الجزء 85 من واش طيبتي اليوم يامولات الكوزينة - الصفحة 32

oumibni · 2014-08-17, 09:57

صباح الخير والمسرات على الجميع ، نهار موفق

Aya69 · 2014-08-17, 09:58

غدايا بإذن الله شخشوخة والحمد لله

أم ياسين الزهراء · 2014-08-17, 09:58

شكرا الهام على بالي اختصاصي فرامج صح ماعجبناش وصامط مافيه حتى طعمة ويبان زبدة انا دابلي بصح مازاد في البيتزا والو

صباح الانوار بنات

نروح للغداء ونشوف واش ندير بناتي عند عمتهم يعني الشغل علي الكل ييييييييييييييييييي

إلهام07 · 2014-08-17, 09:58

نهال ماتتحيريش راهو صيف الغاشي كامل فاكونس وعروسات بقيت غير أنا وعععععععععع سخفت على فاكونس

chez biba · 2014-08-17, 10:00

[quote=أم ياسين الزهراء;3991524731]صباح الانوار
هدا وين نضت شربت قهوتي وجيت لقيت احلى حبيبة بروقة اهلا بيك واش هدي الغيبة توحشنا الارانب واش راهم

غدايا ان شاء الله فريت وكوتلات والسلاطة والبطيخ والبرود رحمة ربي والحمد لله

بيبا خسارة السميد الي عندي كارثة سينو كنت نديرلك مطلوع ونشهيك تقبلي رخساس هههههههههههههه[/

ربي يخليك ام ياسو نعرف قلبك كبير، ربي يعطيك ما تتمناي عزيزتي

صباح الخير ام انوس، ربي يكون معانا وان شاء الله تكوني نتي ثاني بخير، اتهلاي في روحك، البينيي تاعك ما شاء الله

لو كان موش ظهري (ما نقدرش نقعد بزاف) راني درتهم يعطيك الصحة
سعيدة ربي يقبل عليك وصيامك في الجنة

إلهام07 · 2014-08-17, 10:01

آية بصحتكم الشخشوخة بصح ماتكثريش انا ملي بديت الريجيم هذو الأكلات نشوف معاهم ونقنع روحي باللي هذاك العجين كامل يولي شحمة في كرشي ماناكلش :d:d:dالحمد لله عندي شهرين ملي ودعت العجين والخبز الحمد لله

ام ابني صباحك فل وياسمين واش غداك ؟

chez biba · 2014-08-17, 10:05

اقتباس:

المشاركة الأصلية كتبت بواسطة ام عبودة

صباااااااح الخير عليكم
يا صباااح الانوار وعودة الاحباب
مرحباااااا بيكم الكل والكوزينة نورت بيكم
الحمد لله السفر تاجل الى الغد يعني راني بربي رايحة الى دارنا نحضر لختان ولد خويا اول فال لينا
راني مع راوية نوجدو في ارواحنا.
وكان صبت نصور ههههه على خاطر ماما دخلني للكوزينة تلفوني ننسى وين حطيتو هههههه
تهلاووو في ارواحكم

بصحتك ام عبودة ومبروك لولد خوك الختان مسبقا، ان شاء الله تروحي وتجي بالسلامة

oum anas 69 · 2014-08-17, 10:11

آية هاكي حنونة صورتهم و جبتلك جبتهم على جال البيتزا موالف زوجي يهز غير كومومبار و غابي و تاع الثوم و تاع الحب المثلثات و ساعات ينوع أخرين بصح أنا هزيت الروج و القودا هذاك بالكمون
إلهام كيفاش داير البارميزان كاين مرحي واجد و كاين قطعة ترحيه وحدك يجي فوق ليبات يجي قاوي شوية
راني في السابع وقيلا رايحة ندخل الثامن نولد بعملية في أكتوبر الأسبوع 1

chez biba · 2014-08-17, 10:11

اقتباس:

المشاركة الأصلية كتبت بواسطة إلهام07

نهال ماتتحيريش راهو صيف الغاشي كامل فاكونس وعروسات بقيت غير أنا وعععععععععع سخفت على فاكونس

الهام لعقوبة ليك حنونة ان شاء الله تكوني عروسة وتروحي voyage de noce وين تتمنى اختي وvacance مفتوح بردي قلبك، دعوة من قلبي والله، ان شاء الله تكون مقبولة

oum anas 69 · 2014-08-17, 10:12

أم عبودة بصحتك العرس و مبروك لختانة لعقوبة لزواجو
أنا نروح ماقدرتش

chez biba · 2014-08-17, 10:14

ام انس ربي يسلكك على خير ان شاء الله، راكي قبلي انا في نوفمبر بإذن الله وحتى انا césarienne

kaouka · 2014-08-17, 10:24

صباح الخير يا لبنات كملين الهام حبيت نصقسيك على رجيم انا في رمضان نقصت 10 كيلو بصح دوك بديت نرجع هههههههههههه حبيتك tgoliliوش ركي تكلي يعني من البيداي والله ما ني حبا نولي كيم كنت رني نستنا حبيبتي وعله مرحتيش vacances هيا اروحي عقبي تولي

kaouka · 2014-08-17, 10:29

ام انس chez biba ربي يكمللكم ويسهللكم ادعيولي معاكم ربي يرزقني بأولاد صلحين

chez biba · 2014-08-17, 10:35

اقتباس:

المشاركة الأصلية كتبت بواسطة kaouka

ام انس chez biba ربي يكمللكم ويسهللكم ادعيولي معاكم ربي يرزقني بأولاد صلحين

اميييييييييين،ان شاء الله كوكا ربي يرزقك اختي بالذرية الصالحة وكل محرومة وتقر عينكم بيهم يارب وينول لكل واحدة اللي في بالها

إلهام07 · 2014-08-17, 10:39

ممممممممممم أم أنس نوضتيلي الذبانة في راسي لالا هذا جاي طرف ماشي مرحي وماعرفتوش قالولي يتكل مع العنب واش هو ؟ بارميزان ؟ قالولي غالي خفت نفسدو ياخي يجي مع القراتان هذا اللي يتكل مع لعنب
قلت لاختي عمرت عليا نزيد نشريلو العنب ههههههه خبيتو نديرو في قراتان ولا بيتزا خير
ربي يسلكك على خير إن شاء الله حقة طبوز ولا طبوزة ؟

بيا ربي يخليك على بالي من قلبك

كوكا راني مع ريجيم اللقيمات هايل ووزنك يثبت مايرجعش مانقدرش نعطيك رابط منتدى آخر ممنوع بصح نقولك راهو هايل يعني تاكلي كل واش تحبي ماتحرميش روحك من حتى حاجة وزيد نقولك أي ريجيم ديريه ينقص الوزن بسرعة راهو خطأ :
أولا يضر الجسم بحيث يفقد الجسم من الماء والأملاح ويأكل من العضلات يعني يحرق العضلات ( العضلات مهمة للجسم باش يبقى مشدود ) والدهون والشحوم في الجسم تبقى هي هي ماتروحش
ثانيا: الوزن كي يهبط بسرعة تعاودي ترجعيه بسرعة بصح كي تهبطي بالشوية يثبت مايرجعش

على العموم ريجيم اللقيمات ديري في قوقل تقراي عليه روووووعة ينزل ببطء بصح ماينزل كله شحوم

توضيح أكثر كي تهبطي 4كغ بسرعة مع أي ريجيم : 3.5كغ يروحو كامل من الماء والاملاح والعضلات و0.5كغ أو أقل شحمة بصح مع ريجيم اللقيمات كي تهبطي 2كغ يروحو كامل شحمة وبالتالي الأفضل تنزلي 2 كغ مع ريجيم اللقيمات خير من 5كغ مع ريجيم آخر
ونزيدك راهو مستمد من السنة النبوية يعني تدي معاه حسنات