موضوع مميز الجزء 17 من واش طيبتي اليوم شاركونا موائدكم الرمضانية - الصفحة 32

الممتحنة · 2013-07-17, 14:33

راني زعفانة سقسيتكم وما جاوبتونيش ، اكياس الشواء ادا زدتلها شوية ماء نثقبها ولالا ؟؟؟؟؟؟؟؟؟؟؟؟ جاوبوني يا فحلات

anaris · 2013-07-17, 14:38

اقتباس:

المشاركة الأصلية كتبت بواسطة الممتحنة

راني زعفانة سقسيتكم وما جاوبتونيش ، اكياس الشواء ادا زدتلها شوية ماء نثقبها ولالا ؟؟؟؟؟؟؟؟؟؟؟؟ جاوبوني يا فحلات

نعم اختي لازم تقعريها باه تتنفس لو كان متفعريهاش راه تتطرطق وكمية الماء لازم ماتكونش بزاف وحطيها في بلاطو ارجو ان اكون افتك

*أم كوثر* · 2013-07-17, 14:38

اقتباس:

المشاركة الأصلية كتبت بواسطة الممتحنة

راني زعفانة سقسيتكم وما جاوبتونيش ، اكياس الشواء ادا زدتلها شوية ماء نثقبها ولالا ؟؟؟؟؟؟؟؟؟؟؟؟ جاوبوني يا فحلات

اختي الكريمة ديري ثقب بالابرة من فوق جنب وين تغلقي وكي تحطي الكيس يطيب تولهي الثقب يكون من فوق باه المرق مابسيحش

الممتحنة · 2013-07-17, 14:40

اقتباس:

المشاركة الأصلية كتبت بواسطة *أم كوثر*

اختي الكريمة ديري ثقب بالابرة من فوق جنب وين تغلقي وكي تحطي الكيس يطيب تولهي الثقب يكون من فوق باه المرق مابسيحش

جوزيتي خيرا ام كوثر ربي يحفظك وصح فطوركم

ام مريم اسراء · 2013-07-17, 14:44

مساء النور لكل الاخوات راني ليوم جبتلكم ضيفة هندكم راني نحبا بزاف و حاطتها في عينيا

انها تارا تارا

حبيبتي اللبانة او ما تسمى صانعة اللبن اكيد الكثيرات تعروفها .... لكن علاش منستغناوش عن اللبن الي نشروه برا مرات يجي حامض بزاف و مرات يجي خاثر و منحكيلكش ا\ا جا خفيف ماء و زيد تقدري تتحكمي في نسبة الملح خاصة عشاق الرايب الي عندهم ضغط الدم المرتفع و الله انا نشوف سعرها راه مناسب واقيلا 2900 و تتمتعي بلبن وقت الي حبيتي و زيد راه السخانة و الحليب نتاع الشكاير بلخف يروب و مرات نشوف عوائل تدفقو
و زيد شوفو كمية الزبدة الي تحصلي عليها من 3 شكاير نتاع حليب البقر نتاع 50 دج

اكيد تقدري تسمقي بيها الطعام المسفوف لانو ذوقها تحفة و الا تحطيها في خبز مطلووه سخووووووووووون مممممم
نعطيكم طريقتي انا جبت 3 شكاير نتاع حليب 50 جطيتو في طنجرة و غطيتو بات لبرة
لغدوة راح تلقاو الحليب راب و انفصل الماء عن الزبدة او الرغوة هنا عندك اختيارين تقدري تتخلصي من الماء نتاعو اذا حبيتيه يجيك ثقيل او تقدري تعملي كيما انا تمخضيه في اللبانة بماء نتاعو باش يجي خفيف و تزيدولو نصف كاس ماء مجمد بارد بزاف و خلوه على الاقل 20 د يعني حتان تشوفي الزبدة طلعت في السطح اجبديها بملعقة و خبيها و زيدي شوية ملح حسب الرغبة و شوية عرعار يتباع عند العشاب و لهذه العشبة فوائد لانها تبعد العطش و تنح النفخ
وشكرا على الاهتمام

anaris · 2013-07-17, 14:52

اختى الممتحنة راني رديت عليك ماشفتنيش

douniazed · 2013-07-17, 15:02

اقتباس:

المشاركة الأصلية كتبت بواسطة أم محمد تاج

أم ابراهيك مائدتك تشهي ياقرعاجة ههههههههههههههههه
ومطلوع الكوشة كانت أمي ربي يرحمها ديرو بصح نقولك السر نشالله نجربو كيما تاعها ونحطوو نشالله والسر هو تحط الطاجين تاع المطلوع داخل الكويزينيار وتخليه يسخن مليح وتحط الكسرة طيب من الوجهين والله خميرة وعليها لكلام يا الله كم اشتقت لك يا امي

والله حتى انا خطرت في بالي فكرة الطاجين لانني ما عنديش صني مقعر وخفت لا ندير صينيات عادييين و يلتصق لي الخبز عليها والله يقولو كلام لملاح ما يتلاح الله يرحم الوالدة تاعك

اولادي حياتي · 2013-07-17, 15:03

اميرة راني وليت علا جالك حنونة ربي يشفيك يا لحبيبة وما تقلقيش روحك دراري كامل هكدا تخدمي ولا تقعدي دائما فوضى انا خلاص استسلمت ربي يكبرهم في طاعتو .
ما تكثريش طياب ديري شربة ومطلوع بزاف كلش راه يقعد والتمر تاني مليح انا اليومين اللولين عييت وحكمتني الفشلة ودوكا وليت نبدا بالتمر ناكل 7 حبات الحمدالله وليت احسن والنهار يجوز تم تم
انا بعد لفطور ندخل راني مشغوووولة ..
صح فطوركم

staifia · 2013-07-17, 15:04

بنات تعيشوا قولولي
حبيت نجرب التشيز كيك نقدر نستعمل ياغورت معطر في مكان الياغورت الطبيعي ولا ما يصلحش؟؟

ladymillion · 2013-07-17, 15:12

اقتباس:

المشاركة الأصلية كتبت بواسطة staifia

بنات تعيشوا قولولي
حبيت نجرب التشيز كيك نقدر نستعمل ياغورت معطر في مكان الياغورت الطبيعي ولا ما يصلحش؟؟

ايه تقدري في حالت التشيز كيك يكون بالفاكهة لي معطر بيها الياغورت و علاش ما تستعمليش les petits suisses احسن

ام احمد وصال · 2013-07-17, 15:16

فطوري اليوم شربة فريك طاجين الحلو وغراتان البطاطا بالبيشاميل تاع امورة الشحرورة ومطلوع
صحة فطوركم

الممتحنة · 2013-07-17, 15:19

اقتباس:

المشاركة الأصلية كتبت بواسطة anaris

اختى الممتحنة راني رديت عليك ماشفتنيش

اسفة اختي لقد رايتها الان فقط لثقل النت، ربي يجازيك ويحفظك ، مشكورة على الافادة حنونة، صح فطورك

kiya · 2013-07-17, 15:19

البارح فطرنا
شربة وسلاطة تاع ورق ومطلوع دارو اا رب يحفظها نست ماصورمش ماكفانيش الوقت
ودرت بيتزا تاع ام كوثر اممممممممممممممممممم جات تقتل راني مزالني حلم بها لدرك
درتها بالجاج والشمبنون

وحدة بالطون

البنة تقتل مانحكيلممش بيتزا هات
في السهرة
درت زلابية البنان تاع ام رامي

وكليتها غير وحدي حتي قالي بابا راكي كليتيها علينا حبسي خليلنا شوية
وديسار

والمثلجات امممممممممممممممممم

ماما تحب المثلجات رحمتها فيهم
الحمد لله على النعمة

staifia · 2013-07-17, 15:21

اقتباس:

المشاركة الأصلية كتبت بواسطة ladymillion

ايه تقدري في حالت التشيز كيك يكون بالفاكهة لي معطر بيها الياغورت و علاش ما تستعمليش les petits suisses احسن

دزيت خويا يشريلي قتلو جيبلي ياغورت ناتيرال مافهمش مول الحانوت راح جابلي المعطر لي ناكلو هداك
طلعلي الدم للراس

خلي نستعمل الموجود وخلاص

صحيتي حبيبتي

staifia · 2013-07-17, 15:24

اقتباس:

المشاركة الأصلية كتبت بواسطة kiya

البارح فطرنا
شربة وسلاطة تاع ورق ومطلوع دارو اا رب يحفظها نست ماصورمش ماكفانيش الوقت
ودرت بيتزا تاع ام كوثر اممممممممممممممممممم جات تقتل راني مزالني حلم بها لدرك
درتها بالجاج والشمبنون

وحدة بالطون

البنة تقتل مانحكيلممش بيتزا هات
في السهرة
درت زلابية البنان تاع ام رامي

وكليتها غير وحدي حتي قالي بابا راكي كليتيها علينا حبسي خليلنا شوية
وديسار

والمثلجات امممممممممممممممممم

ماما تحب المثلجات رحمتها فيهم
الحمد لله على النعمة

اممممممممممم يعطيك الصحة بيبا شهيتيني

حتى جعت ههههههههه
البيتزا تقولها مشريه ياو علابالي بيك فحلة وتقدريلها ههههههههههه

ايمان هادي لي رايحة ندير شوفيها وقوليلي قبل مانكملها راني ندير في الجينواز ضرك
https://www.djelfa.info/vb/showthread.php?t=1019731