الجزء 28 من : واش طيبتي اليوم *** - الصفحة 33

عطرالذهب · 2013-09-18, 20:52

السلام عليكم ومبروك الكوزينة الجديدة عتبة مربوحة انشاء الله

عطرالذهب · 2013-09-18, 21:02

عندي يومين غايبة اكييييد فقدتوني كنت نخدم في قاطو لصاحب خويا رايح يتزوج راني صورت الخطوات وغدوى انشاء الله نحطو موضوع

zahra30 · 2013-09-18, 21:12

مساء الخيير عليكم .... ربي يدوم النعمة ويزيد في العدوى انتاع العناد هههههه .... ما شاء الله على الكيش ...سال لعابي هههههههه ...
برووقة شكرا على السوال .....
و بركاو ما تسخفو فينا ...راني مازال ماستقريتش برك استناو شوية علي ونبدا معاكم ان شاء الله ......
لعشى ابقالي شوية روز زدت معاه شكشوكة وديسار والحمد لله ....

راجية غفران ربها · 2013-09-18, 21:42

فاتاليم ربي يشافيه عاجلا غير اجل ياااا رب و يكون في عون عائلته يااا رب

بروقتي الله يعطيكك ما تتمناي كيفاه طيبتيه على كرلاجة البغرير يعني لازم تكون رطبة انا عندي واحدة حرشة ماهيش مبونسية هه
و الطابونة زايدة للاخر و لا شوية برك
و تخدمي عادي كيما الطاجين....نوريني الله ينورك راني خايفة تطرطق عليا

الهام راني جربت بان كيك هااااايل و روووووووووووعة راهو جاني بين لي كريب و السفنج حاجة جديدة

كي نخلض البغرير نولي لاتورت الجديدة راهي رووووووووووعة

عطر من فضلك تامراحل بكل تعيشي راتا تستناو

أم ياسين الزهراء · 2013-09-18, 21:43

عليه افضل الصلاة

لينا الله يبارك فيك تعجبيني بزاف تمدي كلش ماتبخلي ماتخبي ربي يمدلك الخير ويشافيك ويعطيك على قد نيتك اختي

nihale89 · 2013-09-18, 21:58

مساء الخير حبوباتي
كاش سهرية ولا الدعوة ماكان ماكان
تاي وحاجة حلوةمممممممممممم

islam1aya · 2013-09-18, 22:00

منولة تفضلي
المقادير

400غ سميد رطب نوع مممتاز جاني حوالي بول تع شربة
300غ فرينة حوالي 2كاس
ملعقة كبيرة خميرة الخبز
ملعقة كبيرة حليب بودرة
ملح ملعقة صغيرةماش معمرة
2ملاعق كبيرة زيت
3بيض حجم متوسط
نصف كاس حليب
1خميرة الحلوة
ماء دافئ

طريقة التحضير

درت السميد والفرينة ووخميرة الخبز والسكر والملح وبودرة الحليب وخلطتهم مليح اضفت الزيت وبديت نبل العجينة بالماء ماجرتهاش بزاف وبديت نعجن عادي كما نعجن اي عجينة باش السميد يدير الخيط ويجي مليح بعدين بديت نجري العجينة بالماء كل مرة ندير الماء ونعجن براحت اليد ثم زدت البيض حليتهم بالاصابع في العجينة واضفت نصف كاس حليب ونعجن دائما براحة اليد
حتى نتحصل على خليط جاري نوعا ما
نحط الخليط في قدر نغطيه ونتركه قدام الطبونة شاعلة ونحط الكرلاجة نوع gرانيطونوع الخشين ماشي رقيق و تسخن مليح بعد نصف ساعة نلاحظ الخليط دار فقعات نخلط الخليط بالغراف ونزيد عليه 1خميرة الحلوة ونخلط ببطئ
بعدها تكون الكرلاجة سخنت مليح ادهنيها بصابون الطرف مليح ثم امسحي بطرف قماش فيه شوية زيت وامسحي جيدا ثم ابداي اطيبي وكري العملية بين كل 3 حبات
الزبيب تخليه يتنفخ في الماء الساخن حوالي ساعة منقبل ثم صفيه ونشفيه وغير تحطي العجينة اطيب حطي حبات تع الزبيب من الفوق

طريقة التقديم

قدمتو مع العسل والزبدة