الجزء 169 من واش طيبتي اليوم

[ام هدول]

صباح الهنا والمسرات .....
حيوتة ...شكرا على لقيهوة .....بارك الله فيك ..وبصحتك ام البنيين .....ام سيراج ...راكي عندك داكرة ماشاء الله عليك في انتضار صورك ......ام كامي ربي يكون في العون ..التربية صعيبة خاصة في الاشهر الاولى
نراجع ونرجع

[جازيا ام البنات]

صباح الانوار البنات حياة شكرا على القهيوة مانعرف ام البنين خلاتنا شي فنجان ولا شربتها كامل هههههههههههههه
صباح الخير ام البنين وام كاميليا كي صبحتو لباس

[حياة نور الدين]

غوصباح الخير ههههههع
ام البنين، ام هدول، ام كاميليبا وجازية صباح النور وبصحتكم القهوة
ربي يشفي كل مريض ويقدر كل ام واب على تربية اولادهم ويحنن القلوب ويهدينا

[om kamilia]

صباحكم أسعد م هدول , جازيا, حويتة و كل الملتحقات

[ام هدول]

المشاركة الأصلية كتبت بواسطة mosta*limoges

بصحتكم واش حطيتو وواش طيبتو الله يبارك و الحمد و الشكر ل الله على النعمة
أم سراج و ملاك عيد ميلاد سعيد و أم هدول عيد ميلاد سعيد لزوجك ربي يحفظهولك و يخليهولك تاج فوق راسك قلشتيه هههه عندك الصح بصحتكم
فاطمة بصحتكم واش تغذيتو
جازيا أممم سخفتيني بسفنج يعطيك الصحة

المشاركة الأصلية كتبت بواسطة omelbanin

ام هدول، عيد ميلاد سعيد لزوجك، وربي يخليكم لبعضاكم ان شاءالله. ويعطيك الصحة واش طيبتيلو، كلش روعةةةةةةة.
جازيا انت درتي السفنج وانا درت الفطير ولا الرخساس.

المشاركة الأصلية كتبت بواسطة rima.87

السلام عليكم اخواتي في الله
غدانا اليوم كان عدس و الحمد لله لكن ماصورتش ،
جبتلكم القاطو للقهوة تفضلوا


https://www.djelfa.info/vb/showthread...post3996114210

سبحانك اللهم و بحمدك أشهد أن لا إله إلا أنت أستغفرك و أتوب إليك

المشاركة الأصلية كتبت بواسطة أم محمد تاج

سلاماتي يالغوالي وصح قهيوتكم
ماشاء الله وبارك اطاايب والله اطايب ويعطيكم الصحة وخاصة ريمة لي حطت الاقتباسات روووعة شفت كللش وسخفت على كلللش وبغييت كلللش بصح كللش راه يفوت تحت الطابلة اخخخخخخخخخصصصصصصص
ريمة صابريني ضرك حالا بالا نحطلك لي بول دو ناج
ام هدوول والله انت لي ماتتشبعيش حنوونة راني تايهة بين اولادي ربي يحفظهم محمد سنة 4 لازم نوقف معاه راكي تعرفي لاباز تاع الخامسة وتاجوو حبوبي سنة 2 مع لبرنامج الجدييد مافهمت والوو منوو والله خلطووونا وخلطوو الاولاد مساكن راني نظال في قسم الابتدائي ساكنة ثم ههههههه
تؤبشي البي ام هدووول الرفيس تاعش تاع الرخساس ولا تاع الفور ولا المشلوش ولا زيراوي فهمي خيتك راه ماخلا فيا يعطيك الصحة وسنة حلوة لزوجك العمر كله يارب وطبعا انت بجانبوو يارب

المشاركة الأصلية كتبت بواسطة اريج 07

هاي ليك الشيكولا حبيبتي حيوته هههههه كنت راح نشريلك ميلكا لقيتها خلاصت هي و دراجي البيلا لزقزوقتي قالي الحانوت خليتيني في شيكولا هههه قتلوا ياك راني نشري فيها ههههه هاذ ليام نروح لسوبيرات نصرف نشريلكم خير منها وعد

المشاركة الأصلية كتبت بواسطة جازيا ام البنات

ام تاجو انا تاني كيفك راني ساكنة في الابتدائي مروة 4 ابتدائي وايمان سنة1 ابتدائي وبشرى السنة 3متوسط وتخيلي كي يبداو يعيطو ماما كل وحدة تحبني نقابلها غير هي
الله يعطينا الصبر وسعة الخاطربالتوفيق لكل ابناءنا

المشاركة الأصلية كتبت بواسطة أم محمد تاج

كريات الثلج رووعة ويصلحوو مخبز والله رووعة

300غ نواد كوكو و100غ سكر عادي وبيضة ومغرف كبيرة نشاء وبشور 4 ليمونات ونلم بماء الزهر حتى نقدر نشكلوو نخليه يرتاح ساعة ونكوروو او نطبعوو نحطو يطيب حتان يشيح ويصفار فقط من تحت ونقلاصيه بالقلاصاج لي موالفين تخدموو بيه ونرش عليه النواد كوكوو وبريوو كلمسة اخيرة

المشاركة الأصلية كتبت بواسطة أم ياسين الزهراء

للاسف كتبت رد طويل وعريض راح مع الريح والله مانعاودو الله غالب

غدايا وعشايا مقرونة وقليت السردينة والحمد لله

ام محمد الوصفة روعة بصح راي انو نلموها بعصير القارص يييييي تجي روعة روعة روعة

نزنق وان شاء الله يفوت الرد

المشاركة الأصلية كتبت بواسطة حياتي كلها امل

[b]الله يبارك مالقيت علام نعلق على الفطير ولاعلى الخفاف يعطيكم الصحة وجازيا ربي يحفظلنا وليداتنا ووليدات المومنين
انا العشاء مدربلة البيضنجال وزدتلها البطاطا وسلطة واجاص والحمد لله على النعمة

المشاركة الأصلية كتبت بواسطة rima.87

السلام عليكم
تفضلوا بسم الله


الحمد لله،اللهم أدمها لنا نعمة و احفظها من الزوال

المشاركة الأصلية كتبت بواسطة omelbanin

حبيبتي امونة يعطييك الصحة انت وماماك تعبتكم معايا،
مريوممة تلفولي الاسماوات باش نقول الزيراوي قلت الزرير ،هههه،غيرتوني
كي نشوفكم طيبوهم ،حبيت نتعلمهم،
ما قلتلكمش درت تطبيق شكشوكة اللحم تاع حبيبتي رزيقة
واش قلتوووووو.

المشاركة الأصلية كتبت بواسطة اريج 07

هذا عشانا و تطبيقي لتطبيقات
طبقت لحم افيلي بزيت زيتون لزقزوقتي الحلوة
و طبقت سوفلي حبيبتي اسوووم وزدت معاهم لابيري ههههه هذا وين لحقني الحمى خخخخخ
والله روووعة روووعة روووعة اممممم طباسى كملوا و عجبهم طبق زقزوقتي درتلهم غي شوي خفت مايكلوهش ايا عجبهم و قالولي عاوديه ههههه
اما السوفلي قالولي عودي ديري هاذي لابات خفيييييييفة تهبل روووعة مرسي زقزوقتي ربي يعطيك واش متمنية و مرسي حبوبتي اسوم ربي يرزقك بحمود بوعلام في القريب العاجل ههههه

المشاركة الأصلية كتبت بواسطة أم لجين هيثم

عشايا شخشوخة حارة تهبل
b.

المشاركة الأصلية كتبت بواسطة amina 2003

السلام عليكم ورحمة الله وبركاته
عشانا اليوم عصبان و روز
أدامها الله نعمة

المشاركة الأصلية كتبت بواسطة حياة نور الدين

هدا عشانا تفضلوا لوبيا برجلين البوزلوف ودرت اول تطبيق السوفلي والفلان

اولا يعطيك الصحة ونشكركم كامل من كل قلبي على التهنيئات ..والتمنيات ..ربي يباركلكم في وليداتكم واهاليكم ...ويحفضكم من كل سوء .....وكل وحدة فيكم ...يعطيها ربي واش متمنية ......ويحفضلها كل عزيز عليها الف شكر
بصحتكم واش تعشيتو ...كلش رووعة كروعتكن
تطبيقتكم موفقة حيوتة مريومة ام البنين....بصحتكم
امونة بصحتك العصبان بالروز وفكرتني في بناتي ....كي ...يقيم الصراع بيناتهم ..ومانلقاش لمن نمد الحق
جازية ..ام تاجو ربي قدركم مع وليداتك ومع الخالوطة تع البرنامج ولكتبات هاد العام وشكرا على وصفة القاطو
ريمة شكرا على الاقباس والقاطو هيايل وعشاك زيتون ..وبطاطا روعة
ام هاجر بصحتك لمدربل بالبطاطا والبادنجال والسلطة تسخف
مريومة راكي مع الشواكل ......تسمني في روحك ولا كيفاش
حيوتة اللوبيا بزولوف اممممممممممممممم والديسار .....امممممممممممم
ام لجين ديك الشخشوخة يمي يم ....وزيد بالحار ...بصحتك
ام البنين ..الرخسيس مع شكشوكة اللحم لرزيقة فوووور ...ونشكر رزيقة لي راهي تعطنا في ثقافة عن بلاد القبائل ..واكلاتها الرايعة
ام ياسين الزهراء بصحتك المقارون والسردين ....ربي اديمها نعمة
الملتحقات الجدد اهلين بيكم معانا

[جازيا ام البنات]

kaxthoura الله يبارك فيك ومرحبا بيك معانا تفيدي وتستفيدي
توبة الله الله على جرنالك ماتنساي فيه حتى وحدة تبارك اللف عليك
ام ياسو المنتدى راه خاصو تنضيف عميق تكتبي رد يديه الريح تغلطي تجي تعدلي مايعدلكش والافتباسات راها بالوجوه خاصو حالتخميلة تع الصح بصحتك الفطور والعشا تع البارح ويومك موفق
ام هاجر بصحتك المدربل والسلاطة والفاكهة مأكول الهنا حبيبتي قوليلي المدربل كفاش دريه كاش نهار نجربه
ريمة الله يعطيك الصحة عشاك خفيف ضريف بصحتكم
ياعيني على ام البنين اول وحدة تحط التطبيق ياي خرجلك فيلم اممممممممم الله يعطيك الصحة
حمدية حرة مرحبا بيك معانا تفضلي حطيلنا اطباقك نتشرفو بيك
نورصفية اهلا اختي انت تاني فحلة مرحبا بيك
مريومة صح شاطرة ماشاء الله بصحتك التطبيقات واحلى تقييم في انتظار الكروكي راكي قايمة بالكوزينة الله يعطيك الصحة والله كلامك وردودك تفرحني وضحكني ربي يدوم الابتسامة والروح المرحة عليك
ام لجين وهيثم بصحتك الشخاشخ الحارين
امينة 2003 شكرا لانك تقاسمينا صور عشاكم وفطوركم وماشاء الله عليك وعلى مشاركاتك بصح قوليلي الصح شكون لي غلب في المصارعة انت ولا اختك باينة انت لخاطرش جبتيلنا الصورة من قلب الحدث الحمد لله كي بقات شوية نشوفوها مطرح ميسري يمري بصحتكم
حياة شكرا على الدعوة لبشرى ولبناتك بالمثل رانا نعانيو من نفس المشكل في المنتدى وقيلا حاب يحاوزنا ههههههه بصحتكم السوفلي واللوبيا والفلو على قول اريج توحشناه وقيلا حتى انا نشريه ونعمله للبنات
ام سراج وملاك الله يعطيك الصحة الذاكرة راها عندك 10/10 باسم الله ماشاء الله ننتظر الصور بفارغ الصبر باينة حاجة تووووووووووووووووب ننصحك تشاركي في التطبيقات راها كلها شابة وبشهادة لي طبقو
طير الحمامة دوام الصحة والهنا يارب لينا وليك مرحبا بيك معانا
ام هدول صباح الخير على الشاطرات رانا نستناو صور التحلية

[حياة نور الدين]

انا فطوري لوبيا بقاتلي من البارح والحمد الله حمدا كثيرا
ربي يقدرنا على الاشغال
سلاام

[RIMA.87]

السلام عليكم
أحلى ورد لأحلى أخوات في الله من حديقة أمي الغالية ربي يحفظها و جميع أمهات المسلمين


صباحكم اسعد اختي حياة,ام البنين ،ام هدول ،جازيا و كل الملتحقات و الحاضرات و الغائبات
راكي بكرتي قبل الفجر حيووووتة و لا مارقديش
بصحتكم واش تعشيتو اطايب ما شاء الله
تطبيقاتكم قمة في الروووعة اختي مريووومة و ام البنين و كذلك سوفلي خرجولك هايلين حيوتة و اذا بقالك شوية من العشاء بعتيهولي

[om kamilia]

هاذو بعض اطباقي لي صورتهم , كما قلت لكم كاميرا طابلات تخسرتلي

[أم محمد تاج]

صباح النووور والسرووور على الحلويييين المبطبطيييييين
غدايا عدس وخبز من برا تعبانة والله مريوومة تنوض نصاص الليالي تشايخ وتجغجغ وتصبح راقدة وتطفر فيا وفي راجلي قالي راح نحرق للموزمبيق ونخليهالكم هههه
نراجع يالغوالي شوقتوني واش حزرتلكم ام سراجووووو

[أم محمد تاج]

يخرب دباديبك بنت خالي راكي جبتيها جرناان بخط عربي اصيييل هههه تسلمي
احلى صباح ام كاميليا ربي يعينك الشهورة الاولين واعريين
راح نرجع للوراء نشوف توقيع توبة المصيبة ياااااااي

[RIMA.87]

ام تاجوو صباحك فل ياسمين فكرتيني في اختي لي اكبر مني هي تاني عندها مريوومة كيما بنتك تنوض في اليل و اختي خدامة تقولي راني مشتاقة للنووم ،ربي يحفظهم لكم و حميع ابناء المسلمين

ام كاميليا بسم الله ما شاء الله طيابك يشهي بصحتكم ربي يعينك و ييسر امرك ،

ام سراج و ملاك ما شاء الله عليك ذاكرتك قوية ربي يحفظك و يسترك و شوقتييينا لواش رايحة تحطي من اطايب

[RIMA.87]

المشاركة الأصلية كتبت بواسطة حياة نور الدين

انا فطوري لوبيا بقاتلي من البارح والحمد الله حمدا كثيرا
ربي يقدرنا على الاشغال
سلاام

ياك قتلك جيري حسابي في الفطوووور

[أم محمد تاج]

اللهم آمين حبيبتي ريمة ويحفظلك وليداتك يارب
توووبة الحبووبة توقيعك ولا اروع باين عليك رومانسية وشاعرية وحالمة وتكتبي خواطر ياخي???
نخليكم حبيباتي في أمان الله وحفظه راهي ناضت أميرة الأميرات نروح نلبز ونطبز شوي هههه سلاماتي

[ام هدول]

توبة ...كي قريت جرنانك ..سالتين على وقتاش وجت الماكلة وجدتها وصورتها على جالكم ..ولنات حطتلهم الرفيس تغدو بيه ما صبروش والجاري كان عندي من قبل
جازية التحلية ماقدتش نصورها كي يجو لبنان نشوف لكان صوروها هي عبارة عن تالت ولات كبيرة بكريمة الليمون ...اقترحوها عليا لبنات ...علابالهم يحبها باباهم
ام تاجو ربي يخليلك مريومة ...لي تجيب لولاد تنسى طعم النوم ...ام كامليا طابك روعة ....بصحتك
ريمة ....ربي يحفضلك ميمتك وكل الامهات وشكرا على الوردة وهادي هديت لامك ..وكل الامهات

بقالي بعض البواقي وقيلة ندير تطبق لي سوفلي وصيت بنتي تجب معاها العصير كي تخرج من المدرسة ..سلالالام