الطفولة والاطفال واسئلة الامهات

[mina3]

السلام و عليكم و رحمة الله بارك الله فيكي اختي الكريمة و اسال الله العظيم ان يجعل كل حرف في ميزان حسناتك فقد اذهلني الموضوع و اذهلتني المعلومات القيمة اللتي يحتويها و الله حر ت في روحي كيفاش مشفتوش من قبل
اختي الكريمة انا بني هذ الاسبوع يدخل الشهر الثامن و هذ الايام ولا يظل يبكي يحوس غير نرفدو عدت في كوزينة هازاتو بارتو ميتعبني بزاف وليت نخليه يبكي قلت باه يتربى زعما كيما يقولو في الانترنت خليه يبكي مي راه معندوش حدود نخليه ميسكتش يبقى غير بيكي حتى عادو يقولو عليا معندكش قلب و انا نيتي نحيلوا هذ العفسة بصح هو من النوع لي المهم يرفدو اي شخص ماهوش متعلق بيا ولا و اصلا يحب ابوه كثر مني من يوم زاد هذي ايضا حيرتني يموت عليه لدرجة ناس كامل تلاحظها
2 حاجة اخرى ابني ماهوش كي باقي الاطفال تيماجيني ملي كان عمرو 3 اشهر و هو يشرب 90 اي 3 ملاعق حليب ليومنا هذا مي كل زوج سوايع مام نديرلو كثر ميكملهاش و فليل مازولو ينوض يرضع
و راني نوكل فيه عادي يعني مام يعشى ينوض فليل
و سمحيني كثرت عليك جزاكي الله كل خير

[zinna2]

السلام عليكم،
انا اريد ان اسال عن حليب الام، هل يمكن حفظه في قارورات و استعماله فيما بعد لارضاع الطفل و كيفية حفظه، و هل احداكن جربت هذه الطريقة لتحكي لي تجريتها؟

[halim.gh]

أنا عندي طفلة كملت شهرين ودخلت في الثالث كانت تشرب بيوميل نورمال درك ولات تتقيأ بالزاف اديناها للطبيب عطاها دوا وبدلنا الحليب جبنالها... نورسي أر .. مي ما بغاتش تشربو خلاص.. ولينا نشربولها بيوميل...مي مازالت تتقيأ....اللي عندو تجربة مع أنواع الحليب يفيدنا بارك الله فيكم........

[شذى الغفران]

شكرا اختي على هادا الموضوع القيم و الله استفدنا منو بزاف
انا بنتي عنها شهرين و 20 يوم كانت تسعل بزاف حتى يطلعلها البلغم و تروحلها النفس ديتها للطبيب مدلي اونتي بيوتيك اموكسيبان راهي مليحة من السعلة مي البلغم ما راحش كل ما ترضع يجي و ما تعرفش تخرجو مرات حتى نجبدو انا من نيفها بالموش والله عييت معاها و راني حايرة نقعد نحيلها بهادي الطريقة نورمال ولا كيفاش ندير؟

و سؤالي الثاني كنت نرضعها نورسي كونفور و قالي الطبيب ناقصة في الوزن و مدلي رونالاك و درك راهي توزن 5 كغ و 500
هل هادا الوزن مليح و ادا نكملها بهادا الحليب رغم انها ولات تستفرغ عدة مرات .

اسمحيلي اختي كثرت عليك ان شاء الله تجاوبي على تساؤلاتي

[sima arabi]

السلام عليكم ليتك تعلمين اختي الفاضلة كم كانت فرحتي كبيرة بعد اطلاعي على موضوعك القيم حقيقة لقد وجدت ضالتي .ارجوا ان تكوني صبورة معي فعندي كم هائل من الاسئلة كوني ام للمرة الاولى و انا وحدي ليس لدي من يعينني في التربية .ابني في الشهر الثامن الاسبوع الاول منذ ان بدات في اطعامه في الشهر السادس وهو لا يشر ب الماء حاولت بكل الطرق ولكن لا فائدة ....ماذا افعل

[mereyoucef]

حنونة ماتقلقيش كان يوسف وليدي يكره الما مايحملش خلاص ومن بعد وحدو ولا يشربو عادي

[sima arabi]

شكرا جزيلا حبيبتي طمنتيني.قوليلي يوسف فاه يشرب لخاطر وليدي علي كي رضع غير من صدري مايشدش البيبرون.حبيت نعرف اما نوع تاع petit suisse مافيهش السكر اناصبت غير دانون ولا صومام مي حلوين بليز قولولي

[sima arabi]

السلام عليكم اختي ام لينا ربي يحفظك عندي مشكل مع وليدي اضافة للاسئلة لي طرحتهم سابقا وهو مشكل النوم ملي كان علي صغير و نومو خفيف يفطن من اقل حركة وتاني مايرقدش مليح في الاول كان يعاني من المغص وكنت نقول هدا سبب النوم المضطرب وبعد 4 اشهر حاولت نعملو روتين نوم واقدرت نرقدو كل يوم على 9 وينو ض على 8 ولكن يفطن 5.6 مرات غير باه يشد صدري ويعاود يرقد مانيش عارفة علاش يفطن مع العلم اني نعشيه مليح و الحليب عندي والحمد لله.انتظر الاجابة بفارغ الصبر حابة شي ليلة نرقد مرتاحة بزاف عييت

[sima arabi]

الا يوجد احد هنا انا في امس الحاجة للاجابة اخت ام لينا اتمنى ان يكون المانع من وجودك معنا خيرا ان شاء الله طمنينا عليك. بالمناسبة هل يجب ان اضع الوسادة لابني البالغ 8اشهر ام لا ومتى يلزم ان اضعها له .شكرا مسبقا.......

[yatoyato31]

اخواتي ارجوكم ساعدوني في التخلص من الاحمرار في مكان ليكوش عند
ابنتي البالغة من العمر اربعة اشهر

[شًذى الرُوح]

صباح الخير عليكم
الاخت اللي سقسات كيفاش نحيو الاحمرار مكان الكوش ديري بوماد زيت الحوت تتباع فلي فارماسي او الزيت اللي سبق و قلينا بيها
و دايما بعد ماتغسليلها ديريلها التالك ينشف و عن تجربة لي لانجات تاني يديرو الاحمرار انا نحطهم فالماء و نمسح خير

[lyna2007]

المشاركة الأصلية كتبت بواسطة sima arabi

الا يوجد احد هنا انا في امس الحاجة للاجابة اخت ام لينا اتمنى ان يكون المانع من وجودك معنا خيرا ان شاء الله طمنينا عليك. بالمناسبة هل يجب ان اضع الوسادة لابني البالغ 8اشهر ام لا ومتى يلزم ان اضعها له .شكرا مسبقا.......

بارك الله فيك يمكنك وضع وسادة خفيفة خاصة لما يرضع وتحطيه حتى لايرجع الحليب

[lyna2007]

المشاركة الأصلية كتبت بواسطة yatoyato31

اخواتي ارجوكم ساعدوني في التخلص من الاحمرار في مكان ليكوش عند
ابنتي البالغة من العمر اربعة اشهر

نعم زيت كبد الحوت مفيد جدا
لكن قبل وضع الزيت هناك خطوات تقومي بها
اولا تغسلي لبنتك بالصابون الطرف
تنشفيلها مليح
تخليها بدون حفاظة على الاقل 15 د لازم تخليها بدون حفاظة حتى ينشف الاحمرار فالهواء ضروري
وضع دواء الاحمر ان كانت شديدة الاحمرار
ثم تضعين الزيت تع كبد الحوت ثم شوي تالك وتضعين الالحفاظة
في وقت اخر عندما توسخ وتغسلي لها مليح و تنشفيلها ضعي لها زيت زيتون دهنيها مليح وخليها بدون حفاظة 15 د
راقبيها في كل وقت حتى لا تبقبى بالبراز لانها ستحمر اكثر

[lyna2007]

المشاركة الأصلية كتبت بواسطة sima arabi

شكرا جزيلا حبيبتي طمنتيني.قوليلي يوسف فاه يشرب لخاطر وليدي علي كي رضع غير من صدري مايشدش البيبرون.حبيت نعرف اما نوع تاع petit suisse مافيهش السكر اناصبت غير دانون ولا صومام مي حلوين بليز قولولي

للاسف كاين مناطق مايوصلش فيها بوتي سويس اللي مافيهش السكر ابحثي عليه ولا وصي صاحب الحانوت يجيب هولك لانه احسن من تاع السكر ان لم تجدي اعطيلوا اللي فيه السكر لكن مرة في اليوم لاتكثري منه

[lyna2007]

المشاركة الأصلية كتبت بواسطة شذى الغفران

شكرا اختي على هادا الموضوع القيم و الله استفدنا منو بزاف
انا بنتي عنها شهرين و 20 يوم كانت تسعل بزاف حتى يطلعلها البلغم و تروحلها النفس ديتها للطبيب مدلي اونتي بيوتيك اموكسيبان راهي مليحة من السعلة مي البلغم ما راحش كل ما ترضع يجي و ما تعرفش تخرجو مرات حتى نجبدو انا من نيفها بالموش والله عييت معاها و راني حايرة نقعد نحيلها بهادي الطريقة نورمال ولا كيفاش ندير؟

و سؤالي الثاني كنت نرضعها نورسي كونفور و قالي الطبيب ناقصة في الوزن و مدلي رونالاك و درك راهي توزن 5 كغ و 500
هل هادا الوزن مليح و ادا نكملها بهادا الحليب رغم انها ولات تستفرغ عدة مرات .

اسمحيلي اختي كثرت عليك ان شاء الله تجاوبي على تساؤلاتي

وزن بنتك راه مليح ربما راهي تاكل اكثر من اللي كانت وبالتالي راهي توسخ اكثر هذا ليس مشكل ماتتقلقيش عليها
بالنسبة للمرض تقدري ديريلها تيزان شوي فقط وتكون دافئة ماشي باردة وماشي سخونة تساعدها على االافراو وقد تتقيأويروحلها شوي ان شاء الله .
ايضا ديريلها شميعات براسيتامول حسب الوزن تعها سينقص من افرارزات الانف ان شاء الله
لا تقلقي كل الاطفال عندهم هذا المشكل