الى ام اسيد1 وكل وحدة حاصلة واش الطيب - الصفحة 336

ام هاديل وياسين · 2015-07-19, 14:27

السلام عليكم

لبنات الي حطيتو قطواتكم هايلين تاكلوهم بصحة والهنا ام حمزة غالية وطلبك رخيس

من عيوني نجيبلك الوصفة سمحيلي برك حتى لليوم باش دخلت قاع الي داقوه عندي عجبهم وامديتلهم الوصفة

ام هاديل وياسين · 2015-07-19, 14:31

اقتباس:

المشاركة الأصلية كتبت بواسطة صدفات

في داخل الأصداف يوجد اللؤلؤ، وفي داخلكم وجدت الأنسان و أجمل القيم . وإن كانت هنالك أشياء جميلة في حياتي ، فمن المؤكد معرفتي بكم هي واحدة من هذه الأشياء. فليحفظ الله الود بيننا ويجعل الجنة دارنا ويبارك لكم بالعيد السعيد .
أم حمزة
غزالتي
روح مراد
أم الحبايب
أم سوهيل
أم الخير
crono
أمنية غفران
أم جابر
منال و منير
سلمى
حنان
و آخر العنقود
zaho

اللهم امين ويبارك فيكي اختي صدفات بصح حوست على اسمي وملقيتوش هههه

غزالة الصّحراء · 2015-07-19, 15:58

اقتباس:

المشاركة الأصلية كتبت بواسطة **ام هدول**

اللهم امين ويبارك فيكي اختي صدفات بصح حوست على اسمي وملقيتوش هههه

اللّهم آمين ياربّ العالمين. أختي ام هدول حتى وإن كان اسمك غير موجود ضمن القائمة المكتوبة فهو محفور في قلوبنا وكتب بحبر خاص لاتمحيه الأيام أو السنون مادمنا على قيد الحياة. فعذرا لكل من لم تجد اسمها فصدوفتي الغالية أكيد لم تفعل ذلك عمدا. متّن اللّه محبتنا في اللّه وقوّاها .
تحياتي الخاصّة للجميع . ومرّة أخرى عيد سعيد للجميع وكلّ عام وأنتنّ بألف خير.

غزالة الصّحراء · 2015-07-19, 16:09

اقتباس:

المشاركة الأصلية كتبت بواسطة crono

السلام عليكم ورحمة الله تعالى وبركاته
احلى الأماني بمناسبة عيد الفطر السعيد
ندعو الله العلي القدير أن يوفقنا إلى مايحب ويرضى ويتقبل منا ومنكم الصيام والقيام
ويبلغنا رمضان في السنة المقبلة ونحن بصحة وسلامة ان شاء الله
فاللهم تقبل صيامنا و قيامنا وبلغنا رمضان و اعده علينا بمزيد من اليمن والبركات،
وبصحتكم الحلويات منبعد نحطلكم السنيوة تاع العيد ونحطهالكم بيناتنا العيد مجانيش كي زمان
عيد سعيد وكل عام و انتم بخير

أهلا بك أختي =crono عيدك وأسرتك سعيد . وكلّ عام وأنتم بألف خير. اللّه يسمع منك. ندعو الله العلي القدير أن يوفقنا إلى مايحب ويرضى ويتقبل منا ومنكم الصيام والقيام. ويبلغنا رمضان في السنة المقبلة ونحن بصحة وسلامة ان شاء الله. اما عن أن العيد ليس بحلة زمان . ربّي ايفرحك بابنتك العام القادم ورايح أكيد اتغير وجهة نظرك. ربي ايزيّن سعدها برك وتكون في تمام الصحة والعافية . العام راه ايمر كيما ايمر الشهر. وكاليوم اتفرحينا بنجاح بنتك في شهادة البكالوريا. راكي شفتي كاين الأخت أم الحبايب أم هدول الي زارتهم هذه السنة الفرحة . ( من الرسوب نتعلّم أشياء كثيرة ) فلاتحزني عن ابنتكي . بل بالعكس كني بجنبها واغرسي الثقة فيها. وعلميها كيف تنهض بعد السقوط. وإن شاء اللّه مانسمعوا منك غير الأخبار ألي اتفرحك ةوتفرحنا.

صدفات · 2015-07-19, 16:12

غزالتي راكي هنا عيد سعيد حبيبتي و شكرا لأنك دافعتي عليا و عذرتيني أما أم هدول كتبت لها رسالة معايدة و إعتذار و بعثتها لها و يا رب تقبل إعتذاري هي و كل وحدة ما كتبتش إسمها .

غزالة الصّحراء · 2015-07-19, 16:16

اقتباس:

المشاركة الأصلية كتبت بواسطة zaho207

salam nchallah rakom kamel bien mohom gololi semit chewiya w zad li hablitni dowara w ana mazal serira 23ans w tan kifah ndire libsa nta3 bara stp khasni haja ndireha bah nonkos

أهلا بك بنتي زاهو. عيدك سعيد وكلّ عام وأنت بألف خير. بنتي شوفي أحسن حلّ ليك هو الرياضة والإنقاص من الأكل. وأغلب الأكل أنتاعك لازم ايكون خضر مفورة . ماتحوسيش على المأكولات اللّذيذة ألي أتسمن. حوسي كيفاش ايكون التوازن الغذائي للحفاظ على رشاقة الجسم وفي نفس الوقت حماية جسمك من تعرضه لنقصانٍ في بعض الفيتامينات التي قد تِؤذيه بالإضافة إلى تناول الفواكه. . واللّه لما كنت في البلاد كنت نمشي بزاف . ومع رمضان كنت غير ناكل هاذيك الشربة ومانزيدش بزاف الماكلة. حتى السحور نتاعي كان عبارة عن فنجال قهوة وحبات قاطو. ولقيت نفسي مع العودة أنقصت ب 3 كلغ. بصّح للأسف غير أرجعت لداري رجعت الكلوغرامات ألي ضاعو ههههههههههه ماحبوش يقعدوا في البلاد تبعوني لداري. قالولي هنا نقعدوا معاك. . .

غزالة الصّحراء · 2015-07-19, 16:17

اقتباس:

المشاركة الأصلية كتبت بواسطة oum fadoua

عيد مبارك وكل عام وانتم بخير

اهلا بك أختي ام فدوة وعيدك اسعد وأسرتك وكلّ عام وأنتم بألف خير. وشكرا لك على طلّتك البهيّة.

غزالة الصّحراء · 2015-07-19, 16:24

اقتباس:

المشاركة الأصلية كتبت بواسطة صدفات

غزالتي راكي هنا عيد سعيد حبيبتي و شكرا لأنك دافعتي عليا و عذرتيني أما أم هدول كتبت لها رسالة معايدة و إعتذار و بعثتها لها و يا رب تقبل إعتذاري هي و كل وحدة ما كتبتش إسمها .

أهلا بصدوفتي الغالية توأم روحي. وعيدك أسعد أنت وأسرتك الصغيرة والكبيرة . يعطيك ألف صحّة على كلامك الموزون ألي كتبتيه. واكيد أنا لما رديت على أختنا الغاليىة ام هدول أعملت ماهو صحيح لأنّك فعلا لم تتعمدي ذلك. وحتى هي ردّت عليك بظرافة. وأكيد الأخت الغالية أم هدول رايح تتفهم الموضوع. وعلى هذا حتّى أنا لما أنرد في أغلب الأحيان نطلب مسبقا الاعتذار من كلّ من نسيت اسمها. لأنّ صفحتنا المميّزة زادتها بعض الأسماء الجديدة زينة خاصّة فأصبحت القائمة طويلة ماشاء اللّه. المهم ربّي امتّن محبتنا ويقويها .

غزالة الصّحراء · 2015-07-19, 16:29

اقتباس:

المشاركة الأصلية كتبت بواسطة أم الحبايب 26

عيدكم سعيد كورنو وام فادوا بنتي زاهو مازالتي صغير ا على رجيم ناقصي غير خبز

أهلا بك أختي ام الحبايب عيد سعيد أنت وأسرتك. أختي أم الحبايب . النت هي من وراء اختفائي. اليوم راني انضحي باش نكتب لكم هذه الردود. الصفحة بسيف باش تنفتح. بصّح ماعليش في خاطركم نستنا . محبتنا تستاهل كلّ المواجهات في سبيل أن تفرح كلّ واحدة منّا بردود الأخرى. ربّي ايخلينا لبعضانا. آمين.

غزالة الصّحراء · 2015-07-19, 16:32

اقتباس:

المشاركة الأصلية كتبت بواسطة روح مراد

صباح الخير و السرورو و السعادة عيدكم مبارك و كل عام و أنتم بخير ربي يحفظكم

أهلا بروحي وروح الصفحة وروح مراد. هاذي غيبة . ياروحي . عيدك واسرتك سعيد وكلّ عام وأنتم بألف خير. ربّي يحفظنا كامل.

ام هاديل وياسين · 2015-07-19, 17:46

اقتباس:

المشاركة الأصلية كتبت بواسطة صدفات

غزالتي راكي هنا عيد سعيد حبيبتي و شكرا لأنك دافعتي عليا و عذرتيني أما أم هدول كتبت لها رسالة معايدة و إعتذار و بعثتها لها و يا رب تقبل إعتذاري هي و كل وحدة ما كتبتش إسمها .

العفو ثم العفو اختي صدفات عمري منزعف من حبايبي والله قلتهالك بضحك ما في قلبي والو

رانا اخوات وعارفة الزهايمر وخدايمو هههههه ويكثر خير غزالتنا كانت وزاجدة قامت بالواجب قبل ما توصلي

الله يقوي محبتنا في الخير

ام هاديل وياسين · 2015-07-19, 17:51

اقتباس:

المشاركة الأصلية كتبت بواسطة غزالة الصّحراء

اللّهم آمين ياربّ العالمين. أختي ام هدول حتى وإن كان اسمك غير موجود ضمن القائمة المكتوبة فهو محفور في قلوبنا وكتب بحبر خاص لاتمحيه الأيام أو السنون مادمنا على قيد الحياة. فعذرا لكل من لم تجد اسمها فصدوفتي الغالية أكيد لم تفعل ذلك عمدا. متّن اللّه محبتنا في اللّه وقوّاها .
تحياتي الخاصّة للجميع . ومرّة أخرى عيد سعيد للجميع وكلّ عام وأنتنّ بألف خير.

اهلا غزالة عيدك سعيد انتي وكل عايلتك والله يسلمك حتى انا نفس الشعور اخواتي في الله

ومرات كي ما ندخلش باش نكتب رد بصح نقرا ردودكم ونفرح كي نلقاكم ملمومين ربي يخليكم ويحفظك

ويخلينا حبيبتنا ام حمزة لولاها مكناش نتعلرفو على بعضنا تحياتي ومواحححححححات كبيرة لكل وحدة هنا معانا

غزالة الصّحراء · 2015-07-19, 18:01

[IMG][/IMG]

اقتباس:

المشاركة الأصلية كتبت بواسطة **ام هدول**

اهلا غزالة عيدك سعيد انتي وكل عايلتك والله يسلمك حتى انا نفس الشعور اخواتي في الله

ومرات كي ما ندخلش باش نكتب رد بصح نقرا ردودكم ونفرح كي نلقاكم ملمومين ربي يخليكم ويحفظك

ويخلينا حبيبتنا ام حمزة لولاها مكناش نتعلرفو على بعضنا تحياتي ومواحححححححات كبيرة لكل وحدة هنا معانا

يا أهلا ومرحبا بك اختي أم هدول وعيدك سعيد. والف ألف مبروك على نجاح ابنك في شهادة البكالوريا ربّ ي ايدوّم الأفراح في بيتك. كنت عارفة بأنّك ماشي رايح تزعفي . على خاطر قلبك واسع واحنينة وخصوصا مع نجاح ابنك بسلامتو الزعاف ماعادش يعرف طريقو ليك. عندك الحّق ربّي ايخلينا الأخت الحبوبة أم حمزة ، واللّه ايطوّل في عمرها بسببها اتلمينا مع بعضانا وانتفعنا من بعضانا. ربّي ايدوّم محبتنا وأهلا وسهلا ومرحبا بكلّ من انضمت إلينا من قريب أو من بعيد. أرحب أيضا بالأخت غفرانك اللّهم وأتمنى أن يكون تواجدها دائما معنا لنستفيد من بعضنا البعض. حبيبتي أم هدول وين راهي العرضة ؟؟؟ راني نستنا. راني وفيت بوعدي . زغردتلك .
سلامي الأحر من الجمر إلى الجميع بدون ايّّ استثناء.

غزالة الصّحراء · 2015-07-19, 18:08

اقتباس:

المشاركة الأصلية كتبت بواسطة أم الحبايب 26

عيدكم سعيد كورنو وام فادوا بنتي زاهو مازالتي صغير ا على رجيم ناقصي غير خبز

أم الحبايب ياحبيبة مبروك السانكيام والباك . لعقوبة للشهادات الكبرى إن شاء اللّه. بصّح حنونتي وين راهي العرضة أنتاعك أنت والأخت أم هدول. ياله هاكوا الزغاريد. وزينو الصفحة بالعرضات أنتاعكم.
ييييييوووو يييوووووو ييييووووو ييييوووووو ييييوووو يييووووو ألف ألف مبرك

crono · 2015-07-19, 18:17

اليكم صور حلوياتي الي حضرتها راني منسيتكومش جبتلكم حقكم
https://www.djelfa.info/vb/showthread.php?t=1836410