الجزء 85 من واش طيبتي اليوم يامولات الكوزينة - الصفحة 33

إلهام07 · 2014-08-17, 10:41

اقتباس:

المشاركة الأصلية كتبت بواسطة روضة 88

الهام الطبوزة وش راك ؟

هذوين كنت نهدر مع ام ماجد راه تسلم عليكم دارت الهدرة باطل و تحوس تقرعج عليكم قتلها نديها نهار كامل وانا نهدر منكملش تقلي هذيك وش قالت و هذيك وش حطت و هذيك راحت و هذيك جات ايييييييييييييييييه

لبنات سخفتوني في لبيني وام ماجد ديرو روووووووعة بصح حشمت نقلها ديرولي.

طبوزة وحدك

انا راني ندير في لاطاي نقصت 8كغ انت اللي رايحة تولي دلاعة

زعمة صح سخفتي وحشمتي ولا تلعبي فيها

أنا حابة نديرهم بصح واحد ياكلهم واحد يكرههم يهبلوك نحب ندير حاجة يحبوها كامل

إلهام07 · 2014-08-17, 10:42

أنا عندي تأخر في الدورة لمدة شهرين ونص راني كيما المرأة اللي تتوحم عندي دوخة وغمة وحاشاكم كلي رايحة نتقيا

x ام رحاب x · 2014-08-17, 10:43

سلام حبيبتي سعيدة
نبداو بالعجينة المسمن والمحاجب انا درت السميد تاع مولا مولاكس راه شباب وصفر وزدت معاه يعني اديري 3كيلات سميد واتحطي كيلة فرينة واتحطي الملح واتشمخي لعجينة واتخليها في الصاشي مبللة واتخليها نص ساعة وتعاودي تخرجي لعجينة وتعجنيها مليح وديريها قرصات صغار بالزيت واتخليهم يتحطو مليح امبعد اتوجدي لاصوص تاع المحاجب
لاصوص
توجدي رطل بصل وتنقيه وترحيه شوية برك اتحطيهم يذبلو وترحي شوية فلفل احلو ولتحطيهم مع البصل يدبلو وطماطم تقطعيها رقيق وتخليها معاهم اطيب ودزيدي مغرفة تاع ماكلة طماطم مصبرة وفي الاخير ادزيدي زيتون اخضر تقطعيهم رقيق واتزيدي تخليهم يطيبو كامل حتان يعقدو مليحوفي الاخير توجدي الحم مرحي واتطيبه وع الملح شوية فلفل اكحل وراص الحانوت وتقليهم مليح وتخليه بجيه

امبعد تفتحي مليح العجينة وتعادي تغلقيها كيما راكي تشوفي اتحطي الحشو ومن الفوق اتحطي الحم المرحي وتغلقيها على شكل مربع

وطيبيها في الطاجين

وهادي كي طابت

وهاد المسمن نفس الطرقة المحاجب بصح بلا حشوة

وهادي كامل المراحل حنونة ان شاء الله نكون فهمتك ولو بالقليل

إلهام07 · 2014-08-17, 10:50

مشكورة أم رحاب والله يعجبني طيابك فهمت باللي المحاجب لكل حبة كرية عجين وحدة طريقتك جديدة عليا وعجبتني هكذا مايجيش فيها عجين باف وجي مورقة نقول لماما عليها
حقة قوليلي الكرية ديريها كبيرة شوية ؟ حنا نديرو 2 بصح نديرهم صغار باش نرققوهم مليح

chez biba · 2014-08-17, 10:51

جلبانة بالبيض على الطريقة التقليدية

أم شيماءْ · 2014-08-17, 10:57

صباح الخيرات لبنات راني جيت

idron0 · 2014-08-17, 11:00

اقتباس:

المشاركة الأصلية كتبت بواسطة chez biba

جلبانة بالبيض على الطريقة التقليدية

اختي من فظلك تقدري تقوليلي طريقتك و اسمحيلي على العداب.

إلهام07 · 2014-08-17, 11:00

أوغيسيا حبوبي واش راكي

روضة حاولي تاكلي باعتدال وقسمي أكلك إلى وجبات صغيرة كل 2-3 ساعات هكذا تحافظي على رشاقتك بعد الحمل

رايحة نتغدى ونرجع

rahma4 · 2014-08-17, 11:00

]سلام عليكم

أم شيماءْ · 2014-08-17, 11:05

حبوبتي والكبدة تاعي الهام وشراكي توحشتك يا الكشرودة وين كنتي
اليوم بنتي اية خرجت اول سنة ههههههههههههههه راني فرحانة ضك نروح ندير العيش والشرشم راكم معروضين
الهام يخي جي راكي تنساي

chez biba · 2014-08-17, 11:12

ما كان حتى عذاب اختي من عيوني
جلبانة بالبيض على الطريقة التقليدية

في طنجرة حطي أطراف دجاج مع بصلة وثوم مرحيين وقليهم بشوي زيت، ملحي ولا ديري مكعب جومبو دجاج يجي أحسن
لوحي التوابل تاعك ( فلفل اسود، فلفل عكري، زنجبيل) أمرني غير بشوي ماء وأضيفي الجلبانة والقرنون ( اختياري) وخليهم حتى يطيبو ويترب المرق يبقى فيه غير شوي يكون خاثر
في وعاء خلطي 3 الى 4 بيضات ( حسب كمية الجلبانة) مع مغرف ماكلة عصير الليمون ودبشة ومعدنوس مقطعين رقيق
وفرغيهم فوق الجلبانة حركي وغطي عليهم حتى يتماسك البيض وقدميها بالصحة ولهنا

سعيدة8888 · 2014-08-17, 11:17

اقتباس:

المشاركة الأصلية كتبت بواسطة إلهام07

أنا عندي تأخر في الدورة لمدة شهرين ونص راني كيما المرأة اللي تتوحم عندي دوخة وغمة وحاشاكم كلي رايحة نتقيا

فرغي صندوق الرسائل

chez biba · 2014-08-17, 11:19

اقتباس:

المشاركة الأصلية كتبت بواسطة ouricia

حبوبتي والكبدة تاعي الهام وشراكي توحشتك يا الكشرودة وين كنتي
اليوم بنتي اية خرجت اول سنة ههههههههههههههه راني فرحانة ضك نروح ندير العيش والشرشم راكم معروضين
الهام يخي جي راكي تنساي

الف مبروك :d:d لعقوبة للمشي ان شاء الله، شفتي هاذيك الفرحة ربي يسعدك بيها ويهنيك
يغيضوني مساكن كي يعودو يتعذبو مع السنين
انا ثاني راني جاية ما تنسايش الصور ، الهام ما تكثرش راهي ريجيم

sakura be · 2014-08-17, 11:20

السلام عليكم
صباح الخير
كوزينة مبروكة ومربوحة ان شاء الله اختي بشرى
بصحتكم الكل واش طيبتوا نقرعج ونرجع

idron0 · 2014-08-17, 11:22

اقتباس:

المشاركة الأصلية كتبت بواسطة chez biba

ما كان حتى عذاب اختي من عيوني

جلبانة بالبيض على الطريقة التقليدية

في طنجرة حطي أطراف دجاج مع بصلة وثوم مرحيين وقليهم بشوي زيت، ملحي ولا ديري مكعب جومبو دجاج يجي أحسن
لوحي التوابل تاعك ( فلفل اسود، فلفل عكري، زنجبيل) أمرني غير بشوي ماء وأضيفي الجلبانة والقرنون ( اختياري) وخليهم حتى يطيبو ويترب المرق يبقى فيه غير شوي يكون خاثر
في وعاء خلطي 3 الى 4 بيضات ( حسب كمية الجلبانة) مع مغرف ماكلة عصير الليمون ودبشة ومعدنوس مقطعين رقيق
وفرغيهم فوق الجلبانة حركي وغطي عليهم حتى يتماسك البيض وقدميها بالصحة ولهنا

بارك الله فيك اختي ورب يسلكك على خير ويرزقك الدرية الصالحة التي تقر عينك بها.امين.