شكون تجي تشجعني نحفظو سورة الحجرات... فقط 3 آيات في اليوم

[ابداع جزائرية]

اللهم صلِّ على سيدنا محمد صلاة ترضيك وترضيه وترضى بها عنّا يارب العالمين
وعلى آاله وصحبه أجمعين والتابعين بإحسان إلى يوم الدين:

وش احوالكم يا بنات ؟
ووش احوال إيمانكم مع الله ؟


ياااااارب تكونو بافضل حال

بدون اطالة
كما العنوان يقول

محتاجة بنات يشجعوني نحفظو كل يوم 3 ايات فقط من القرآن
نبداو من سورة الحجرات
وان شاء الله يباركلنا ربي سبحانه في اللمة
ونكملو المُفصّل حتى سورة الناس
ومن بعد نبداو من سورة البقرة ان شاء الله
عسى ربي سبحانه يكتبنا من الصحبة الطيبة في الدنيا والاخرة
كي نشوف البنات في المنتديات العربية الاخرى يحفظو القرآن
يتدارسونه ويحفظونه
بالعقل بالعقل حتى يكملو السور الكبار
نغيييييير ونتمنى من قلبي
نتنافسو على السور وتطبيقها كما نتنافسو على الاكلات وتطبيقها
دعيت ربي سبحانه بزاااف يرزقني الصحبة الصالحة
التي تعينني على حفظ القران
وأتأمل في هذا الموضوع خير ان شاء الله
اللي غاضتها حالتي
هههههه
ونوات تلتحق لتشجيعي
فضلا لا أمرا تصلّي ركعتين قضاء حاجة
وتدعي ربي سبحانه يوفقنا ويثبّتنا في الحفظ
ويباركلنا في هاذ الفكرة وفي تطبيقها
ويجعل هاذ العمل خالصا لوجهه الكريم خاليا من الرياء والنفاق
اللهم امين

بالله عليكم

شكون فينا ماعندهاش مشاكل
وشكون ماتتمناش يرزقها ربي سبحانه

ويباركلها ويصلحلها الذرية
ننوضو نخدمو ناكلوومنبعد نرقدو
هل هذه هي الحياة؟
ونشتكي خلوّها من السعادة والبركة؟

قال ربي سبحانه في محكم تنزيله:

طه123 .124

اللهم انّا نسألك السلامة

اللي تشكي جفاء زوجها
نقولها قلبه بيد ربي سبحانه
كيفما شاء قلّبه

واللي تشكي عقوق ابنائها
نقوللها
هو من ينبتهم في الارحام
بيده يبدّلهم من حال لحال

اللي تشكي قلّة الرزق

"وَأْمُرْ أَهْلَكَ بِالصَّلاةِ وَاصْطَبِرْ عَلَيْهَا لا نَسْأَلُكَ رِزْقًا نَحْنُ نَرْزُقُكَ وَالْعَاقِبَةُ لِلتَّقْوَى"طه132




واللي يحرق فيها ذنبا ارتكبته وحابّة تتوب
الزمر الآية 53


واللي حابة تتوفّق في دراستها وفي حياتها
واللي تشكي ظلم العباد
واللي تشكي المرض
والّلي ...واللي....

كلّ يصب في مصب واحد
احتياجنا ومبتغانا وااااااحد:
الذِّكْر...القرآن


الحديد الآية 16

تعالو معي يد يبد ان شاء الله نكمّلو حفظ مع بعض
واللي حافظة ماعليش تراجع معانا وتاخذ أجر تشجيع اخواتها
3 آيات فقط في اليوم
والله ماهم بزّاف
ممكن نحمّلو السورة على الميكرو او المحمول
ونسمعوها نهار كامل

كما كنّا نديرو زمان مع الاغاني
غفر الله لي ولكم
كانت الأغنية تخرج جديدة نبقو نعاودو فيها مع شغل الدار
ماتعشّي العشية نكونو حافضينها كثر من مولاتها
ربي يغفرلنا

أنا نحب نسمع من الشيح الحصري رحمه الله
برواية ورش
مخارج حروفه ماشاء الله سليمة وواضحة
وهذا رابط صفحته ورقم سورة الحجرات 49:
https://www.mp3quran.net/husr_warsh.html

واللي تحب القراءة برواية حفص كاين روابط كثيرة
مثلا المقريء الشيخ سعد الغامدي مجزأة سورة الحجرات إلى 2:
تجدنها رقم 49:
https://www.islam.us/mp3.php
واللي تحب تستمع لمقرىء آخر
فقط نقوللها تتحرّى المقرىء اللي تكون مخارجه واضحة وسليمة

واللي ممكن تسجّل في أي جمعية قريبة ليها
لتعليم أحكام التجويد
نقوللها

ونتمنى لو تكون أخت دارسة أحكام التجويد
تشارك معانا
أو أخت حافظة تعاونّي في الموضوع

مانبداوش الحفظ حتى للأحد الجاي بإذن الله
حتى نتيح الفرصة للبنات يشوفو الموضوع ويشدّو الهمم


في المشاركة الجايّة ان شاء الله
نتفاهمو على طريقة الحفظ

نتمنّى من قلبي يكون تفاعل مع الموضوع