الجزء 150 من واش طيبتي اليوم..... نورتو غالياتي تفضلوا .....مرحبا بكن - الصفحة 33

ام ساجد · 2015-10-21, 08:17

بسمه صباح الخير ديري مرقة شيفلور وزيدي اقلي معاها بطاطا

ان فاطيمة بصحتكم حبيبتي والحمد لله انو عجبكم وشكرا على الثقة

أم ياسين الزهراء · 2015-10-21, 08:19

ام جوجو على سلامت يماك والحمد لله اللي رجعت لدارها وربي يعينك على الضياف

ام فاطيمة هاتلي حبة الشيكولا امممممممممممم جاك هايل

الكل يوم موفق
غدايا لوبيا الخضرة باللحم والمطلوع ام ساجد راح نجي ناكل الكرعين عندك اقصد الاخطبوط تشفاو لبنات مع ام رامي الله يدكرها بالخير هههههههههههه كانت ايام هايلة

نروح للاشغال الموبدة والله المعين

يوم موفق للكل

البحر الصافي · 2015-10-21, 08:21

صبا الخير ام باسم الكروكي جاك هايل يبان خفيف يعطيك الصحة
ام جوجو مبروك عليك طلعة الوالدة من المستشفى ربي يعطيها الصحة
ام وابنة ربي يعينك اختي وشكرا على الكلام الزين هدا من نبل اخلاقك
دائمة الحمد شكرا على القهوة يجعلها دائمة بطلتك علينا
ام ياسو والرجاء صباح الخير ام حبوبة الصابلي مممم ام باسم تسلم ايدك
سرور يا سرور راكي فتينا كامل بالشطارة ربي يبارك فحلة ونص الخبز
ام ساجد وبسمة صباح الخير
ام فاطيمة تطبيق رائع وسريع يعطيك الصحة
صباح الخير لكل لي يجو بعدي

أم فاطيمة · 2015-10-21, 08:22

ام ساجد و ام ياسو شكرا حباباتي
ام بسمة صباحك اسعد

بسمة2003 · 2015-10-21, 08:25

عندك الحق ام ساجد ما تسلكها غير البطاطا المقلية معاهم
ام فطيمة الكراوسون تحفة تحفة تحفة الله يبارك وزادت بهاتو الشيكولا اممممممم
ام باسم تسلميلي
تفضلو حبيباتي القهوة مع الشيكولا سخفتني ام فطيمة في الشيكولا يعطيها الربح
للامانة الصورة من النت[url=https://up./][/url

ام ساجد · 2015-10-21, 08:27

ام ياسو مرحبا بيك حنونه وجبيلي معاك شوي لوبيا بالخضرة وكثري اللحم ههههه
يا حسرة على ذيك الايامات كانت روعة ،وربي يعينك

البحر الصافي صباح الخير اختي

ام وابنة بصحتك واش شريتي تلبسيهم بالصحة ووليدك ارتاح من يدو

انا نروح نبدا اشغالي ربي يعيني ويعينكم جميعا

بسمة2003 · 2015-10-21, 08:31

[url=https://up./][/urlغدايا الي هو عشايا البارح والحمد لله

omjoujou · 2015-10-21, 08:33

ام ساجد حبيبتي ربي يخليك وسلامك اكيد راح نوصلهولها وبصحتكم اللوبيا امممم
ام فاطمة اميييييييين تعيشي حبيبتي وبصحتك الكرواسون خرجلك روووووووعة
ام بسمة ربي يجعلك ديما فرحانة وزاهية ياىطيبة وبصحتكم الشيفلور
ام ياسين حبيبتي يحمد رايك على خير وبصحتكم اللوبيا والمطلوع
ام باسم وبيسان بصحتك الكروكي والخبز الدار
البحر الصافي ربي يخليك حبيبتي
اسمحولي انا نخليكم يا ربي نكمل التسياق باه نروح لدارنا
حقا قبل مانخرج يا ربي تدخل ام رحاب وطمنا عليها وعلى اخوها
سلااااااام

بسمة2003 · 2015-10-21, 08:33

البحر الصافي صباح الخي حبيبتي
انا ثاني نروح الدار راهي كي الغولة الخدمة ما تخلاصش ربي يعينا
السلاااااااام عليكم
اللهم صل وسلم وبارك على سيدنا محمد

ليلي شاهين · 2015-10-21, 08:35

صباح الخير

البحر الصافي · 2015-10-21, 08:38

اقتباس:

المشاركة الأصلية كتبت بواسطة الرجاء الاماني المجد

ايات بصحتكالبيتز
البحر الصافي المقروط هايل كيفاه خدمتيه راني لاباس عزيزتي
سرور بصحتك الخبزمسبقا
ام امنية الله يسلمك

اسمحيلي الرجاء اختي هدا وين شفت سؤالك
هدا راهو مقيرظ يعني مقروض صغير ساهل انا كان عندي غرس مطحون ومداوي في الثلاجة قلت نديرو للقهوة
الوصفة ساهلة ومضمونة 3كيلات دقيق من الشكارة ميكونش ارطب بزاف وكيلة فرينة وكيلة (نص مرقرين دايبة ونص
زيت) وقرصة ملح وقرصة خميرة حلويات حكي الكل بيديك حتى يدخل ليدام في الدقيق وبلي بشوي ماء زهر مخلط
مع الماء ديريهم في ساشي وابداي شكلي عادي ديري حربوش رقيق على تاع المقروض وقصيهم بالموس مقيرضات صغار كي تكملي سخني الزيت على نار متوسطة وابداي اقلي الكيلة لي استعملتها فنجان حليب متوسط جربي كيلة صغيرة برك حتى تولالفي راهو ما يتحلش خلاص في المقلة وشهية طيبة

اسمهان79 · 2015-10-21, 08:39

للأسف قُضِيَ امر الله
انتقلَ الى الرفيق الأعلى هاذا الصباح ابن خالي خليل رحمة الله عليه

البحر الصافي · 2015-10-21, 08:44

الله اكبر ان لله وان اليه راجعون
اللهم ثبته عند السؤال واسكنه فسيح جنانك
وربي يصبركم اختي اسمهان ويتولى اولاده وزوجته
ان لله وان اليه راجعون

أم فاطيمة · 2015-10-21, 08:46

انا لله و انا اليه راجعون
عظم الله اجركم الاخت ام سهام
ربي يثبته عند السؤال و يجعل مثواه الجنة

أم هبوبة · 2015-10-21, 08:47

صباح الخير
دخلت على خبر وفاة ابن خال العزيزة اسمهان ربي يعظم الاحر و يرجمه و يلهم دويه الصبر و السلوان ان لله و ان اليه راجعون