الاخت yarasmin26 ترد على استفساراتكم هنا

[*ام عبد الكريم*]

السلام عليكم لو سمحت اختي ابحث عن وصفات بجوز الهند سهلة و بنينة بارك الله فيك

[malak malouka]

svp la pate d'amande préparé la marque el 3asfour je l'utilise cmt ? na3janha wela kifah ndirha ???

[karima1212]

اخت درت عجينة اللوز ولكن جاتني حلوة بزاف عطني اش عفسة نديرها باه تنحي الحلاوة

[HADIL2044]

حبيت تعطوني قاطو مليح يصلح للاعراس بصح ما فيهاش الحشو

[sara-89]

[center][font="georgia"]صح فطوركم محتاجة ليكم دوك خاطر درت عجينة البقلاوة ومع الشغل والتدوار مرجعتش ليها حتى دوك زعما نخدمها لقيتها حجرة ياااابسة كانت فالثلاجة ومنبعد كي وليت مع روحي تفكرت بلي درت 4 عبار فرينة ل عبر ونص زبدة في بلاصة نص عبر وااش ندير راهي تتقطعلي ويابسة طريتها بما زهر بصح مهيش كيما مواالف لتتصلحلي فيدوني [/font][/center]

[nada 94]

السلام عليكم اخوتي

صح فطوركم

معليش نسقسيكم واينا هي الماركة تاع الفرينة المخيرة فالسوق

[binasmile]

السلام عليكم اختي راني حابة وصفة fonfant au caramel نتاع السيدة بن بريم

نتمنى يكون رد في اقرب وقت ولك مني اجمل التحايا واحلى سلام

[Hinda25]

المشاركة الأصلية كتبت بواسطة malak malouka

svp la pate d'amande préparé la marque el 3asfour je l'utilise cmt ? Na3janha wela kifah ndirha ???

معليهش نحاول نعاونك سخنيها على نار هادئة حتى تطرى ثم اعجنيها باانشاءمليح حوالي 2 الى 3 ملاعق نشاء هذي الطريقة سمعتها من عند مختصة حلويات

[امنة الجزائرية]

السلام عليكم

ممكن اختي تدبيرة لو سمحتي
انا عملت مقروط جانيني لعجينة شوية يابسة وليت حليتو لكن الغرس بقى لاصق فيه الدقيقة هل هناك وصفة او تدبيرة حتى لا ارمي الغرس

[yasmin1212]

سلام حبيت ندير قلاصاج يكون مليح ودايما يصلح
لي نديرو ما يصلحش
شكرا

[ريماس وصهيب]

السلام عليكم جانى مقروط النقاش يابس من فضلك قوليلي كيفاه نديرلو

[هبة الفنون]

السلام عليكم من فضلك قوليلي واش ندير كي نعود رايحة نستعمل لي مول سيليكون أول مرة ؟؟؟

[سارة يعرب]

السلام عليكم
ختي ياراسمين حبيت نسقسيك ونسقسي ام رامي البارح طبقت بقلاوة ام رامي بالحرف الواحد مي ماجاتنيش مورقة تمكن تفيدوني مع العلم اني كل مانجربها ماتنجحليش والبارح وانا نطيب فيها بكل قناعة بلي راح تجي مورقة لاني نثق بوصفات ام رامي واليوم تشوكيت كي لقيتها من فوق ومن تحت تقرمش والطبقات معجنة
وهذا الرابط لام رامي
https://www.djelfa.info/vb/showthread.php?t=1380490

[nissa16]

ا ختى ىاراسمىن نشكرك على كل مجهوداتك انشاء الله تكون فى ميزان حسناتك اريد منك وصفة مخبز الفلان

[اناناسة]

السلام عليكم ، الأخت هل يمكن ان تفيدني من ناحيه أنواع حشوات الكعك المسكوتشو يعني أقصد الكريمات