= ¦§¦ = شرح نظام lmd وكل ما يتعلق به = ¦§¦ = اي استفسارات تفضلوا بها هنا = ¦§¦ = - الصفحة 32

yacine-08 · 2013-03-22, 19:48

مساء النور اخي عبد الجليل

اشتقنا لردودك وحيويتك في المنتدى

واش هاد لغيبة .......

ان شاء الله تكون بخير و بصحة وعافية

ومبرووووووك عليك النجاح في غلق السوماستر ، تهنيت منه

منخافش علييييييييييييك علابالي تكون جبته ماجور دو برومو .........

* عبد الجليل * · 2013-03-22, 19:56

ههههههههههه ربي يعزك يا العزيز ربي يخليك اوووووووووواه ماجور دو برومو لالا مي الحمد لله بلعت السوماستر الاول

yacine-08 · 2013-03-22, 20:05

الله يخليك

الحمد لله اخي عبد الجليل

هادوك ماجور دو برومو تقول ماعندهم والو في حياتهم غي الدراسة

واغلبهم تاع حفاظة تطرح عليه سؤال تاع فهامة يحصل ....

سطايفية بكل فخر · 2013-03-22, 20:09

عبقرينو وعلاش راك تقطع فيهم هدي كامل غيرة من لماجور
والله ربي يبارك عليه يقراو وربي عاونهم وعطالهم قد نيتهم
مش كيفنا الشر والتقطاع
لازمنا نماجوريو بشا نكملو ل مد هدا

yacine-08 · 2013-03-22, 21:15

اقتباس:

المشاركة الأصلية كتبت بواسطة سطايفية بكل فخر

عبقرينو وعلاش راك تقطع فيهم هدي كامل غيرة من لماجور
والله ربي يبارك عليه يقراو وربي عاونهم وعطالهم قد نيتهم
مش كيفنا الشر والتقطاع
لازمنا نماجوريو بشا نكملو ل مد هدا

انا راني عبقري تاع بلاستيك ماشي تاع الصح

غلبونا و حشمونا قراية ، هوما يبلعوا ب 18 وحنا ماقدرناش حتى نبلعوا ب 10

معليش نقطعهوا فيهم شوي

.

كم تكوني فرحتي كبيرة عندما اجلب نقطة افضل من الماجور ، انجليزية دائما كنت اجلب افضل منها

.

شـــهاب · 2013-03-22, 20:11

السلام عليكم
عبد الجليل ، أحسن طريقة تبلع بها السداسي هي أنك تخرج كامل الموديلات
راك الله يبارك

سطايفية بكل فخر · 2013-03-22, 20:13

مقتليش اخي معسكر انت كيفاش خرجتهم

شـــهاب · 2013-03-22, 20:17

خرجت جميع الموديلات باستثناء واحد
عندي فيه 4
مي الأستاذ ظلمنا بزاف ، أحسن نقطة مدها كانت 12
كاين وحد العشرة فقط في الدفعة خرجو هذا الموديل ،
و هذا من أسباب الاضراب اللي داروه الطلبة
راني الحمد لله متأكد بلي خرجت السداسي ، مي راني نستنى في المعدل ، راكي عارفة لازم الماستار .

سطايفية بكل فخر · 2013-03-22, 20:29

الحمد لله
بالتوفيق والعقبى للسيماستر الثاني

* عبد الجليل * · 2013-03-22, 20:31

واه نيشان خويا ياسين المهم احنا نبلعوا ونتهناو من الراتراباج

واخي معسكر الجحيم انا عندي 2 موديلات غوكومبونساو بعضاهم والحمد لله بلعت في النورمال

شـــهاب · 2013-03-22, 20:32

الله يبارك فيك

* عبد الجليل * · 2013-03-22, 20:34

وفيك بركة الله يا غالي

شـــهاب · 2013-03-22, 20:44

اخواني فهموني مليح في قضية الماجور دو برومو
واش هي الامتيازات اللي تكون عندو
هل يكونو واحد في السنة أم في السداسي أو في الليسانس كاملة ، و على أي أساس يختاروه !!!

yacine-08 · 2013-03-22, 21:22

اقتباس:

المشاركة الأصلية كتبت بواسطة معسكر الجحيم

اخواني فهموني مليح في قضية الماجور دو برومو
واش هي الامتيازات اللي تكون عندو
هل يكونو واحد في السنة أم في السداسي أو في الليسانس كاملة ، و على أي أساس يختاروه !!!

اهلا اخي معسكر الجحيم

الامتيازات على حسب ما اعرف بالنسبة للكلاسيك

هي انه يتسنى لك الدخول في مسابقة الماجيستير بدون مسابقة ، يعني تسجل مباشرة ماجيسيتر وتكمل دراساتك العليا

يمطكن ان تستفيد ايضا من منحة للدراسة في الخارج وهادي فيها كونكور ، وادا فزت ستدرس في الخارج الماجيستير تاعك

هده هي الامتيزات الدي اعلم بها

واحد لافامي تاعي فاز بالكونكور والان راه يدرس في الصين واتحدت معه دائما في ال s -k-y-pe وراه يحضر حاليا للدوكتوراه

هادو لي يقولوا قرينا جايا عليهم

yacine-08 · 2013-03-22, 21:28

طريقة الحساب لا اعلم بها ، لكن الامور واضحة .

ماحور دو برومو يكون دائما يجلب افضل معدل في كل السنوات

و يكون اول الدفعة /برومو/ و لا يمكن ان تكون ماجور دو برمو للسنة او السداسي بل في كل سنوات الليسانس ، او كل سنوات الماستر .

يمكن ان يكون تلاتة او اتنين الاوائل في الدفعة او اكتر ، لست متاكد بهدا الشأن .

طريقة الحساب ربما يقومون بجمع معدلات كل السنوات و يقسمونها على عدد السنوات و يتم الترتيب يعني يديرولهم الوسط الحسابي .