وصفات حراير الكوزينة الجزء الثاني

[om kamilia]

[u]اسكالوب مفورالبيشاميل[ لسندوسة اسمين /u]

اسكالوب تقطعيهم وديريلهم الملح وشوية زيت زيتون وشوية توم اذا حبيتي


وديريهم يفورو

من بعد وجدي صوص باشاميل
وخلي اسكالوب يتقطر مليح من بعد زيدي عليه الباشاميل تجي روعة

[idron0]

المادلان um alaa
نكيلو بالعلبة تاع الياوورت
3 بيضات
كيلة سكر
كيلة زيت
مغرفة صغيرة لافاني
قشور الليمون
قرصة ملح
كيس خميرة كيميائية
3 كيلات فرينة
نضربو البيض مع السكر مليح و نزيدو الزيت نزيدو لافاني و الملح ممبعد الخميرة و الفرينة و نديروهم ف لي كيسات و لي مول تع المادلان و نطيبوهم
بسسسسس
و ادا تحبي تحشيهم بالشوكولا عمري الكيسات نورمال ممبعد حطي شوية شوكولاطة الدهن و تغطيهم غير بشوية تع لابات باش ما يتحرقوش مالتحت.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

طاجين الزيتون في اكياس الشواء scorpionoir


درت قطع دجاج وتبلتهم بالملح وفلفل اكحل وبصل مرابي رقيق وزنجبيل وكصبر وقطع زبدة وزدت معاه زيتون وشونبينيون حبات مجمولين وزرودية مقطعة وعصرة قارص . خلطتهم مليح في بعظاهم ولحتهم في الكيس وثقبتو وللفور ..ساهل ماهل ومايخمش الماعن ههههههههههههه
كي طاب نحيتو من الساشي وحطيتو في مول والدجاج من فوق باش يتحمر وشعلت من فوق .


إضغط هنا لرؤية الصورة بحجمها الطبيعي.

[هندة 74]

المشاركة الأصلية كتبت بواسطة idron0

قريوش السعيدة بربها سارةum alaa

3عبار فرينة العبر اللي تحبي
نصف كيلة مايزينة ويلا ماعندك عادي ماتديرهاش
نصف كيلة سمن ذايب بارد
مع رشة خل
صفار حبة بيض هو اللي يخليها تجي مقرمشة
1خميرة حلويات
شوية لافاني و تلايمي العجينة بالمزهر والماء

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

باينة تهبل يعطيك الصحة
ياريت توضيح اكثر تعجن العجينة شحال الوقت الي نخلوها ترتاح وكمية الخل ؟؟؟؟؟؟؟؟؟؟

[مرام 92]

المشاركة الأصلية كتبت بواسطة idron0

الخفاف اخت زينب 83

دارت كاس و نص حليب دافىء و مغرف خميرة و مغرف سكر و خلاتهم طلعو و مباعد زادت بيضة فرينة منخولة و خلطت ملييييح ، بلا عجين ، حتى ولات عجينة جارية و ملسة و خلاتها طلعت و مباعد حلت هم رقاق و قلاتهم راهم ساهلييييييين و خفاف.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

شكرا اختي زينب و ربي ينولك ما في بالك

[idron0]

الفوندو almazalina22

طبعا حسب كمية مساحة العجينة اذا كبيرة او صغيرة
فنجان صير حليب ونحط السكر رطب مغربل ونخلط مليح ونزيد ملون ابيض نتاع الميزان باش يجي ابيض ناصع ونخلط لازم كي ترفدي الملعقة وتسيليه يبقى على الملعقة وماتوليش شفافة باش ما يسيحلكش من العجينة واذا جاك خفيف زيدي السكر والعكس اذا ثقيل زيدي الحليب وقبل ما نحطو ننقص كمية ونزيدلها الكاكاو وقطرات حليب باش ندير خطوط وحذاري لالالازم يكون ثقيل باش مايسيحش ويروحلك خساااارة وكوني خفيفة ديري الخطوط وعقبي بالكوردون بالتعاكس.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[idron0]

لي بينيي سندوسة يسمين

500فرينة
حبة بيض
ملح
كاس تاع شاي زيت
م ك خميرة خبز
فاتيلا
نص كاس ماء او حليب
التحضير
نضع كل المقادير مع يعض و ندلكها مليح مدة 15د و نخليها ترتاح و من بعد نحل العجين سمك 1 سم و نقطعها دوائر و نخليها تخمر مليح
ديري الزيت في المقلة و خليه يسخن و اقلي العجين راهم راح يتنفخو ويحمروا غير تنحيهم من الزبت رمديهم في السكر افتحي كل حبة و ديريلها المعجون
راهي بنينة بزاف و مجربة و مضمونة جربوها

إضغط هنا لرؤية الصورة بحجمها الطبيعي.

[idron0]

mounia5 caramel

ديري فنجان سكر حرش +2 مغارف كبار ماء خليهم يغليو على نار هادءة حتى يصبح للون داكن ثم أضيفي نصف فنجان ماء و اتركيه يغلي قليلآ
إذا ساعدتك هذه الوصفة ضاعفى المقادير.

[idron0]

هامبورغر على الطريقة الامريكية ام نور دين

680غ فرينة
2مغارف صغار خميرة الخبز
4مغارف كبار سكر رطب
2مغارف صغار ملح
50غ زبدة
15سل ماء
20سل حليب
4صفار بيض
نخلط النواشف مع بعض
فى كاسرونة نحط الماء والزبدة ونحط فوق النار حتى ت>وب الزبدة كليا نرفع من على النار ونضيف الحليب ونفرغ كلشى على النواشف فى العجانة ونخلط وفى نفس الوقت تتعجن نضيف الصفار الواحدة تلوى الاخرى ونعجن مدة 10دقايق الى 20 د ثم نتركها ترتاح مدة ساعة كاملة من بعد نطرحها اي العجينة ونقطع دوائر او اوفال نتركها تخمر مرة اخرى ثم ندهنها ونطيب عادى

الحشو عادى بطاطا لحم مرحي شلاظة طوماطيش فرماج ومايونيز ولا ديري واش حبيتى .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

كوكا زينب 66

ندير توم فقط نقليه مع الزيت لحم مرحي يتقلى معاه ومبعد ضيفيلو طماطم حب مكرفجة وتبليه بالملح بصح ما تكتريش وفلفل اسود وعكري ودبشة مقطعة رقيق و رشة سكر انا نحب نضيف دائما رشة السكر للاكلات اللي فيها الطماطم باه تعدل الطعم خليها تبرد ومبعد فرشي العجين ومبعد حطي الحشو ادا كان عندك فرماج رابي فوقها وادا ماعندكش لما تطفي للصلصة حطيلها جبن القطع راح يصبح طري ويمتزج مع الخليط ويجي ايضا مليح ودوقو يبان ايضا

بالنسبة لصلصة الجبن ساهلة ماهلة ما تصعبيها ما والو حطي كاس كبير حليب +مغرفة كبيرة فرينة خلطي بارد في بارد حتى تختفي الفرينة ضيفي ملعقة كبيرة زبدة حطي فوق النار وما تتوقفيش عن التحراك حتى تتقال متل الصوص بيشمال في الخير ضيفي قطع الجبن النوع المتوفر عند انا دائما نشري الباربار الكبير نخليه للوصفات هادو لانو زوجي ما يحبش نضيعو الغريار والروج والكوممبار في الطياب يقولي طعام ربي هدا يتاكل مباشرة واش تحبي .خرجت عن الموضوع هههه حركي مليح فقط لدقيقة حتى يدوب الجبن نسيتك في الكمية هده انا نحط 2او3 مغالرف كبار جبن بعد ما تنزعيها من فوق النار ضيفيلها صفار بيضة وامزجي بالخف باش ما تطيبش وهي تخليلك الصلصة تاعك سلسة .

[idron0]

الحميص زينب 66

نشوي الفلفل حلو تقدري تخلطي الحار ادا حبيتي ونحطو في كيس به يعرق مليح وتنزع منو القشرة بسهولة
نشوط الطماطم ايضا انا ندير لكل 5 كرابط فلفل كبار 2حبات طماطم كبار
ونشوط 4او 5 سنينات توم
قشري الفلفل من دون ما تغسليه غير قشري وادا لقيتي صعوبة في بعض الاماكن دخلي يدك برك في الماء ورجعي قشري لانو الفلفل لما يتغسل ما يعود عندو حتى دوق نقيه من مليح قصيه رقيق حطيلو شوية زيت وخليه يطيب شوية وحدو وحد10 د في هدا الوقت ضيفيلو التوم المقطعة رقيق جدا لازم تحطيها تطلق البنة مع الفلفل قبل ما تضيفي الطمامطم انا نحط ملح فقط وشوية كمون ومبعد قطعي الطماطم بعد ما تكوني قشرتيها قطعيها رقيق وضيفيها للفلفل وتركيها تطيب ما تدليش النار تكون متوسطة لما تنشف من الصلصة شوية طفيلو مع كسرة ولبن ولا اروع

[rahma2014]

لي صوشون لام ياسين الزهراء
3 كيلات فرينة 1مغرف سكر و2مغارف تاع القهوة خميرة و 4مغارف زيت الزيتون وخميرة الحلوى والملح ونعجنهم في البيترا ونديرهم في صاشي ونحطهم في فريجيدار حتى لعشية نجبدهم وندير كويرات ونحطهم في طابع تاع الكوكا وندير الحشو اللي تحبي ونقفل عليهم وندهنهم بالبيض ونحطهم يطيبو يجو فرغانين وخفاف

[idron0]

السلق زينب 66

انا نقصو رقيق ونحطو في مقلة ونزيدلو قيس قل من ربع كاي ماء ونغطيه ونخليه يطيب حتى يطيب وينشف من ماه في مقلة اخرى نحط زيت زيتون ونضيفلو بصل مقطع وتوم مدروس في المهراس مع شوية ملح نضيفلهم كمون وراس حنوت وفلفل عكري حلو ونقليهم مليح وادا ما عندكش فلفل عكري ديري ملعقة صغيرة طماطم مصبرة بعد ما يتقلاو ضيفيهم للسلق وامزجيهم خليهم يطيبو مع بعض على نار هادئة ربع ساعة كاين اللي لما يطيب خلاص يخلطو حبة او تنين بيض على حساب كمية السلق وصبوها فوقو تخلطي البيض مع السلق وتتركيها تطيب دقيقتين يجي ايضا روعة .

[idron0]

كيك صالي dadou mascarienne


فيه بطاطا مقلية مكعبات و شوية دجاج كان باقي من الفطور و بيض حسب الحاجة و 2 م ك فرينة و نصف باكي خميرة الحلويات و ملح و فلفل كرام فراش و فرماج
خلطي كلش و ديريه فالمول .

إضغط هنا لرؤية الصورة بحجمها الطبيعي.

[rose white]

طريقة الكرمب المحبشي Lyzzbel
طريقتي في الكرنب المحشي ،، تقطعي بصلة شوية صغيرة بالطول شرائح رقيقة و تقليها في شوية زيت طبعا فالكوكوت ولا الطاجين ما يهمش و تبلي بالملح و الفلفل الاسود و شوييية زعفران و عود قرفة و نصف م ص كمون و تحركي بالملعقة على نار هادية و ترمي كمشة حمص و تمرقي ما تكثريش الما بزاف
و من جهة اخرى تنقي راس تاع كرنب و تنحي الاوراق الكبيرة بالعقل بلا ما تتقطع و اغسليها مليح و فوريها في كسكاس مغطي و لي بقى مالكرنب قطعيه قطع صغيرة و ارميهم فالمرق و اغلقي الكوكوت
مين يفور الكرنب حطيه في اناء واسع يبرد شوية و بالموس نحيله الجزء الغليظ لي يجي في الوسط
و تكوني وجدتي الحشو لي هو كمية من اللحم مرحي متبل بالملح و الفلفل الاسود و سنة ثوم رابي و معدنوس مقطع رقيق و شابلير و كمشة روز تقدري تديري البيض انا ما ندريهش و احشي ورقات الكرنب بطريقة البوراك لازم الجوانب يكونو مغلوقين
حلي الكوكوت بالعقل و ستفي المحشي حبة حدا حبة باش ما ينفتحوووش فالطياب و لي بقى مالحشو دريه دي بولات و خليي كلشي يطيب على نار اقل من متوسطة و في النهاية لاصوص تكون قليلة
و مرات نبدل ،، مين نحشي الكرنب نستفه في بلا تاع فرن و نصفي المرق و نصبه عليه و ندير فوقه قطع صغيرة من المارغرين و رشه فلفل اسود و نغطيه بالالمنيوم و ندخله يطيب فالفرن
تاني ديفوا نخلي كلشي يطيب فالكوكوت و من بعد نحط الكل فالبلا تاع الفرن و بلا ما نغطيه نخليه يتجمر و ندير عليه كمية مليحة تاع فرماج رابي