طريقة أكيدة لتصبحي ربة بيت سعيدة - الصفحة 34

omelbanin · 2017-01-11, 06:50

اصبحنا على فطرة الاسلام، وعلى كلمة الاخلاص، وعلى دين سيدنا محمد، وعلى ملة ابينا ابراهيم حنيفا وما كان من المشركين.

omelbanin · 2017-01-11, 06:52

صباح ااخير اريج وام متين.
اللهم صيبا نافعا.

الفجر القادم · 2017-01-11, 07:08

السلام عليكن صباح الفراشات النشيطات يوم موفق ومبارك للجميع،اللهم صيبا نافعا،صباح خير ام متين و اريج و ام بنين.اللهم انا نسالك العفو و العافية في الدنيا و الاخرة.

الفجر القادم · 2017-01-11, 07:11

و صباحك اسعد اختي و شكرا لك انشاء الله حياتنا تكون كلها امل بوجودك معنا

ام هزار · 2017-01-10, 14:03

صباح الخير فراشاتي
جهينة حبيبتي شكرا على الدعااء
ام صفصف ربي يشفي صفصوفة . بلقل برك
ام شمسو بارك الله فيك على التشجيع . ضرك رايحن ندير تنظيف عميق للارضيات كلها تاع المنزل باه نهايي الاسبوع نخليهل لامور اخرى بعيدا عن الكركبة و المياه . المطبخ كنت درتو في بداية العطلة و رايحة نرجع ليه معاكم . اكيد فيه بعض المناطق منو توسخت .المهم بدات تتضح لي معالم الامور
الفكرة اللي عجبتني في الدورة هذي انها كيما قلت يا ام شمسو ما يستعبدناش العمل الداخلي و الخارجي و نستغلو الفرصة لقضائها مع اسرتنا و خاصة اولادنا . فعلا بديت نتفكر كي كانت بنتي صغيرة و كيفاش بدات تكبر ما شاء الله دون ما نحس . والله موقف للتدبر
بارك الله فيك ام شمسو . و ام هارون الفجر القادم اريج ام متين جهينة غزالة النشيطة و كل المشاركات

ام شمسو محمد · 2017-01-10, 15:50

السلام عليكم نظفت اليوم الكويزينيار من داخل و من برا ، جبدتها من مكانها و نظفت وراها ،نظفت التويوات تاع الغاز ،كملت في عشرين دقيقة زدت عشر دقايق غسلت الاكسسوارات و أعدت كلشي لمكانو ، مزال الموقد من فوق ( les plaques de cuisson ) مبعد نديرلو ربع ساعة ان شاء الله .

جهينة اليقين · 2017-01-10, 16:26

مساء الخير اليوم راه عندنا واحد البرد وضرك المطر صيبا نافعا بحول الله
ام هارون البراس مرة على مرة نحط فيها شوي خل ابيض وازيس تاع الماعن وبيكاربونات وشوي ماء ونخليها تطلع والله نلقى كلش كحل ببقايا القهوة
ردو بالكم يا بنات للبراس نقيوها بماء غزير والصفارة تاع الكوكوط والثقب بابرة خشينة او اي حاجة راهي دارت كوارث انا ما نستعملهاش ذايما غير كي نكون مقلقة

جهينة اليقين · 2017-01-10, 16:32

وزيد ماذا بيكم تنصبوا بكري الفطور او العشاء وتنقصولو وتخلوه يطيب على مهلو لان الطبخ السريع مضر بالصحة
وحاولو ما تطيبوش فالالمنيوم واكن في الانوكس او الطين والقراتان فالزجاج الماء ما تديروش فالقرع تاع البلاستيك بل في الزجاج

ام شمسو محمد · 2017-01-10, 17:43

أمسينا و أمسى الملك لله
شكرا جهينة على التنبيه
لا تنسو أذكار المساء.
تلميع الحوض .
تجهيزات الغد .
دقيقتي التبريد .
تفقد الغسيل .
العناية بالنفس و الأسرة .

ام هزار · 2017-01-10, 18:20

اكملت الغسل العميق للارضيات كلها للبيت في ساعة و 47 د بالكرونومتر هيهيه
بعدها مع العصر درت حليب ابيض مع قطعة قاطو . و خدمت الجاج و قطعتو و خبيتو في المجمد و تركت قطعة منو باه ننصب بيها كسكس ان شاء الله للعدا حطيتها في اعلى رف للثلاجة . لاني غدوة ان شاء الله ما نخدمش الصباح فقط . و المسااااء حتى الخامسة
المهم رايحة نكمل باقي الاستعدادات اكيد مع تحضير عملي الخارجي و الروتين المسائي
دمتن في حفظ الرحمان
قبل ان انسى شكرا غاليتنا جهينة على النصائح . قيد التطبيق ان شاء الله . لكن الكوكوط لا استطيع الاستغناء عنها في طبخ البقوليات . فما العمل ؟

ام شمسو محمد · 2017-01-11, 08:46

[QUOTE=ام هزار;3996494246][font="amiri"][size="5"][color="darkorchid"]اكملت الغسل العميق للارضيات كلها للبيت في ساعة و 47 د بالكرونومتر هيهيه
أم هزار ساعة و 47 د بزااااااااف على وقتك خصوصا و أنك موظفة ، عشية تاع راحة باش تسترخي فيها و لا تقضيها مع بنتك قضيتيها أشغال شاقة؟! ....هذي هي الفكرة اللي رانا نحاربو فيها ، انتي إنسانة صاحبة مشروع في الحياة عندك أهداف : نفسك تكمليها ، دينك و تخطيطك للآخرة ، أسرتك و أهلك و مجتمعك ، و الإهتمام بالمنزل هدفو تسهيل الحياة و خدمة هذي القضايا ، و الوقت قليل و الأعمار مهما تطاولت قصيرة ....لذلك اهتدات الإنسانية للأفكار التنظيمية ، و الحكمة ضالة المؤمن .....
الأرضيات كون وزعتيها 20 د ياااااااسر ....الشغل ما يخلاصش و اذا اشتدينا معاه يغلبنا ....طولي بالك اصبري عليه تغلبيه .
نصيحتي المحبة أم هزار انتي كموظفة العمل المنزلي اعطيلو الروتينات اليومية ما تتنازليش عليها و 20 د يومية للتبريد أو التنظيف العميق تبان قليلة بصح تكفيك ( عن تجربة ) راح تحسي بالتحسن شيئا فشيئا و بعد فترة راح تلقاي روحك مسيطرة و وقتك راح يكون كلووووووو ملكك.

ghazalt assahra · 2017-01-10, 19:06

شكرا فرشات كي ندخل عندكم ننشط و نغير منكم هههه تحياتي

omelbanin · 2017-01-10, 19:28

حبيبتي جهينة، شكرا على النصاءح، والله غير عندي غير لماعن تاع الالمنبوم، عندي غير لقدرة تاع الطين وعندي platتاع الزجاج. ولاكوكوت كبما قالت ختي ام هزار، ما نستغناش عليها.
حصلة

جهينة اليقين · 2017-01-10, 20:18

كتبت لكم جرنان وراح راه عندي مشكل فالجهاز نتاعي ا لمهم ام شمسو راني وعدتك وقلت لك الحاجة الي نقدر عليها ما نبخلش بها على حباباتي
ام هزار وام هارون انا كذلك كنت ما نستغناش على الكوكوط وكنت في اخر لحظة نطيب الغذا ولا العشاء بصح كي سمعت بالي الطبغ السريع مضر وراكي ذكرتي مرة يا ام هزاز الدكتور محمد الفايد انا نتبعو بزاف وكي انضميت للفراشات وعدنا ننصبو بعد قهوة الصباح مباشرة قلت لم لا استغل الفرصة ونطيب فالطاجين او الكاسونة اينوكس وننقصلو ونخليه يجي بنين
البقوليات اللوبيا نديرها تغلى فالماء بدون ملح نص طياب وننصب عادي والعدس نشمخو بالماء السخون ربع ساعة وكذلك نطيبو عادي فقط تزيدو المدة تاع الطهي
الكوكوط للضياف كي ما يجوش بكري او كذلك لحم البقري نخافو ما يطيبش وكذلك ننقص لها النار ونخليها

Sii · 2017-01-10, 20:56

السلام عليكم ورحمة الله وبركاته
انا اليوم الصباح درت غير الروتين اليومي و خبيت اللحم وغسلت الدجاج وخبيتو تاني طيبت الغدا وحدو ولعشا وحدو لانو كان عندي موعد عند الطبيبة في المساء كروحت خملت غير اواني الغداء وطويت الملابس فقط لاني كنت تعبانة
شكرا جهينة اليقين على النصائح انا الكوكوط نطيب فيها الحبوب و اللحم ولكن انا ايضا نقص عليها خلاص الصفارة ومادورش يطيب بعقلو وميديرش الحس