همزة وصل بين أولياء أمور التّلاميذ و المربّين، تبادل للاستفسارات، وُجهات النظر، و النصائح

[serine alger]

المشاركة الأصلية كتبت بواسطة ام الزهراء

السلام عليكم ورحمة الله وبركاته

اولا لايفوتني ان اقدم احر التهاني لعبد المالك ابن اخ سيرين ما شاء الله لاقوة الا بالله على المعدل الممتاز

شكرا أم الزهراء.كيف حال ابتهال.واش راهي مع العطلة.

[عبد الناصر أمازيغ]

المشاركة الأصلية كتبت بواسطة serine alger

أستاذ**عبد الناصر** والله لا أفوت حتى مشاركة .يعني أقرؤها كلها فما بالك بمشاركاتك .والدليل شوف عدد التحميلات. كنت شحال من مرة نحاول نحط**شكرا** ولكن ماتحبش تخرج.
شكرا على الملف اكيد راح نطبعو ليونس لأنو عكس اخوه عادل قالي حبيت نتعلم الحروف بالفرنسية.
بالنسبة لدورة تحسين الخط فكرة رائعة. لأن عادل خطو مايعجبنيش ولكن للأسف لو بديناها قبل .لأني في الأسبوع الأخير تاع رمضان رايحة عطلة.
هادي تاع الشيخ **عبد الناصر**
Ramadhan
Karim pour les membres de Hamzat Wasl

السلام عليكم و رحمة الله و بركاته

تقبل الله صيام الجميع .

أختي أم عادل ، لو كتبت مشاركتك هذه التي اقتبستها في عز النهار نقول غلبك رمضان

أنا قلت الملفان سينسخان و يلصقان في المجلد "polices" الموجود في paneau de configuration، هذا كله من أجل أن نجده في أنواع الخطوط عندما نفتح الوورد ، كما يظهر في الصورة

[~~ أغيلاس ~~]

السلام عليكم و رحمة الله و بركاته؛

أخي عبد الناصر؛ تم الحميل و التطبيق بنجاح؛ لكن صراحة لست أدري ما فائدة هذه الخطوط بالنسبة لنا ؟ ربما يحتاجها تلاميذ السنة الثالثة ؟

أم بدر الدين؛ خولة جد متحمسة للفكرة " دورة تعلم الانجليزية "، تحب العمل الجماعي، و هي تتساءل متى أول درس، مقلقة !

نرجو أن تكون أسماء تتحسن تدريجيا،،، مرض الفيسروس الكبدي أسميه مرض المصريين لأنه ينتشر عندهم بنسبة هائلة جراء قنوات الصرف الصحي، يعني أسماء أصيبت بمرض المصريين ! الغريب أن خولة لما سمعت تلاوتها سابقا قالت لي : تبدو مصرية و ليست جزائرية، قلت لها : بل هي جزائرية أبا عن جد،

ــــــــــــــــــــــــــــــــــــــــــ

صحا فطور الجميع .

[~~ أغيلاس ~~]

المشاركة الأصلية كتبت بواسطة serine alger

اليوم عبد المالك المذيع باش يسقسيه أسئلة في المستوى كان يسقسيه على les copines والمسكين والله يحشم خاطيه كامل.واش نقولو هادي هي بلادنا للأسف مع هاد المذيع عيش تشوف.

شوقتينا باش نشوفو الحوار أكثر، أرجو رفع التسجيل إن أمكن .

[serine alger]

جاري التحميل.ان شاء الله يطلع .لأن الأنترنيت راهي تقييييييلة

[serine alger]

الأستاذ**عبد الناصر** هههههه يعني راني خارج التغطية.مع اللعلم أنا رمضان ما يأثرش عليا.

[serine alger]

وأخييييرا قدرت نحمل هاد المقطع من الحصة تاع اليوم صباحا.
أنتظر اراءكم **والله أدالي بزاف الوقت بصاح كل شئ يهون من أجل أعضاء همزة وصل**.

[أم الولدين]

السلام عليكم وصحا فطوركم
قرابة ساعة باش تحمل
للاسف شيئ يركب الضغط قلبي وجعني بدون تعليييق فيما يخص ان صح تسميته مذيع
وابن خوك باين مسكين حشاااام بصح فاقله وعرف كيفاش يواجهه
وهادوك اعتقد اصحاب ال 18 صح ؟ وكيفاش نعمل واش من حصة نعمل في يوتيب نشوف باقي حواره ان وجدت الوقت
واي جديد سيرين افيدينا
للعلم قبل ان اتحصل على شهادة الباكالوريا من سنييييين كنت دائما انتظر و اتطلع بشوق لرؤية المتفوقين و تكريمهم وكل
شيئ عنهم شيئ ما يدفعني لدلك و لكن ىنداك كانت المعدلات لا تتعدى ال 15
ربي يحفظهم و يوفقهم و يفرح والديهم بيهم
مع انو ماشكيتش مع اولادنا يكون هاد الشيئ هههه مخلطين من ارواحهم ربي يجييب الي فيه الخير ويخرجو صالحين اهم شيئ

[serine alger]

أختي أم الولدين .هادوك اللي كانو معاه ماشي تاع الباك كبار شوية .هادي بمناسبة 5 جويلية جابو شباب من عدة مجالات وعبد المالك هو وحدو بارك تاع الباك ومكاش حديث اخر سجلت بارك واش يخصو ماشي كامل الحصة.

[عطوفة]

المشاركة الأصلية كتبت بواسطة serine alger

أختي أم الولدين .هادوك اللي كانو معاه ماشي تاع الباك كبار شوية .هادي بمناسبة 5 جويلية جابو شباب من عدة مجالات وعبد المالك هو وحدو بارك تاع الباك ومكاش حديث اخر سجلت بارك واش يخصو ماشي كامل الحصة.

أختي سيرين .. ما شاء الله على عبد المالك ربي يسترو ويوفقو ..باين عليه فتى ملتزم متميز بينهم ... وولد أصل بحق ..بارك الله فيه وفي من رباه ..
ربي يحقق كل أمنياته..ويجعل منه مواطنا صالحا. تفخر به الجزائر ..

[أم بدر الدين]

صحا فطور الجميع وتقبل الله من ومنكم

أم بدر الدين؛ خولة جد متحمسة للفكرة " دورة تعلم الانجليزية "، تحب العمل الجماعي، و هي تتساءل متى أول درس، مقلقة !

ان شاء الله قريبا ساوافيكم بالجديد ادعولي فقط ربي اوفقني مع المسؤوليات الكثيرة و الكبيرة التي تحيط بي

رجو أن تكون أسماء تتحسن تدريجيا،،، مرض الفيسروس الكبدي أسميه مرض المصريين لأنه ينتشر عندهم بنسبة هائلة جراء قنوات الصرف الصحي، يعني أسماء أصيبت بمرض المصريين ! الغريب أن خولة لما سمعت تلاوتها سابقا قالت لي : تبدو مصرية و ليست جزائرية، قلت لها : بل هي جزائرية أبا عن جد،

هههه من اي جانب بانتلك مصرية ؟؟؟ مع انها لا علاقة ابدا لا من بعيد ولا من قريب بالمصريين حتى التلفاز لا تتفرج الا امورا معينة و محددة وناذرا ما تكون اللهجة المصرية موجودة بها

ربما لانها تهوى سماع القراء المختلفين و تحاول التقليد هذا كل ما في الامر

اختي سيرين اين هو التسجيل شوقتينا ؟؟؟؟

و كيف حال البقية

اخي عبد الناصر بوركت على البرنامج

[/زهرة عصفور الجنة/]

كيف حال اسماء اختي ام بدر الدين

[أم بدر الدين]

المشاركة الأصلية كتبت بواسطة أولادي سر سعادتي

كيف حال اسماء اختي ام بدر الدين

الحمد لله أحسن لان الالم الذي كان يزعجها على مستوى الكبد تلاشى بعض الشيئ بمفضل مسكن للالم ... الحمد لله الاكل راهي توكل كالعصفور و لكن احسن من ذي قبل جزاك الله كل خير

[/زهرة عصفور الجنة/]

اتهلاي فيها ووكليها انتبيدك كل ساعة
والله كأن احد اولادي مرض
طهورا ان شاء الله
ربي يحفظها ان شاء الله
ارقيها فالعين حق
شفاك الله يا حبيبتي اسماء

[~~ أغيلاس ~~]

السلام عليكم و رحمة الله و بركاته؛

أم بدر الدين؛ قالت عنها مصرية لأن صوتها به تلحين و رقيق نوعا ما ! خولة راهي مقلقة و متشوقة لا تزال تسأل عن الدروس ههه، راكي حصّلتي روحك، أعانك الله،

أم عادل؛ ما شاء الله تبارك الله على عبد المالك، و الله يبدو جليا أنه فتى محترم حَيِيّ و ذو أدب عال، الله يحفظو، أما المذيع جايبها قسرة و ضحك فقط، و الله تمنيت لو تكون الأسئلة جدية لنستفيد نحن و يستفيد باقي الطلبة، أتمنى أن يقوم الموقع الأول للدراسة حوارا معه كما فعل مع متفوقين في السنوات الماضية .