اقتباس:
المشاركة الأصلية كتبت بواسطة دائمة الحمد
عزيزتي ام ريمة وام برهوم هذي ماركة الشوكولا البيضاء لي قلتلكم عليها روعة
 |
الف شكر استاذتي فقط الاسم ماظهرليش مليح milka ؟؟؟؟؟؟؟
اقتباس:
المشاركة الأصلية كتبت بواسطة أم التوأم
مبروك الكوزينة الجديدة أختي دائمة الحمد تبارك الرحمن دارك هايلة ربي يبقي الستر عليك وربي يهني بنتك أسينات ويحفظلها أسينيتة الصغيرونة ربي يبارك حلوة بزاف ربي يحفظها ويخليك لأولادك وزوجك ولخياتك تاع منتدى الجلفة ولكل من عرفك أخيتي
صباح الأنوار والمسرات على الجميع تفضلو تفطروا كيتنوضو بوتي فور أم أماني هذه المرة الثانية اللي نخدمو طعمو هايل شهاتني فيه أختي بشرى ربي يفرحها ويحلي أيامها خدمت على العاشرة ليلا هيا بسم الله
كنت حطيت صور البوتي فور في الصفحة 8 أو 9 وكانو الصور كبار بزاف نتمنى يبانو الصور وهاته القهوة وطبسي الحلوة لأختي زينب ربي يخليها كانت طلبتها مني صباحا راني وجدتهالك تفضلي ياالحبيبة
وشكرا أختي أم ابراهيم اللي نبهتيني باش نصغر الصور
 |
الله الله عليك ام التوام للمرة الثانية نقولك يعطيك الف عافية بعد ماشجعتني فيه بشرى زدتي انت خرجلك ماشاء الله تحفة يسلمو
هذا البتي فور عندي معاه قصة من نهار حطاتو ام اماني و انا نقول نجربو ننسى و لا تخلاصلي الزيت ههههههه و درك تاني خلاصتلي الزيت ههههه بصح باذن الله غير تجيني نبدا بيه هو الاول
اقتباس:
المشاركة الأصلية كتبت بواسطة ام فضيلة
مساء الا نوار والمحبة والتاخي الف مبروك الكوزينة سيدتي الفاضلة دائمة الحمد دارك تهبل وزادتها جمالا الاميرة ربي يكبرها في طاعته ويحفظها والله ليك معزة واحترام كبير ليك وربي يعلم انا متتبعة للكوزينة من العام الي فات تعلمت وطبقت وننجح احياناواحيانا لا واكيد المشكل فيا انا ربي يحفظكم كامل ويخليكم ويجازيكم حسن الثواب سؤالي لاختي ام إبراهيم تعيشي الكرواسو تاعك رايح يخرجوا عينيافيه جربتواليوم الذوق امممممم والشكل خرجلي كيما الاخت ام رجا مع احترامي لها تقول هو وانا تاني مش راضية على شكله لي طلب اختي ياريت تمديلنا نصائح عليه حابة نعاودوا حتىيخرجلي كيما انتاعك تعيشي احيانا نصيحةصغيرةتعمل فرق ربي يعيشك ويخليك
|
الله يخليك ام فضيلة عينيك الملاح
الكرواسون طبقت الوصفة حرفيا
نهار من قبل وجدت عجينة التخمير مادرتش 250 غ فرينة بانتلي بزاف درت 2 مغارف فرينة مغرف خميرة مغرف سكر و بليت بالماء دافيء تحصلت على خليط جاري نوعا ما غطيتو و دخلتو الثلاجة
في الغد جبت ميزان و بديت نحط المقادير بالظبط مازدت ما نقصت انا درت نصف المقادير ككما دارت ام انس و خلطتهم ثم عجنت العجينة بيدي ماعنديش بيترا و غطيتها و دخلتها الثلاجة تريح
الزبدة عجنتها بيديا مليح حتى بياضت ثم درتها بين ورق الطهي و غطيتها بواحد اخر و حليتها بالحلال على شكل مربع و دخلتها حتى هي للثلاجة بعد نص ساعة خرجت العجينة و الزبدة و طبقت الدورة المزدوجة و رجعتها للثلاجة و بعد نص ساعة عاودت جبدتها و طبقت الدورة البسيطة هنا العجينة صارت جاهزة للاستعمال
خرجتها قسمتها على 2 جزء درتو كرواسون و جزء بتي بان فقط لما تحليها ماترققيهاش حوالي 0.5 سم
دهنت البلا نتاعي بالزبدة احسن من الزيت انا دايما في البريزش و انواع الخبز تعجبني الزبدة وحطيت فيه الكرواسون و البتي بان دهنتهم بالخليط نتاع البيض و القهوة و غطيتهم ببلاستيك و زدت فوقهم منديل و خليتهم في درجة حرارة المطبخ يخمرو مدة ساعتين ام اكثر انا هداك النهار كنت مزروبة و الا كنت خليتو اكثر كاين حتى الي يدخلوه الثلاجة يبات و غدوة من داك يطيبوه وقت التخمير عندو دور كبير في نجاح االمعجنات بصفة عامة
الفرن كنت سخنتو من قبل على 200 د لما خمر الكرواسون عاودت دهنتو و دخلتو للفور هو مايطولش و يطيب اذا ماتحمرلكش من فوق شعليلو و لما خرجتو دهنتو بلاجولي او العسل
هذي هي خلاصة تجربتي نتمنى نكون وفقت في الشرح فقط عندي تقرعيجة صغيرة ههههههههه ماشي انت ام فضيلة كنت شاركت معانا من قبل في الكوزينة و بالعلامة طبقت معانا قلب اللوز باللبن ؟؟؟؟؟؟؟؟؟؟؟؟
اقتباس:
المشاركة الأصلية كتبت بواسطة همس الذكريات
غدوا منين تدخلوا جاوبوني صحا
العجينة الورقة شعال نقدر نحتفظ بيها في الكونجيلاتور؟؟
التشاراك واش من العقدة اللي نديرها وماتيبسش؟؟
اعطوني طريقة المعمول يهبل هاداك اللي تطيبيه وما يتشققش من فوق يروحله الديكور هههه فهمتو؟؟
قلاصاج عمري ماجربته زعما ينشف وييبس ونقدر نخبيه؟؟ اعطوني طريقة ربي يخليكم
منين نتفكر شا خصني نجيب اسئلتي ونجي
تحملووني راني اختكم
صباح نلقاكم ونلقا اللي تعاوني
|
شوفي همس نجاوبك الي نعرف و الباقي يجاوبوك الفحلات
العجينة المورقة تقدري تحتفظي بيها في الكونجيلاتور 3 اشهر و ادا كنت خدمتيها وحابة تستعمليها خليها تريح على الاقل يوم في الثلاجة او الكونجيلاتور تعطيك نتيجة افضل من لمما تستعمليها مباشرة بعد ما تخدميها
التشاراك شوفي هدا التطبيق نتاع الهام فيه كامل النصائح من العجينة للعقدة للقلاصاج
https://www.djelfa.info/vb/showthread.php?t=1411561
المعمول مانكذبش عليك عمري مادرتو يجيني كما المقروط و انا نحب المقروط اكثر
( تقرير عن مشاركة سيئة )، و الموجودة أسفل كل مشاركة .
2014-11-20, 07:59
العرض العادي
