الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 32

ام طيري الجنة · 2016-10-07, 11:09

واش راكي حبيتي ام يسرا ان شاء الله تكوني بخير يا العزيزة و بصحتك الوصفة مسبقا

Oum yousra · 2016-10-07, 11:24

اقتباس:

المشاركة الأصلية كتبت بواسطة ام طيري الجنة

واش راكي حبيتي ام يسرا ان شاء الله تكوني بخير يا العزيزة و بصحتك الوصفة مسبقا

. يسلمك حنونة شكرًا راني لباس و الحمد للاه و خاصة بعودة الغاءبات

*توبــــة* · 2016-10-07, 11:49

يااارب في يوم الجمعة فرج همومنا ويسر امورنا وعجل فرحتنا يااارب

ماشاء الله تبارك الرحمن روااااائع روااااااائع
بيبا حبيبتي ماشاء الله عليك قايمة بدارك وبالتطبيقات والكوزينة تبارك الله عليك
كلشي حطيتيه هااايل .. البسكوي غولي خبز الدار عشاك تاع لبارح.. خاصة الكسرة ماشاء الله.. والبوراك تاني كلشي هاايل ربي يبارك
لونها هااايل تبارك الله عليك كل صبع بصنعة
وتسلميلنا على وصفات اسمهان.. اللي نتمناو تكون بصحة جيدة
وضيفتك العزيزة نورتنا باطباقها وماعينها خخخخخخ رووووعة ماشاء الله ربي يبارك
وغداك لبارح نظن شخشوخة ام الرزايم صح؟؟؟؟ شكلها رااائع ويشهي
والسفنج خرجلك رااائع واللون اروع اما المينو عجبني.. مي انا دارنا اليوم
مايكونوش عندنا عرس تاني.. مي باذن الله نواصل التطبيقات معاكم
اطايب ليزاتي الغالية روووووعة.. البركوكس للتحليات ياااعيني امممممممم كلشي كلشي راائع والله
حبيبتي التقنتة تهبل تهبل.. مي عييت ننطقها مليج ههههههههه عودي صوري بالتابلات
يبانو احسن من التيليفون
ام ابراهيم تارت عيد ميلاد ماماتك هاااايلة تسلم الايادي.. وربي يخليلكم لميمة ويدوم صحتها ياااارب
وحلوى الطبقات تهبببل.. عجبني لون الشوكولا .. انا ديما تخرجلي نوارر
والسفنج رااائع رااائع ماشاء الله.. درتيلو العسل؟؟؟ وتاني المادلان يهبل
يا مخلووقة رايحة تهبليني باطايبك ماشاء الله
اللي طبقو البسكوي رولي كااااامل خرجلكم هااايل .. ام البنين.. بيبا الحبيبة.. ام آلاء..زقزوقة.. حياة.. ام هدول..
وتاني تطبيقاتكم لخبز الدار والسفنج .. كلشي كلشي هااايل.. والله الوحدة معاكم تفحال صح
حيوتة حبيبتي تبارك الله عليك والله فحلة.. الروز.. الحوت.. التحليات.. مي بالشوي على روحك.. طبقتي كلشي ماشاء الله خبز الدار البسكوي..
كون جيتي حذايا نطبق ليا وليك باه تريحي ههههه
وانتي تاني يا ام سارة كون جيتي حذايا والله نبعثلك كل مانلبز
و فرحتيني بتطبيقك للارز حبيبتي... مي علاه عدلتي المشاركة وحذفتي راي راجلك
ههههههههههه والله عادي الاكل اذواق.. احنا ف الدار مستحيل يكون ذوقنا واحد
والديسار خساااارة لحقت عليه روطار
والشوكلا خساارة كون جات مريم هنا رانا قسمناها
صفحة بيضاء يا البسكرية الحرة كلشي من ايديك رااائع ماشاء الله.. وخبز الدار خرجلك هااايل.. وتاني البسكوي تحفة تحفة.. يعطيك الصحة
فاتي يا شاااويتي.. كلشي انم يحلا يبها ربي يبارك.. ربا اميوش الصحث انم
بنات.. راني قتلها كلشي تاعك باهي.. ربي يعطيك صحتك خخخخخخخخخ
عجبني الجو عندكم مع اختك المزوجة كلشي هاايل البربوشة.. الباتيسري
اللي خدمتيه انتي واختك.. من فوق درتيلو الديكوجال؟؟؟ وتاني وش جابت
هي معاها ركزيلي على الخليع ههههههههههههه
واللحم المفور يشهي يشهي يميييييييييييي بصحتكم حنونة
ويعطيها الصحة ماماك الخبز تاعها رااائع ماشاء الله.. ربي يحفظهالكم يااارب
ام آلاء عزيزتي الرولي تاعك هااايل هااايل ماشاء الله .. اعطيني وصفتك والنصائح
مع وصفة بيبا ونزيد نحرف ونطبق هههههههههههه
وتطبيقك لخبز الدار راااائع لونو يهبل والشكل احلى
الحساء يشهي يشهي والمعقودة انا تاني دي فوا يتفتحولي حبات ف الزيت.. نظن المشكل ف نوعية البطاطا
اما البيتزا خرجتلي عينيا يااااااااااي تهبل تهبل وكسرة عجوزتك صح دون تعليق
روووعة.. وانتي اكيد العروسة الفحلة.. ودي عايزة كلام يا بت
جازيا حبوووبتي هاااه وينك يا موصيبة انتي وام سرااج غبتو خلاااص وريما تاني وام تاجو
وخبيزات الشوفلور تاعك يشهو امممممممممم
ام سهام نورتينا ميمتي العزيزة بحضورك وباطايبك كلشي رااائع ربي يبارك
امينة حبيبتي نموووت على قهيوتك تاع لعشية.. ربي ينجحك في قرايتك يا الحبيبة
ويشفيك شفاء ليس بعده سقما
فضيلة حبيبتي حلوياتك رائعة خاصة التارتولات والروز يشهي امممممم
مع الكسرة.. يعطيك الصحة يا الفحلة
ام هدوول حبيبتي الغالية ماشاء الله راكي عقاب التطبيقات كلشي رائع خبز الدار.. السفنج.. البسكوي.. والله تحف من ايديك غاليتي
واللوبيا ببوزلوووف يااااي تشهيتها صح
ام ياسو ميمتي ياادرا درتي التارت لامورتك ورجعت تحبك ولا مزال ههههههههه
اسيا اسوووس يا موصيبة وين راكي هذا... قوليل راكي تخدمي ولا لا؟؟؟ هك باش نقبل
اعذارك خخخخخخخخخ وارشيفك يهبل.. فحلة ماشاء الله
ام البنين حنوونة يعطيك الصحة على تطبيق خبز الدار واللوبيا تفاهمتي عليها انتي وام هدوول
زقزوووقتي البسكوي تاااعك هااااااااايل وشكلو يهبل .. انا ديت هذاك اللي ف الكادر خخخخخخخ
وخبز الدار والله عجبتيني كي خبيتيه ماشاء الله عليك فحلة ربي يبارك
ومقفول الخضار شكلو راااائع والبنة يادرا كي داير .. مي عجبني الخفوفي تاع مول الشي هههههه
بصحتو
ام سدرة غداواتك كاامل شهاوني خاصة البرغر اممممممممممم يعطيك الصحة حبيبتي
ام مؤمن يااا الغالية والله فرحت بزاااف كي طليتي علينا .. المنتدى توحشك صح.. واطايبك رووووعة
ماشاء الله..
ام فضل حبيبتي نورتي الكوزينة بتواجدك معانا
ام نسرين حبووبتي اخطيك من الريجيم وخليك معانا يا الحبيبة هههههههه
وعشا نهاية الاسبوع ماخصو والو رااائع رااائع ورولي الخضار يهبل ماشاء الله عليك يا الفحلة الحرة
وردة الرمال حبيبتي.. ويلا مزال مادرتيش سهرة لزوجك.. عندي ليك مجموعة من الصور تدي افكار
ويلا تحبي نحطهملك حنووونة.. وربي يخليكم لبعضاكم ياااارب
وربي يخليلكم الوالد ويشفيه
ارزاق حبيبتي ارشيفك رااائع.. وشفتي انا تاني كي ندير لمحاجب ويلا ماكليتش الاولى اللي تطيب
ماناكلش خلاص خخخخخخخخخخخخ
كوثر حبيبتي يعطيك الصحة كلشي من ايديك رااائع .. تسلمي حنونة
ام يسرى يا القاورية راكي كي هلال العيد خخخخخخخ توحشت بزاااف اطباقك ولمستك السحرية
ام هاجر تتطبيقك للبيتزا ممتاز... يعطيك الصحة حنونة .. وبوسة لهجووورة اممممح
روضة حبيبتي الغالية توحشتك بزاااف.. يا درا راكي اطلي علينا من الكواليس ولا نسيتينا هههههه
سلامي الحار لام ماجد الحبيبة وربي يشفي والدها شفاء ليس بعده سقما
ام رحاب ام تاجووو.. ام هديل .. كيفكن غالياتي؟؟؟
ام رحاب اطبااقك رااائعة كروعتك ميمتي الغالية.. ونظم صوتي لصوت ام يسرى ونطالب بوصفة الرولي

يااااااااااارب مانكون نسيت حتى وحدة

حياة نور الدين · 2016-10-07, 11:50

صباح النور البنات

انا فطوري اليوم كسكس الحلحال امم بصحتي هههههه
نراجع ونرجع

روضة 88 · 2016-10-07, 11:51

جيت نطل عليكم قبل ما نروح توال والد ام ماجد المهم نحتاج ضروري عصير الرمان .

ام نسرين فرحت بالعودة انتاعك وش راك ووش راه نسرين .

ام يسرى ةام رحاب و باقي لبنات ان شاء الله تكونو ملاح و يدوم النعمة عليكم .

وشكرا لانكم دعيتو لجدي ربي يحفظلكم كل عزيز .

روضة 88 · 2016-10-07, 11:54

دخلت على جال توبة والله ماني ندخل غير ساعات اصلا جيت برك لداري ندي بعض الاغراض ونةلي توال جدي اصلا كان اسبوع صعيييييب علينا راه مريييييض

وسقسيت على عصير الرمان لانه الطبيب طلب ياكل الا الفواكه الحمراء

*توبــــة* · 2016-10-07, 11:58

حبيبتي روووضة والله راني نحوس مالقيتش وصفة لعصير الرمان
وعصير البيطراف تاني يساعدو؟؟؟؟
ويلا نورمال. راهي حطاتو دائمة الحمد في صفحتها.. نحاول نحوسلك على الوصفة
وربي يشفيه ويخليه وسط احبابو وبصحتو ياااارب

حياة نور الدين · 2016-10-07, 12:04

بيبا المونو تاعك هاااايل بصح تامني انا الخضرة والو منخلاف البطاطا هههه قاليب غدوة نقضي امن شاء الله مالا نديروا بطاطا مفورة، مقلية، سلاطة، وجواز خخخخخخ والله من الصباح وانا نخمم واش نديرلهم

ام نسريبن خسارة مشفتش صورك حبيبتي لانهم كباااااار واللي تصاورها كبار منقدرش نشوفهم النت عندي قليلة راكي تسمعي
امهدول ههههه وبصحتك المقفول حنونة

توبة كلامك وجريدتك يردوا الروح روحي يا توبة يا بلنت ام توبة ربي يرزقك الزوج الصالح الحلالي اللي يعرف قيمتك

ام يسرا يعطيك الصحة

روضة اهلاات وسهلااا حنونة وربي يشفي والد ام ماجد ووالد وردة يا رب

ام هاجر صباح النور اختي

ام رحاب اهلاا وسهلااا وربي يبارك في الخير اختي

نانوا صباح النور حبيبتي

ام تاجو ربي يقدرك ويسهلك امورك

اللي نسيتها تسمحلي الصفحات قواو عليااااا ههههه

آسيا 27 · 2016-10-07, 12:12

صبااااحكم خير
الشيرااات شرفوني بالزيااارة
https://www.djelfa.info/vb/showthread.php?t=1999611
ام نسرين يا مرحبا طل القمر ان شاء الله تكوني بخير

nanoua7 · 2016-10-07, 12:32

يصبحكم بانوار النبي اختي حياة ان شاءالله راكي لاباس و بيبا الحبيبة صباح الربح واش الحالة والله ما خممت للعشاء مع الدعوة راها ناشفة هههههه ويكاند يكمل كامل القضيان