الجزء 82من واش طيبتي اليوم**تحضيرات العيد** - الصفحة 33

أم ياسين الزهراء · 2014-07-25, 13:46

ام رجى الوصفة تاع البرسيليات نحب قواطو القارص والنواة كوكو

oum radja · 2014-07-25, 13:58

من عيوني ام ياسين الزهراء
انا موالفة نخدم بوسو بالليمون و هاذ المرة بدلت دت نفس الوصفة بتغييرات في الديكور
انا درت 250غ زبدة مع كاس سكر عادي و4حبات بيض
وكثرت قشور القارص و1خمارة ولمي بالفرينة
من بعد شكلت براسليات رقاق على خاطر يتنفخو في الطياب
جبت عصير 4حبات ليمون كبار
وبديت نزيد في السكر الناعم وكل مرة نذوق حتى ولا كيما السيرو ثقيل وحلو ماشي غلاصاج
غطست البراسليات ورمدتهم في النوادكوكو من الاحسن ديري الاصفر ولا لونيه وحدك وخليهم ينشفو شوية وزينت بالورود بعجينة التزيين
هاذا ماكان وهاذ العبر قطعلي 70حبة

أم إناس · 2014-07-25, 13:58

السلام عليكم اخواتي
ام ياسين يغطيك الصحه المقروط حلوتي المفضلة بصح عمري لا درتو نحبو واجد. بصحتكم
حنان ماشاء الله حلويات روووووووووعه وداءما متحوفين
اليزبال حنونه فحله وبصحتك القاطو
ام رجى حلويات امممممممممم يعطيك الصحه
جيادا. و عازفة الناي الله يخليكم. هذا رابط. وصفة المكارون
https://www.djelfa.info/vb/showthread.php?t=1472023
نهال حنونه يعطيك الصحه حلويات امممممممممم
اماني السلام يعطيك الصحه
سمسومه اهلابيك وشراكي
أندرو بارك الله فيك
ريتاج امممممممم حلويات رووووعه
ولي دارو القاطو كامل يعطيكم الصحه اسمحولي ماذكرتش اسماء راني ننسى. والله يتقبل منا ومنكم

hasna19 · 2014-07-25, 14:02

اقتباس:

المشاركة الأصلية كتبت بواسطة ام ساجد

السلام عليكم وصح فطوركم فطورنا اليوم جاري وبوراك وسلطة وشخشوخة الظفر والحمد لله على نعمته وفضله

وهاذي اليقلاوة كي طابت وعسلتها

وهذا احلى واجمل نيgرو يعطيك الصحة يا ام كوثر يهبل

ماششاءالله كل اطباقك تشهي يعطيك الصحة .....لوسحمتي اعطيني طريقة النيقرو

ساندي 28 · 2014-07-25, 14:02

مساء الخير يعطيكم الصحه بنات حلوياتك تهبل
ام رجا قاطو نتاعك هاااااااااايل عجبنى براسليات الليمون من فضلك الوصفه حبيبتى
ام ساجد يعطيك الصحه وشكرا على التوضيح ادا راكى هنا نحتاجك

liliane24 · 2014-07-25, 14:05

اقتباس:

المشاركة الأصلية كتبت بواسطة أم ياسين الزهراء

تفضلو كواليس درت المقروط

وهدي سينوة القطايف اقصد واش راح يبقى منها ههههههههههههههه

الله يبارك أم ياسين الزهراء يعطيك الصحة ، حبيتك تعاونيني في المقروط راه عمرو ما صلح لي هذي طريقتي أختي و انصحيني أنت او إحدى مبدعات الجلفة
لما نطيبه يبقاو الحبيبات انتاع السميد يابسين رغم أني استعمل مولا و نغربلو ننحي له الأحرش و الارطب و ندير 3كيلات متوسط مع كيلة سمن مذوب و نبسسه نبسسه حتى يولي لونه أبيض كريمي و نخليه يرتااااح و من بعد نبل بالشوية و نخدم .
لما تأكليه تلقاي الحبيبات تتقرمش بين أسنانك أنتاع السميد انصحوني أرجوكم بارك الله فيكم

ام نوردين · 2014-07-25, 14:07

مساء الخير رجعت وملقيت حتى جواب بلييز افيدونى

ام نوردين · 2014-07-25, 14:15

ام رجا قاطواتك ماشاء الله البيضة رايحة تفقس يعطيك الصحة
ام ياسين المقروط يشهي واش من وصفة درتى
لم اناس واش احوالك مع رمضان والحمل ربي يقويك حنونة واش من قواطو درتى
ساندى ليليا حسنى منورين عسولات خلصتو الحلوى ولا مازال
جاوبونى يا الفحلات على سؤالى بلييييز

أم ياسين الزهراء · 2014-07-25, 14:17

ليليان نضن مقروطك ماشبعش الماء يعني تبليه وتفتلي تفتلي برك وتخليك زمان وتوليليو خاصة الدقيق المليح يشرب وشوفي ادا مازالو يتفتت في يديك زيديلو ماء الزهر ولا الماء وانت تفتلي وزيدي ديري كيما انا نجرب حبات ونطيبهم في الفور تاع الدار وكيطيبو نشوف واش خاصو ان شاء الله فدتك تامني بربي قعدت قرن باش تعلمتو كنت نخافو والحمد لله دوقى خرجت عليه لازم ديريه باش تعرفيه

ام اناس لكان جيتي قدامي نبعثلك حنونة تستاهلي كل الخير حتى انا نحب حوايج الناس يجوني خير من انتاعي

ام رجى شكرا على الوصفة باينة هايلة

أم ياسين الزهراء · 2014-07-25, 14:18

ام نوردين درت وصفة العادية 3 كيلات سميد و1 كيلة سمن المدينة دايبة وباردة ونخليه يريح نص نهار ومنبعد نشرب الماء ونطبع

ام نوردين · 2014-07-25, 14:18

الى الملتقى وصحى فطوركم راه راح الحال عليا نحبكم حتى ولو ماجاوبتونيش

أم محمد تاج · 2014-07-25, 14:20

سلام ياغاليات
انتوما مع القاطو وانا مع الطبيخ
من قلب المطبخ ارنوباتي حبوباتي يطيبوووو

وهتذي الدرسة وجدتها كي يطيبو نردهم يحمارو بالدرسة

هههه ام ياسوووو والله ضحكت بالدمووووع هههههههه
حسنا راني نستنى من البارح
ام نهال الغالية اسالي على الباقلاوة راني محربتها هبال
روووعة ام رجاء وام اسلام مممممممممم

liliane24 · 2014-07-25, 14:21

اقتباس:

المشاركة الأصلية كتبت بواسطة ام نوردين

ام رجا قاطواتك ماشاء الله البيضة رايحة تفقس يعطيك الصحة
ام ياسين المقروط يشهي واش من وصفة درتى
لم اناس واش احوالك مع رمضان والحمل ربي يقويك حنونة واش من قواطو درتى
ساندى ليليا حسنى منورين عسولات خلصتو الحلوى ولا مازال
جاوبونى يا الفحلات على سؤالى بلييييز

أنادرت قلوب الجلجلانية و معمول أم رامي و قاطو نص بنص و المقرووووط بصح ما جانيش طيما حبيت و مازال ندير الغريبية

nawel zed · 2014-07-25, 14:24

سلااام الحراير الله الله على القاطوات كل وحدة و لمستها ربي يبارك عليكم راني ندير في صابلي النستلي لام اماني بعد كي نزينوا زعمة النستلي يشيييح نورماال اللي دالراتو تفيدني و شكراااااا

oum radja · 2014-07-25, 14:28

ام محمد تاج لواش كل هاذاك الخير؟؟
والارنب يجي مليح انا عمري ماذقته