الجزء29 من واش طيبتي اليوم؟ - الصفحة 36

zahra30 · 2013-09-26, 22:46

راني جيت نقولكم تصبحو على خييير هههههه بالسيف ما كتبت موضوع في التطبيقات وزيد راني مديقوتيا غدوة ان شاء الله
جمعة مباركة للجميع وزوروني ما تنساونيش

zahra30 · 2013-09-26, 22:48

حقا ام كوثر قوليلي بواش نقدر نبدل لاكرام فراش في الكعكة الي درتيها ولا اسهل ولا اروع ههههه ولا كيفاش نخدموه ما ظنيتش نلقاه اهنا في القيفار

إلهام07 · 2013-09-26, 22:52

اقتباس:

المشاركة الأصلية كتبت بواسطة zahra30

حقا ام كوثر قوليلي بواش نقدر نبدل لاكرام فراش في الكعكة الي درتيها ولا اسهل ولا اروع ههههه ولا كيفاش نخدموه ما ظنيتش نلقاه اهنا في القيفار

نقدر نجاوب لاخاطر سقسينا ام كوثر من قبل هذا السؤال ، تقدري تعوضي لاكرام فراش بشوية حليب ولا ياوورت طبيعي

تصبحي بخير

islam1aya · 2013-09-26, 23:03

اقتباس:

المشاركة الأصلية كتبت بواسطة إلهام07

أم إسلام نقترح عليك أدي كونجي من عمل المنزل يوم او زوج خلي المسيو يجيب الماكلة من برى وماديري والو ماتنظفي ماوالو باش تريحي
وبصحتكم الجاج بالعسل والآيس تي
حقة سقسيتيني في موضوع المسابقة على كريمة التحلية لالا هذيك ماشي طعمها كيما الكرام باتيسيير لا
إذا كان ذقتي من قبل التيز كيك يعني كعكة الجبن هذيك راهي كيفها لاخاطر هذي راهي كريمة الجبن

جربي بيها تارت

يعطيك الصحة الهامو ربي يخليك فكرت فيا لوكان غير يخض الراي واااااع الاطباء كل واحد واش يقولي واحد يقولي ليميسكل واحد يقولي بداية ارتروس ربي يجيب الشفاء راني تعبانة هذا الاسبوع كنرفد الثقل او نتعب روحي يحكمني الوجع

الكريمة عجبتني بزاف الشيز كايك عمري ما جربتو اعطني كاش وصفة جربتيها

إلهام07 · 2013-09-26, 23:18

وأنت اهلو نهال

ربي يشافيك ام إسلام باين مرضك لازملو الراحة
التشيز كيك راهو كيك راقي صدقيني بنة وحدة اخرى لازم جربيه وذوقيه مممممممممم راهو من أفخم الحلويات أنا جربت نتاع وحد الأخت أصبريني نحوسلك على الرابط النت تعيف والميكرو واقيلا غلب هههههههههههههه كل مانكليكي على حاجة يبلوكي

إلهام07 · 2013-09-26, 23:25

هاهو الرابط أنا درت كاس سكر بدلا من نص لاخاطر حامض
https://www.djelfa.info/vb/showthread...t=%CA%D4%ED%D2

ام فريال · 2013-09-27, 06:11

نهاركم طيب وسعيد وصباح الخير على الجميع وجمعة مباركة

tokio hotel · 2013-09-27, 07:30

صبح الانوار عليكم و جمعة مباركة

ام ندى 87 · 2013-09-27, 07:36

صباح الخير و جمعة مباركة لا تنسو سورة الكهف
منال وين راكي حنونة توحشناك واقيلا العرس تاع خوك قريب ربي يكمل بالخير
باتيلا و توتةو مونى وجميع الغائبات عسى المانع خير
سهى حلوياتك هايليين و الف مبروك ربي يهنيك

tokio hotel · 2013-09-27, 08:00

عاجل الى الهام

بعد بحث من البارح و انا نحوس على معجون الكرطوس و لقناوية و اخيرا لقيت الاولى اما الثانية ما لقيتهاش نغسل الكرطوس نشفيه فى اناء نحط ربع كمية السكر حطى عليه الكرموس حب فرغى باقى السكر نتركه ليلة حطى كاس ماء قيس ما تتغطة فقط نتركه يطيب فى عقلو لمدة طويلة قبل ما طفى عليه ضفى عير قارص ملاحضة كى ترقديه حطى معاه فرع اكليل اسرقى من الخدمة اكيد عنكم و كى طيبيه حطى غير وريقات يعطيه دوق مميز لكل 2كلغ كرطوس 2كلغ سكر ضرورى ما يكونش طايب بزاف يعنى الى شرتيه ما يصلحش

<نَجْمَاتْ> · 2013-09-27, 08:31

جمعة مباركة للجميع باذن الرحمان

عطرالذهب · 2013-09-27, 08:36

صباح الخير عليكم كامل وجمعة مباركة الهام صالونكم يهبل ان شاء الله نشوفوا صالون دارك وكوزينتك وشنابرك ودوشك والبالكون و.. كانش ما نسيت.. المهم يعطيك الصحة راني خليت بناتي يتفرجوا على كل ابداعاتك وقلتلهم يا تجوني كيفها يا حوسوا على ام اخرى هههههه مساكن صغار 10 و7 سنين

anaris · 2013-09-27, 08:50

صباحكم مبارك
ياسيدي ياسيدي على الهام والله كانو معجاناتك هايليين هليليين والحاجة الفور هي القصة هذاك هو الابداع انا من ضك نقولك غير روحي شوفي خدمة في قناة سميرة راهي رايحة تحكمك طول ديرة حصة تاع اطفال والله كي شفت موضوعك قلت ربي يرزقها 10 اةلاد طيبلهم وتتفنن ليهم
اما بخصوص السفنج قلتيلي وضحي اكثر اكان في دارنا كاري سفانجي طبعا دزيتلو خويا يعطينا السر قالو انا ديما نعمل بالخميرة البابيتة يعني خلي طرف من العجينة في الثلاجة وغدا يديرها في العجينة الجديدة وقالو تاني نزيد فيه شويا نشاء باه مايشربش الزيت ويجي مقرمش والزيت كيما قاتلك وحد الاخت طيبيه في زوج مقلي السفانجي كي جي طيب الحبة يحطها اولا في الحاشية وي يكون الزيت قليل ومن بعد يديها في النص عليها قاتلك الاخت ديري زوج مقاي وحة فيها زيت قليل وحدة زيت غزير
شكرا كي صورتيلي قرعة لكرام وتمي بمعروفك واعطيني وصفة الغريبية تاعك بالزيت والزبدة جربت تاع ام راضية بالوز وفيها السمن والزبدة والزيت جات44444444444 نزيد نجرب تاعك وتاع ام كوثر نموت على الغريبية
والاخير نقول للجميع المتسابقات ابدعتن

anaris · 2013-09-27, 08:55

الهام معجون الكرطوس كيما قاتلك الاخت طوكيو كيلو سكر كيلو كرطوس ديري طبقة كرطوس طبقة سكر وهكذا كملي انا مانزيدلوش الماع لانو كي تخليه يبات يطلق الماع تاعو حطيه يطيب مايطولش وزيديلو عصرة قارس وهذا ماكان

nihale89 · 2013-09-27, 09:03

صباح الفل حبيباتي الفحلات جمعة مباركة
واش راكم كامل كيفاه صبحتو
لهومتي راكي لبا س تناحلك التعب نتاع المسابقة