موضوع مميز وصفات من حراير مطبخ وش طيبتي اليوم - الصفحة 34

إلهام07 · 2013-12-25, 14:00

طاجين الجبن
الاخت أليسون

بسم الله...

اولا تحظري مرق ابيض بقطع من الشومبنيو والزيتون الاخضر وقطعة من اللحم او العظم للبنة فقط ..والرند والفلفل الاسود

والكركم والملح وقطعة زبدة وشوي معدنوس مقطع وتفرغي عليها القليل من الماء فقط ..وتخليها تطيب حتى تعقد شوية

//

ومبعدا نروحو للحم المرحي

تزيديلو قطع فورماج كيري وشوية من الفرماج الروج والمعدنوس والزيتون الاخضر المقطع و الشومبنيو المقطع والمذبل

في شوي زبدة والفلفل الاسود والملح

والصور توضح الطريقة

//

//

وتغطيه بالالمنيوم وتولوحيه يطيب وكي تشوفيه قريب يطيب فرغي عليه مغرف تاع الصوص باش مايجيكش ناشف

وبسسسسسسسسسسس خلصت ههه

nor hayati · 2013-12-25, 14:16

ya"atik saha ammmmmm chahitini

om mita · 2013-12-30, 17:52

الهام اني هذا وين فطرت سخفتيني طيحي ضك باللسان ولا نجي نوكلك
شكون قالك حطيه

ام عبودة · 2013-12-30, 21:01

السلام عليكم
لهلوبة واش هذا اللسان انا ما نحبوش بصح وصفتك دارتلي الكوراج باش نجربووووووو
شكرااااا

mon mari · 2013-12-31, 08:49

وااااااااااااااااااااااااااااااوووووووووووووو اروع من هادوات مكانش

*عاشقة الجنة* · 2013-12-31, 15:50

أم محمد تاج

حبيبتي أم نهال الغالية شفتك كي حطيتي طلب وصفات بالكرام فراش والله نسيت نحطلك عندي شوي
شوفي اول روسات: أرحي صدر الجاج مع بصلة صغيرة وثوم ومعدنوس وفلفل أسود وملح أكيد خلطيهم مليح وديريهم خبيزات كيما تحبي الحجم تاعهم وأقليهم حتان يطيبو ويحمارو وفي نفس المقلة صبي الكرام فراش تاعك عليهم وخليها تهز غلية وطفي وقدميها وزينيها بالشومبينيو والمعدنوووس ممممم يموت عليها زوجي ح
والكوتلات بالكرام فراش:
حطي لي كوتلات تاعك في الكوكوط ونقصي وملحي وديري شوي فلفل أسود وكي يبداو يطلقو الماء تاعم لوحي البطاطا الصغيرة تاعك وأغلقي الكوكوط بصح على نار هادئة خلالالاص مدة ربع ساعة ومبعد حلي عليها وأبداي قلبي في اللحم والبطاطا وقوي شوي للنار باش يحمارو مليح مبعد نحي كلش وهذيك الزيت وليدام تاع لكوطلات لوحي فيهم كرام فراش مخففة بشوي ماء وضر ترجع بني وخلطي مليح حتان تتجانس النكهات وزيني الصحن تاعك بالكوتلات والبطاطا وسيحي عليهم صوص الكرام فراش

*عاشقة الجنة* · 2013-12-31, 15:54

zahra30

وصفة المقارونة بالبيشامل

طيبي كمية المقارونة اللي بغيتيها في شوية ماء وملح وزيت مليح وقطرها بلا ما تشليها بالماء وخليها
وجدي صوص خاثرة من طماطم وبصل وثوم ومعدنوس وتوابل وزيت وشوية ماء ولازم تكون عاقدة
لاصوص بيشاميل زبدة وفرينة وحليب وشوية ملح وفلفل اسود ومعدنوس وسنينة ثوم وفرماج وكي توجد وتصبح خاثرة نحيها على النار وخلطيها باش تبرد شوية وزيديلها 2 بيضات مع الخلط المتواصل باش ما يطيبش البيض
خلطي المقارونة مع الصوص طوماط اللي حضرتيه
ادهني المول انتاعك بالزبدة وحطي بالترتيب مقارونة صوص بيشامال وهكذا حتى تكملي وتكون طبقة البيشاميل هي الاخيرة وزينيها بالفرماج قرويار وقطع زيتون و المعدنوس والى الفرن حتى تاخذ اللون البني الفاتح وشهية طيبة

ikourbam · 2013-12-31, 17:39

يعطىكم الف صحة 444444444444

سمااهر · 2014-01-01, 08:33

يعطيكم الصحة

مسلمة بالفطرة · 2014-01-03, 11:08

يعطيكم الصحة

أم محمد تاج · 2014-01-03, 11:24

دوزان العرضات
شخشوخة لستين معرووووووووووض
18 نكيلو شخشوخة ماتخافوش راهي تبقى بصح الاحتياط واجب
65 سهمة لحم للاحتياط
11 نبصلة متوسطين
11 طماطم كبيرة حمراء
8 ريوس ثووووم
3 مغارف كبار فلفل أحمر حار مرحي
2 مغارف كبار فلفل أسود
6 مغارف كبار كسبر
6 مغارف كبار راس الحانوت
والزيت عينك ميزانك على خاطر اللحم راح يطلق الدسم تاعو
وباطة تاع كيلو طمامط كونسارف ونص باطة هريسة
ورطل حمص يفوتلك
و250 غ زبيب مفور ومبعد نحيه بجيهة وزيديلو مرقة الشخشوخة يغلي فيها نخليوه للتزيين برك
كاش سؤال راني في الخدمة

أم إناس · 2014-01-03, 11:24

ام يسرا
الكروكي

. شكرًا لكن حبيباتي ضرك نعطيكم الطريقة حتان كي نعاودو و نصورهولكم 7بيضات 2 كيسان سكر عادي 3 كيسان زيت 1 خميرة نتاع القاطو zest نتاع 2 حبات قارص و 1 نشاء و كملي شيحي بالفرينة ماتيبسيهاش بزاف اقسمي العجينة على. 2 و زيدي كاكاو لنص و من بعد تهزي طرف من البيضاء تقرصيها شويا برك و تزيدي فوقها طرف من الي بالكاكاو و تحطيها فوقها مليح و من بعد تقرصيهم رقيق و من بعد تروليهم و تعملي حربوش و تحطيه في البلاطو و تحكمي عصير 2 حبات قارص و تضيفي لهم المعجون و تحليهم امليح و تدهني بيهم القاطو و من بعد تحطيه يطيب و من بعد خرجيه و زيدي ادهنيه و هو سخون بنفس الخليط ضرك يشربو و عاودي رديه للفور 5 دقائق و نحيه و البنة امممممممم مانحكيلكمش مع القارص citron

ام يوسف زكريا · 2014-01-05, 11:31

موضوع رائع

2014-01-07, 10:17

همبورغر الاخت cuisineshowdalatifa
لمقادير العجينة
500 غ فرينة
3ملاعق زيت.
2 ملاعق خميرة خبز فورية.
2|1 ملعقة خميرة حلوى.
2ملاعق حليب مجفف.
4|1ملعقة فلفل أسود.
ملعقة سكر.
2|1ملعقة زنجبيل
ماء دافئ
الملح
التحضير
اخلطي الفرينة مع الزيت.
أضيفي كل المواد الجافة , ماعدا الملح
ضعي الملح مع الماء الدافئ.
ضيفي هذا الماء للفرينة .حتى تحصلي على عجينة طرية تلتصق قليلا باليد
ادلكي العجينة جيدا.
أتركي العجينة ترتاح لمدة ساعة
إقسمي العجينة على شكل كرت متوسطة

إبسطي كل كرة باليد (كلما كانت رفيعة كان اللب أقل )
أدهني سطح كل واحدة بالبيض و رشيها بالجلجلان

بهذي الطريقة تتحصلي على خبز طري وهش ولذيذ

و الحشو حسب الامكانيات

lamia zina · 2014-01-07, 18:43

هومبورغر الاخت المعتزة بديني
من عيووووووني حبيبتي 300 غ فرينة + 300 غ دقيق + حبة بيض + 30غ زبدة ولا ماغريين + 80 غ حليب 10 غ ملح + 25 غ سكر + 25 خميرة لبخبز وماء حتى تتلم العجينة تخلطي كامل المقادير مع إضافة الماء اعجنيها مليح وخليها تريح 20 دقيقة ومن بعد قسميها على 10 خبيزات ادهني وجها ىبالبيض وخليها تريح حتى تتضاعف ودخليها للفرن ملاحظة ديري سنيوة التحت فالكوشة فيها الماء للرطوبة يطلعولك ويجو خفاااف ريشة