الجزء 156 واش طيبتي اليوم متعة التذوق مع تكنلوجيا الصورة - الصفحة 32

oum sabrin · 2015-12-17, 19:46

أم لجين هيثم · 2015-12-17, 20:18

مساء الخير على الجميع وصح عشاكم
عشايا بيتزا

أم لجين هيثم · 2015-12-17, 20:25

مشاء الله عليكم كامل حراير تاع الصح
الاخت رزيقة لكروكي خرجلك هايل بصتو زوجك و امك و عجوزك
أم ساجد أطباقك هايلين كي العادة
الاخت حياة بهحتكم العشا راكي نشيطة المنتدى
الاخت حنان أطباقك فن نقعد غير نتفرج فيهم
أم علا يعطيك الصحة درتي لصاحب زوجك عزومة هايلة بصحتو وبصحتكم
أم صبرين بصحتكم العشا
الاخ أم محمد تاج مشكورة على الوصفة تقريبا نفس وصفتي الحشو أنا نعمل كل مرة كيفاه بصح جربيه بالنيسلي كراميليزي و المكسرات ورجعيلي لخبر
اهلا اختي أم سراج وملاك ومشكورة على الوصفات
اهلا أختي توبة واطباقك هايلين .
هذو لي تفكرتهم والبقية نقلكم راكم فور

أم ياسين الزهراء · 2015-12-17, 20:48

ام محمد القاطو علامة نشري المول ونجربو اممممممممممممممم ربي يخليك

راجعت وشفت الخيرات روعة روعة يعطيكم الصحة

الاخت لوتيس كاين وصفة للوهرانية البايلا حوسي في البروفيل انتاعها تلقايها

انا كنت درت الغداء تليتلي وبقالي للعشاء والحمد لله

نزنق شوي

حياة نور الدين · 2015-12-17, 21:31

الله يسلمك ام صبريبن شكراااا على كلامك ماراه عندي والو راني غير قاعدة علاش منعاونش اختي

ام انفال الاء لجين · 2015-12-17, 22:39

السلام عليكم
البنات يعطيكم الصحة كل وحدة باسمها راه فووووووور الله يبارك
هذه طورته لبنتي انفال و الاخرى لالاء

omjoujou · 2015-12-18, 06:35

السلام عليكم ورحمة الله وبركاته
صباح الانوار حبيباتي
الله يبارك على الخيرات لي حطيتوها شفت كلش في الاقتباسات تاع ام صابرين و حيوتة ربي يحفظهم
ام تاجوووووو الغالية مشكورة على الوصفة اكيد قيد التجريب بحول الله
ام سراج وملاك. طل القمر ليك وحشة حنونتي وبوركتي على الوصفات المنقولة في ميزان حسناتك
ام لجين وانفال يعطيك الصحة على التورتات تاع بنياتك يهبلوا يسلموا

ام حمزة وينكي غاليتي طولتي في الغيبة عسى المانع خير
غدايا شخشوخة الظفر لي حابة تعاندني وسلطة وديسار ولله الحمد
سلامي لكل وحدة تدخل بعدي
يومكن مبارك
سلااااااام

oum sabrin · 2015-12-18, 07:40

صباحو ام جوجو و كل الملتحقات بعك
بصحتكم الشخشوخة
اناغذايا بغرير

oum sabrin · 2015-12-18, 07:43

تم اضافة قاطو البالون لام تاجو الى قائمة التطبيقات
التطبيقات في الصفحة 17 المشاركة 246
يوم موفق للجمييييييييييييييييييييييع

wahibaazel · 2015-12-18, 08:08

صباااح الخيرات يا شافات ،ماشاء الله عليكم كتلتونا واش نطبق
و واش نخليو روووعة ،بلا مانذكر الاسماء تحححفة الاسماء راهم في راسي لكن خفت لاننسى.
هل من اخبار على وليد اخ اسمهان يارب يكون تحسن آمين.
الغدا راح نعمل رستة هذي ثاني مرة لكن البارح اشريتها كونجلي ،من فضلكم كيفاه نفورها نخليها تديكونجلا ثم نحلها ونفورها ولا كيفاه الله يستركم انا في الانتظار،وحابة نعرف كي نجمرها خير او نسقيها بالمرقة .بارك الله فيكم.

x ام رحاب x · 2015-12-18, 08:12

السلام عليكم ورحمة الله وبركاته
كي اصبحتو لبنات غدايا اليوم بركوكس

x ام رحاب x · 2015-12-18, 08:14

قهوة الصباح

هاد خبز صبرينة درتو تطبيق روعة هاد الخبز

x ام رحاب x · 2015-12-18, 08:31

ام صبرين شكرا حبيبتي كلامك طيب حنونة واطباقك هايلة بصحتكم
لبنات الله ايبارك عليكم ماشاء الله اطباقكم تحفة كل وحدة باسمها راكم كاملين شافات
البارح شفت توبة اهلا وسهلا ليك وحشة حبيبتي
فطوري اليوم بركوكس

wahibaazel · 2015-12-18, 08:54

ام رحاب اممم تسلم الايادي
يبدو انكن مازلتن نااااائمات انا في الانتظاااااااار

أم محمد تاج · 2015-12-18, 09:11

صباحووووو حبيباتي الحلواااات
اولا نجاوب الغالية وهيبة شوفي حنووونة ديكونجليها راهي دقيقة تديكونجلها وفوريها تفويرتين واذا طرية اسقيها بالمرق احسن على خاطر الرشتة الجديدة لي مايش يابسة تتسقى مرتين في الكسكاس واليابسة تتجمر
التفوار تاعها حبيبتي كيما التليتلي يعني كي تديكونجلا حليها برفق وقطري عليها الزيت وحطيها تفور ونحيها وبخي عليها الماء غير بالشوي وزيديلها الزيت وفوريها اذا عجينتها مليحة راهي ماتحبش التفوار بزاف مرتين يكفيو هك موالفة نديرها حنووونة ليك وحشة وبالتوفيق