الطفولة والاطفال واسئلة الامهات

[ساندي 28]

مرحبا اختى اريد رايك في كيفيه التعامل مع ابني عمرو 4 سنوات مشكلته لايسمع الكلام وقبيح بزاف ويتعامل بعنف مع الاولاد الي في سنو يضربهم بزاف وميعرفش يلعب الضرب فقط حتى الحيوانات القطط يضربهم
ومع هاك يخاف من الناس يعنى لو اي شخص من الاقارب او اصدقاء والده يسلمو عليه يهرب ويبكي منهم وميحبش التجمعات منعرف كيفاش نحيلو هادي الطبيعه وتاني يقلد في الكلام يعنى ادا وبخت بعبارات عاديه جدا اي ام تقلها يخلي فترة ويعاودهالي وراني خايفه كيفاش يتاقلم مع المدرسه العام الي جاي
باي شيء تنصحيني مع العلم انو كيشوف جده يزيد يقباح ويتجرء اكتر وتاني عندو اخوه بيبي بدا يغير منو ويضربو تاني
تعبني بزاف تعاملت معاه بالضرب وبالمعامله الطيبه لكن بدون جدوى
وشكرا اختى ارجو ان تردي على انشغالي

[oum yahya]

بارك الله فيك اختي لى كل الجهد المبدول و جزاك الله خيراا
سؤالي هو ابني عنده 7سنوات و يقوم بنشر اخبار الدار لاهل زوجي خاصة حماتي و اشك في انها من اكسبته هده العادة بسؤاله كل مرة عن تفاصيل كثيرة تخص بيتي و زوجي و عني ايضاا بصفتها فضولية جدا ولما انبته مرة امامها صرخ في وجهي و قال ما دخلوكش وهي شجعته على دلك بقولها صدقلك يعني عنه حق المهم انني احاول انفهمه بالكلام والعتاب كل مرة لكن دون جدوى فما العمل من فضلك

[sousou yassine]

bnj oukhti ana 3andi banti 2ans matakoulch ila lahlib w dima tabki w laska fia dima hata tkalakni afidini brek allah fik oukhteh

[حليمة الجيجلية]

طفلي عمره 10شهور يرفض الطعام اجد صعوبة في اطعامه اريد النصيحة
انا في انتظارك

[lyna2007]

المشاركة الأصلية كتبت بواسطة omnadjem.10

مرحبا اختى اريد رايك في كيفيه التعامل مع ابني عمرو 4 سنوات مشكلته لايسمع الكلام وقبيح بزاف ويتعامل بعنف مع الاولاد الي في سنو يضربهم بزاف وميعرفش يلعب الضرب فقط حتى الحيوانات القطط يضربهم
ومع هاك يخاف من الناس يعنى لو اي شخص من الاقارب او اصدقاء والده يسلمو عليه يهرب ويبكي منهم وميحبش التجمعات منعرف كيفاش نحيلو هادي الطبيعه وتاني يقلد في الكلام يعنى ادا وبخت بعبارات عاديه جدا اي ام تقلها يخلي فترة ويعاودهالي وراني خايفه كيفاش يتاقلم مع المدرسه العام الي جاي
باي شيء تنصحيني مع العلم انو كيشوف جده يزيد يقباح ويتجرء اكتر وتاني عندو اخوه بيبي بدا يغير منو ويضربو تاني
تعبني بزاف تعاملت معاه بالضرب وبالمعامله الطيبه لكن بدون جدوى
وشكرا اختى ارجو ان تردي على انشغالي

السلام عليكم

والله ياختي في هذا السن الأطفال صعاب بزاف يعني الأولياء يحتارون في كيفية معاملتهم
الكذب الشجار الغيرة التبول في الفراش افشاء أسرار المنزل ........
كلها مشاكل تظهر في هذه المرحلة وتزداد حدة عند وجود اخوة اصغر منهم واعتناء الام بالزيادة بالطفل الاصغر سنا
هنا الطفل يخرج كل ما لديه للفت نظر الاولياء للاعتناء به اكثر وتدليله
أظن أن ابنك اضافة الى الغيرة من الاخ الاصغر
يعاني من التدليل المفرط من جده حسب ماذكرت اكيد جده يدافع عليه في كل الاحوال ظالم او مظلوم وهذا مايحبه الاطفال .
وعليه
أولا لازم تظهري عناية أكبر بابنك وتتكلمي معاه كثير.
لما يكون بجانبك لا تداعبي كثيرا ابنك الرضيع لان الغيرة تزيد من تمرده .
امدحيه واحظنيه عدة مرات في اليوم
عند قيامه بغلطات قدري درجة الغلطة اذا كانت تستاهل العقاب عاقبيه بالحرمان وفهميه لماذا عاقبتيه .
بالنسبة للضرب ضد اطفال اجانب هونتيجة للغيرة
العام المقبل لا تقلقي عليه لان في المدرسة سيجد معلم او معلمة صارمة ولن يتمرد بنفس الطريقة

ابنك عندوا طاقات كبيرة لازم يخرجها باللعب وممارسة الرياضة
وكل هذه المشاكل ستزول عندما يكبر قليلا لانه سيفهم الأمور اكثر .
لكن الصرامة لازم تكون في بعض الأحيان ولازم توضعي له حدود انت والأب شيئا فشيء دون عنف يعني توضعي له خطوط حمراء لا يتعداها .

اما الامور الاخرى هو ككل الأطفال في هذا السن مشاغبين ومتمردين فلا تقلقي لازملك نفس طويل وسعة البال وكل الامور ستجد مجراها ان شاء الله .

[lyna2007]

المشاركة الأصلية كتبت بواسطة oum yahya

بارك الله فيك اختي لى كل الجهد المبدول و جزاك الله خيراا
سؤالي هو ابني عنده 7سنوات و يقوم بنشر اخبار الدار لاهل زوجي خاصة حماتي و اشك في انها من اكسبته هده العادة بسؤاله كل مرة عن تفاصيل كثيرة تخص بيتي و زوجي و عني ايضاا بصفتها فضولية جدا ولما انبته مرة امامها صرخ في وجهي و قال ما دخلوكش وهي شجعته على دلك بقولها صدقلك يعني عنه حق المهم انني احاول انفهمه بالكلام والعتاب كل مرة لكن دون جدوى فما العمل من فضلك

نعم هذه عادة سيئة جدا جدا وللاسف الناس هي من تكسبها للاطفال .
اولا لازم تخفي على ابنك بقدر الامكان الامور الخصوصية في البيت .
ثانيا تحدثي معه مرارا وتكرارابان لا يقوم بهذا الامر
وانه في حالة افشاء اسرار البيت سيلقى عقاب .
عاقبيه بحرمانه من الامور التي يحبها كثيرا
وان شاء الله سيتوقف عن هذا الامر.

[lyna2007]

المشاركة الأصلية كتبت بواسطة sousou yassine

bnj oukhti ana 3andi banti 2ans matakoulch ila lahlib w dima tabki w laska fia dima hata tkalakni afidini brek allah fik oukhteh

اختي من العادي جدا ان يلسق فيك ابنك اللي في عمروا عامين فالطفل الصغير يخاف من فراقه لامه خوفا كبيرا وهو يحس بالامان بجانب الوالدين فقط .
اذا اردتي ان تتركيه عند امك او المربية لازم يكون ذلك بالتدريج ولازم تبقاي معاها لعدة ايام حتى يستانس بك وويدير الامان في الشخص الاخر يوالف بشوي .

لازم توسعي خاطرك هذه هي التربية مش سهلة حاولي تعطيها العاب غير مؤذية تلعب بها حتى تخطيك شوي .
خرجيها ومشيها وخليها تلعب حتى تتعب ولما دخليها للبيت ترقد .
بالنسبة للاكل عرضيها على الطبيب يشوف وزنها وطولها اذا كان طبيعي .

حاولي تعطيها الحليب 3 مرات في اليوم فقط في الصباح في المساء وفي الليل .وباقي الاوقات اذا جاعت اعطيها الاكل والفواكه.

[lyna2007]

المشاركة الأصلية كتبت بواسطة حليمة الجيجلية

طفلي عمره 10شهور يرفض الطعام اجد صعوبة في اطعامه اريد النصيحة
انا في انتظارك

اختي حاولي ما تعطيلهاش الحليب فبل الاكل على الاقل 2 ساعات من قبل وماتمديلهاش بعد رفضها للاكل مباشرة
لان الاطفال اذكياء يعلمون جيدا انك ستعطيه الحليب اذا رفض الاكل وبالتالي لازم تخليه يجوع قليلا وعاودي حاولي اعطيه الاكل لكن بكية قليلة وكل يوم زيدي له الكنية حتى يعتاد على الاكل

[baiza]

شكرا نصائح مفيدة جدا

[sousou yassine]

المشاركة الأصلية كتبت بواسطة lyna2007

اختي من العادي جدا ان يلسق فيك ابنك اللي في عمروا عامين فالطفل الصغير يخاف من فراقه لامه خوفا كبيرا وهو يحس بالامان بجانب الوالدين فقط .
اذا اردتي ان تتركيه عند امك او المربية لازم يكون ذلك بالتدريج ولازم تبقاي معاها لعدة ايام حتى يستانس بك وويدير الامان في الشخص الاخر يوالف بشوي .

لازم توسعي خاطرك هذه هي التربية مش سهلة حاولي تعطيها العاب غير مؤذية تلعب بها حتى تخطيك شوي .
خرجيها ومشيها وخليها تلعب حتى تتعب ولما دخليها للبيعت اعطيها الاكل والفواكه.

merci oukhti w baraka allaho fik

[lyna2007]

المشاركة الأصلية كتبت بواسطة حليمة الجيجلية

طفلي عمره 10شهور يرفض الطعام اجد صعوبة في اطعامه اريد النصيحة
انا في انتظارك

السلام عليكم
اختي كنت قد تحدثت في الصفحات الاؤلى من هذا الموضوع عن هذا المشكل وقد أجبت عدة أخوات عن كيفية اطعام الطفل عند رفضه للاكل
اذن اختي حاولي تراجعي الموضوع ستستفدين كثيرا .
باختصار أقول لك
أنه لابد من تقسيم أوقات الأكل لطفلك في الباح يرضع الحليب
على الساعة العاشرة اعطيلوا petit suisse + عصيدة التفاح او واحد منهم فقط .
ثم على 12 اعطيلوا الخضر على شكل عصيدة في البداية ارحيلوا البطاطا والجزر فقط بعدما تطيبيهم في الماء طبعا .
ثم لازم تحاولي معاه مرارا وتكرارا يعني اذا رفضها في اليوم الاول عاودي جربيها بعد يومين
او خطي له البطاطا المرحية مع عبة petit suisse راح تعجبوا ان شاء الله
لازم ماتعطيلوش يرضع مباشرة عند رفضه للاكل والا لن يقبل الاكل لانه يعلم وينتظر الرضاعة
.

[لينة71]

السلام عايكم اختي اينى بارك الله فيكي على الموضوع الرائع اؤدت ان اسالك عندي بنتي عمرها 21شهرا عييت نفهم فها وتعيط عنها ما تفهمش كي نمدلها تشرب الماء تروح تدفقو ولا اروح لحواي الي بزاف خطيرة ...وانا عييت نفهم حتى كي نكون مع الضياف عندها ما تحشمني دير بزاف زبايل والله عييت وفهميني كيفاش ندير وبارك الله فيكي وجزاكي الله الجنة .....تقبل الله منا ومنكم صالح الاعمال

[lyna2007]

اخت لينا 77 هذا هو حال كل الأطفال يعني ماتزيديش تحشمي قدام ضياف بنتك في عمرها عامين مازالت بيبي وماتفهمش كل شيء تقوليه ولما تعاقبيها او تنصحيها رايحة تنسى وتعاود دير نفس الخطأ
ومرات الاطفال يحبوا يديروا زكارة في الاولياء ويعاودو نفس الخطا وبالتالي لاز تتجاهلي ذلك الامر اللي تقوم بيه حتى تنساه .
لازم تصبري عليها حتى تكبر 4 سنوات او 5 سنوات باش تبدا تفهم الامور شوي
لا تصرخي كل مرة عليها لانه ستعتاد على الصراخ ولن تكترث له عالقبيها بالحرمان في حالة خطا كبير وسامحيها على الاخطاء الصغيرة لانها مازالت رضيعة
اصلا هي لا تفهم كل الكلمات التي يقولها الكبار.
هذى هي التربية لازم توسعي بالك عليها لا تضربيها وتحاسبيها كانها كبيرة حاولي تشغلي باله بالعاب تحبها وبالالوان والتلوين .......................

[لينة71]

بارك الله فيك اختي ...جزاكي الله خيرا

[biti]

ارجو المساعدو رضيع عندو 4 اشهر و نصف مرخي بزاف و ميقدرش يرفع راسو واش الحل مهاه مع انو كي نحطو على ظهرو يدورحتى 180 درجة يعني كيما عقارب الساعة