الجزء 70 واش طيبتي اليوم سيدتي الفاضلة - الصفحة 33

ام سهام 02 · 2014-04-23, 14:35

عزيزتي دائمة الحمد ان شاء ربي يفرج همك ييسر لك امرك رغم انني لا اعرف ما بك .
ان شاء غير الخير اذا مافيهاش اح راج.

بريق الامل& · 2014-04-23, 14:36

ام برهومي دائما متألقة علاش ما تحليناش كوزينة تمتعينا على مدى اسبوع بلمساتك غدا وعشا حتى نشبعو ههههههههههه

اقتباس:

المشاركة الأصلية كتبت بواسطة oum ibrahim

صباحكم هناء و سعادة
ام ياسين نبعثلك الفرينة و ابعثيلي 2 بيضات ندير بيهم النيقرو نتاع ام محمد هههههههه
عسلاية هذا 90 كيلو شحم و لحم و تقولي قد الغزال ؟؟؟؟؟؟؟؟ههههههههه
هاذو شوية تجارب مطبخية من منتدانا الغالي ربي يحفظلنا الحراير
معجون الفراز ليلوشة اممممممممممم رائع يعطيك الف عافية

وهذا كادو للعسلاية تشهيتهولك اممممممم بارد يقتل ههههه

و هذا اكيد عرفتوه كاشير العسلاية بصخ يا خسارة جاني نوار ايبلون ههههههههه زعمة كثرتلو الصبيغة بصح مابانش فيه لكن الذوق يا خراااااااابيييي رهيييييب حتى سي السيد عجبو قالي نحلو لوزين نتاع الكاشير ههههه

وهنا درتو في العشا مع حميس و بقالي ساندويش و لله الحمد

وهاذي البسطيلة المغربية لغاليتنا الغائبة الحاضرة ام اياد درتها بالديول نتاع الصوامعية فقط الحشو درت الي متوفر جات اممممممم

وهذا تيراميسو درتو ببقايا لاكرام شونتيي و خلطت معاها ياؤورت فراز كما دارت ام اماني يعطيها الصحة

غدايا كما ام محمد رايحة ندير سوب الخضار و الف حمد و شكر لك يا الله
اللهم لك الحمد كما ينبغي لجلال وجهك و عظيم سلطانك

اقتباس:

المشاركة الأصلية كتبت بواسطة المبتدئة

هاني نايضة بلا ماتزيديش عليا نتي تاني هههههههه

بروقتي مبروك عليك الكوزينة وجدتلك الباروك ميالبلوتوت ماحبش يخدم
سؤالي هل نقدر نعوض اللبن في قلب اللوز بالرايب حابة نجربو دوكا ماصبرتش بليز لي جرباتو تقولي

ههههههههههههههههههه نوضي راكي طولتي هههههههههههه
الصراحة خممت نجرب بالرايب وتراجعت رحت شريت لبن الصومام والمرة الي فاتت جربتو بياؤورت طبيعي وعجبني بصح بالبن احسن وبالرايب جربي كونتيتي صغيرة وقولينا اذا ينجح انا درت بلا صغيور برك عبرت بفنجان قهوة كحلة خاطر ما عنديش الي ياكل قلت كل مرة نديرو جديد خير من يبقى ايامات

بريق الامل& · 2014-04-23, 14:37

ام ايناس ثاني غايبة توحشت اطباقها الانيقة المكارون تاعها مممممممممممممم

الأمنيات · 2014-04-23, 14:37

السلام عليكم وصح غداكم كامل
ياتيلا مرحبا بيك وربي يثبت الحمل

جبت لكم تتبردوا

ودرت قاطو براوني بصح بطريقتي هههههههههه انا زوجي مايحبش كاكاو درته ابيض بوقوس هههههه
الوصفه تاعي راني حاطتها في الحلويات

lilouchaf · 2014-04-23, 14:40

بصحتك الامنيات وين صبتي الدلاع الصيف عندكم راهو دخل قبلنا

ام سراج وملاك · 2014-04-23, 14:42

لبنات يعطيكم الصحة لي جربت القلب اللوز تقلي راكم سخفتوني لاشة ندير لحليب في بلاصت اللبن

amina bourennane · 2014-04-23, 14:44

ماكومنتيتوش ليا على حواااااااااااااااااااااااااااااااااااااااااااااااا ااااايجي وااااااااع راني زعفااااااااااااانة

amina bourennane · 2014-04-23, 14:45

سخفتوني بقلب اللوز وشبيكم عليه العشية جاتكم الحمة تاع قلب اللوز و الله انا تاني نود درك نديرو ايا على قول ليدي
فاااااااااااصل و نوااااااصل

بريق الامل& · 2014-04-23, 14:46

اقتباس:

المشاركة الأصلية كتبت بواسطة lilouchaf

رانا كامل رايحين نحطوعصير التشينة في رمضان باه حتى وحدة ما تشهي ختها ههههههههههههههههههه

هكاك خممت انا خخخخخخخخخ قلت عصير التشينة يدير حال في رمضان في كوزينة الفحلات الجلفاويات هههههههه

اقتباس:

المشاركة الأصلية كتبت بواسطة أم ماجد

روضة بصحتك
شفت الديول الصوامعية درتهم ودرت بيهم البسطيلة اممممممممممممم
لماعن وين؟
ام اسلام توحشتك حنونتي ان شاء الله مع رجوع النت ماتغيبيش خلاص
غربة بصحتها جارتك المغربية الغرايف وقلها رانا امة واحدة رغم انف الساسة والسياسيين
ام اسماعيل نفرحني مشاؤركاتك جدا ماتغيبيش يا بنت العلمة هههه

يسلم ذاك الفم الي يعرف يهدر كلنا عرب واخوة وجيران والجار وصى عليه رسول الله صلى الله عليه وسلم
اما ديول الصوامعية راهم في الفافوري

الأمنيات · 2014-04-23, 14:47

اقتباس:

المشاركة الأصلية كتبت بواسطة monalis

لبنات يعطيكم الصحة لي جربت القلب اللوز تقلي راكم سخفتوني لاشة ندير لحليب في بلاصت اللبن

جي بالحليب اختي بصح يكون احسن باللبن
حتى اليايورت الطبيعي يجي بيه

ام سراج وملاك · 2014-04-23, 14:51

اقتباس:

المشاركة الأصلية كتبت بواسطة الأمنيات

جي بالحليب اختي بصح يكون احسن باللبن
حتى اليايورت الطبيعي يجي بيه

يعطيك الصحة اختي قدش ندير ياؤورت طبيعي واذا نديرو باللبن ذوق نتاعو يبان فيه كي تاكليه

بريق الامل& · 2014-04-23, 14:51

حاجة شريتها وعجبتني قلت نوريها لصحاباتي تاع المطبخ
بودر ماء الزهر روعة تزيدي مغرف في قارورة ماء الزهر بنة ونكهة لا تقاوم
طيبت بها لحم حلو الريحة فاحت حتى برى قالتلي الجارة عندك ريحة رمضان
وقلب اللوز به مممممممممممم حكاية اخرى حطيت شوي في العجين وفي الشاربات

ممكن اظافته لماء معدني وتكوني تحصلتي على ماء الزهر
اشروه وخبوه للحلويات الرمضانية كالقطايف وقلب اللوز و الصامصة والبقلاوة و البغرير ولطاجين اللحم لحلو
ان شاء الله طبعا

بريق الامل& · 2014-04-23, 14:52

اقتباس:

المشاركة الأصلية كتبت بواسطة monalis

يعطيك الصحة اختي قدش ندير ياؤورت طبيعي واذا نديرو باللبن ذوق نتاعو يبان فيه كي تاكليه

ما يبانش خلاص دوق اللبن

رياحين الجزائر · 2014-04-23, 14:53

حبيباتي اللي ماعندهاش اللبن ادير الرايب في قرعة وتمخضو يعني اتحو في حجرها وتدي وتجيب وهدا هواللبن ههههه
بورنان يا بورنان واش درتي فيا امممممم ماكان لاه نهدر ديجا تلفت الهدرة

ام نوردين · 2014-04-23, 14:56

السلام عليكم ورحمة الله تعالى وبركاته وصحى غداكم الكل
بصحتك ليكستري بروقة حاجة 444 انا شريتو العام الي فات ومازالنى نسربي فيه و الريحة مازات هي هي يهب ل خطرات نرش شوية منو فى الدار ونقعد نشم فيه هههه

اللهم انفعنى بما علمتنى وعلمنى ما ينفعنى وزدنى علما