الف مبروك لام لقمان وام ريحاب وام خيرو نجاح اولادكم وبنت خالت زينب مزيذا من النجاحات

ام طيري الجنة · 2015-07-09, 14:17

اقتباس:

المشاركة الأصلية كتبت بواسطة saja hamed

hgt hالف الف الف الف مبروك علي الناجحين بدون استثناء ولعقوبة للشهادات العلية انا اختي ما نجحتش ان شاء الله العام الجاي

ماعليش سجا العام الجاي ان شاء الله تفرحكم و تفرحنا ياا رب

اقتباس:

المشاركة الأصلية كتبت بواسطة أم ريمة*

الف الف مبروك نجاح اولادكم والله غير لحمى تشوك ماكانش حاجة تفرح الام قد نجاح اولادها فالف مبروك لكل من الزهراء وروزا وحبيب الكل الكابتن ماجد واميرة بنت دائمة وبنت ام امنيية واخ بيبا واخت سماح الف مبروك طهارة ولد الغالية ام اسلام لعقوبة لزواجو والف مبروك نجاح نسرين بنت ام طيرى الجنة لعقوبة للباك والف مبروك كوزينة ماشاء الله كوزينة افراح ربى يدومو علينا الكل امين

هلّت البركة و الأنوار ام ريمة والله جيتي في بالي و قلت ما نعرف ام ريمة اذا عندها اللي يفوت توحشناك و الله هذ الكوزينة مربوحة كي رجعت الغايبات اليييييييييييييييييييين مرحبا

ريتاج تيارتية · 2015-07-09, 14:17

السلاااااﻻم عليك الف مبروووووووك اللي جابو الباك واللي ماجابوش لعقوبة للعام الحاي ان شاء الله
انا خويا جاب الباك بالمراسلة

أم ريمة* · 2015-07-09, 14:22

السوال عليك ام كاميليا ربى يفرحك
عطورة عاش من شافك واش راكى مع الحمل والسخانة ؟؟

ام عبدو و ملاك · 2015-07-09, 14:28

يا اخواتاتي تعيشو اللي من عنابة تقولي وين نلقى الاسواق و المحلات تاع البسة الاطفال راني ما نعرفش وين وجازاكم الله خيرا

عطرالذهب · 2015-07-09, 14:28

الله يخليك ام ملك وام كاميليا وام طيري وام ريما راني خير من ايام فاتو والحمد لله على الاقل نخدم حبيبات قاطو للعيد
جبتلكم باروكي من الارشيف ونعاود نهني كل الامهات بنجاح اولادهم وبناتهم