الجزء 108 من واش طيبتي اليوم ؟؟ تفاءلو بالخير تجدوه - الصفحة 35

ome loudjeine · 2015-01-04, 20:14

صح عشاكم كامل ويعطيكم الصحة على واش حطيتو.
هدا فطوري ليوم شربة فارميسال.كفتة.مطلوع.سلاطة.فلون كارامل.وديسار والحمد لله حمدا كثيرا.

عازفة الناي · 2015-01-04, 20:18

بالرغم من الميناج الكبير اللي درناه اليوم الا الة التصوير كانت رفيقة دربي هههههههههههههههههههههههه
طياباتي البسيطة والسريعة لليوم
بيري بالكريم فريش اممممممممممممممم

كبدة يميميميميمييييييييييييييييييييييييي

سردين

كباب او جواز كما تقولو هههههههههه

سلاطة

بصل مخلل

وهذا ساندويش تاعي سريع ( حليت الخبز ونحشي واش لقيت قدام عيني نحط ههههههههههههههههههههههههههههههه)

ام سهام 02 · 2015-01-04, 20:18

السلام عليكم حبيباتي وصح عشاكم
تعشينا عدس ورخساس لاختي دائمة وسلاددوفري ومربعات الشوفلوغ اممممم
وقهوة العصر كيك بمعجون البرتقال

ome loudjeine · 2015-01-04, 20:18

راني راجعت شوية.
ليزا الطمينة خرجت روعة ان شاء الله نجربها ونحي السخفة رغم اني ريجيم والطمينة ممنننننننننوع هههههههههه.
ام نهولة الصور تاعك مخرجوليش بصح يعطيك الف صحة.
قمر اهلين حبيبتي وكلشي مبروك اخوك ربي يكملو على خير ويفرحو.
زينب 66 صدر الجاج روعة يشهي.ام ايمن يسلم يديك كلشي هايل.
دائمة الحمد واش راها الوالدة ان شاء الله راهي بخير.انا راجلي يقولي ناكل ولا حتى تصوري وليت نصور بالدرقة عليه ههههههه.
ام سراج يسقسي عليك لخير يا لغالية راني بخير الحمد لله وانت واش احوالك.عيد ميلاد سعيد لوليد اختك وربي يشفيه ويباركلو في صحتو ويفرح ميمتو بيه.

ام حسناء05 · 2015-01-04, 20:19

مساء الخير يا حراير المنتدى والفحلات حبيباتي نحبكم بزاف بزاااااف واصبحت مدمنه عليكم هههههه

ome loudjeine · 2015-01-04, 20:21

عازفة الناي يعطيكم الصحة على الميناج حتى انا ليوم من 7 تاع الصباح اشغال شاقة.
ويعطيكم الصحة على العشاء وبصحتك السوندويتش.
ام سهامصح عشاكم وبصحتكم.

عازفة الناي · 2015-01-04, 20:26

ام لجين الله يسلمك
ام سهام اطباقك تحكي وحدها 444444444444444444444
ام حسناء 05 مساء النور ومرحبا بيك وان شاء الله تشاركينا اطباقك

ام نهوله · 2015-01-04, 20:32

ام ايمن يعطيك الصحه على الخير اللي حطيتيه 444444444444
ليزا هبلتني الطمينه نضت درت شويه باللوازم اللي عندي في الدار ماشي كيما ديالك بصح نحاتلي السخفه هههههههههههه

ام حسناء05 · 2015-01-04, 20:33

عازفة الناي ترحب بيك الجنة واطباقك تشهييييييييي يميم يم يم يم

Simassim · 2015-01-04, 20:33

عشاتي كانت جريوات بالبيض. درت بيطراف ساعتين وهي تغلي وماطابتش ماعرفتش علاش
ام أيمن تبارك الله كامل هاد الخير يشهي
ام كاميليا ربي يشافيك ويعافيك
مرام حنونة ان شاء الله مين نولد نخبركم أكيد ماما مازال ماردولهاش على الفيزا الكونسولا كانو كونجي حتى غداً يبداو ان شاء الله. برك مايطولوش بزاف. المرة الاولى على شهر باش رُدولها
وان شاء الله راجلي يدي كونجي عنده الحق 13 يوم لكل الآباء يدو ويزيد يامات بلاك ادا مالحقتش ماما ولدي يبقى فلاكغيش الحمد لله راه والفهم وتهلاو فيه

قمر الصور كباااااااااار انا وماحبوش يطلعولي. راني نخمم على ام تاج تحكمك تعضك وتقطشك لول. زيان السعد وربي يبارلكلهم ان شاء الله
هذا واش قدرت نتفكر
البقية سمحولي

ام نهوله · 2015-01-04, 20:38

اقتباس:

المشاركة الأصلية كتبت بواسطة om kamilia

صح عشاكم صح صح توحشت القعدة معاكم بزاف لكن للاسف مرضي لي يخيني نبعد عليييكم شوية

ربي يشافيك و يعافيك و يخليك ديما معانا

عازفة الناي · 2015-01-04, 20:39

سيما ربي يجيبلك وقفة ساهلة و يجيبلك امك على خير وسلامة ومزية زوجك راح يدي كونجي
البيطراف ديريله شوي خل تلقايه بالخف يطيب

ناهدوران · 2015-01-04, 20:40

مسائكم بالخير اليوم درت مناج كبير وما احلى النظافة
ام ياسين الزهراء هادو هوما الاشياء الي تحتاجيهم للمكروايف
هداك الغطاء سبسيال انتاع المكروايف باه مايديرلكش الطشطاش وما تنشفش الحاجة
وهديك الخضرا تاني سبسيال انتاع البيض دير بيها بنتي الصغيرة
وهداك الورق بابي سويتو دائما فرشيه على هداك الصحن الزجاجي باه مايتوسخش
وهديك العلبة انكونجلي فيها وكيما نحتاج باه انسخن انحطها في الميكروايف
وهداك الكيس الورقي فيه الماييس باش اندير فيه البوب كورن او نحمص كوكاو او جلجلانية

ام سهام 02 · 2015-01-04, 20:47

اقتباس:

المشاركة الأصلية كتبت بواسطة ome loudjeine

صح عشاكم كامل ويعطيكم الصحة على واش حطيتو.
هدا فطوري ليوم شربة فارميسال.كفتة.مطلوع.سلاطة.فلون كارامل.وديسار والحمد لله حمدا كثيرا.

:
اممممممممممم

بصحتكم

اقتباس:

المشاركة الأصلية كتبت بواسطة عازفة الناي

بالرغم من الميناج الكبير اللي درناه اليوم الا الة التصوير كانت رفيقة دربي هههههههههههههههههههههههه
طياباتي البسيطة والسريعة لليوم
بيري بالكريم فريش اممممممممممممممم

كبدة يميميميميمييييييييييييييييييييييييي

سردين

كباب او جواز كما تقولو هههههههههه

سلاطة

بصل مخلل

وهذا ساندويش تاعي سريع ( حليت الخبز ونحشي واش لقيت قدام عيني نحط ههههههههههههههههههههههههههههههه)

طياباتك مشهية وراااااااائعة تسلم ايدك حبيبتي

ناهدوران · 2015-01-04, 20:50

دائمة الحمد واش الصور صغار
ام محمد تاج هاني تعلت حشاك كيما ايقولوها الدوام ايعلم الدواب هههههههههههههههه