الى ام اسيد1 وكل وحدة حاصلة واش الطيب

[صدفات]

المشاركة الأصلية كتبت بواسطة ريحانتي

سلام عليكم
عندي بزاف طماطم و راني خايفة تخسر مع السخانة
بغيت نطيبها ونديرها فالكونجيلاتور

مكن تعطوني الطريقة
فضلا لا امرا

مساء الخير أختي ريحانة إن شاء الله نجاوبك اليوم راني غير وحدي في الموضوع لبنات راهي صارعتهم السخانة
تحكمي الطماطم نتاعك تغسليها و تنزعي لها القشر وتحليها تنزعي منها البذر و ديريها في كسكاس تقطر .
هذه المرحلة الأولي إذا حبيتي تسهلي على روحك ميكسيها و عمريها في أكياس التجميد و إلى المجمد وقت ماحتاجيته إلى الطماطم تجبدي و تستعملي .
الطريقة الثانية أنك ديري الزيت مع كمية مليحة من الثوم ورقة رند والقليل من الملح تخليها طيب منين تبرد عمريها في أكياس وإلى المجمد كي طيبي المعجنات غير تجبدي و تزيدي الفرماج و اللحم مطحون
ساهلة ماهلة و أنا نديرها في أكياس المجمد باه ما يدوش البلاص في المجمد.
بالصحة و الراحة يا رب نكون عاونتك.

[صدفات]

أم حمزة حبيبتي راكي هنا وين رحتو لقيت روحي وحدي وليت يتيمة في المنتدى

[ام حمزة22]

المشاركة الأصلية كتبت بواسطة صدفات

أم حمزة حبيبتي راكي هنا وين رحتو لقيت روحي وحدي وليت يتيمة في المنتدى

بعيد الشر عليك حبيبتي راني هنا ما تخافيش

[ام حمزة22]

المشاركة الأصلية كتبت بواسطة صدفات

السلام عليكم حبيباتي ما شاء الله عليكم راه نقاش كبيرو أنا لا خبر
حبيبتي زاهو إذاسمحتي لي بالنصيحةنقولك الإستخارة و من ثم الإستخارة ما تندميش لأن الله يعلم ما لا نعلم و يرى ما لا نرى و باه تكون إستخارة حقيقية لازم يكون عندك إخلاص في النية. ربي يوفقك حبيبتي و ما تتقلقيش راكي مازلت صغيرة اعطي لنفسك فرصة التفكير قبل أي خطوة.وعلى كل حال أم حمزة و غزالتي الحنينة
و الخت غفرانك اللهم و كرونو قامو بالواجب أم حمزة حبيبتي اليوم درت للعشاء بطاطا بالحليب و الجبن في الفرن قلت في خاطري هذيك المراة سلاك الحاصلين فعلا
صدقوني فعلا راني حاصلة شتى ندير فطورو عشاء قالي راكي ديري غير فالمعجنات ما عرفتش شتى نرد ربي يهديهcrono
حبيبتي مبروك عليك التميز تستاهلي كل خير .

يا صدوفتي ما تخليش التدبار على الاكل ياخدلك عقلك رانا فالصيف لي درتيها جوز الا الحساء انا ولادي يعادوني الا درتلهم عدس او شوربة او شوربة لوبيا

انا اليوم طيبت سكسوكة طرشي ما سويتوش وزدت معاه حبة بدنجال وبصل وثوم خلبت الكل يطيب في عقلو قطرة نتاع الما ما درتهالوش مي طاب زدتلو طماطم حب ومصبرة وزدت قليت مقلة بطاطا والله جات ما تنشبع
والبارح طيبت ضولمة سردين تان جات 444444444
ومن قبل طيبت مقلوبة
صدفات عودي لارشيف هاد الموضوع راح يعطيك فكرة وما تبقايش تكسري في راسك

[ام حمزة22]

يا صدوفة راكي خلفتيلي التار ورحتي وخليتيني ههههههههه
انا نروح ندير قيلولة صغيرة عندي الحلوة راهي تستنة فيا باه نطيبها خدمتها صبح وفي المساء نطيبها باه تشد روحها مليح مليح
تحياتي صدفات يومكي سعيد حبيبتي

[صدفات]

المشاركة الأصلية كتبت بواسطة ام حمزة22

يا صدوفة راكي خلفتيلي التار ورحتي وخليتيني ههههههههه
انا نروح ندير قيلولة صغيرة عندي الحلوة راهي تستنة فيا باه نطيبها خدمتها صبح وفي المساء نطيبها باه تشد روحها مليح مليح
تحياتي صدفات يومكي سعيد حبيبتي

بعيد الشر عليك من النار ياحبوبتي روحي نعسي بصحتك أنا و الله ما خليتك راكي عارفة راني في العمل كي جي الخدمة ما نقدرش ندخل .
وربي يحفظك فكرتيني بلأرشيف نرجع ليه و نطل اليوم راه عندي الدنجال
لي عودة لما نرجع للبيت

[ام الخير 05]

مساء الخير على حبوباتي راني مشغولة شوية عيت نكمل الطرز تاع الجلابية حبيت نقول فقط لاختي زاهو تستخير اكثر من مرة لانو الزواج امر صعب وهو راهو يبان صعيب شوية بخصوص العمل في اي لحضة قادر يحبسك على الخدمة حتى واذا كان ماكانش سبب المهم قيسيها مليح والله اعلم
اما على الغداء والعشاء كنا صايمين واليوم بدا التخمام في لعشاء اغلب الاوقات بربوشة تاع خضر او حليب مع الدلاع او سلاطة كيما تاع الروز اوخضار مفورة مع تونة ومايوناز في الغداء شكشوكة حميص اليوم درت مرقاز فرغتو في المقلة كيما اللحم المرحي قليتومليح وزدت عليه البيض ودتولهم سوندويتش المهم راني دائما معاكم سلامي لكن جميعا ان شاء الله دائما منورين

[ام حمزة22]

لبنا واس راكم هاد لعشية
ام ااحبايب راكي على حساب السوفة راكي طولتي الغيبة ان شاء الله المانع خير على حساب الشوفة راكي مع العرصة

صدوفة يعطيك الصحة وربي يحفصك

ام الخير ربي يعاونك رانا نستناو في اعمالك وبصحتكم واش طيبتي

لبنات انا اليوم راني سكنت فاامطبخ زعمة يلت نخدم صبح الخلوى وفي المساء نطيبها انا دخلت للمكبخ وعيطلي خويا وقعدت نهدر معاه ف***** ما قدرتش نقلو راني مشغولة راه فالغربة ربي يرجعهولنا بسلامة ويرجع كل مغترب لاهلو

بعد ما كملت كلامي مع خويا عيطتلي مرت لوسي ف*****حتى هيا فالغربة

وهاكدا قعدت حتى اادرك مازالني نطيب فالحلوى حتى زاوش وليدي ما خليتوش يرقد قلقتو مسكين راه مونسني فااكوزينة هههههههه

[oum fadoua]

اسلام عليكم
يعطيك الصح و ربي يعونك

[ام حمزة22]

المشاركة الأصلية كتبت بواسطة oum fadoua

اسلام عليكم
يعطيك الصح و ربي يعونك

الله يسلمك ختيتي
مشكوووووووووووووووووورة

[أم الحبايب 26]

مسالخير عليكم لبنات نشالله تكونو بخير ام حمزة رابي يقادرك بصاحتك عارظا راني معا بنتي ساهر ارين معا قاطو كاين نتع عيد وزات دارت شويا عا رظا لكتب رابي نها ر اربعاء ان شالله رابي يخاليلك خوك وير اجعو بخير ليكم ويخا ليلك عا يلة كامل
بنتي زا هو لقالقني بزا ف هوا خاوتو لقولتي متالقين فزوج همالي تا عرفي بلي ناس ميتعا شر وش معا عقلية الخاطب تفاهمي عافليا نتاعو ولي فيه الخير رابي يجيبو ان شالله صدفات بعيد شر عليك مليتم را نا هنا متخاليك حتى واحدا
كانت عندي اانات مقطوعا قلت لبني هاك وخالصها لي باش نقعد معاكم ر اني والفتكم
رابي يحفاظكم كامل غزا لة راكي مناورا ر دود ر ابي يخاليك سلا مي ليكم كامل كل واحدا باسمها
[ تصبحونا على خير

[غزالة الصّحراء]

المشاركة الأصلية كتبت بواسطة غفرانك اللهم

كنت نتجول في قسم تجهيزات العرائس ولقيت مشاركات للاخت روح مراد في موضوع اتيكيت الضيافة
مشاركات رائعة وجد مفيدة للعرايس والعجايز
فعلا ربي يبارك فيك اختي ويجعلها في ميزان حسناتك

يعطيك الف صحّة وعافيّة اختي الغاليّة على هذا التنبيه. ربي يجعلو في ميزان حسناتك. الموضوع جدّ قيّم والشّكر موصول أيضا إلى روحي وروح الصفحة وروح مراد على امل أن تكون قد أخذت ولو قسطا بسيطا من الراحة. عطلة سعيدة مرة أخرى لروح مراد.

[غزالة الصّحراء]

المشاركة الأصلية كتبت بواسطة صدفات

السلام عليكم حبيباتي ما شاء الله عليكم راه نقاش كبيرو أنا لا خبر
حبيبتي زاهو إذاسمحتي لي بالنصيحةنقولك الإستخارة و من ثم الإستخارة ما تندميش لأن الله يعلم ما لا نعلم و يرى ما لا نرى و باه تكون إستخارة حقيقية لازم يكون عندك إخلاص في النية. ربي يوفقك حبيبتي و ما تتقلقيش راكي مازلت صغيرة اعطي لنفسك فرصة التفكير قبل أي خطوة.وعلى كل حال أم حمزة و غزالتي الحنينة
و الخت غفرانك اللهم و كرونو قامو بالواجب أم حمزة حبيبتي اليوم درت للعشاء بطاطا بالحليب و الجبن في الفرن قلت في خاطري هذيك المراة سلاك الحاصلين فعلا
صدقوني فعلا راني حاصلة شتى ندير فطورو عشاء قالي راكي ديري غير فالمعجنات ما عرفتش شتى نرد ربي يهديهcrono
حبيبتي مبروك عليك التميز تستاهلي كل خير .

صدوفتي الغالية شكرا لك على النصيحة. وللإضافة فقط لكي يكون البناء سليما لابد للأرضية أن تكون أيضا سليمة. والكمال للّه وحده فقط. ربّي يرزق بنتي زاهو بوليد أحلال الي يستاهلها. وما خاب من استشار. اما عن الطياب واللّه رانا في نفس المشكل. واللّه غير مرات انا ألي نطلب من أولادي بسلامتهم يقترحوا علي واش أنطيّبلهم.

[غزالة الصّحراء]

المشاركة الأصلية كتبت بواسطة صدفات

صباحكم سعيد يا بنات
غفرانك اللهم يعطيك الصحة نهتينا لمشاركة الأخت روح مراد بديت نقرا ما حسيت حتى كملت عجبني بزاف مفيد جدا خاصة للمقبلين على الحياة العائلية و ما تلقاوش تدريب في هذا المجال
أم حمزة حبيبتي هذا هو الرابط

https://www.djelfa.info/vb/showthread.php?t=1765692
روح مراد حبيبتي ربي يرزقك بالذرية الصالحة و يعطيلك بنت باه تمديلها
هذا المخزون من الشطارة و التدبير
كي كنا صغار نشفا على الكبار يقولك في النساء كاين ثلاثة
المرأة،المرية،جغجاغة
المرأة و هي الأنثى الساجية المدبرة و المصرفة لي يقدر الراجل يتكل عليها
مرية لي ما تحبر ما دبر أنثى فقط و ما يتكلوش عليها
و الجغجاغة و هي لي ماهي منا ماهي لهيه يعني لا مرأة الله الله لا مرية
يعني لي داها حصل

صدوفتي الغاليّة انت تنتمين للنوع الأول . وهذا باين من خلال مواضيعك. رغم انّك عاملة لكنّك ناجحة ماشاء اللّه. وظهر ذلك أكثر خلال شهر رمضان المبارك من خلال صور مواضيعك. ربّي ايكملك. ويخليك تاج فوق راس راجلك.

[غزالة الصّحراء]

المشاركة الأصلية كتبت بواسطة oum fadoua

اسلام عليكم
يعطيك الصح و ربي يعونك

أهلا ومرحبا بك أختي ام فدوى . زارتنا البركة . ألف شكر وتحيّة. نشكرك على الطلة البهيّة لكن في نفس الوقت نتمنى أن لاتحرمينا من مواضيعك الخاصّة التّي اكيد ستزيد الصفحة بهاء وروعة.