Mh47 الجزء الــــ84 من واش طيبتي اليوم - الصفحة 35

om mita · 2014-08-11, 15:01

االهامو عودة ميمونة وين كنت غاطسة توحشناك
كلش متحوف قوليلي علا وصفة الرافايالو عجبني بزاف
وازربي بوصفة هذاك الشراب تاع الليمون ديريه موضوع باه نحفظ اسموا عندي ستوك تاع ليمون

بروقة علا السلامة ولا يغيبك مرة ثانية توحشناك

ام اسلام الف الف الف مبروك
ولا انو منيش حابة نفسدلك فرحتك بصح قبيل برك سمعت بلي زيرة التربية رفضت النتائج وفتحت تحقيق مع مديرية التوظيف
علا جال النتائج
روحي زيدي اتحقي راهم داروها في الجريدة بصح والله معلبالي وشمن جريدة

om mita · 2014-08-11, 15:02

طير الرحمة كوزينتك مربوحة جابتلنا الهام وبروقة
باتيلا ولات ام تازيرس
شفت هذي نعنة

om mita · 2014-08-11, 15:07

اختي سماسيم
تقدري توجدي كلش يوم قبل وغدوة من ذاك غير تكملي
مثلا البوراك طبي الحشو واحشيه وغطيه وخبيه في الثلاجة غدة من ذاك غير اقليه
السلاطة تاني وجديها واغسليها ولا الروز غليه وغدوة غير ديري الديكور
التحلية تاني وجديها يوم قبل
مثلا تيراميسو او سلطة فواكه او فلان .......
حساء تاني تقدري توجدي غدوة غير سخني بصح لازم تغطي مليح ليح مليح
وتخليه يبرد برا الثلاجة
المهم وش حابة ديري ضك نعاونوك كامل

Simassim · 2014-08-11, 15:14

اقتباس:

المشاركة الأصلية كتبت بواسطة om mita

اختي سماسيم
تقدري توجدي كلش يوم قبل وغدوة من ذاك غير تكملي
مثلا البوراك طبي الحشو واحشيه وغطيه وخبيه في الثلاجة غدة من ذاك غير اقليه
السلاطة تاني وجديها واغسليها ولا الروز غليه وغدوة غير ديري الديكور
التحلية تاني وجديها يوم قبل
مثلا تيراميسو او سلطة فواكه او فلان .......
حساء تاني تقدري توجدي غدوة غير سخني بصح لازم تغطي مليح ليح مليح
وتخليه يبرد برا الثلاجة
المهم وش حابة ديري ضك نعاونوك كامل

عندك الحق اختي مع الحمل وتعب هادا ماخممت واش ندير بصح في خاطري نبدل على مينو التقليدي بصح الله غالب
العرضة مازال بعيدة ومن اليوم راني نخمم

Simassim · 2014-08-11, 15:16

روضه ربي يقويك ان شاء الله مايكون غي الخير ارتاحي برك وكولي مليح

مادام عندك لي يطيب تتوحمي وتقلشي وكولي حقك وحقي لول
ههههه راجلي يضحك عليا يقولي راكي توصي قاع الناس يأكلوا وانت والو

om mita · 2014-08-11, 15:17

خلاص موهيتو والله تقولوا راجل هندي ههههههههههه
راني نستنى في الوصفة
علا فكرة التاي المثج قبيل برك وانا نشرب فيه
ورمضان اكي علابالك بلا حساب
والله ضك اني خارجة نقضي ونشري التاي علا خاطر قريب يخلاص
وحاجة اخرى حبيت نسقسيك منين تشري الكرام فراش الظهيرة انا نشريها من سيبارات تاع 1014
تاع البقرة هههههه
بصح احيانا نلقاها احيانا لالا
ولانها تنتهي صلاحيتها بسرعة منحبش نشري كمية كبيرة

أم ملك · 2014-08-11, 15:18

مساء الخير علبكم كامل بصحتكم واش طيبتو و واش كليتو
أم إسلام بالبركة عليك حنونة و الله يعينك الخدمة برا ما راهيش ساهلة مع الدار و اﻷولاد
أحنا فطرنا طعام بالعنب و الرايب
الله يدوم علينا النعم يا رب

Simassim · 2014-08-11, 15:18

ام ماجد هي اللي عندها العرس
أنا عن بالي ام ساجد هي لي قالت عندها العرس في الدار
يبقى ام ساجد ان شاء الله تكون بخير

طير الرحمة · 2014-08-11, 15:21

نهااااااااال سلام البغرييير نتاعك مثقب يهبل وين وصفة معتمدة
تعيشي اختى السعييييييييدة بجدارة واختى ملاك نورهان والله تنمى كامل الاحباب يتلموا

مبررررررررررررررروك ام اسللللللللللام واية راكي ولتي استادة انشاء الله ربي يوفقك وتحققى ما تطمحى ليه
اهلللللين ام اناااااااس واشراكي مع الحمل وشراه البنات
باتيلا مبرررروك عليك تغيييير الاسم وربي يخليلك بنتك
ام رحاااب صحى فطرك انا تاني راني دليرة جلبانة عاندتني ولا عاندتك ههههههههههه هاتي ندوقو بعضانا ونشوفو ههههههههه
او سهاااااااااام واش راكي واش هو قلاصاج كريم الفراش حلل وناقش
مرحبا حنااااااااااان اخبارك الرولي توووووووووووووووب يعطيك الصحة وهداك القاطو كحلوشي نتاع ام رامي ولاالا
ههههههههههههههه وحدك ام ياسسسين ضحكتيني بملفات السكم وحمد لله على سلامة ولد سلفك
وانشاء معرووووف مقبول مقدما
خلاص خلي الكوزينة لباتيلا رايحة تاكلنا عليها ههههههههههه
بصحتكم التليتلي
فكرتينا فى قلب اللوز رانا من رمضان ما درناهش رايحة ترجعيلنا الحمى نتاعو
ليزا الدجااااااااااااج حاب يخرج من الميكروووووووو وصفة نتاع الدجاج المحمر هاااااااااايلة تقولى عليه مشري
يعطيييك الصحة وبصحتكم الغداء ماكووووول الهناء
روووووووضة على سلامتك وينك ما تبانيش باين الحمل راه مدوخك حااااااالة ربي يسلكك على خير
اخباااارها ام اماجد مازال ماطلقولها النت قلها توحشناااااااااك

طالبة الجامعة · 2014-08-11, 15:22

مساء الخير علبكم كامل بصحتكم واش طيبتو و واش كليتو

yasmalak · 2014-08-11, 15:29

اهلااا نتيجتيي وشرااكي
ههه وشنو هدا كحلوش تان هههه لالا ماشي كحلوشي قاطو القطيفة

طير الرحمة · 2014-08-11, 15:32

اقتباس:

المشاركة الأصلية كتبت بواسطة yasmalak

اهلااا نتيجتيي وشرااكي
ههه وشنو هدا كحلوش تان هههه لالا ماشي كحلوشي قاطو القطيفة

مرحبا اه قاطو القطيفة بدلتي الديكور قولى هكدا من الاول
حسبتو نوع اخر

yasmalak · 2014-08-11, 15:35

اقتباس:

المشاركة الأصلية كتبت بواسطة طير الرحمة

مرحبا اه قاطو القطيفة بدلتي الديكور قولى هكدا من الاول
حسبتو نوع اخر

وييي هه هو باالدات انا برك النوادكوكو نحمصو باش يجي كحلل

طير الرحمة · 2014-08-11, 15:31

اهليييييييين ناااااااهد دوررررران السكر هداك راه فى بالي انا تاني حابة نجرب شوي ابعتيلي من عندك هههههههه
يعطيك الصحة على القاطو الى حطتيه
زيدي حطيلنا شوية وصفات من هداك الكتاب
احما مانطلقو والو هههههههههه
شكرا على وصفة المقروظ لكن بزوج كيلا دقيق وكيلة سمن ما ييجيش يتفتت
سلللللام ام مييييييييييتا على سلامتك
يغطيك الهنااااء لهووووومة هكدا ماتناسبيش راكي زعفتيه قالك سوليها وامعبد اهدري هههههههههههههه
ضحتيني بالسم التاي والله وحدك ام ميتا قلبتيه اسم هندي

yasmalak · 2014-08-11, 15:38

تعرفو كي تهدرو عفسة و تندمو ههههههه راني فيها
كي جات صحبة ماما هدرنا على العجينة المورقة قلتلها انا نخدنها ما نشريهاش
ايا قاتلي اخدميلي
خدمتلها خرجو 3 قاتلي ماما ما تقوليلييييش هدا برك واش تبعتيلها زيديلها اوموان 3
قتلها ايييه بارسكو انااللي يطيحو يديا ماشي نتي
هههه ايا سمعتني زوج كلمات شابين هههههههههه
نروح نزيد نخدملها على زهريي