الجزء 96 من واش طيبتي ,,,,ابداع حراير الجلفة تفضلوا غالياتي - الصفحة 35

awladi · 2014-11-06, 23:41

ام اماني الف مبروك الكوزينة وربي يشفي بنتك وكلامك كلو في محلو وهذا الغيا ب من هبال المنتدى الي مايخليناش ندخلو ان شاء الله اصلحوهذا الاشكال
ارك الله فيكم كامل كما راكم يعطيكم الصحة على واش راكم تحطو ربي يحفظكم واخليكم لعايلاتكم باه تعمرولهم كروشهم هههههههههههههههههههههه
وهذا باروكي بعض اطباقي الصور ماحبتش تطلع ان شاء الله الادارة تحل هذا الاشكال راه اطلع الدمار والواحد مدمر

awladi · 2014-11-06, 23:44

امممممممممممممممم عطورة يعطيك الصحة ادخلت على خيرك والرولي تاع ام وسيم امممممممممممممممممممممم اشهي يعطيكم الف صحة وعافية
عطورا لمول تاع الطربوش شحال شريتهم وشحال طولهم واسفة على الازعاج

عطرالذهب · 2014-11-06, 23:50

اهلا اولادي هاذي غيبة والله
ويعطيك الصحة على الحلويات ضرك نحطهملك والمول غدوى نصورهملك ونقيسلك الارتفاع والقطر وشريتهم الواحد ب50 د ج وماتزيديش تقولي ازعاج رانا خواتات

عطرالذهب · 2014-11-06, 23:51

حلويات اولادي روووووووووووعة

عطرالذهب · 2014-11-06, 23:55

اممممممممممممم شهيتيني في نص الليل دبري عليا واش ندير ضرك هههههههه

nihale89 · 2014-11-07, 00:14

حبيباتي يعطيكم الصحة كل وحدة باسمها كلشش هاااايل
عشايا كان رخساس باللبن بطلب من ن ع
تصبحن على خير

أم ماجد · 2014-11-07, 01:42

امممممممممممم ندي هذا في نص الليل لا من شاف ولا من درا هههههههههههههه

أم ماجد · 2014-11-07, 01:47

يا سلام المنتدى يهبل راني ندور وحدي اليوم ندير رايي ونطل على كل شئ هههههههههههههههههه
وندي كل شئ

أم يحي صهيب · 2014-11-07, 01:49

السلام مرحبا بيا عندكم واش احوالكم بخير
مي منتدى هبال تساعفوني اسهرو اليل واشترو النهار فهمتوني ولا لالا
الصح الصح انا مع لوطونسيو هجرت المنتدى

واش احوالكم بخير وليداتكم سعدكم المهم لباس والصحة بخير

وقيلة نسيتوني والي جربت حلا المرايا على الأقل كون تفكرتيني وفكرتيهم فيا هههه راني بديت نتنسا هههه

المهم دعواتكم لي راني قربت نولد لا تنسوني الله ينور ليكم الخاطر
سلامي للكل بسيف إلا دخلت

أم يحي صهيب · 2014-11-07, 01:53

سامحوني راني ماشفت والو دخلت نسلم برك ونسول عليكم
إلا بديت نشوف نغرق ونغرق اللي معايا
السخفة مازالت وحامي 9شهور الله يبارك مع الرد حشاكم
الله يكون معاكم يا المتوحمات اللي بحالي هههه
والله يسامحنا من الوالدين والله

ليلة سعيدة خياتي الساعة تشير 2صباحا
ياشومي واش قاعدة ندير في كرسي مع البرد والجوع

<نَجْمَاتْ> · 2014-11-07, 07:23

صباح الخير وجمعة مباركة لرشيقات البطبوطات العسولات الفحلات الطيبات ام يحي فكري في الغد ويحي منور دنياك وذرك تنساي واش راكي تعاني ربي يكون معاك ام ماجد سوجي ومتشفgيش على المنتدى اللي راهم راقدين نوم العوافي واللي ناضوا صح قهوتهم ام اماني مبروك الكوزينة وجزاك الله خيراعلى كل واش تعلمناه منك