~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[غزالة1]

صباح الورد والياسمين للجميع
اهلا بكل وافدة جديدة تفضلي الدار دارك
يوم موفق للجميع

[ام متين]

اصبحنا واصبح الملك لله
كيف الاحوال يا فراشات ان شاء الله راكم في احسن الاحوال
سمراء شكرا على الاهتمام والرد ويعطيك الصحة والهنا ونظن ان هناك تقاليد وامور لازم نغيروها لان الوحدة تروح للعرس باه تفرح وتريح وتعاون اذاكان العرس قريب لكن نهار كامل وهي تقلي في السفنج بزاف
وزيد المعارك في الموت كيما يقولوناس بكري الموت وا......... ان شاء الله تكون صدقة عليك وربي يرحم اختك وتكون من اهل الجنة كان الله في عون الجميع

[حياتي كلها امل]

السلام عليكم اخت سمراء فيما يخص يوم الجمعة انا شخصيا اقوم الا بالاعمال اليومية الزوج و الاولاد في البيت ومينضوش بكري.
فيم يخص الكراتين الطبيعي فهو يرطب الشعر ويهبطو شوية مايوليش منفخ كيما تاع بنتي.
ويالغزيزة يعطيك الصحة باه ديري سفنج تاع عرس وتعجني 25كيلو سميد راكي مرا ونص الله يبارك ويعطيك الصحة.
هذاك الجدول فيه شوية عدم انسجام بعض الاعمال مع السن للطفل ،انا بنتي 11سنة تقريبا نعطيلها مرات تغسل المواعن تاع القهوة اوتمسح الغبرة او تغسل تبيات تاع الباب واكثر شيء تعملهولي تروح تشريلي من الحانوت.

[ام متين]

chez biba اهلا ةسهلا بك ياشاطرة زارتنا البركة والله انت من بين الاسماء المحفورة في ذاكرتي منذ ان دخلت منتديات الجلفة والاكيك والمؤكد ان الدورةهذه ستكون مميزة ومتالقة بسبب تواجد اسماء قديمة لامعة واسماء جديدة تشع لمعاناp:/]

[حياتي كلها امل]

انا ان شاء غدا اذا كنا من الاحياء راح نبدا المطبخ ،مور الظهر نخرج نشري صوالح التنضيف يخصوني .اما تحضيرات رمضان الكريم ،زوجي صاحبو اعطالو كمية كبيرة من الحشيش المقطفة غسلتها ونشفتها وقطعتها ودرتها في علب والى المجمد .عندي فترة كلما يجبلي برتقال نحي حبة وزوج نضعهم في المجمدة باه نعمل بيهم عصير وراني معولة نرحي الطماطم نطيبها ونتبلها ونخبيها وكذلك الطرشي نشويه ونقيه ونخبيه وراح نرقد شوية حار ونخدم شوية هريسة وان شاء الله لبات فويتي،وكي تبقي سمانة لرمضان حبيت نخدم لفون دو تاغت وكي نحوس نستعملهم نخدم غير لكريم.هذا لاجل ان رمضان الانسان يتفرغ الا للعبادة ميظلش في الكزينة

[حياتي كلها امل]

اخت سمراء عندي سؤال البزار هو راس الحنوت؟اذا كان نعم قوليلي كيفاش تخدميه واش هوما التوابل الي فيه راني حابة نخدمو وماعرفتش

[ام متين]

التحضيرات لشهر رمضان من غير التنظيفات انا بديت بالفريك في السنوات الماضية كانت عجوزتي ويما يحضرو الفريك في الدارينقيوه ويطحنوه ويصفيوه في الدار ثم ولاو يطحنوه في الحانوت ويصفوه في الدار وذرك راني شريتو واجد يقولو نتاع بسكرة الحقيقة ان اخضر وطعم طيب
ثاني شريت الكسبرحب ورايحة نقيه ونطحنو اما الفلفل الاسود موالفة تشريه يما وتنقيه وترحيه يجي ابيض وريحة مليحة لكن هذ المرة راهي مريضة ورايحة نشري الواجد
نزيد الطماطم نرحيها وانا اكثر شيئ نحب نديرو هو البصل نوجدو قبل رمضان بيوم او يومين نرحي البصل ونحطو في اكياس التجميد الصغيرة وكل يوم نجبد كيس او اكثر كذلك الثوم .

[جهينة اليقين]

السلام عليكم كيف احوالكمن اخواتي اعتذ عن الغياب كانو عندي ضياف ندخل برك فالليل نشوفكم واش درتو ونرقد

[جهينة اليقين]

ما شاء الله على التحضيرات للشهر الكريم كيم قالو الاخوات نطيب الطماطم الني ما نديرش تاع البواطة فهي مضرة بالصحة ونزيد نشري الجزر الرقيق لان الكبير راه شارف وننقيه ونقطعو كيم نحب ونغليه دقيقتين ثم فالماء البارد والى المجمد راكم عارفين الاسعار تولي نار من جهة الزوج مسكين يتهنى من هات هات واحنا نتفرغو للعبادة او كل واحدة واش عندها هواية كاين الي توجد شورى للعيد كاين الي تخيط وكاين ,,,,,,, ام متين البصل كي ترحيه وتخبيه لا يتاكسد ؟؟؟ احذري فهو مضر بالحة

[oum sabrin]

السلام عليكم و رحمة الله و بركاته
اسعد الله صباحكم اتمنى تكونو بالف خير
اعتذر عن الغياب الخارج عن رغبتي
ما شاء الله عليكم و على همتكن العالية
سمورة ما شاء الله عليك راكي سوبر وومن ربي يخليلك صحيحتك و يحفظلك عائلتك
تحية عطرة لكل حبيباتي الفراشات كل واحدة باسمها
ترحيب كبير بكل الملتحقات الجديدات
راني مع فكرة توزيع ايام الاسبوع حسب النشاطات يعطي للدورة نقطة نظام و كذلك ما اشارت اليه فراشات العمر بتوزيع المهام .
اليوم نضت بكري دوشت و صليت و درت كسرة او فطير مع القهوة و درت الغذاء ارز بفيلي السمك باني خليتو لزوجي من بعد يقلي حبتو لااني رايحة نتغذى في دارنا
انا تان ما قمتش بالاعمال لي خططتههم هذا الاسبوع ساعيد برمجتها الاسبوع القادم باذن الله
يومكن موفق
سلاااااااااااااااام

[chez biba]

بارك الله فيكن غالياتي على الترحيب هذا من لطفكن .. نتمنى نكون عند حسن ضنكم نفيد ونستفيد

[مفايز]

السلام عليكم ورحمة الله تعالى و بركاته
انا من متابعات هاته الدورة منذ اعلان بدايتها وقد قررت الانضمام اليكن.

[omelbanin]

السلام عليكم ،اليوم بديت على 7:30درت الفطور اول حاجة درت لوبيا ليوم نهار شوية بارد ،راني معولة على الكوزينة قلت للذراري يسرجو غرفتهم ، وانا رحت ليزينيمو هبطت المواعن غسلتهم ،العلب فرغتهم وغسلتهم،وغسلت ليزينيمو من الفوق والداخل وطبعا الابواب
مسحت العلب وعمرتهم (عدس،لوبيا،روز،مقارون ،وخميرة نتا عالخبز،) وضعتهم في جهة وخصصت جهة للوازم الحلوة :الطوابع كامل مع اللمبوط و النقاقش في علبة وحدهم و،الحلال ولابوش ادوي
وجهة للاواني والاخرى للباتور ولبرا ورحيوة نتاع اللحم ورحيوة نتاع الخضرة.
وغسلت العلبة نتاع الخبز وعلب التوابل
ودرت للكويزينيار وغسلت فايونس بنظاف بصح قست شوي الكويزنيار اينوكس بنظاف بقاتلي فيها وحد البلاكا مانعرف اذا تروح
بقاتلي الثلاجةوالطابلة وكراسي اذا كان غدوة نهار مشمس نغسلهم باش نخرج لكراسي للشمس ودوزان نتاع الثلاجة
بالنسبة لتحضيرات الشهر الكريم انا خبيت طرشي مشوي في علب صغار ومين ذاك كي يجيب زوجي الجاج نخبي 2او-3قطع واذا لقيت طرشي لحمر ،عندي اختي تفورو وترحيه وتستعملو عوض الطماطم المصبرة قالتلي الماكلة ما تجيش قارصة
ولو تفضلتو لي عندها الوصفة نتا الزيتون الكاسي (لي مع الحار والخضرة) لي بالزيت لانو زوجي يحبو
واسمحولي على الاطالة

[فايزة1207]

و هذا جدول للاولاد تبانلي يحتاج تعديل لم اقتنع ببعض النقاط

[/QUOTE]
صباح الخير لبنات يومكم طيب ومبارك
اختي سمراء لقيت هاذو يبانو معقولين

[ام امجد14]

ا[color="navy"]لسلام عليكم نحولات اتمنى ان لا تكونى قد نسيتومونى هههههه
ران نطل و نحب نجيكم و يديا معمرين هههه للاسف ماهومش معمرين بزاااااف
والله هدا الاسبوع هبطلى السكر بسبب التعب انا مشكلتى لنارجى بالخف يروحولى و حتى كى نطلعهم يبقى اثرهم على جسمى

ما عملت اعمال كلها بسيطة و اردت المشاركة معكم باش نقوللكم رانى هنا احم احم هههه


المهم شفت فى بعض البيوت يعملو غرفة للغسييل مستحيل انى نعملها فعمل جهة فى الحوش مخصصة للغسيل عملتهلها ديكور و رانى نحاول نبتكر فيه بشرط يكون غسيل تشلال نشير فى نفسس المكان هاك باش ما نكرهش و انا نغسل

غسلت حاشاكم سبابط بناتى و نقيتهم و نحيت منهم الريحة بواسطة بيطاربونات و غلفتهم فى شاشى و خبيتهم للسنة المقبلة ان شاء الله
غسلت جهة من البلاكار غسلتلها الماععنها تهنيت منها
شريت كوموند للمكبخ ضمت فيه اهم الماعن باش يكونو قراب منى

حاولت انى نخفض من مجهودى باعمال بسيطة و ما خليتش الاسبوع يروه فى الريح براااااافو عليا[/color]