الجزء 178 من كوزينة احلى رفقه كوزينة الاطايب للطيبات - الصفحة 35

cilia · 2017-03-16, 11:37

اقتباس:

المشاركة الأصلية كتبت بواسطة ام هاديل وياسين

مكانش منها حتى انا من نفس المنطقة الله يسلمك وبيك متشرفة اختي

هههه بصح و بلاك تاني جوارين

cilia · 2017-03-16, 11:40

اقتباس:

المشاركة الأصلية كتبت بواسطة ام هاديل وياسين

صح عشاكم الكوزينة راهي تصفرررر بصح معليش رايحة نحط التحلية كرام كرمال الي درتها
ام هدولة لبارح شانقولك يهدولة انتي واسيا ربي يجازيكم بخير على الوصفة جات روووعة روووعة وحتى ولادي عجبتهم
وهديل من الي طايبتها ستناتها شوية برك بردت راهي تاكل خخخ كثرت الهدرة نحطهالكم خير

مممم التحلية خرجتلك روعة شهيتيني

انا هي رزيقة · 2017-03-16, 12:15

السلام عليكم نهاركن مبارك و زين يا الزينونات كيف راكم ان شاء الله بخير
اختي كوكا ياخي نتيا هي ام امينة عندي مدة متلاقيتكش على سلامتك حنونة و شكرا على كلامك الطيب لكل البنات و الله غيرطلتك علينا تسوا الدنيا و ما فيها مام بدون صور .....
اختي بليسان غير جربي العصير لي قالتلك عليه ام هدول الحلوة على ضمانتي بنين و منعش و زاكي و كلشي .... و الشكر موصول لصاحبة الوصفة ربي يحفظها
اختي ام هاديل و ياسين شهيتينا بالتحلية الجميلة انتي و ام هدول تبان فعلا مغرية و امممممم تع الصح بصح سي نورمال تكون هكا مدامها من عند اسوس االفحلة المستغانمية .... حقا راكم فعلا شلة تقدرو ديرو كلاب نتيا و سيليا الجميلة وكاين ثاني على ما اظن حبيبتي فاطمة ربي يذكرها بالخير من نفس منطقتكم عندها مدة مبانتش عسى المانع خير ان شاء الله ... ام ياسمين اظهر و بان عليك الامان ...... خخخخخ و حتى ليزاتي العسل اذا مخانتنيش الذاكرة يا لهوي تفكرت ام صفصوفي عندها وحشة قد الدنيا ... مواحححح ليزاتي اذا راكي de passage .... خخخخخ دون ان انسى سلام حار حار الى الغالية حياة لي راهي غايبة بصح هي عندها عذر طبعا ربي يسلكها على الف خير
ام عبيدة حبيبتي ان شاء الله تتحسن امورك و تولي تنورينا بطلتك المنعشة
ام هدول يا حلوتي عيني عليك باردة راكي منشطة الحالة كيما يحب الخاطر يعطيك الصحة حنونة و يامامي على الجواز الجميل و الله عندك لمسة مميزة في الجوازات بكل انواعها يشهوني مووووت ربي يحفظك من العين يا رب
اختي سيليا التحلية تع الفراز خرجلتك طووووب يعطيك الصحة حنونة شجعتيني باه نطبقها هذ الويكاند اذا حب ربي .... بصحتكم

ابني نور عيني كيف راكي حنونة و كيفاه راهو البوغوص الصغيور تاعنا ان شاء الله بالف خير حقا شفت دك النهار ديك الكسرة تاعك الله الله و الله جميلة جدا يسلمو دياتك يا فحلتي
حقا البنات انا من راييي مش مهم منين ام وليد راهي تجيب الوصفات لاني مسمهعتهاش ابدا تقول هذي وصفة من اختراعي على اي وصفة و الكوزينة يا بنات عالم واسع جدا جدا و متداخل و متشعب الى حد كبير و حتى واحد ميقدر يقول فيه هذي وصفتي انا ..... و ميزة ام وليد هي انها تبذل جهد كبير باه تطبق الوصفات حتى و ان كانت من فحلات الجلفة (و هذا صحيح) و تجعلها تبان ساهلة في عيون البنات المبتدئات و تشجعهن انهم يطبقوها و يبدعو فيها و هذا امر تشكر عليه .... و فقط بدون تعليق يعني .....خخخخخ انا عن نفسي مذا بيا تدي كل وصفاتي (لي هما مش وصفات من اختراعي طبعا ) و تطبقهم و الله رايحة نفرح كثير لانو المهم عندي انو يتعلموهم البنات و يمتعو عائلاتهم بيهم و الاعمال بالنيات حبيباتي و لكل امرئ ما نوى ....
اختي ام يوسف ربي يشافيك حنونة

انا هي رزيقة · 2017-03-16, 13:11

هذا عشانا البارح خضار مفورة لي هي زروديا و بطاطا و بسباس و كورجيت sautés في خليط من الثوم مدقوق مع معدنوس و قصبر مقطعين رقيق مع فلفل عكري و فلفل اسود و كمون و ملح و زيت زيتون و زدت في المقلاة مرغارين ايه حقا زدت شوية صدردجاج في الاخير مع عصرة ليمون تفضلو حبيباتي ورافقناهم مع سلاطة خضراء و الحمد لله حمدا كثيرا مباركا فيه

البحر الصافي · 2017-03-16, 13:50

السلام عليكم اخواتي
وعطلة سعيدة لاولادكم
دخلت على الخفوفي الظريف واكيد لبنين للحبوبة رزيقة مممم بصحتكم
واظم صوتي لصوتك ونايدك في كل كلمة قلتيها على ام وليد هي صحيح موش وصفاتها لاكن احنا حبينا طريقة المباشر وبطريقة مبسطة وهي مشكورة على ذلك وحدسي واحساسي يقول لي انها هي ايضا من فحلات الجلفة لقدم لما لا واختارت هذا المجال الجديد بالفيديو
ام هدول وام هاديل التحلية روووووعة والشكر موصول لاسيا الفحلة مع اني منحبش التحليات لاكن خرجتوها تشهي وشهاتني موت وشكرا لانكم نبهتونا ليها
امىيوسف وسيليا وام محمد وبيليسان وكل الاخوات صحيتو يا فحلات على الاطايب
وحياتي امل قاطو الفرشيطة يشهي فكرتيني فيه انا من محبي القاطو ساك
ام عبيدة نتمنى يكون غيابك خير
تحياتي لكن جميعا ودمتم ساااالمين
توحشنا ام رحاب الغالية

انا هي رزيقة · 2017-03-16, 14:06

اقتباس:

المشاركة الأصلية كتبت بواسطة البحر الصافي

السلام عليكم اخواتي
وعطلة سعيدة لاولادكم
دخلت على الخفوفي الظريف واكيد لبنين للحبوبة رزيقة مممم بصحتكم
واظم صوتي لصوتك ونايدك في كل كلمة قلتيها على ام وليد هي صحيح موش وصفاتها لاكن احنا حبينا طريقة المباشر وبطريقة مبسطة وهي مشكورة على ذلك وحدسي واحساسي يقول لي انها هي ايضا من فحلات الجلفة لقدم لما لا واختارت هذا المجال الجديد بالفيديو
ام هدول وام هاديل التحلية روووووعة والشكر موصول لاسيا الفحلة مع اني منحبش التحليات لاكن خرجتوها تشهي وشهاتني موت وشكرا لانكم نبهتونا ليها
امىيوسف وسيليا وام محمد وبيليسان وكل الاخوات صحيتو يا فحلات على الاطايب
وحياتي امل قاطو الفرشيطة يشهي فكرتيني فيه انا من محبي القاطو ساك
ام عبيدة نتمنى يكون غيابك خير
تحياتي لكن جميعا ودمتم ساااالمين
توحشنا ام رحاب الغالية

يسعدلي نهارك بحورتي الغالية ...و شكرا على الكلام الزين يا زينونتي البسكرية و اكيد ام وليد فحلة الجواب باين من عنوانو من تطبيقاتها الجد جد موفقة ومن السوكسي الكبير لي راهي دياتو في اليوتوب ياختي عندها وحد الزهر يكسر لحجربالرغم من بساطة اطباقها ....خخخخخخخ ربي يحفظها من العين
اختي ام هاجر اسمحيلي حنونة نسيتك في تعليقاتي ينساك الهم ان شاء الله ... و الله دون مجاملة حنونة حلوة الفرشيطة تاعك ناجحة بكل المقاييس .... امانة سلميلي على ام البنين و يسلمو دياتك وبصحتكم حبيبتي ...تهلاو في رواحتيكم فحلاتي الجميلات

البحر الصافي · 2017-03-16, 14:13

اقتباس:

المشاركة الأصلية كتبت بواسطة انا هي رزيقة

يسعدلي نهارك بحورتي الغالية ...و شكرا على الكلام الزين يا زينونتي البسكرية و اكيد ام وليد فحلة الجواب باين من عنوانو من تطبيقاتها الجد جد موفقة ومن السوكسي الكبير لي راهي دياتو في اليوتوب ياختي عندها وحد الزهر يكسر لحجربالرغم من بساطة اطباقها ....خخخخخخخ ربي يحفظها من العين
اختي ام هاجر اسمحيلي حنونة نسيتك في تعليقاتي ينساك الهم ان شاء الله ... و الله دون مجاملة حنونة حلوة الفرشيطة تاعك ناجحة بكل المقاييس .... يسلمو دياتك وبصحتكم حبيبتي ...تهلاو في رواحتيكم فحلاتي الجميلات

ههههههه اكيد يكسر لحجر والمحبة من عند ربي خاصة المبتدئات راهي نعمة ليهم وكاينة وحدة قد ما تشرحيلها متفهمش الله غالب هكذا جاية تصلحلها غير ام وليد عندي بنت جارتي كي تزوحت منذ عشرين سنة كانت مهبلتني كي نبعثلهم حاجة تقلي كيفاه طيبتيها نشرح ونشرح ونشرح باه تفهمني وتقلي نحب شرحك تفهميني مليح ربي يذكرها بالخير كون درت فيديو مثل ام وليد وبعثتهولها ماشي خير هههههه

البحر الصافي · 2017-03-16, 14:19

رزيقة فكرة سوتي الخضار هايلة دبرتي عليا لعشا انا وابو العيال نموتو على الخضار ولولاد نشوف واش ندبرلهم

البحر الصافي · 2017-03-16, 14:44

وصفات منقولة

شوفو هاذو يقلاصو فيهم عصير الليمون روووووعة

أم يوسف2 · 2017-03-16, 15:38

سلام بناااات صح قهوتكم مازالني مع مشكل الضروس بدلت الطبيب هدا قالي مانقدر نديرلك وااااالو مدلي الدوا وقالي استناي حتى بعد الولادة ان شاء اللله
البحر الصافي عجبتني الفكرة تاع عصير الليمون يتباعو هكاك وانت تعصري وتعمريهم؟؟؟؟؟ حقيقة انا ماشفتهمش من قبل قوليلي شحال يديروا اليوم باه نقول لراجلي يجيبلي منهم موالفة نديرهم فتاع الماء خخخخخ شكرا

ام هدول · 2017-03-16, 17:09

اقتباس:

المشاركة الأصلية كتبت بواسطة انا هي رزيقة

هذا عشانا البارح خضار مفورة لي هي زروديا و بطاطا و بسباس و كورجيت sautés في خليط من الثوم مدقوق مع معدنوس و قصبر مقطعين رقيق مع فلفل عكري و فلفل اسود و كمون و ملح و زيت زيتون و زدت في المقلاة مرغارين ايه حقا زدت شوية صدردجاج في الاخير مع عصرة ليمون تفضلو حبيباتي

ورافقناهم مع سلاطة خضراء و الحمد لله حمدا كثيرا مباركا فيه

يامامي على الخفوفي الرائع ..اعطيتني قكرة للعشا ...نبدل شوية من لمراقي ..هههه

ام هدول · 2017-03-16, 17:11

اقتباس:

المشاركة الأصلية كتبت بواسطة البحر الصافي

وصفات منقولة

شوفو هاذو يقلاصو فيهم عصير الليمون روووووعة

شكرا بحورة على الوصفات وفكرة تجميد عصير القارص ..فكرة هايلة في ميزان حساناتك ..وعطلة سعيدة للوليداتنا

ام هدول · 2017-03-16, 17:15

صحة قهوتكم لينات ...ام يووسف يهبلوك الضروس حتى تزيدي ماعندو مابقي ..
رزيقة شكرا على كلامك الطيب وراني معاك على ام وليد ..انا مانيش متبعة جديدها بصح كي نسحق وصفة نروح لليوتوب نحوس عليها لانها تبسطها علكيف وهي تجرب وكي تنجح في الوصفة تعرضها ..ماعلا بليش الا راهي تاعها وولا تاع غيرها ....رغكم دللك فادت الكثير خاصة المبتدئات مانكروش جميلها ..لكان الوصفات تقدمهم وما تدكرش صاحب الو صفة الاصلية ...بينها بين مولاها هي الهد ف تاعها توصاال الفكرة بابسط طريقة ممكنة .

ام هدول · 2017-03-16, 17:23

ام هاديل نقولك زيدي ضمي للمجموعة تع مستغانميات ...لمسة شهرزاد (سميرة تي في )....واحلام مستغانمي ههههه هادي الاخيرة قسنطينية رغم اسمها مستغانمي ...راني نضحك برك
لبنات لامابنتش غدوة راني في العرس ..واليوم كنت مع التحضيرات خخخخخخ علابالكم كي نعود رايحة للعرس حالة طورئْ...ولا انتوما نورما عندي انا برك اليوم دوشت ودر ت تنضيف عميق عمييق ..وصبغت شعري سع ...وسشورتو غدوة نعاودو بالليسور ...وجبت واش نلبس ونسسيي ونوشوف .خخخخ لعشا ندير الخضار سوتي تع زقزوقة عجبوني مع قطع من صدر الدجاج وسلطة خضار نموت عليها خاصة كي تكون لاصوص تاعها بزيت الزيتون ....سلالام
ايه تفكرت بيلسان سؤالك على ختي لللاسف ماعندهاش النت ..وتحب تجرب وصافات جدييدة مين داك نخبرها بوصفة من وصفات المنتدى ولا وصفات ام وليد ....

البحر الصافي · 2017-03-16, 20:58

اقتباس:

المشاركة الأصلية كتبت بواسطة أم يوسف2

سلام بناااات صح قهوتكم مازالني مع مشكل الضروس بدلت الطبيب هدا قالي مانقدر نديرلك وااااالو مدلي الدوا وقالي استناي حتى بعد الولادة ان شاء اللله
البحر الصافي عجبتني الفكرة تاع عصير الليمون يتباعو هكاك وانت تعصري وتعمريهم؟؟؟؟؟ حقيقة انا ماشفتهمش من قبل قوليلي شحال يديروا اليوم باه نقول لراجلي يجيبلي منهم موالفة نديرهم فتاع الماء خخخخخ شكرا

ام يوسف اختي معنديش فكرة وين يتباعو لقيتها في الفيس عجبتني وقلت نحوس عليهم في ليسوبيرات لكبار ووصيت بنت خالي تشوفلي في الجزائر في ارديس نظن يكونو
ونزيدك حاجة كي تحبي تستعمليهم تنحي بالوحدة علكيف عجبوني والصورة نسيت محتفظتش بيها
راني نحوس عليهم وكي نلقى نخبرك