الجزء 157 من واش طيبتي اليوم .....كوزينة التميز و الامتياز - الصفحة 35

omomnia15 · 2016-01-04, 07:57

صباح سعيد مشرق للجميع
ربي يسلك الحوامل ويرزق المحتاج ويشفي المرضى ويرحم الاموات امين
وينكم يا فحلات وينك دائمة بفنجان القهوة وينك او ياسو بضخكاتك وتزناقك ام تاج ام رحاب كنت تنوروا الكوزينة الصباح وبطلتوا واش زعقكم ياخي انتوما كنت تنهوا على الزعاف ان شاء الله تنورونا بطلتكم
كي العادة والعوايد الفطور مودر ذا لقاني ولقيتو نقوللكو سلامي للجميع

x ام رحاب x · 2016-01-04, 08:10

السلام عليكم ورحمة الله وبركاته
كي اصبحتي ام امنية 15 انا مالهيتش مع الصباح برك الله لايجيب الزعاف وانت شكرا على القهوة لحقتني ريحتها
كوكا بايت ندعي البارح نحسبك راكي زيدتي ربي يسلكك على الخير حبيبتي ماقعدت وحلة بلا سلاك كيما اتقول يما الله يذكرها على خير

x ام رحاب x · 2016-01-04, 08:12

اقتباس:

المشاركة الأصلية كتبت بواسطة أم سدرة

أختي هاهي الوصفة راني شفتو في سميرة تي في ديري الطبقة اﻻولى بطاطا مغلية ومقطعة مكعبات والطبقة الثانية 2بصل مقطعين شرائح ومقليين في شوية زيت مع ملح وفلفل أسود والطبقة الثالثة مرقاز مقلي ومقطع ومن بعد ديري البيض على حساب المول تاعك انا درت4 زيدي معاهم معدنوش وجبن مبشور انا الجبن مادرتوش كان مش حاضر عندي وتحطي خليط البيض والجبن فوق المرقاز وحطيهم في الفرن وبالصحة

الله يعطيك الف صحة اختي تسلمي على الوصفة باينة بنينة

arwa alaa · 2016-01-04, 08:24

صباح الخير عليكم واش راكم يا الحراير
انا اليوم غدايا تليتلي وعشانا ان شاء الله بطاطة شاورما وصفة الهام 07
والقهوةنتاع العشية راح نجرب تارت التفاح نتاع رزيقة
باي نروح نبدى شغلي

omjoujou · 2016-01-04, 08:30

السلام عليكم ورحمة الله وبركاته
صباح الخيرات حبيباتي
ام امنية وام رحاب اروى الاء يسعدلي صباحكم
ام يسرى بلا مزية حبيبتي
ام سدرة مشكورة على وصفة قراتان تاع المرقاز انا تاني عجبني الطبق
غدايا ليوم جلبانة بالقرنون شكون تعاندني خخخخخ
يومكن موفق
سلااااام

x ام رحاب x · 2016-01-04, 08:35

اهلا ام جوجو كي اصبحتي حبيبتي وبصحتك الجلبانة بالقرنون انموت عليها بصحتك مسبقا
اروى الاء كي اصبحتي حبيبتي واش راكي وبصحتك التليتلي والبطاطا شاورما بصحتك مسبقا

اسمهان79 · 2016-01-04, 08:37

احلى صباح لاحلى اخوات واحلى لمة نتمنى الكل يكون بألف خير وحشتوني وحشتونييييييييييي
رجعت البارح الصباح لكن للأسف ما قدرتش ندخل لعيا قتلني راني الحمد لله بألف خير
واكيد الف مبروك الكوزينة الجديدة لحبيبتي رزيقة تتعمر بالخيرات ان شاء الله الف الف مبروك وتحية حارة للحاضرين والغايبين
وراح نرجع أكيد بالباروك والأخبار السارة
سلاااااااااام

x ام رحاب x · 2016-01-04, 08:44

اهلا وسهلا اسمهان ان شاء الله بشارة الخير يالعزيزة واش راكي حنونة رانا توحشناك

x ام رحاب x · 2016-01-04, 08:55

بطاطا بالسلق بالبيض

اسهل منها مافيش

أم سدرة · 2016-01-04, 09:09

صباح الخير لكل الفحﻻت أنا راني نطيب في الغدا لي هو حساء خضر ودجاج تندوري في الفرن وكسرة

x ام رحاب x · 2016-01-04, 09:11

ام سدرة بصحتك راكي شاطرة

ام أمينة · 2016-01-04, 09:12

السلام عليكم ورحمة الله وبركاته صباح الخير
وش ركم لا بأس
بصحتكم وش راح طيبو غدايا اليوم بربوشة بدجاج والحمد لله

أم سدرة · 2016-01-04, 09:12

اقتباس:

المشاركة الأصلية كتبت بواسطة x ام رحاب x

بطاطا بالسلق بالبيض

اسهل منها مافيش

امممممممم بصحتكم أم رحاب

روح مراد · 2016-01-04, 09:41

صباحكم ورد و يعطيكم الصحة على لاشيء اللي راكم تحطو فيه كل شيء رائع بروعتكن

آسيا 27 · 2016-01-04, 09:51

صباح الخير للكل حاضرات و الغائبات جبتلكم تطبيقي لبسكوي ليزااااا درتو لبارح الله يعطيك الصحة و يحفظ أولادك خرج خفيف رييييشة

ام عبدو و ملاك فرحت بززززااااااااف كي شفتك اعتمدتي وصفة الرولي تاعي خرجلك
من بعد نولي عندي خدمة بزااااف
استغفر الله العظيم و أتوب اليه