يوميات عضوة - الصفحة 33

السراب الحالم · 2014-03-24, 12:39

ربي يعوضكم اختي نورهان هذو هوما السرارقة يعسو غير كشما سبة يسرقو الديار المهم سلامتكم

نخله. · 2014-03-24, 14:51

امينه نورهان الحمدلله لي ما كنتوش حاضرين لوكان كاش ما دارولكم والحمدلله على سلامتكم فاني الدنيا صحيح يغيض بصح يتعوض ان شالله

انا كي خليتكم الصباح درت لغدا فريا وحليت الفريجيدار جبدت كلشي ونحيت كامل لي اكسسوار بصح ما محيتش التريسيتي ما قدرتش نحركها

حت 12 وانا معاها جا السبع تغدينا وراح وغسلت لماعن وزدت كملت طابله مع كراساها تع الكوزينه تع بلاستيك وبيوضه و يتعبو لازم كل يوم يتمسحو وووووووووووو و

وزدت غسلت البورت فوناتر تع الكوزينه ونسيت البرسيان ههههههههه وطلعت توضيت وصليت الضهر ما قدرتش ندوش متعب الليل قبل ما نرقد ندوش باذن الله

نخله. · 2014-03-24, 14:52

ام عبووووووووووووووده ما بنتيش اليوم راكي مع الميناج ؟؟؟؟؟؟؟؟هههههههههههه ان شالله راكي تحوسي نهار تع تحواس راني خايفه راجلي لعشيه يقولي ايا نخرجو راني تعبانه وكثرت عليه من قولت لالا ما نخرجش

ام عبودة · 2014-03-24, 15:07

السلام عليكم خياتي واش راكم
اسمحولي راني ما قدرتش نرد عليكم
برك نورهان سلامة روسكم يا خيتي. والوافدات مرحبا بكم
الصباح راني متت وحييت كان عندي موعد مع كبيب الاسنان وجدت روحي وقبل كنت دوشت دوش سخون مع التكياس ومن السخانة ما طلبتش عليا قهوتي المهم خرجت قلبي داير علي لحقت للطبيب لقيتو مغلوق قلت لراوية هيا ندورو شوي كاش ما نشري غير قلت والله ندخل للصيدلية نقيس الضغط لقيتو ما عندوش الحانوت الاول دخلتاو قلتها رواية رجعيني للكاروسة راني حاسة روحي صفا با
الحاجة اللي قدرت نقولها للسائق اديني للطبيب لحقت مزية دخلوني قبلهم وقاس الصغط قالي نورمال شوي برك هابط بصح عندك القلقة اخرجي ونحي ضيقت روحك يا وخذي منين جاتني القلقة غاظوني ولادي في ذيك الساعة عطاني دواوات وطلببو عليا لا كارت ديتونتيتي قالولي هذا الدواء بالذات ما يتباعش لمن والا راهو بحال لادروغ هههههههه
المهم راني حاسة روح لاباس نخولة لا ميناج ولا والو ههههههههه
من بعد نوليلكم ونرد عليك وحدة وحدة

المستغفرة · 2014-03-24, 18:17

على سلامتك ام عبودة تهلاي في روحك
راكي كيما انا لبارح كي كملت لقاطو زيرني راسي في الليل

كي قست لاتونسيون لقيت لكبيرة16.8
والصغيرة10.3
والله خلعت محبيتش نرقد حتان هبطت شويا
خفت قلت لوكان نرقد نموت
والله الانسان والو لي جات دهمي فيك
ربي يستر
نخلةوشراكي يعطيك الصحة
اخرجي حوسي وعلاه لالا
امينة ربي يعوضك خير
يا اختي الايباد فيه تصاور انا نخاف منهم
ودايرتيلو لكود

ام عبودة · 2014-03-25, 07:39

صباااح الخير خياتي

ام عبودة · 2014-03-25, 07:46

المستفرة ربي سترك
وردي بالك على صحتك مازلتي صغيرة والدنيا تضحك لك
راني رايحة نغيب لظروف صحية ادعولي في ظهر الغيب
ونوصيكم ديرو الخير ولو في الحيوان انا عندي عصافير اليوم كي نظت نصبح عليهم لقيتهم ماتو غاضوووونؤ والله بكيت عليهم
مالفة انا نخرجهم للشمس وكي يطيح الليل ندخلهم البارح مريضة نسيتهم لقيتهم ماااتو والله غاااااضوني
تهلاااو في ارواحكم وصحتكم بالدرجة الاولى
يا رب نولي نصيبكم في الصفحة ..............؟؟؟؟

ياسمين1990 · 2014-03-25, 09:40

صباح الخير عليكم
لاباس عليك اختي ام عبودة والله تحيرت عليك
باه مريضة ربي يجعلك الشفاء ان شاء الله
وترجعينا انشط من الاول امين
اختي المستغفرة لازم تروحي الى الطبيب الان لاطونسيو مهيش ساهلة وانت مزالك صغيرة ممكن تكثري من الملح او الحلويات
حافظي على روحك ومتهونيش الامر ربي يباعد عليك كل شر
ربي يعوضك خير اختي امينة والايباد مخلوف ان شاء الله

المستغفرة · 2014-03-25, 12:40

اقتباس:

المشاركة الأصلية كتبت بواسطة ياسمين1990

صباح الخير عليكم
لاباس عليك اختي ام عبودة والله تحيرت عليك
باه مريضة ربي يجعلك الشفاء ان شاء الله
وترجعينا انشط من الاول امين
اختي المستغفرة لازم تروحي الى الطبيب الان لاطونسيو مهيش ساهلة وانت مزالك صغيرة ممكن تكثري من الملح او الحلويات
حافظي على روحك ومتهونيش الامر ربي يباعد عليك كل شر
ربي يعوضك خير اختي امينة والايباد مخلوف ان شاء الله

والله غير ربي سترني شكرا حنونتي راني حسيت روحي مليحة قلت لوكان تعاود تطلعلي لازم نروح لطبيب

اقتباس:

المشاركة الأصلية كتبت بواسطة ام عبودة

المستفرة ربي سترك
وردي بالك على صحتك مازلتي صغيرة والدنيا تضحك لك
راني رايحة نغيب لظروف صحية ادعولي في ظهر الغيب
ونوصيكم ديرو الخير ولو في الحيوان انا عندي عصافير اليوم كي نظت نصبح عليهم لقيتهم ماتو غاضوووونؤ والله بكيت عليهم
مالفة انا نخرجهم للشمس وكي يطيح الليل ندخلهم البارح مريضة نسيتهم لقيتهم ماااتو والله غاااااضوني
تهلاااو في ارواحكم وصحتكم بالدرجة الاولى
يا رب نولي نصيبكم في الصفحة ..............؟؟؟؟

شكرا غاليتي ايه غير اسكتي برك
ربي حفظني
وانا شكيت في شمس كي رحنا حوسنا
ربي يشافيك وتهلاي طمنينة عليك
شكرا ربي يحفظك لوليداتك ويشافيك و يعافيك

نخله. · 2014-03-25, 13:00

صباح النوووووووووووور
على سلامتكم ام عبودة والمستغفره ان شالله ربي يشافيكم

وربي يرجعلك لينا ام عبوده

نخله. · 2014-03-25, 13:05

انا مزالني درجه درجه مع الكوزينه اليوم بعد ما درت الغدا بديت نفرز فب لي سو بوتاجي دايره فيهم الماعم ما عنديش وين نديرهم خبيت تع العرضات وخليت تع دايمن وزدت خبيت الروبوات وفور تع بيتزا في الكراطن غير الغبره تاكل فيهم

ما بقاليش بزاف فالكوزينه يومين ان شالله ونكملها

وكي كملت لقبت الغبار داير حاله رشيت شوه ما في لحواش باه ما يدخليش لداخل وحبست مع 12 وربع كي جا الزوج تغدينا وخليت الماعن لخاطر السيفون تثقب لعشيه يخدمولي ان شالله

وهذي اشغالي تع اليوم

ام خليل § · 2014-03-25, 13:14

الله يبارك

oum hiba2012 · 2014-03-25, 21:31

الله الله عليكم يا الفحلات ربي يعاونكم ان شاء الله ويشافي كل مريض ان شاء الله ......انا عضوة جديدة ان شاء الله تقبلوني معاكم ونكون خفيفة الظل عليكم وكيما نستفاد منكم اكيد رايحة نفيدكم بالشي لي نعرفو ربي يقدرنا جميعا ان شاء الله.............
انا عندي بنت وولد في زوج صغار الولد 4 سنين والبنت تقريبا عامين......راهم مهبليني بسلامتهم خصوصا ابني راه مزال بالرضاعة يا ريت تنصحوني كيفاش ندير معاه باه نحيهالو......حاولت نحيتهالو قطعلي لحليب وهو مريض عندو فقر الدم وليت رجعتهالو......دبرو عليا كيفاه ندير معاه.....وربي يحفظكم كامل ويسرلكم اموركم ياااا رب

ياسمين1990 · 2014-03-26, 16:20

ان شاء الله تكون بخير ام عبودة

المستغفرة · 2014-03-26, 19:19

سلام عليكم لبنات وشراكم ان شاء الله تكوني ريحتي ام عبودة
وشراكي نخلة مع لقبار راهو داير حالة
ربي يرحمنا بنو تهبط هذا لقبار
ليوم مقذيت والو والله تحت الكوفيرتة حتان لعشية
جات بنت خالي شربنا قهوة
غدوة نصبحوا على التسياق باذن الله