منح العطب و التقاعد بعد المصادقة على قانون المالية 2013 - الصفحة 3305

أبو صقر · 2016-03-01, 22:17

اخي نزار الاسبوع المقبل سادهب الي البليدة لكي ادفع الملف الازرق هل ممكن ارجع للبرفيسور في الزيتونة ونطلب منو يعاودلي الخبرة الطبيةويديرلي مقبول من فضلك اخي نزار قدملي نصائح من فضلك وهل ممكن ناجل دفع الملف الازرق

nizar10 · 2016-03-01, 22:42

رابط قانون المعاشات العسكرية ودليل المتقاعد 2015 الجديد .

https://www.djelfa.info/vb/showthread.php?t=1777107

Rafcif · 2016-03-02, 00:45

اقتباس:

المشاركة الأصلية كتبت بواسطة أبو صقر

اخي نزار الاسبوع المقبل سادهب الي البليدة لكي ادفع الملف الازرق هل ممكن ارجع للبرفيسور في الزيتونة ونطلب منو يعاودلي الخبرة الطبيةويديرلي مقبول من فضلك اخي نزار قدملي نصائح من فضلك وهل ممكن ناجل دفع الملف الازرق

السلام عليكم
بالاظافة ...ادا عطاتك اللجنة منسوب او العكس
دير في بالك حاجة اخي الكريم
( اذا جاك تعويض من لا سورانس سيفيل ) انسا منحة العطب ( ولا يمكن التعويض مرتين ) !
كذلك ....يا اخي رايح ( تذبح ولادك ) بالملف الازرق هذا ...ونتا علاه عاودت تقدمت لخبرة طبية جديدة! ياك كان عندك خبرة طبية قديمة وفيها ( مقبول جزئيا) كنت قادر تكمل هاك سنوات ( تطيح وتنوض ) على الاقل تكمل 15 سنة خدمة باش تدي حقك كاملا ( اقصد التقاعد)
خاطرش ياحبيبنا ...لو فرضا اعطاوك (غير منسوب) لا قدر الله واحنا مانتمنواهالكش ....علابالك رايح تخرج ( صبعك في فمك ) ...لا تقاعد ولا عطب
لان حالتك ( الحوادث المدنية في حالة اجازة او عطلة) يشوبها كثيرا من اللغط
زعما نتا تقدر تشوف مع الطبيب باش ينحيلك ( معفى نهائيا !) ..يلا قدرت يا اخي من غدوة وارجع تخدم على روحك
كاين حل تاني ...ويكون على مستوى ( المركزية للاعفاء ) mdn ...يعني شوي معريفة ...سواء جعل ملفك يتماطل شوي حتى تكمل سنوات الفانونية 15 سنة لكن راك مازال بعيد عليها بزاف اضن عندك برك 11 سنة
وكاين حل تاني......هو اللجنة ترفض قرار الاعفاء .....وهذا وارد وعادي وهي المخولة في الاخير بالرفض او القبول
لكن هذا الشيي......بالتوصية وتجري على روحك
بالتوفيق

Rafcif · 2016-03-02, 01:00

يلا مازلت مادفعت ( الخبرة اللي فيها معفى نهائيا )
في الثكنة التي تتبع لها ....ارجع للطبيب البروفيسور شوف معاه يلا قبلك راك اداي دعاوي والديك
خاطرش ...كي تدي الخبرة للوحدة التي تعمل فيها مستحيل يعاود يخدمك قائد لوحدة ( ممنوع)
طبيب الوحدة يديرلك ملف ازرق ويبعتك لمصلحة الموارد البشرية....تبقي تابع لها حتى تبث اللجنة الجهوية في مصيرك بعدها اللجنة المركزية للاعفاا
هداااا هو كيفاش تمشي الامور....ونتا صفي واشرب ..وشوف واش يخرج عليك صديقي

naar1188 · 2016-03-02, 01:51

السلام عليكم اخوة الخير، لي استفسار
انا كنت متربص لرتبة رقيب 1999_2001 وخرجت بعد عامين تربص بقرار تأديبي،
وكنت مصاب بقطع شرايين اليد اثناء التربص في اعمال الكرفي مما ادا الى اعاقة في يدي اليسرى
في شهر ديسمبر 2014 ادفعت ملفي في لدراس نتاع وهران ، وفي افريل 2015 عيطولي نجوز عند طبيب الشرعي واعطاني 35 % منسوب ، وفي سبتمبر 2015 قالولي زيد ادفع الشلك باري وقارع 3 اشهر وروح دير لافوار
لكن بعد 6 اشهر ما دخل والو روحت اسبوع ماضي لدراس، قالولي راه طبيب الجنة دار في ملفك اجورني ajourni , وقال لازم يشوفك ، وبارح رحت وعرضوني على مدير لدراس الكورونال ناريمان شفتني هي الاولا وسألتني علاش خرجوك من جيش ومن بعد قلت لهم دوه لطبيب نتاع كوميسيون ، الي شافني وسألني بعض الاسألة على واش راني نخدم واذا انا متزوج ولا لا ، وحتى مشافش اصابتي لوكان ما وريتهلوش انا ومن بعد قال لي روح ، وكي سألت جماعة مكتب العطب قالولي روح استنى حتى ملفك يطلع لبالكور.
انا ماني فاهم والو واحد يفهمني ارجوكم .
نخلص ولا لا ، واذا خلصت يجيني ربال من افريل ولا غير من بارح ، فهموني ارجوكم
انتوع مكتب العطب كل ما نسألهم يقزعوني وان محبيتش نزيد معاهم باه ما يمكروش فيا ويعرقلولي الملف ، شكرا

naar1188 · 2016-03-02, 02:34

هل من مجيب الرجوكم
السلام عليكم اخوة الخير، لي استفسار
انا كنت متربص لرتبة رقيب 1999_2001 وخرجت بعد عامين تربص بقرار تأديبي،
وكنت مصاب بقطع شرايين اليد اثناء التربص في اعمال الكرفي مما ادا الى اعاقة في يدي اليسرى
في شهر ديسمبر 2014 ادفعت ملفي في لدراس نتاع وهران ، وفي افريل 2015 عيطولي نجوز عند طبيب الشرعي واعطاني 35 % منسوب ، وفي سبتمبر 2015 قالولي زيد ادفع الشلك باري وقارع 3 اشهر وروح دير لافوار
لكن بعد 6 اشهر ما دخل والو روحت اسبوع ماضي لدراس، قالولي راه طبيب الجنة دار في ملفك اجورني ajourni , وقال لازم يشوفك ، وبارح رحت وعرضوني على مدير لدراس الكورونال ناريمان شفتني هي الاولا وسألتني علاش خرجوك من جيش ومن بعد قلت لهم دوه لطبيب نتاع كوميسيون ، الي شافني وسألني بعض الاسألة على واش راني نخدم واذا انا متزوج ولا لا ، وحتى مشافش اصابتي لوكان ما وريتهلوش انا ومن بعد قال لي روح ، وكي سألت جماعة مكتب العطب قالولي روح استنى حتى ملفك يطلع لبالكور.
انا ماني فاهم والو واحد يفهمني ارجوكم .
نخلص ولا لا ، واذا خلصت يجيني ربال من افريل ولا غير من بارح ، فهموني ارجوكم
انتوع مكتب العطب كل ما نسألهم يقزعوني وان محبيتش نزيد معاهم باه ما يمكروش فيا ويعرقلولي الملف ، شكرا

nizar10 · 2016-03-02, 02:46

اقتباس:

المشاركة الأصلية كتبت بواسطة rafcif

السلام عليكم
بالاظافة ...ادا عطاتك اللجنة منسوب او العكس
دير في بالك حاجة اخي الكريم
( اذا جاك تعويض من لا سورانس سيفيل ) انسا منحة العطب ( ولا يمكن التعويض مرتين ) !
كذلك ....يا اخي رايح ( تذبح ولادك ) بالملف الازرق هذا ...ونتا علاه عاودت تقدمت لخبرة طبية جديدة! ياك كان عندك خبرة طبية قديمة وفيها ( مقبول جزئيا) كنت قادر تكمل هاك سنوات ( تطيح وتنوض ) على الاقل تكمل 15 سنة خدمة باش تدي حقك كاملا ( اقصد التقاعد)
خاطرش ياحبيبنا ...لو فرضا اعطاوك (غير منسوب) لا قدر الله واحنا مانتمنواهالكش ....علابالك رايح تخرج ( صبعك في فمك ) ...لا تقاعد ولا عطب
لان حالتك ( الحوادث المدنية في حالة اجازة او عطلة) يشوبها كثيرا من اللغط
زعما نتا تقدر تشوف مع الطبيب باش ينحيلك ( معفى نهائيا !) ..يلا قدرت يا اخي من غدوة وارجع تخدم على روحك
كاين حل تاني ...ويكون على مستوى ( المركزية للاعفاء ) mdn ...يعني شوي معريفة ...سواء جعل ملفك يتماطل شوي حتى تكمل سنوات الفانونية 15 سنة لكن راك مازال بعيد عليها بزاف اضن عندك برك 11 سنة
وكاين حل تاني......هو اللجنة ترفض قرار الاعفاء .....وهذا وارد وعادي وهي المخولة في الاخير بالرفض او القبول
لكن هذا الشيي......بالتوصية وتجري على روحك
بالتوفيق

بارك الله فيك حضرات راك فصلت مليح . كيف نسيت انا لاسيرونص سيفيل ؟؟

هو قال انو طبيب تاع المحكمة عطالو 65 . لان الحافلة لي كان فيها المسافرين مؤمنين عند وقوع الحادث .

وقال انو طلب كشف الراتب . علاه ؟؟ هل تم تعويضه من لا صيرونص سيفيل عن الحادث ؟

شكراا رفسيف لم يخطر على بالي التامين المدني ؟؟

nizar10 · 2016-03-02, 02:59

اقتباس:

المشاركة الأصلية كتبت بواسطة rafcif

يلا مازلت مادفعت ( الخبرة اللي فيها معفى نهائيا )
في الثكنة التي تتبع لها ....ارجع للطبيب البروفيسور شوف معاه يلا قبلك راك اداي دعاوي والديك
خاطرش ...كي تدي الخبرة للوحدة التي تعمل فيها مستحيل يعاود يخدمك قائد لوحدة ( ممنوع)
طبيب الوحدة يديرلك ملف ازرق ويبعتك لمصلحة الموارد البشرية....تبقي تابع لها حتى تبث اللجنة الجهوية في مصيرك بعدها اللجنة المركزية للاعفاا
هداااا هو كيفاش تمشي الامور....ونتا صفي واشرب ..وشوف واش يخرج عليك صديقي

تقرير البروفيسور لي عطالو انابت الان راه على مستوى طبيب الثكنة والان طبيب الثكنة راه يخدم في الدوصي لارساله الاسبوع القادم الى بليدة مصلحة الموارد البشرية ..

السيد هذا تعرض الى حادث مرور في اليوم الاول من الاجازة الرسمية . الحادث تمثل في اصطدام حافلتين لنقل المسافرين المدنيتين مما ادي الى اصابة المعني بجروج وكسور واجراء عملية جراحية .

تقرير الدرك الوطني يثبت الاصابة ووقائع الحادث يعني اجابي .

تقرير قائد الوحدة اجابي ايضا .

السيد هذا عطالو الطبيب 40 مقبول و30 مقبول تاع العضام .

في 2016 دار الخبرة وعطالو الطبيب انابت ,التقرير هذا الاخير راه موجود على مستوى طبيب الثكنة والان طبيب الثكنة راه يخدم في الدوصي لارساله الاسبوع القادم الى بليدة مصلحة الموارد البشرية ..

اعتقد ان اللجنة تصرفه من الخدمة منسوب للخدمة .

وهل اذا تحصل على 10 او 50 منسوبة يحرم من العطب كما قال رفسيف ؟؟؟

كما قال لك رفسيف الله يجيبلاك الخير ان شاء الله .

قاسم مسطفي · 2016-03-02, 11:37

السلام عليكم ورحمة الله وبركاته عندي زوجتي تلقت الفحص الطبي في كلينيك ديار السعادة طلب مني 10 مليون سونتيم سؤالي لعملية جراحية هل عندي الحق روح للبليدة يعطوني ورقة فوت باطل ردو عليا في اقرب وقت

nizar10 · 2016-03-02, 13:05

اقتباس:

المشاركة الأصلية كتبت بواسطة قاسم مسطفي

السلام عليكم ورحمة الله وبركاته عندي زوجتي تلقت الفحص الطبي في كلينيك ديار السعادة طلب مني 10 مليون سونتيم سؤالي لعملية جراحية هل عندي الحق روح للبليدة يعطوني ورقة فوت باطل ردو عليا في اقرب وقت

رانا جاوبناك اخي الكريم

اقتباس:

المشاركة الأصلية كتبت بواسطة nizar10

السلام عليكم اخي الكريم عيادة ديار السعادة متعاقدة مع الضمان الاجتماعي العسكري . انت لك الحق في العلاج فيها مع زوجتك .وللتعامل معها يجب الاتصال بالعيادة واخذ بطاقة التامين العسكرية ديالك + كفالة الزوجة .

ساوافيك بالورقة لاحقاااا

اقتباس:

المشاركة الأصلية كتبت بواسطة nizar10

شاهد العيادات المتعاقدة مع الجيش الوطني الشعبي ...ديار السعادة طب العيون المرادية .

اقتباس:

المشاركة الأصلية كتبت بواسطة قاسم مسطفي

السلام عليكم ورحمة الله وبركاته عندي زوجتي تلقت الفحص الطبي في كلينيك ديار السعادة طلب مني 10 مليون سونتيم سؤالي لعملية جراحية هل عندي الحق روح للبليدة يعطوني ورقة فوت باطل ردو عليا في اقرب وقت

قاسم مسطفي · 2016-03-02, 14:35

السلام عليكم خويا نزار انا رني فاهم بلي ديار السعادة متعاقدة مع الجيش .لي مفهمتوش .انا طلبو مني 10 مليون للعملية كيفاه ندير ان نسكن بعيد علي العاصمة .هل ندفع المال 10مليون ولا نجيب وثيقة من التقاعد العسكري بالبليدة وهما يتكفلو بكولش

nizar10 · 2016-03-02, 15:12

اقتباس:

المشاركة الأصلية كتبت بواسطة قاسم مسطفي

السلام عليكم خويا نزار انا رني فاهم بلي ديار السعادة متعاقدة مع الجيش .لي مفهمتوش .انا طلبو مني 10 مليون للعملية كيفاه ندير ان نسكن بعيد علي العاصمة .هل ندفع المال 10مليون ولا نجيب وثيقة من التقاعد العسكري بالبليدة وهما يتكفلو بكولش

روح لادراص بليدة يخدمولك دوصي واستمارة تعمرها وتمضيها فيها معلوماتك الشخصية وتاع الزوجة ونوع المرض واديه للعيادة . ولازم تروح للصندوق العسكري للتقاعد راهم يدلوك . شكرااا

nizar10 · 2016-03-02, 16:43

الله يرحم الشهداء

nizar10 · 2016-03-02, 17:20

اول مشاركة للاخ المناضل رفسيف في منتدى الجلفة

2011-10-06, 21:02 رقم المشاركة : 210

معناها في 2016-10-06, 21:02 يكون رفسيف عندو اقدمية 5 سنوات

ﺍﻟﺴﻼﻡ ﻋﻠﻴﻜﻢ ﻛﻴﻔﻜﻢ ﻳﺎ ﺷﺒﺎﺏ ﻣﻨﺤﺔ ﺍﻟﻌﻄﺐ ﻧﺸﻮﻑ ﻓﻴﻜﻢ ﻗﻄﻌﺘﻮ ﻟﻴﺎﺱ ﺧﻼﺹ

بلكور · 2016-03-02, 19:31

السلام عليكم ورحمة الله تعالي وبركاته
انها لصفحة جيدة وجميلة لطرح انشغلات فئة من فئات المجتمع
ان شاء الله نستفيد من الصفحة